|
بعد زواج سنتين و4شهور شكك بعذريتي .. مالحل ..؟
السلام عليكم ورحمة الله وبركاته
مشكلتي واضحه من العنوان زوجي العزيز المحترم شبه المتعلم المقدر بين اهله واقرانه غلط غلطه كبيره مابرئ جرحها للحين ...! وقسم بالله اني خجلاااااااااانه الى بعد حد اتكلم ومافاتحت احد في الموضوع الاصاحبتي وصار تقريبا لهالسالفه 5شهور بس ماقدرت انسى واعديها مقهوره ومغبوووونه ومااحب اشكي لاحد بس طفح الكيل يعني بعد سنتين و3شهور ونتاجها ولد عمره سنه جاي تقولي يافلاااانه بسألك يوم خذيتك انتي عذراء ( بكر )..؟ يعني ماشفت اللي قولون انهم يشوفونه .. تخيلو يعني مدري اذا طحتي والا قد تزوجتي مدري عاد عن عمي تخيلوووو ياناس تخيلوووووو من جماعه وحده وكل خلق الله يعرفون من تكون امي ومن يكون ابوي وتربيتهم لي ..؟ ومن يكون ابوي من ناحيت مركزه بين الناس وتعليمه واشياء ثانيه وانت تقول هالكلام اعقب الله ينصرني عليك آهـ بس بكيت وصرخت وانهرت عصبيآ من الكلام خليته هوه بنفسه يستحقر كلامه ويستحقر نجاسته وتفكيره ويعتذر بالشيطان جالس بمخي والله انك انت الشيطان براسه اعوذ بالله منك ويبرر ويعتذر بس ابد ماقدرت روحت لاهلي ومت حيره اعلم ابوي اخواني عمامي وش اسوي بمصيبتي ...! هوه يوميآآ كان يرسل اعتذار واهان نفسه بكلام ماينقال ..< واستحقرته زياده سكت ووعدني باشياء سوي نصها والباقي هش مالها حس خلاص صار بالنسبه لي هوه والجدر واحد البي طلباته وبس يعني انا متجمله معاه للاخر يشوفني كيف استقبل اهله وكيف ضيافتي وطبخي وتعاملي مع الناس ومعاه هوه قبل ..؟ ولابان بعينه والمشكله هوه قدام الناس يووووه توب وعندي اعوذ بالله والله وصلت معاه احيانا يقول كلي تبن كلي .... ياكلبه ... اختي الصغيره المرجوجه اذرب منه لسانها نظيف ولا اذا قال ضفي وجهك ليش ليش ..؟ كم مره قلته حياه بدون احترام ماابيها كنها حياة حيوانات ماعشت كذا عيب عيب والله انه يقول لعمال المحطات والبقالات ياحبيبي ويرددها كذا مره واني مااسمعها .. الله يزيدني صبر .. ... طلبي بسيط اش اسوي معاه عشان يعقل يعقل ابغى ارجع كرامتي احس اني مكسووووووووره مقهوره .. استغفر الله واتوب اليه الحمدلله على كل حال .. |
لا اقدر اقول كثيرا
بس هل تسمحي لي ان اقول حسبي الله ونعم الوكيل الله لايبتلينا بشكاك ان شاء الله الاعضاء مايقصرون اجعلي بينك وبين الله حبل وثيق لا ينقطع واطلبي منه ان يرشدك ويلهمك حسن التصرف مع هذا الرجل لأنه هناك خطوات كثيرة لابد من القيام بها اعانك الله |
رد سريع ولي عوده
لا يشترط ان المرأءة ليلة الدخلة تنزل دم عادى جدا ممكن ماينزل لانه غشاء البكاره تختلف يعني ممكن انتي من نوع غشاء المطاطي والدم ممكن ينزل في حاله الولاده فقط وبعدين عرفي زوجك الشئ هذا وبعدين حرام انه نقعد نشكك في شرف البنات بمجرد انه مانزل الدم وما ادري ايش المهم خذي علي دكتوره وهي تكلمه عن انواغ الغشاء لا حول ولا قوه الا بالله |
ماعليش هوه افهم مني من هالناحيه الغشاء واشكالها المتعدده << تصور
وشاف اللي شاف هذاك اليوم وانا موغبيه من هالناحيه .. لكن حسبي الله وكفى |
سبحآن الله أنتي مثلي مثل طليقي الأول
بعد مآجامعني رآح طيرآن لعمه يقول البنت ماطلع منهآ دم يآعمي ..! قال عمه مو أكيد يطلع دم لآن الغشآء يختلف من بنت لبنت وزوجتك أبوها مربيهآ زين وهي محترمه تعوذ من إبليس عآد أنا مادريت إنه قآل لعمه عمه توه شاب يطلع ولد عمتي وقآل لي بعدين أنا سألت عمي عن إنه ماطلع منك دم وقآل عآدي!؟ أنا إنقهرررت وودي إني تفلت بوجهه تكرمون!! بعد مغصوبه عليه وكنت بزر عمري 15 ويتبلآني حسبي الله عليه ونعم الوكيل الله يأخذ حقي وحقك ممن يسيئون الظن بنآ وذولي مرضى نفسيه! الله يعيننآ ويجبر بخوآطرنآ..~ |
أختي عندنا مجتمع ولا أعمم ولا أعمم ولا أعمم كررتها ثلاث مرات لأن فيه أعظاء يقرأ كلمه ويترك الثانيه ويعلق عليها
وهو تفكيرهم أنه ليلة الدخله لازم ينزل دم ويحسبون الدم مثل دم الذبيحه ههههههههههه والله اعتبرها تخلف ياأخي منت واثق من هالبيت اللي أخذت منه لاتتقدم وتنشب بنات خلق الله معك طيب هالفتره كلها ليش ماسئل ليش ماتاكد طيب والله حاله اعرف شخص من تعامله مع أقاربه وأهله وربي كرهته متزوج ثنتين قبل فتره حصل بينه وين أحد زوجاته مشكله وهو أنه يقول راعيت مكالمات وهي بريئه حسب كلام الناس اللي يعرفونها صوامه قوامه وقبل أسبوع حصل بينه وين زوجاته الأثنتين مشكله أخرى يقول انهم مدخلين رجل عندهم بالبيت ههههههههه وربي تفاهات هذا كفو للمسئوليه أو يفتح بيت والمصيبه أنه راعي مخدرات لا حول ولاقوة إلا بالله اللهم لاشماته الله يعافيه ولايبلانا أختي أنسي هالكلام وقومي بحقه كزوج حتى يتبين لك هل يثبت ماقال ويعتدل وإلا ربي يفتح خير وربك لن ينساك وإن شاء الله ينصرك وينصر كل مظلوم ومظلومه يارب .............شااااب |
اييييييه الشيطاااااان دخل بينكم و وسوس له و وسوس لك
لاتنكسري ولا تتحطمي ولا شي تعوذي من ابليس وخلي زوجك يتعوذ منه بعد واللي صار مش من زوجك .... الرجيم لقى له مدخل في نفس زوجك ودخل اذا اخرج آدم وحواء من الجنه بيعجز فيك وفي زوجك اللي صار بينك وبين زوجك ماتعداكم يعني صار بينكم اثنينكم وسعي صدرك وهدي بالك و وكلي امرك على اللي ماتنام عينه وارجعي لزوجك مثل اول والتمسي له العذر |
فيه رجال قمة في التخلف محتاجين طبيب نفسي علشان يخلصوا من العقد اللي تربى عليها
الله يعافينا امين اسمعيني يا بنت الحلال هذا الشيطان راكبه خليكي واثقة من نفسك ويا جبل ما يهزه ريح واذا رجع فتح السالفة معك مرة ثانية قولي له قوم معي عند طبيبة نسائية علشان تاكد لك اني شريفة عفيفة وانت جالسة على النت افتحي له عن انواع الغشاء وخليه يتثقف هالمتخلف سامحيني انقهرت عليك الحين عرفت سبب تخلفنا وجود هذي العقليات من الرجال |
يؤيؤيؤ
الله يعينك عليه تو استوعب بعد سنه وثلاث شهور بدرررررري سبحان الله من جد عقليه ومن ناحية الكلام اللي يقوله وكلي تبن وهالكلام قولي له ترضى اني اكلمك بنفس اسلوبك واعطيه كتب او اي شي يثقفه في الاحترام بين الزوجين وانه لازم مثل ما تحترمينه يحترمك والله يصبرك ويعينك عليه |
:* هالعلوم ماتطلع إلا من راعين العلاقات وإلي حياتهم قبل الزواج كلها بنات فتلاقيه يشك حتى بخياله لأنه ماتعود على النظافة والعفاف بحياته متعود على صنف معين يناسب نوعيته :* حبيبتي لاتسكتين له ترى كل شيء إلا التشكيك بالعرض والشرف كل شيء نسكت عنه إلا الشيء إلي هو أثمن ما نملك :* حاولي تلقنيه درس ماينساه ويايتعدل ويكون رجال محترم ويحترم بنات الناس المحترمه يايروح يدور له على وحدة من طينته :* |
الف شكر والله يعطيكم العافيه
... ... الشيطان واقفلي براسي وحاط فكرة اهجره كم شهر ودي يحس ودي يعقل ..؟ والله مو بطبعي اسولف لحد احب احتفظ باسراري ومشاكلي لنفسي يااحلها ياانساها واطنش ولااحب اظهر ضعفي لاحد لكن هالمشكله سببتتلي قلق انا واثقه من نفسي وياجبل مايهزك ريح لكن كاره وجودي معه |
إنت تدوري حلّ وإلا فضفضه.
|
اقتباس:
لكن عيووووونه طوووووووووووووووووويله لابعد حد لكن عادي براحته هوه اللي يتعب وياخذ ذنوب يسطفل ومن ناحيه لاتسكتينه له ... لا انا ادبته لله وطلعت عيونه قبل قلبه بس فيني قهر .. ودي اسوي له شي يندم على كلامه ..! |
أختي ماقاله خطأ كبير واتهام عظيم، لكن مادام أنك ربيتيه بكلامك، فاتمنى أن تعودي لعلاقتكما وحياتكما الزوجية، وحاولي بين الفترة والأخرى تضري تصايقك من كلامه لكي لايتجرأ يوماً من الأيام ويتكلم بمثل ذلك .
|
اقتباس:
يشوف هالشي .. وبالنسبه لفتح السالفه لا ماعاد يتجرأ اساسن وهوه عارف انا مين لكن تعرفي اللي يبغى يكسر احد ومو عارف كيف وجابها بهالطريقه اوسخ وانجس الطرق .. واسفه اذا خليتك تزعلي او تنقهري ... سبحانك اللهم وبحمدك اشهد ان لااله الا انت استغفرك واتوب اليك |
اقتباس:
|
اقتباس:
|
اقتباس:
بعد تقديم إعتذاره وأستحقارك لإعتذاره الا يكفي ماقدم. |
طيب وش تقولين فيني اناا
طليقي لمـا تزوجته والله ويشهد علي ربي انه ماصارت ليلة الدخله الي اسمع بها ولاشفتها الا بعد تسسعه شهووووووور من زواجنا طيب واقسسسم بالله اني كنت ابلع حرتها بقلبي ولا اشتكيت لاي مخلوق على وجه الارض وتاركته براحته وقاعده اقول لاتسوين شي او تفتحين الموضوع وتضايقينه خواتي وامي يسالوني يقولون هاااه قلت لا ابششركم كل شي تمام وكنت وقتها اضحك عشان مايسالون اكثر .. وكنت كذا معاه صابره والله ماحسسته ان فيه شي بحياتنا الا بالعكس اعطيته اكبر من حجمه وعلى حسساب نفسي وبعدها تفاجاءت انه يطلبني وكذا لبيت له الي يبغى وفعلا صارت علاقه كاملله بيننا وششاف الدم وربي هو بنفسه الي يمسحه بمنديل وعذرا على الجراه لكن عشان اوضح لك انه بعينه شاف وبعدها بفتره على مشكله صارت قال تحمدي ربك اني ساتر عليك ومافضحتك تخيللي كلمته قد ايش موجعه وقتها بينت له الي صار وذكرته وتكلمت عن الموقف هذا من بدايته الين نهايته وتفاجاء بكلآم قوي انا قلته له بخصوص انه ماكان يقربني ذيك الفتره وبعدها انطم ماعاد جاب سيره خايف اعلم اهلي واهله وافضحه بينهم لانه مستحيل ينكر هالشي بالنسبه لوضعك انتي خلآص مادام اعتذر سامحيه لكن لو كررها لاو الله لآتسكتين له وخليه يعرف ان الله حق شرف بنات الناس مو لعبه .. الله لايسامحك ياطليقي على قد ماحبيتك وضحيت وتحملت عشانك تخليت عني بسسهوله |
الموضوع مر عليه خمسه شهور
خلاص زوجك اعتذر وقبلتي عذره رغم إنك مازلتي مقهورة طالما قبلتي عذره مو من صالحك تفتحي النقاش إلا إذا أخطأ مره ثانيه وقبل ماتحتقريه هو احتقر نفسه والحقيقة اختي أنا استغربت منك عدم قبول عذره بأنها وسوسة شيطان يا اختي الشيطان أخرج أبونا آدم وزوجه من الجنة كيف مايوسوس لزوجك وهو أحرص مايكون عند التفريق بين الزوجين غاليتي فيه فرق بين الشك وبين الوسوسة زوجك يمكن وسوسله شيطان إنس قبل لا يوسوسله شيطان جن لا تستغربي كلامي بعض اصدقاء السوء يحكي مغامراته مع بنات الهوى وأكيد البعض يتأثر ويوسوس الاحتمال الاخير زي ماقالو الاعضاء يمكن له علاقات قبل الزواج ولو هذا الاحتمال صحيح كان المفترض يشك من أول شهر وطبعا انتي أدرى بزوجك بس نصيحة لا تخلطي بين عيوبه وبين وسوسة حمقاء مضت أدري بأنك مقهورة ومن حقك بس المفروض تكلمتي وقتها بس الآن مو بصالحك |
شوفي هو اعتذر واهان نفسو ووووو
وكل اللي طلبتيه جاب نصو باقي لنا النص الثاني وهو نازل اهانات واحتقار وكل مازاد عم يرجع لك كلامو عن العذريه ويزيدك قهر وحقد طيب رح اعطيكي حلول منطقيه شويه لان لازم يحترمك اولا ولازم انتي تنسي ثانيا ( حقودين ما نقدر ننسى ولو بعد عشرين سنه اي خلاف تجيب الماضي والحاضر والمستقبل فوقو ) اعتقد ان كشف الدكتوره يعطي معلومات دقيقه متى فضى غشاء البكاره اعتقد الدكتور عرب تفيدنا بهذه المعلومه ووقت يهينك ويستحقرك قفي وبقوه هالمره لوضع حد ويتوقف عنده وقولي له : انا ما نسيت اهانتك لي عن عذريتي بعد كل هالمده جاييه تشكك فيني واي اهانه ثانيه لبيت اهلي وما ارجع الا برضوه وهذا اذا قدرت ترجعني كلو الا شرفي وكرامتي وقولي له : لا يهينهن الا لئيم ولا يكرمهن الا كريم يا كريم الاخلاق والشرفي ومن ثم الطيور على اشكالها تقع فإن كنت كما تقول فانت مثلي عمرك شفت بقره مع غزال مثلا يتمشو مع بعض على الكورنيش يقول: قليلة ادب ردي : تلميذتك شوفي انا ما عم قويكي على زوجك انما هذا شرفك والشرف غالي حد ويوقف عندو وعمرو ما رح يتخطاه ان شاء الله اتصلي بوالده ووالدك ليأتو واخبريهم قفي واثقه من نفسك وقولي لهم : عامله موعد مع الطبيبه لاثبات متى فضت عذريتي ووقت احضر الورقه وقبل قرآءتها تكونو موجودون ومعكم الشيخ تطلعون على الورقه ومعها ورقة طلاقي وقولي لهم شرفي غالي ولا انتظر من احد ان يدافع عني ضعي الشهاده في اطار جميل واهديه ايااه ان شاء الله ما رح توصل للطلاق ولكن بمجرد وقوفك وقوتك رح يخاف ويتوقف ويتراجع وابوه وابوكي يوقفو عند حده وطالبيه برضوه وخذيها وانتي تقولي : والله شرفي اغلى انما وقت يحصل هذا خلاص ما نرجع نعيد ونزيد فيه مثل اي امتحان اسئلته صعبه تدخلي مره تحلي الاسئله وتخرجي واما تنجحي واما ترسبي وان ان شاء الله نجاح |
ااااخ بس لو اني مكانك...والله لاحتفظ بالرسايل الي راسلها وتدل على هاالكلام وتدل على انه فعلا قذفك..واوديها للمحكمه عشان يقيمون عليه الحكم ويجلدونه علشان ثاني مره يتأدب ويعرف انه الشرف مافيه مزح ولا لعب..
هذا يدخل في قذف المؤمنات الصالحات...اخاف تصير في خواته لانه فعلا ظلمك وقهرك خصوصا انه عارف ومتأكد انك اشرف من الشرف.. اختي وضحي له انك مجروحه منه ولو ايش ماسوى مستحيل يبرأ جرحه الي سببه لك وفي نفس الوقت حاولي تتناسين دامه اعتذر..والمفروض تطلبين منه رضوه مهر ثاني قبل لاترجعين والله لو مكانك اني ماارجع الا بمهر ثاني..وأثاث جديد ..مو بكلام في رسايل ماله اي معنى واي واحد ممكن يسويه في اي مشكله والرساله ب50 هلله يعني مو خسران شي |
عندنا وعندك كل خييير
اااااه بس تصدقين نفسي مع التحاليل الي يسونها بالمستشفيات قبل الملكه يسون اختبار للتخلف عشاان المتخلق يجلس عند امه تبتلي فيه ولايبلون بنات الناس به |
لعن الله من خبب أمرأة على زوجها ،حبيبتي بما أنه أعتذر منك هذا دليل أنه عارف طهارتك وعفتك ممكن أحد لعب عليه والشيطان وسوس له خلاص سامحيه(المسامح كريم)أدري صعبه عليك لكن لاتخلين الشيطان يفرح بأنه فرق بينكم والتمسي له العذر في حديث أو مقوله ماني فاكره بالضبط(ألتمس لأخيك 70 عذر)وحذريه لما تكررها راح يكون لي تصرف آخر ولاتسكتين له لو تخبرين أهلك ، ألزم ماعلى الانسان كرامته
أسأل الله أن يصلح الحال لكم وكل زوجين. |
اقتباس:
|
أستغفر الله ياربي هالمواضيع ترفع ضغطي
ليه الناس يتزوجون بس عشان هالشي قمه السخافه أووووف بصراحه لين قريت مواضيع مثل هاذي ودي أضرب عن الزواج ليه البنت كل عمرها تحاول ماتحب أحد عشان تحب زوجها لكن لما يجي عشان شي تافهه ويشكك فيها بصراحه أنا زين إن ماقتلته شاف وإلا ماشاف مااخذ وحده من الشارع اقتباس:
علي هالفحص بصراحه مدري ليه أحس كذا إحساس أغلب الرجال نفسيات :d من جد يعني تلاقين فيهم أفكار غريبه عجيبه وبعدين أصلا لو شك مع الأيام بيشوف أخلاقها والله يوضح مثل عين الشمس راعيه الخرابيط وإلا عاقله لكن الكل يشوف الناس بعين طبعه |
اقتباس:
إن خليت خربت يا عزيزتي .. تفاءلي بالخير تجديه بإذن الله. أعرف امرأة لم يرَ منها زوجها شيئاً في ليلة عرسهما .. ولأن من عاداتهم عرض منديل الشرف على أهل الزوج .. فقد قام الزوج بجرح نفسه ووضع بعضاً من دمه على منديل وأراه لوالدته. |
اقتباس:
زي اللي يقول بعتذر ان شاءالله توصل لاهانتي لنفسي |
اقتباس:
والله ان شاء الله يمسح اثر كلامه من قلبك .. |
كيف استحقر نفسه وهو يعتذر ؟؟؟ << مافهمت الجزئية ذي
|
اقتباس:
وبماذا تفسري كثرة إعتذاره ورأيك بأنه اهان نفسه فماذا تدل هذه كلها؟؟؟ ولو في كلامه إنتقاص لشخصه !!!! فماذا يدل؟؟؟؟ (ارحموا من في الأرض يرحمكم من في السماء) تخيلي نفسك مكانه...؟؟ نحن رجال ونخطأ مراات بكلمه ونرجع ونعتذر !!! إيش المشكله؟؟؟ استعيذي بالله من كثرة الوسوسه التي ليس منها أي فائده. |
الله يعينك الاعضاء كفو ووفو
|
سؤال زوجك يتعاطى شي ...........
دائما الاشكال هذي من الازواج هم الذين يتعاطون والله اعلم الله يفرج همك يارب |
قال لك هالكلام في لحظة غضب ..؟!
|
اختي الكريمه
ارجو منك ومن زوجك التقرب الى الله اكثر لكي تسعدا في حياتكما ,,يدخل منها لحياتكم هذا الي اقدر اقوله لك |
اقتباس:
قال رسول الله صلى الله عليه وسلم " ليس منا من خبب امرأة على زوجها أو عبدا على سيده " . قال الشيخ الألباني : صحيح وليس فيه ملعون |
يمكن سمع عن التحاميل
وربي شوفي المنتديات حريم يبعوها على المتزوجات ............ تطلع دم احمر ( عذرا للجرأة ) وقالوا .......... عيدي ليلة الدخلة طيب وحده مسكينة سوتها مفاجأة للزوجها ............... دخل الشك براسه الله لايسامحهم |
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©