|
أمه تحاول خلال حديثها إنها تنفر أهلي من ولدهاوذلك بذكر مساوئه وعيوبه
السلام عليكم ورحمة الله وبركاته ... صباحكم روقآآآن وفنجان قهوة تتصاعد منه الأبخرة ..
مع كروسان شوكولاته طازج وحليب سآخن أو زنجبيل :24: << حسب الرغبة :) .. ومزاج خالي من الهموم والضغوطات ... وتكون رآكد ومبتسم :22: ماتدور جوالك وهو بيدك ؟ ولاتبحث عن نظارتك وهي فوق عينيك :p.. وماتنافخ على أختك لاجت تقومك وماترجف أخوك لاجاء يصارخ يصحيك :16: صباحكم عمل متقن وصلاة ضحى خاشعة وأذكار وتسبيح من أعماق القلب .. مساؤكم سعادة وفنجان قهوة مرة ثانية :d وإنشراح صدر وتوكل على الله ... وسلوان عن الهموم وتصبر بالله ... بعد هالمقدمة الطلالية أرحب فيكم حبة حبة كلن باسمه طبعا يمكن تقولون وش جابها ذي بهالقسم ؟؟ تخبروني مسنترة بقسم المتأخرات :d.. أحب أقولكم جايه أفضفض ... :26: وسردت عليكم هالمقدمة عشان مااحد يهاوشني حساسه أنا لااحد يهاوش ويقول ياحبك للنكد وضيقة الصدر تدورين سالفة عشان تضيقين صدرك ... أنا هنا أفضفض وأكيد بطلع بنصيحة حلوة وفائدة قوية ... سبحان الله دنيا عجيبة أمس وقبله بقسم المتأخرات واليوم بقسم المقبلين على الزواج !!!! طبعا شئ ماتوقعته أبد ... لأني كنت حاطه في بالي إني ماراح أتسرع بالرد على الخاطب وبعطي نفسي فرصة أوسع للتفكير ... لاسيما إنه عندي مشروع شخصي هالأسبوع ولازم أركز فيه بعيدا عن أي ضغط آخر ... المهم أنا ماابي أدخل بتفاصيل تحوسكم وتصدع روسكم أكثر من الحوسة هذي اللي أنا حطيتكم فيها .. لكني بصراحة أبديت موافقتي ((المبدئية)) بخصوص الخاطب .. وحطوا تحت مبدئية ألف خط ... لكني متخوفة جدا ... اليوم أرسلوا لأهلي صورته مع ان مو من طبعنا كذا يعني شوفة بس بدون صور بس هم كذا طبعهم وشفتها وبصراحة ماارتحت .. ماهمني الجمال فجمال الرجل مو مهم أبدا ولاأفكر فيه نهائيا .. ومو من المعايير عندي ... لكن كذا ماارتحت ؟ فهل ماارتحت نتيجة الخوف من المستقبل والتردد ؟؟؟ وهل هالشعور طبيعي ؟؟ وإلا لازم أرتاح أول مااشوف صورة خطيبي عشان أتطمن إن الأمور بتسير بمسار حلو إن شاء الله ... ؟؟؟ وإلا وش السالفة عجزت أفهم نفسي ؟؟؟ من الجهة الأخرى أنا حسيت وأهلي كذلك أن أمه مو راضية ومو مقتنعة بزواجه مني !!! وماتبيه يتزوج بنت العاصمة وهذا كان واضح وضوح الشمس من خلال حديثها مع أهلي .. وكل أهلي بلا استثناء حسوا بهالإحساس ... وقالت بنت العاصمة تعتمد على الشغالة وحنا نبي ست بيت !!! قالوا أهلي بنتنا من صغرها تعتمد على نفسها وقايمة بالبيت من يوم كبرت وماعندنا خادمات نهائيا !!! لاتقولون إنها تعرفك وحكمت عليك وووو أمه ماتعرفني بشكل شخصي وماتعرف أطباعي لكن حكمت بشكل عااااااام من خلال نظرتها لبنات المدن !!!!!! وحتى لو إنها سألت عني فالكل بيقول لها إني أنا القايمة ببيت أهلي وشغلهم لأن هذا الواقع ... لما زاد النقاش بينها وبين أهلي قالتها بصراحة إنه هو خطب منكم مرتين رغم رفضكم للمرة الأولى ورجع خطب منكم لأن عائلتكم وسمعتكم مكسب لنا لكنها صرحت إنها تبيه يآخذ من نفس مدينته عشان مايضرب مشاوير رايح جاي وجايبني لأهلي !!!! طبعا أهلي استغربوا من كلامها وصراحتها وقالوا أهم شئ التوفيق والطيارة تقرب البعيد !! ومشوا الموضوع ولاحظوا أنها كل مرة تطلع أعذار عشان تبين عدم قناعتها !!!! لكن الموضوع ماوقف عند هالحد !!! لو الموضوع إلى هنا عااااااااااااااااادي جدا وجهة نظرها وطرحتها .. لكن صار شئ غريب جدا بصراحة عجزت أستوعبه ... أصبحت أمه تحاول خلال حديثها إنها تنفر أهلي من ولدها بشكل وااااااااااااااضح ... وذلك بذكر مساوئ وعيوب ولدها !!! وماذكرت ولاميزة وحدة !!!!!!!!!!!!!! بالعادة بالخطوبات تذكر محاسن ولدها ثم بتذكر عيوبه ,,, لكن هذي على طول مساوئ !! ولامدحته بأي شئ !!! هل هي ذكرت هالعيوب من باب تبرئة الذمة ؟؟ أنا أحسنت الظن وقلت يمكن من باب تبرئة الذمة ويمكن هي على نياتها !!! لكن مو معقول قالت عيوب فظيعة بولدها لايمكن أي أم تقوله عن ولدها مهما كان !!! صدقوني مهما كان مستحيل تقول هالكلاااام ... وان كانت تريد تبرئة ذمتها فراح تقول الحقيقة .. مو الناس يمدحون ولدها ويثنون عليه ويقولون لو عندنا بنت زوجناه وهي تذمه !!! لكن أنا أحسنت الظن وقلت لعل هالأم الفاضلة محسنة وتقصد تبرئة الذمة .... زاد خوفي وزدات ضيقتي وطلبت وقت إضافي بدل ضايع للتفكير مجددا .... طبعا أهلي حاليا مرررررره خايفين من كلام أمه ويحاولون يثنوني عن القبول بأي طريقة كانت !! ويقولون مايناسب والظاهر كنا نحسبه متميز من كلام الناس بس الحين مافيه ذرة تميز وانخدعنا فيه !!! ويقولون هذا كلام أمه عنه ,, أمه أدرى الناس فيه !!!! طبعا كما ذكرت سابقا بمواضيع سابقة إن أهلي مغترين بكثرة الخطاب على بالهم دايما بنخطب !! فالرفض عندهم جدا سهل ... طبعا أنا حاليا طلبت وقت للتفكير وتكلمت وعبرت عن رأيي وقلت أنا كبيرة وهذي حياتي خلوني أقرر !!... حسيت براحة عجيبة لما تكلمت بكل إحترام لأهلي وعبرت عن قراري ... وقلت أول كنت صغيرة معكم حق تخافون علي لكن الآن أنا كبيرة ناضجة أستطيع إختيار المناسب لي .. يمكن أهلي يسكتوني ويصرفوني وبقرارة أنفسهم الشاب مرفوووووض بسبب حكي أمه !! لكني أهم شئ عبرت عن رأيي ولازم أحدد إختياري ... لكن الالم يعتصرني ومستغربة من هالموقف اللي انحطيت فيه ... مدري لو كنتوا مكاني وبموقفي وش ممكن يكون قراركم ؟؟؟؟؟ مع أني أحس أمه تبي الرفض من جهتنا وكأنها تقول مني ولامنك ياجامع !! كنت أتمنى الأمور تكون أفضل من كذا ... لكن الحمدلله على كل حال ... طبعا كثير من أهلي ينصحوني بالإنسحاب قبل الشوفة وقبل ماانحط بمواقف أخرى آسفه على الإطالة ... أختكم نجـــــــــــــــــــــ الذوووووق ـــــــــــــــــــــدي ... :26: << أحب هالفيس أحسه مبسوط |
اختي تحملي اي كلام عاااادي خلاص اذا ربي كاتب نتزوج نتزوج وإذا لا الله يكتب مافيه الخير
مرة خطبتني وحدة عارفة وش قالت عن ولدها : ولدي طااااش مب حق زواج وعشان نحن نااس محترمين وللا كان نعرف نتعامل كان نقووول بماانه طايش ومب حق زواج لييييييييييييييش جاية ( طبعا ماقلنا سكتنا) لو ناس ثانين كان من الباب طردوهم لكن الحمدلله المشكلة تتشرط صبي لي القهوة من النوعين يالله مب مشكلة عييييش دهرا ترى عجبا وصراحة احمد الله اني مااخذته بس بعض الامهات وقحات ماتريدين دون اي حركة خلاص رووحي الله يستر عليك اما ترمين كلام وتتكلمين على ولدك كلام لايليق عشان تكرهين الخلق وصراحة انا عارفة ولدها محترم بس عشان اصغر مني بكثير وماالومها بس مب هالأسلوب ممكن تقنعين ولدك بأي اسلوب مب تجرحين الناس حسبي الله بس الله يثبت العقل تذكري رزقك عند ربك مب عندهم وللا كان حرمونا من الماء تعالي اشتريت مريتوا وراك الاشمغه تنتظرك |
اقتباس:
والله يخلف عليك أحسن منه يارب بصراحة من جد أستغرب ليش طيب يتكلمون على عيالهم ؟؟؟؟؟ وش الهدف ؟؟؟؟؟؟؟؟؟؟؟؟؟؟؟ هههههههه مانسيتي المريتو ماحد يصير سنع عندكم الا تكرفونه :23: |
ايوااااااااااااا شفتي صووووورته ياسلااااام تطورات حلوه
وبعدين ترين الصورة مش مثل الواقع ...الواقع دايما احلى ودام انه ارسل صورته فهذا شي حلو ودليل على جديته في الزواج وفي مثل يقول لك اسأل مجرب ولا تسأل طبيب وبحكم اني مجرب ياطويلة العمر فبقول لك شي ان شاء الله يريح بالك ويطمنك انا امي خطبت لي .... وشفت البنت وماعجبتني .... وقلت لأمي اني ما ابغاها...مش حلوه ابد وبعد شد وجذب من امي الله يعطيها طولة العمر وافقت انا وملكت... والحيييين مبسووووط وفرحااااان ومافي مثلي واشوفها قممممممر وحلووووه واحلى بنت في العاااااااااالم لكن لما اروح لأمي واقولها بروح عند خطيبتي ازورهم ... احسها تزعل وتعصب ويتغير صوتها ويرتفع لأنها تغار على ابنها ...هذا طبيعة ألأم ...مع ملاحضة انها هي اللي اختارتها لي وحاربت عشان اوافق ولأن هم في الغرب واحنا في الشرق ومشوار حوالي 1300كلم واقعد احب راسها ويدها واوعدها اني ماعاد اروح لهم وان زيارتي بتكون ألأخيره بعدين ترضى على مضض وتعطيني تعليمات ..لاتعمل كذا لاتسوي كذا انتبه وعلى بالك ان امها وابوها بيخلونك تجلس معها ,,,, والله ماتشمها وانا اقول مش عشانها بروح ...لااااا بس بعيد عليهم واسلم واتفاهم مع ابوها في بعض ألأمور واقوم بالواجب واللي ربيتيني عليه اللي ابغى اوصل له ان ام خطيبك المملوح تحبه وتغار عليه وماتبغى احد ياخذه منها للأسف هذا الحاصل واللي اتوقعه لكن اشوف الحل من وجهة نظري انك تستمري بالخطبه والشوفه الشرعيه واذا جات ام خطيبك استقبليها احلى استقبال وهللي ورحبي (مثل ترحيبك هالحين في هالموضوع) وطيري فيها وترين العجايز يحبون البنت اللهلوبه اللي تشتغل وتشيل وتحط وتصب القهوه وترحب وتقدم اذا جاتكم الله الله فيها سنعيها اشربي ريد بول وقوي قلبك وفحطي قدامها وبدعي عشان ترضى عليك ولاتنسين اول ماتشوفيها اطبعي قبله ع راسها ويدها ...ومثل مايقولون لجل عين تكرم مدينه والخجل والهدوء وتمشين وتطالعين في ألأرض والدلع الزايد هالأمور كبيها واحذري منها عشان بس ترضى عليك عمتك والله يوفقك وعقبال مايكون موضوعك المقبل في قسم المتزوجين بس يكون شي مفرح مش شكوى |
دام من اولها الام كذا
اجل شكلها ما تبيك يمكن بكره لا خذيتيه تسبب لك مشاكل استخيري و لا تستعجلين بالرد و عسى ربي يكتب لك اللي فيه الخير |
اختي اصلا هي مااتصلت بعدها
بس ماتبيني وانا لا الووومها ام وانتي عارفة قلب الأم <<<<<<< كأني مجربة ههههه لكن عشان فرق العمر من اول ماخطبتني اخته وانا استخرت الله وجلست افكر يارب ليه الأم مب هي المتصلة مرتين اخته؟ قلت ياحالة من حالتين : يا كبيرة وخلت اخته تتصل عشان تتصرف بالرغم اخته بنت ياصغيرة ورافضة بالفعل لقيت الأم شياكة وعباية على الكتف وأنا على الرأس وتحسين كأنها جالسة على جمر حتى ماسألت عني والله لأنها كانت تريد فقط تسكت ولدها بالرغم مااعرفه بس شيخ دله علي عن طريق زميلتي الله يسامح الجميع وبعد عرفت عن طريق الشيخ انها قالت له كلام غير اللي حصل بس ماحبيت اسأل بس واضح وضوح الشمس الأم لاتريد وانا ماالووومها ابدا لكن اقنعي ولدك بطريقة اخرى وانا ماابيه لكن في تلك الفترة كنت ابى اخرج بأي طريقة او قوولي شي بس لاتفترين عليه ماسكة نفسي ماابي ادعي عليها لو افترت علي وعندي احساس طلعت بي عيوووب الدنيا بس صراحة خير سوووت والله يعاوضنا اما الكرررف مب انتي تتمنين تكرفين تعالى تراني حنينة اكرفك كرف يليق بمقامك يالله والله احس اني العلاقات بيني وبين الناس متعلقة بالكرررررررف الكل يكرف فيني بس الحمدلله خليني اكرفك واتفلح عليك |
اقتباس:
الخوف ذابحني ... صحيح ممكن غيرة بس أمه تقول عيوب كبيرة فيه ,, ماقالوها الناس فيه !!! وأمك على النقيض تماما وأمك شجعتك على الإرتباط بخطيبتك ... يعني أحس فيه إختلاف ... أمك غارت وشئ طبيعي لكن أمه تعيب فيه !! الله يهديني للقرار السليم مشكور أخوي وماقصرت ... ألف شكر لك .. |
اقتباس:
مشكورة حبيبتي وجزاك الله خير .. |
اقتباس:
والحمدلله على كل حال ... ههههههههه ودي أكرف ببيت رجلي فداك حبيبتي حطي حرتك فيني والله يعيني بس ,, هذي ضريبة السناعة :26: أخاف أقول لا يجيني المريتو على رآسي :16: ويطلع لي صعرور و الوقت حساس وراي خطوبة :p |
عزيزتي الذوق النجدي
اول شي تمهلي واستخيري وانشالله ربي بيقدم لك كل الخير .. ثانيا دام هي تسب بولدها او تطلع مسأوووه انا بقولك عدة سبب .. وحده ولدها كان بيخطب اختي راحت اتصلت ع اختي المتزوجه الكبيره وقالت .. لا توافق لو خطبها لاني احبها وابي لها الخير ولدي مغازلجي وراعي بنات ههههههههه طبعا اختي رفضت مو عشان كذا لكن رفضت عشان امه ما تناعشر وراعية مشاكل وتكرهنا مووووت ولا تبي لنا الخير. الله يهديها يارب اخو صديقتي. امه ماودها تزوجه الا ع ذوقها لانها تبيه ياخذ وحده مايحبها او مو هو يبيها طبعا الاسباب انه ولدها مره قااايم بها رغم وجود الاب لكن تخاف احد ياخذه منها عشان كذا ماودها ابد يتزوج واذا حست انه يبي او وده بوحده قالت ماتصلح لك دلوعه ومدري شو وهو عارف غيرة امه لذا يقول مارراح اتزوج الا ع ذوووقي وشد وجذب مع امه وللحين ماتزوج ودام انها جت وتسب معناها ان الولد شاريك لكن هي ماتبي ممكن غيررره ممكن ماتحبك وممكن عشان ولدها يبيك عشان كذا تطلع مساوه عشان ترفضي وتقول شفت كيف هذي اللي تبيها فهمتي علي استخيري والله يوووفقك يارررب . |
الحمدلله ربي اعطاني صبر ولم احزن بالعكس استخرت الله كثيرا ومر مرور الكرام
يكفي اول مرة انخطبت وراحوا حزنت ومدة طويلة لكن بعد كذا اصبحت عندي مناعة يجون يرحون يارب لك الحمد اختي فقط استخارة ولا تأخذين واحد امه لاتريدك اما ام المحروس تبعك لا اعلم لماذا تفعل ؟ لعلها تكون تبى تبرىء نفسها الله العالم لعلها تريد رفلة هههههه لاتريدك هذه في علم الغيب لكن استخيري |
اقتباس:
بعض النسوان يجسون نبض وكل الحركات اللي تسويها ام المملوح مجرد جس نبض ..... بس لو تعلمنا (بنت العاصمه) وش قالت ام العريس عن ولدها عشان نشوف ونحكم |
اقتباس:
هو سبق تقدم لي وماحصل نصيب ... وماكنت متشجعة أرتبط فيه ... ألحين رجع خطبني هذا اللي خلاني أعرف إنه شآريني ... أنا ماابي مشاكل مع أمه لأني مسآآآلمة وأبي أعيش بسلآآم وأبي أعتبرها مثل أمي بعيدا عن الغيرة فهي أمه ولها حق عظيييييييييييييييييييييم عليه وحقوقها تختلف جذريا وكليا عن حقوقي .. عشان كذا محتارة وأحس قراري 55% رفض ... ماادري والله الخيرة خفية عند ربي سبحانه ... مشكورة حبيبتي وجزاك الله خير الجزاء ... |
اقتباس:
ماادري والله حاولت أبحث عن تفسير كل شوي ينط لي تفسير ... ربي أعلم سبحانه .... |
اقتباس:
فهمني أكثر إذا ممكن !!! والله ودي أقول بتفصيل أكثر بس أخاف الجدران لها أذان :26: |
أختي الذوق النجدي الله يوفقك وبصراحه كل موضوع لك أو رد أجد فيه روح الفكاهه وأقول ماشاء الله تبارك الله الله يجعله
دووووم العمر كله مو ساعه ولايووووم وأما لخطيبك فأقول لك توقع والله سبحانه أدرى بمافي النفوس يمكن المرأه ماتريدك زوجه لأبنها وفي نفس الوقت ماتبي تقول لولدها لا ماراح أخطبلك هالبنت وماتبي تكسر خاطره عشان كذا تعذرب فيه لك وأفهم يافهيم يعني أحنا مانبيك ولاتوافقي والدليل أنه ثاني مره يخطبك على كلامك والباب اللي يجي منه ريح سكره وأستريح والله اعلم وإذا تزوجتي إن شاء الله تتزوجي وتفرحينا المريتو علي لاتخافي هدية الزواج ههههههههه.......شااااب |
ليييش الرفض ياااقلبي
دااام هو. شارريك ع فكره بالنسبه للراحه وقت الخطبه صدقيني ماكنت ابد مرتاحه لا للخطبه وللزواج رغم اني انا وزوجي كنا نحب بعض من قبل الخطبه وكنا نتواصل بالمسجات وماكان ودي ابد وحتى لما قلت له احساسي زعل خخخخخخ بس هذا احنا ملكنا ومبسوطين والحمدالله ماباقي شي ع العرس بعد الله يووفقنا. وبالنسبه للشكل يوووه قبل زوجي يرسلي صوره كنت اشوفه عادي وما حلو ابد. بس عشان احبه ماكان هامني الشكل لكن وربي ع الطبيعه غير وحلوو حتى خواتي مشالله زوجك مزيون وانقهرت بعد منهم ههههههههههه تمهلي والرجال شارريك والام والله يجي رضااها بعدين انتي ذكيه وراح تقدرين تكسبينها لطررفك وبالنهايه الامر الاول والاخير لك تقبلي رايي * |
لعلك فهمت اخي لاحب بعد اليوم ياليت اقتبست ردي كاملا وفقك الله تقوول قالت كلام كبير
لكن اسأل الله ان يثيبك لأنك نيتك تبسط المسألة وتفرحها لك الحل : الله نعم تدعوه الله هو العالم وسوف ينكشف المستور |
اتوقع والعلم عند الله
تختبركم تشوف ردة فعلكم يا اهل العاصمه تشوف انتي عصبيه تحاول ترفع ضغطك وتشوف وش بتقولي وش بتردي بس ماشاء الله عليكم مهدين ألأوضاع ومروقين مش هي تقول تبغى وحده ست بيت وانها ماخذه فكره عنك ان عندك خدامه تسوي عنك كل شي عمتك ماتعرف شي عنكم هذا الواضح وتحاول تكتشفكم بأسلوبها الدفش .... سايري ألأوضاع وانتي قلتي ثاني مره يخطبك هذا معناه ان الولد يبغاك وشاريك وهذا شي مهم .... المفروض تنبسطي وليه 55% الله يهديك |
اقتباس:
|
اقتباس:
والله من زود الهم خف دمي :23: بصراحة جاء في بالي تحليلك ... وأعترف إني أحاول أبعد هالتحليل عن رآسي عشان ماأصدق هالتحليل وعشان ماارفض الخطبة نهائيا ... بس الهواجيس تتضارب براسي ... أما المريتووو هههههههه أوك نبيه عونه للعرس بس طبعا كلك نظر لو تجيب كوايه تكون مرررره كريم :D |
اقتباس:
عشان كذا أقول الرفض 55 % غصبا عني والله أنا كلش عندي إلا المشاكل زي كذا .. أبي بداية حلوة بحياتي الزوجية .... |
:26:
ياذوق انتي قريت الموضوع وماطلعت الا باني حبيييييييييتك :26:وربي يكتب لك مافية خير لك ولي طبعا تعليق علي موضوع هالام الغريبة :26: الناس تمدح وهي تذم :26: العادة تخلي ولدها ملك :26: من التعزيز لة مو كذا :26: :26:<<< الفيس عشان عنونك لانة يبسطك بررررررجع تراني انتظريني :26: والله دمك شررررررررررررررررررررربات :14: |
اقتباس:
وعقبال عندك. ولو انك مااالكه قلبه خلاااص بس تتدلعين وتتغلين ههههههههه حركات بنات عادي انتي ماعليك من كلامها. اقولك قاعده اقتنعت بها من زمان وهي ان الحياااه تجارب وماهي داايمه وليش مانجرب كل شي ونشوف ونتعلم وع ذكر سيئات من خطبك من امه اسئلو عنه وقرري لا تعتمدي ع كلام الام لانه غيره لان ولدها متمسك بك وخاايفه تغيرينه عليهم. ومثل ماقال اخوي لا حب بعد اليوم لو ماتبيك ماجت خطبتك يلا عاد واافقي عااايزين نفرررح بك ياااعرووسه :14: |
:16: فيسي لاتسرقينه يادوبا
اقتباس:
تحببببببببببببببببببببببببببببببك العافية وتلزق فيك السعادة قولي آآآآآآآآآمييييييييييييييييييييييييييييييين أنتي اللي عسل ياعسل ... تسلمين يالغلاآآآآآ هههههههههههه أنا شفت الفيس انبسسسطت والله هذا فيسي المفضل بس شوفي عيونه كيف مستانس ومبسوط ... شفت الفيس ونسيت العريس << فقاشة :d ايووووه أنا مستغربة زيك أخبر الحريم تحط ولدها برنس زمانه وإنه آخر حبة ومافيه زيه بالكون !! وهذي ماخلت ميزة وحدة بولدها !! على الأقل كان حفظت موية وجهه المسكين وش ذنبه تفشله ... أنا ماطاح ولدها من عيني بالعكسسس ماصدقت كلام الأم لحد الآآآن لأني مو مستوعبة إن فيه أم تعيب ولدها عند أهل خطيبته للحين مو مستوعبة !! وأنا من النوع اللي مايصدق العيوب بسرعة ولاأصدق كل شئ ينقال لي لازم أتأكد بطريقة أو أخرى .... عموما مكانك محجوز بجنبي أنتظرك .... ياويلك تتأخرين :16: |
اقتباس:
والله ياقلبي الناس تمدحه وأهلي كانوا يقولون عنه متميز وهذا المناسب اللي ننتظره من زمان .. بس كلام أمه قلب كل الموازين !!! وخلا أهلي يغيرون رأيهم فيه ... كلامك سليم ممكن خايفين أغيره عليهم وممكن غيره ,, وتخوف الأم تراه طبيعي وماالومها بصراحة من كثر قصص حريم العيال اللي تخوف وتقهر وتضيق الصدر ... ربي يفرحك بتحقيق أمنياتك وإستقرارك يالغالية |
هل تم العقد أو لازلتم في الخطبة ؟ لاني قريت من بين الكلام أم زوجي ولم أفهم جيدا |
اقتباس:
وأحلى كواية بخار عشان ماتتعبي وكمان كرتون مريتو بس الله يستر من هالسرعه بضيع طريق ساكو لاكن تتحملي نصيبي من ساهر وسدديها من المهر هههههههه .....شااااب |
اقتباس:
أما كلامي عن أم زوجي فهذه أمنياتي اطرحها لأخواتي وأقول : أتمنى أم زوجي مستقبلا أن تحبني بدون أن تهاجمني !!! |
اقتباس:
بتطلع قيمة الكواية من روحي :23: أنا قنوعة أرضى بكواية من حراج بن قاسم عادي بس فكني من ساهر :30: |
اقتباس:
ووويااااك الله يكتب لك الخيرر ياااارب . وبلغينا وش يصير معاااك . |
اقتباس:
مشكورة حبيبتي على الإهتمام ماقصرتي ياقلبي الله يجزاك خيييير |
يا قلبي استخيري مره واثنين وثلاث واسالو عنه في المسجد ودوامه وجيرانه واذا على ان امه تذمه اسكتي يا شيخه اللي عندي جعلهالعله وصلته السما من المدح وطلع خرطي لاهو ولا امه ومافيه شي واحد ايجابي ولا شي يعني مدحه او ذمه ماهو مقياس اسالو ولا ترتبطين فيه الا بعد ما تسالون زين واستخيري ولا تستعجلين فكري على مهلك وحاولي تعرفي معلومات عنه والله يكتب لك الخير ويوفقك واذا لك خير بهالخطوبه تتم على خير واذا لا يصرفه عنك
|
اقتباس:
لاتمدحه بس لاتذمه والناس تقول غير كلامها من أصدق !!!!!!!! افتر رآسي :23: مشكورة حبيبتي ... |
اهلاً بالعروس ياحبيلك وياخف دمك
ام العريس تخوف صراحة مدري وش تبي بالضبط!! ماتقدرون تسالون عنها وعن طبعها؟ من جد شي يحير ؟ مااعتقد انها غيرة ام على ولدها ولااعتقد انها رفضتك شخصياً كان ماجت من الاساس...يمكن فيه بنت في بالها تبيها للولد بس هو رافض وتحاول تحوس الموضوع وتقول مالك الا فلانه الي في بالها الام وكلامها لاياثر على رايك ابداً اذا اخترتي الرفض استخيري برفضه واذا عزمتي على الموافقة استخيري قبل |
فيه مجال للمواجهة بلطف ؟ |
اقتباس:
والله حيرتي من حيرتكم !!! علم أنا سيم سيم علم أنتا :26: فيه بنت ببالهم اممممم فيه أو مافيه ... الله العالم :( وش هالحكي الجديد :19: هذا تحليل جديد !!! بس الظاهر لاجو بسقيهم عشرق :25: عشان يحرمون يسوون فيني كذا ويحرقون أعصابي هههههههه |
حسيت وكأن الولد راغب فيك بالذات أنه سبق وتقدم لك وهي تحاول أختيار اخرى له وهو رافض
فتوجهت لكم :) وهي تحاول من خلال ذمها لولدها أن تجعل الرفض منكم لأنها عجزت في ابنها والله أعلم هذا ماشعرته:) لاتنسي الأستخاره والأتكال على الله قبل كل شي أسأل الله العلي القدير ان كان فيه خير لك أن يجعله من نصيبك وان كان فيه غير ذلك ان يصرفه عنك ويرزقك بالصالح |
اقتباس:
وضحي حبيبتي ؟؟ كلي عيون مبققة لردودكم ونصايحكم ... |
أضافه أخرى
هناك بعض الأمهات هداهم الله عندما ترى تعلق ابنها في فتاه تشتغل الغيره عندها بقوه وتحاول ثنيه عنها وأختيار أخرى له حتى لو كانت البنت صالحه وكل ذلك سببه الغيره والعشره مع هكذا نوع من الأمهات صعبببه جداً:23: |
| الساعة الآن 05:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©