|
سأموت وحيده وانا متربعة على عرش العنوسه!!!
[align=center]السلام عليكم ورحمة الله
آآآآه يالليل تاتي لتزيد مأساتي ****كل ما رأيت ظلامك تذكرت حياتي اللتي اصبحت اراها ظلام في ظلام كنت في ما مضى من حياتي ارى فيك الجمال***لاني كنت انظر فقط للقمر المنير والنجوم المضيه واسرح في بحر خيالي ****ستصبح حياتي جميله وسأحقق كل احلامي***سأتخرج ن الجامعة واتزوج ومرات اقول لا اتوقع ان اتزوج قبل ان انهي الجامعيه واسرح بفكر عميق ماذا لو حملت هل سأظطر ان اترك الجامعه او أأجل الى ان الد ***واقول في نفسي لان اترك مستقبلي مهما حصل***وابتسم لهذي الافكار ولا يقطع حبل افكاري الا ارتفاع صوت الأذان الله اكبر الله اكبر***وتمر الايام والايام والايام واتخرج من الجامعة واقدم لدراسات العليا وانقبل واتخرج منها وادخل دور لتحفيظ القران واحفظ ما تيسر لي منه ولا اشعر بفرح لكل ما صنعته في حياتي فقد كان هاجسي وكل تفكيري الزواج فقط الزواج هو كان حلمي واملي الاطفال احلم ان اكون امآ ففي قلبي حنان لو توزع على اطفال الدنيا لكفاهم ولاكن اريد ان اعطيه لطفلي آآآآآه بلغت من العمر عتيا الأن ابلغ من العمر 28 هل ياترى سأرى يومآ من الايام الليل كما كنت اراه سابقآ جميلآ منيرآ هل ياترى سأتزوج بعد كل هذا لاعمر ام سأبقى متربعه على عرش العنوسه هل يا ترى سأحمل طفلآ يومآ من الايام يكون خارجآ من بين احشائي ام سأستمر طول حياتي وحيده واموووووووت وحيده لقد اطلت بالموضوع ولاكن ضيقة الصدر جعلتني افضفض لكم عما اعاني قبل ان يقضي عليه الهم والحزن دعواتكم لي بالزوج الصالح عاجلآ غير اجل |
الله يرزقك الزوج الصالح في القريب العاجل
|
الله يرزقك بالزوج الصالح
وتبين الحق محد مرتاح لا المتزوجه مرتاحه ولا اللي مو متزوجه مرتاحه لكن الله يعين وتحري اوقات استجابة الدعاء وان شاء الله تحققين حلمك وما راح انساك من الدعاء |
عزيز نفس اللهم امين
والله يرزقك بكل ما تتمنى وفوق ما تتمنى |
حطموك ياقلبي
وربي صادقه ماحد مرتاح بس المتزوجه اقلها افتكت من هم العنوسه لان كل بنت تحلم يكون لها بيت وزوج واطفال فطره ببنات ادم اسأل الله العظيم رب العرش الكريم ان يعطيك الى ان يرضيك ويفرج عنك كل ه وحزن وكرب اي والله محتاجه دعواتك في ظهر الغيب |
الله يسعدك يا شيخه احس
اول مره احد يدعي لي مثل هالدعوه ولك بالمثل ان شاء الله ولا تياسي يالغلا تري ما بعد العسر الا اليسر وهونيها وتهون ووالله يا اوقات تتمنين العنوسه ولا المشاكل اللي تصير ادعي لي بس اخلص من الزفت اللي ربي بلاني به والصدقه بعد لا تنسيها |
حطوك ياقلبي بإذن الله ماراح انساك من دعائي
بس بدعيلك ربي يسخره لك ويهديه على يدك ويجعلكم اسعد زوجين بالعالم حبيبتي عليك بالثلث الاخير من الليل افرشي سجادتك وادعي ربك الله سميع قريب وقبل الفجر استغفري الين يأذن الفجر قال تعالى (وبالأسحار هم يستغفرون ) وكثري من قول استغفر الله الذي لإله الا هو الحي القيوم واتوب اليه وبإذن الله ربي يجعله قرة عين لك ويجعلك قرة عين له |
. لاتخلي الزواج كل همك بكذا راح تتعبي طنشي الموضوع واششششغلي بنفسسك بأي شششي انا من صار عمري 18 سسنه وانا كل ماانخطبت بعد فتره احس اني ماابي هالشخص وافسسخ الخطوبه واتضايق حيييل من هالشي وارجع انخطب وبعد فتره اككره هالشخص واخاف منه بدون اسباب وكنت بجد متضايقه واقول لي متى راح اظل كذا بدون زواج الحين كل الامر مايهمني بالعكس بديت افكر اني اششتغل واتآجر واعيش حياتي واذا تزوجت كان بها واذا مَ حصصل مو نهاية العالم عادي جدا . اول خطوبه لي كنت حيل فرحانه ثاني مره قلت فرحتي وباقي المرات صار يوم الخطوبه عندي شي عادي جدا لاني اكون حاسسه ان هالزواج ماراح يتم مدري كذا بداخلي هالاحساس ويصدق . وقت مااشلت فكرة الزواج من بالي صرت احسسن وصارت نفسيتي مره تمام اوقات قليله افكر واقول لو يصير عندي اطفال وو بس ع طول اقطع هالافكار وابدأ اخطط لحياتي افكار واحلام بعيده عن الزواج . اللي ابي اقوله لك اذا خليتي هالشي كل همك راح تتعبي واذا هونتي الموضوع صدقيني راح يهون هذا نصيبك من الحياه ومااحلى الرضضاء بالقضاء والقدر . وع فكره ترا عمرك 28 يعني توك مو كبيره ولا عانس وباقي قدامك فرص للزواج =) الله يوفقك يَ رب ويرزقك بالزوج الصالح اللي يسعدك وتسعديه " ترا هالوقت عندنا بين الاذان والاقامه لصلاة الفجر " |
اقتباس:
ما ابغى اصوم وافطر على بصله ابغى زوج صالح يسعدني مو يتعسني ياقلبي عليك اسأل الواحد الاحد الفرد الصمد ان يحقق لك كل ما تتمنين ويرزقك بالأنسان اللي يسعدك ويهنيك وربي فرحة بدعوتك ودعوات الاعضاء قسم بالله دخلت والهم ذابحني والحين وربي ارتحت بعد دعواتكم وموأساتكم لي الله لا يحرمكم الاجر |
الله يفرج همك
اقتباس:
ولو فقير ربي يغنيه بفضله لين توفرت في الرجال هالشرطين أهم شي وأنا أشوف شباب من العائله يرفضون بصراحه أقول مجنونه إلي رفضتهم البنات تتخيل إلي بتتزوجه لازم يكون الشخص إلي فيه كل الصفات المثاليه وفي الاخر تعنس وتظطر توافق علي إي شخص لو كانت الثانيه اقتباس:
أختي الله يرزقك الزوج الصالح إلي يقر عينك ويعطيك من حيث لاتحتسبين وبنات المسلمين |
سأموت وحيدة
حبيبتي ... كلامك يزيد همي والله .... ليش كذا تفكيرك ... وليه يعني ماعندك أهل يوم انك تموتين وحيدة ؟؟؟؟ وبعدين لحظة انت 28 ؟؟؟ توك صغيرة ... وانت شايفة هالوقت البنات يتأخرون بالزواج فسنك جدا مناسب للزواج .... أجل لو مثلي .؟؟ كيف بتكون نفسيتك ؟؟ وتوني طالعة خطوبة متفركشة وما أقول إلا الحمدالله وربي كاتب لي أحسن منه ... انت عارفة كم عمري ؟؟؟ 30 سنة بالتمام ؟ وحكاية تصومين وتفطرين على بصلة ... رجاء شيليها من بالك ... لأنك بالأخير بتصطرين تقبلين بأي كان ... واسأليني أنا ... وأنا أصلا ماقد رديت أحد في الماضي أيام 26 وأصغر .. المطلق وعنده أطفال والمتزوج فقط هو اللي كنت أرده ... وحتى المدخن ماعندي مشكلة .. ومع ذلك مالله كتب لي نصيب معهم ... شيلي هالأفكار من راسك عيشي حياتك ،، والزمي الدعاء والإستغفار والصدقات .. وربي ان شاء الله بيفرجها علينا وعليك |
اقتباس:
كلما أحببتي أن تفضفضي فهذا المنتدى فاتح لك صدره ونحن نسمع لك ونشاركك همومك فكل منا لديه من الهموم مالله به عليم وكل منا محتاج أن يخفف عن نفسه بالفضفضه أسئل الله بمنه وكرمه أن يرزقك بزوج صالح تقي نقي تكونون قرة عين لبعضكما وان يسعدكما في حياتكما وأن يرزقكما بالذريه الصالحه وأن يجعلكم من عباده الصالحين .........شااااب |
الله يهديك بس وش هالتفكير ذا، لما قريت العنوان والله العظيم راح بالي أن عمرك 38 او 39 او حتى أربعين، توك ياخيتي والله أنك صغيرة، وماشاء الله عليك معك دراسات عليا وبنت محافظة والله كلن يتمناك، والله لو أعرف بنت زيك كان خطبتها لأخوي ..
تفائلي وأدعي ربك وماعليك راح تكوني بحول الله زوجة وأم صالحة.. |
بصراااااحة تخيلتك تمشين على عصا وشعرك كله شيب
ورافعه صبعك تنتظرين الموت علشان تشهدين :29: عمرك 28اكثر البنات الحين يتزوجن بالعمر 2من زميلاتي اعمااااارهن 31 تزوجن هالسنة شباااااااب انا الي اكلمك انخطبت وعمري 28واهلي يالغصب اقنعوني على بالي توووووووني صغيرة :15: وماصار نصيب وتطلقت والحين عمري 33بصراحة متفائلة واعجبتني كلمة للدكتور عبدالمحسن الاحمد يقول الرزق بيجيك غصبا عليك مثل الموووووووووت !! يعني الله كاتب لك بتتزوجين بتتزوجييييييين غصبا عليك :14: يمكن الله كاتب لك تتزوجين وعمرك 30 ليش تضيعين سنتين من عمرك بالتفكيييييييير والهم بالعكس يالغالية اهتمي بنفسك علشان إذا جاء ابو الشباب يشوفك على سنقة عششششششرة:25: وانتي اعملي الاسباب من دعاء وصدقة وبر للوالدين وربك كريم اسأل الله العظيم رب العرش الكريم ان يرزقك الزوج الصالح عااااااااااجلا غير آآآآآآآآجل |
حبيبتى انا اكبر منك ولاعمرى فكرت زيك ة
العكس احب ادلع نفسى وافرفش واتخيل انى مع افضل رجل فى العالم اطلبى وادعى الله ان ييسر لك امرك واكثرى من الاستغفار وادعى فى قيام الليل |
ماشاء الله الأخوات قبلي كفوا ووفوا وتأكدي ياقلبي أنا مثلك أعاني الوحددددددددددددددددددددددددددة بكل تفاصيلها وفيه غيرنا كثيييير ....أعاني القهر هذا كوم وكلام الناس كوم ...
صحيح أصغر منك بس القهر والألم واحد قولي آمين يارب مايخلص الشتاء إلا جايتنا تبشرينا بملكتك قولي آميييييييييييييييييييييييييييييييين أنا واثقة إن ربي بيستجيب لدعاؤنا ... وآآآآآآآآآآآآآآآآآآآآآآآآآآآآآآآآآآآآثقة ... حاولي تشتغلين أنا دورت على عمل أقضي فيه وقتي بما ينفعني ... لأني لو بقعد فاضية الهواجيس بتجيب أجلي .. ألزمي الإستغفار والسنن الرواتب .... السسن الرواتب السنن الرواتب ... صلاة الضحى ... الدعاء في الثلث الأخير من الليل ... صدقيني ماراح تقدرين تستغنين عنها لما تجربين حلاوتها ... كأنها بلسم يمسح على قلبك ... تحياتي لك حبيبتي .. |
ملامح قمر
(طيب انا قصدي كذا انو لو تقدملي ذو خلق ودين اني راح اوافق ) بس كل اللي يتقدمون ماحسيتهم كذا يعني يمكن عند الله افضل مني بس استخير ما ارتاح) وربي الفقر والغنى مو مقياس عندي وربي عادي لو كان راتبه 1000 يا قلبي عليك الله يوفقك ويسهل امورك ويحرم يدك على النار |
اقتباس:
وربي ماقلتها اني متكبره او اني ما اوافق على الشخص الكفوء لا وربي اقصد انو لازم يكون رجال بعنى الكلمه صلاة بالمسجد ما يهمني انو موظف بقدر ما يهني انو يعمل لو كان بالموزين بس اهم شي يكون مصروفي واكلي من تعبه ياقلبي وربي ما قصرتي الله يحرم يدك على النار |
اخوي شاب الله يرفع شانك ويعلي قدرك ويرزقك من حيث لا تحتسب
وربي ماجيت افضفض هنا الا لما شفت حلكم للمشاكل بعقلانيه وردودكم تريح واحس انو ناس فاهمه مو ناس تكتب لمجرد الرد فقط الله يحر اناملك عن النار |
اقتباس:
وربي كلاك بلسم الله يسعدك ويفرج همك اخوي والله يجبر بخاطرك زي ماجبرت خاطري المكسور الله يحرم اناملك عن النار |
اقرى الموضوع واحزن وادعي الله القدير ان يفك كرب كل مسلم
واقرى ردود وافرح والدنياااا ما زالت بخير والامل بالله كبير تحيتي لك يا اخت ملامح قمر كلنا سنموووت وحيدين لا يبقى معنا سوى اعمالنا اللهم اصلح ما بقي لنا من عمل في اعمارنا |
لساتك صغيره الله يعطيك الصحه والعافيه وطولة العمر
وان شاء الله رب العالمين يرزقك الرجل الصالح اللي يملي حياتك |
الله يرزقك بالزوج الصالح اللي يقدرك ويحترمك ويصونك
بعدك صغيرة حبيبة قلبي لا تيأسي اذا ربي كاتب نصيبك بيجيك ان شاء الله لو عمرك خمسين انا تزوجت عمري 32 سنه وعندنا واحدة من معارفنا تزوجت وعمرها 50 تخيلي !!! ربي يسعد قلبك |
أختي سأموت وحيده أقرأي هذا الكلام بتمعن ولاتحرمينا من دعائك فوالله دعاء طيب من قلب صادق توازي الدنيا وماعليهامن آمن أن رزقه بيد الله تعالى لم يخشى جور السلطان ولا ظلم العباد أبدا .. وقال كما قال الحسن البصري عندما سئل عن سر زهده في الدنيا فقال أربعة أشياء:
(علمت أن رزقي لا يأخذه غيري فاطمأن قلبي، وعلمت أن عملي لا يقوم به غيري فاشتغلت به وحدي، وعلمت أن الله مطلع علي فاستحييت أن يرانى عاصيا، وعلمت أن الموت ينتظرني فأعددت الزاد للقاء ربي)......شااااب |
الله يررزقك يارب ويرزقنا جميعا انا مهمومة وزودتي همي كلها كم شهر وادخل 32 استغفرالله العظيم بس وكل مااقول فرجت ارجع لحالى الاول
|
أختــي العزيزة
أنصحك نصيحة أخت محبة .. لا تنطقي اسم ع ا ن س أو عنوسة على لسانك مادمتي حية أبداً أبداً ثانياً .. توكـــــلي على الله وفوضي أمرك إليـــه سبحانه فهو لن يضيعك وربي >>> ألم تقرأي الحديث لو انكم تتوكلون على الله حق التوكل لرزقكم كما يرزق الطير تروح خماصاً _أي جائعة_ وتغدو بطاناً _ أي قد شبعت _ تأملي هذا الحديث أخيتي جيداً صدقيني لو أنكي توكلتي على الله حق التوكل لما كتبتي هذا الموضوع اقرأي ماكتبه الشيخ مشاري الخراز في حملته عن التوكل في الفيس بوك .. أجزم أنه ستتغير مفاهيمك كثيراً كما حصل معي اقرأيها وربي لن تندمي أبداً أخيراً .. أكثري من هذا الدعاء في سجودك ( اللهم إني اسألك صدق التوكل عليك ) و ( اللهم اجعلني ممن توكل عليك فكفيته ) ( اللهم إني أسألك اليـــقين ) ( ياربي لاتكلني إلى نفسي طرفة عين ولا أقل من ذلك ) وأنتــي موووقنــه أسأل الله الرزاق ذو القوة المتين بمنه وكرمه وقدرته أن يرزقك وإياي وجميع بنات المسلمين إنه ولي ذلك والقادر عليه |
لا موب على كيفك :25:تجلسين على عرش العنوسه وتخلينا>>> ههههه لا امزح خلينا
بس اعجبتني كلمة عرش،، حسيت اننا ملكات وكذا،، يازينك انتي نفس عمري:23: كلمي خطابه ( مثل ماسويت) بس تكون ثقه مو مثل حقتي عيشتني احلام خنفشاريه ( الله يسامحها):14: لا تجلسين تحطين رجل على رجل وتنووووحين خليك ايجابيه وشوفي مستقبلك انتي انا سمعت شيخ يقول،، الزواج من الرزق اللي الواحد يسعى له المصدر: موقع الاستشارت( الاسلام ويب) اما بالنسبة لمسألة الزواج فهي كغيرها بقضاء وقدر، والمؤمن يسعى والمؤمنة تسعى ولا يكون إلا ما قدره الله، ولكننا مطالبون بفعل الأسباب فالذي يريد أولاداً لا بد أن يتزوج ومن يريد زوجة لا بد أن يبحث، ومن يريد قمحاً لا بد أن يزرع، وقال الله لمريم: { وهزى إليك بجذع النخلة }. وأحسن من قال:- ولو شاء ألقى إليها الرطب *** ولكن كل شيء له سبب والإنسان يسعى ويفعل الأسباب ثم يتوكل على الكريم الوهاب لكنه لا يعول على الأسباب ولكنه يستعين بمسبب الأسباب. الشيخ/ أحمد الفرجابي |
أنا ما قرأت الموضوع بس فهمته من العنوان كيف تيأسين ولك رب رحيم كريم سبحان الله أدعي الله دائماً و تقربي منه أكثر بتشوفين كل السعاده بإذن الله الله يوفقك و يكتب لك الخير |
الله يسعدكم ويجزاكم الجنه اكثركم ريحني ورجع الأمل بقلبي
ورد واحد قهرني بس الله يسامحه واللي زدت همهم وفتحت جراحهم سامحوني جيت افضفض وكلنا بالهوى سوا الله يصبرنا على هي الدنيا قد ما تبني احلام وامال قد ما تكون صدمتك بعدم تحقيقها كبيره الحمدلله انها ماهي دنيا خالده الحمدلله انها زائله الحمدلله ان الخلد ينتظرنا |
اقتباس:
لا ياقلبي في رجال عنده وازع ديني لو ماظهر عليه وهذا المهم يعني يكون فيه خوف من الأخره ومو علي إحساس هذا شي في علم الغيب مايدري عنه إلا رب القلوب حبيبتي من قلبي أدعو لك الله يرزقك بالزوج الصالح إلي يقر عينك عاجلا غير أجل وخواتي المسلمات ويصلح شباب المسلمين |
الله يحفظك و يزوجك و يعيشك عيشة ما تتخيلينها و تموتي ام 90 سنة بين احفادك قولي امين
بس انا مشاغبة شوي و افكر فيه اولاد يسألون انفسهم هذه الاسئلة يجيه يوم يخاف من جور الزمان ما ظنيت والسبب انه ليس حلقة ضعيفة في المجتمع بعكس المرأة التي تعتبر ضعيفة بدون رجل الدنيا غريبة حيل حيل اختك |
من جدك 28 وهذا اسمك وعنوانك وربي دخلت موضوعك توقعت عمرك بالاربعين
28 مرة صغيرة على كلامك والمك وفي عز شبابك والفرص كثيرة بإذن الله بنات جماعتنا مايتزوجون الا تقريبا بعمرك وربي اعرف وحدة بعمرك وكانت راضية تمام الرضى وبالعكس تسعى لحفظ كتاب الله وتختلط بالناس وراضية بلي كاتبه ربي لها وارضاه الله بزوج ماتحلم فيه نقيب بالبحرية واعزب واكبر منها بخمس سنوات وفيلا وكانت في قرية وانتقلت معه للرياض ويموت فيها وكمان وحدة عمرها 29 او 30 وتكمل الدكتوراه وطموحة وانيقة ومدلعة عمرها زواجها قريب من دكتور وكانت راضية بل المكتوب وارضاها الله ووحدة كانت تقول ابي اي شيء ومن يقبلني ويفكني وينقذني من العنوسة تزوجت واحد بهذلها وطلع عيونها وخلعته ووحدة كانت تتسخط من العزوبية وانها ماتزوجت وكانت صغيرة عمرها 26 وتزوجت واحد اقل من عادي واسبوع وطلقها من رضى فله الرضى ومن سخط فله السخط ارضي وتاكدي انه خيرة والخير قادم وله حكمة في ذلك سبحانه وتاكدي زوجك تاخر عليك يضبط عمره لك يكمل دراسة او يعمر فيلا او او ولاتنسين الكفالة اليتيم* |
ياحبي لك 28 وتقولي عنوسه!!!!!!!!!!!!!
يا أختي أختك جروحي كثيره أكبر منك بكثير عمري قريب من 34 وماتزوجت انخطبت أكثر من 15 مره والحمدلله على كل حال وكل يوم اقول بتزوج وافرح بطفل يملئ حياتي سعاده لكن طال الصبر والأمل بالله كبير والله يرزقني ويرزقك الزوج الصالح |
اقتباس:
هل ستوقفين حياتكِ كلها في انتظار أمر غيبي لا تعلمين هل كتبه الله لكِ أم لا؟! هل من المنطق أن تتجاهلي كل محطات حياتكِ التي عشتيها بالفعل في انتظار محطة لا تعلمين أين ومتى ستصلين إليها؟!! هل يعقل أن تتجاهلي النجاحات التي حققتِها فلا تشعري بطعمها وأهميتها لمجرد أنكِ تنتظرين أمراً لا تستطعين الجزم بالنجاح أو الفشل فيه؟!! الزواج حلم جميل يا عزيزتي .. ولكنه عندما يتحول إلى هاجس فإنه يقيدنا ويحرمنا النظر إلى نعم الله الأخرى التي أنعم بها علينا .. فلماذا تحرمين نفسكِ فضل شكر الله على نعمه والاستمتاع بما رزقكِ به؟!! بالمناسبة .. أعجبتني حكاية (بلغت من العمر عتياً) ;) قرأت في أحد المواقع أن نبي الله زكريا عندما دعا الله أن يرزقه الذرية .. كان عمره تسعون عاماً ;) .. واخدة بالك؟ :25: الله يعطينا ويعطيج طولة العمر :d |
ياختي ياحبيبتي افرحي واستانسي وانبسطي وعيشي حياتك
والزوج بإذن الواحد الأحد بيجيك لين بابك بس وكلي أمرك للي ماتنام عينه والله العظيم أعرف أن هذا الشيطان قاعد يسوي كذا في راسك لكن ادحريه وتعوذي منه واقولك شي أنا أحياناً يجي الشيطان يوسوس لي ويضيق صدري لكن أتعوذ من الشيطان وأقرأ مواضيع تقوي إيماني بربي سبحانه لا تفوتك حملة التوكل للشيخ مشاري الخراز وربي لتتغير فيك أشياااء وقولي كيوت روزز ماقالت http://www.facebook.com/media/set/?s...9630666&type=3 |
| الساعة الآن 08:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©