|
زوجي لايناديني باسمي اريد حل لذلك ؟!
السلام عليكم اخواني انا مشكلتي يمكن تكون بسيطه بس كرهتني بنفسي و ابيلها حل ارجوكم انا متزوجه من 12 سنه عمري 28 و زوجي 38 من يوم ما تزوجته ما يناديني باسمي يكح كحه قويه عشان اقوله شنو فيك و بعدها صرت اطنشه صار ينادي وييينج يا هيه تعالي بكل شي يطري عليه الا اسمي ما يطريه رغم انه اسمي حلو و مميز و سهل حاولت بكل شي اغيره ما تغير زعلت من 10 سنوات عند اهلي عشان هالموضوع و ما تغير شي الحين لحد يقولي ازعلي و الا سويها سالفه انا ام عيال و صرت استحي من تصرفات زوجي و كاني مو بشر ابي اغيره باسلوب من غير مشاكل لاني احب بيتي و عيالي و زوجي و لا ابي ازعله على هالمشكله الي يقولي انسيها و لا تفتحين موضوعها بس لازم يتغير ساعدوني الله يخليكم و السلام عليكم اضافه زوجي متعلم متدين بس متمسك بعادات اجدادنا تفكيره قديم |
الله يعين :)
أشوف انك عملتي كل شيء ممكن ينعمل طيب ... شنو يقول عن السبب ؟؟ ليه مصر على الموضوع حتى لما زعلتي عند أهلك ... كيف برر تصرفه أمامهم ؟ شنو أبرز ناحية عند زوجك ؟؟ متدين وللا يهتم بالمظهر الاجتماعي ؟؟ أستبعد لكن هل هو عاطفي ؟ |
متدين متعلم بس تفكيره مال اول
عملي و احيان يكون عاطفي على حسب المود يعني زعلت و قال بتغير بس تغير اول اسبوع و عقب صار يحاول قدر ما يقدر ما يناديني و عقبها طنش |
هل تتوقعين ينفع معاه اسلوب انك تسكتي عنه و لا تلبي إلا اذا نطق اسمك
او بيكبر الموضوع؟ |
دام مافيه الا هالعذروب تغاضي وكملي حياتك،،ولاتدققين بالسالفه مااعتقد بعد هالسنين يتغير
|
وقت بدو شي منك اندهي له : يا زوج كحكح
او ابو اولاد كحكح انو 12 سنه زواج وانتي حاولي فيه عشرة عمر وخبره في الحياة طيب ليه ما تطلبي منه انو يناديكي بام فلان ولدك ما هو انو لو نقدر نقطع لهم هاللسان قطعه منو فقط لا حرام ما كل اللسان القظعه الغلط اللي تكح كح فقط والله نفرح وقتها افكر وارجع لك بدها تفكير القصه |
تصدقين عمري كله ذا ما سمعت والدي ــ الله يرحمه ــ ينادي والدتي بأسمها :25:
ولا بأم فلان ..:25: ع قولتك كحكح :d ي ولد :d ي بذا أحد :d وهكذا وأمي نفس الشيء عمرها ما نادت أبوي بأسمه .. حتى أقاربي اللي بسن والدي .. ما خبرتهم ينادون زوجاتهم بالإسم الصريح ع قولتك هي عادات قديمة .. راحت مع أهلها و راح والدي معهم :( والله يبقي لي أمي : ) بس اللي أستغربه زوجك مو كبير مره عشان يتمسك بأشياء صارت من التراث :) |
8
الله يرحم والداك ويغفر له ويجمعكم به في الفردوس الاعلى .. ويحفظ لك والدتك ويطول بعمرها .. ، فيه احد ساكن معاكم غيرك انتي وعيالك ..؟ وزي ماقالت اختي المسداني لو مالبيتي له وش ردت فعله ..؟ - اقصد كانك ماسمعتي - طيب مايناديك باام فلان ..؟ تدرون اكشف اذا فيه توترات بين والدي ّ من خلال الاسم :d اذا راضي ينادي ام فلان .. واذا الوضع متوتر يابسمها حاف او يافلان يافلانه نادي امك:23: اختي مبسم هيا / اسمك المستعار جدا جميييل يذكرني بالقصيده .. |
أي والله أختي لاتظلمونه ذكرتنا بالقصيده الله يرحم محسن الهزاني وجميع أموات المسلمين أختي مبسم هيا حاولي تعطينه
كتب عن التعامل مع الزوجه وماإلى ذالك عساه يترك هاالعاده وأو حاولي معاه حنه رنه لين يتغير من دون ماتضايقيه وإذا شفتي منفع معاه طنشي هالمشكله ولاتخليها تخرب حياتك .....شااااب قالوا كذا مبسم هيا .. قلت لا لا بين البروق وبين مبسم هيا .. فرق ويالله .. بنوٍ مدلهم الخيالا طافح ربابه .. مثل شرد المها الزرق لا جا على البكرين بنا الحلالا ولاعاد لا يفصل .. رعدها عن البرق رحم الله محسن الهزاني |
أختي الغالية مبسم هيا أنا عندي لك حل وجربيه إن شاء الله يفيدك مع أبو الشباب شوفي أنتي جيبيها بطريقة فكاهية أول شئ جيبي لك حدود 5 لوحات متوسطه وأكتبي عليها إسمك بالخط العريض وعلقي له في غرفة النوم لوحة وفي الصالة لوحة وفي المجلس لوحة وفي المطبخ لوحة وآخر لوحة خليها عند مدخل البيت من الداخل أول مايفتح الباب يلاقيها قدام وجهة وحتى السيارة حطي له لوحة صغيرة وإلصقيها بالدركسون لو سألك ليش سويتي كذا قولي له علشان ياحبيبي تحفظ إسمي وماعاد تنساه ومابشيل هالوحات حتى تحفظ إسمي زين وإلا ترى أنت تكحكح لي وأنا أعطس لك وحده بوحده والبادي أظلم .
|
أختي الغالية مبسم هيا أنا عندي لك وجربيه إن شاء الله يفيدك مع أبو الشباب شوفي أنتي جيبيها بطريقة فكاهية أول شئ جيبي لك حدود 5 لوحات متوسطه وأكتبي عليها إسمك بالخط العريض وعلقي له في غرفة النوم لوحة وفي الصالة لوحة وفي المجلس لوحة وفي المطبخ لوحة وآخر لوحة خليها عند مدخل البيت من الداخل أول مايفتح الباب يلاقيها قدام وجهة وحتى السيارة حطي له لوحة صغيرة وإلصقيها بالدركسون لو سألك ليش سويتي كذا قولي له علشان ياحبيبي تحفظ إسمي وماعاد تنساه ومابشيل هالوحات حتى تحفظ إسمي زين وإلا ترى أنت تكحكح لي وأنا أعطس لك وحده بوحده والبادي أظلم .
|
اقتباس:
ذكرتيني بقصة حب من اول عطسه :d نورت ِ ياام سلطان |
الله المستعان
شيء يقهر بصراحة بس شتسوين مع هالعادات القديمة المتوارثه زوجي يناديني (يا مره ، يا حرمه) اذا عنده حد من الاهل ، اذا عنده رجال ينادي يا أم فلان واذا لحالنا يدلعني باسمي واذا عالتليفون وجنبه احد يخاطبني باسم رجال ! شسوي بعد اضحك لان المشكله فيه وبعاداته احنا عندنا عادي اسم الام والاخت والزوجه متداول لكن الشكوى لله ! والله عندي يكحكح احسن من كلمة يا مراااا <<< تقهر ههههه |
أنا من أيام الملكة ما كان يناديني باسمي كان يناديني يا حجة تصوري مع اني ما كنت رايحة الحج
بس كنت فعلا استغرب ليه ما يناديني بأسمي؟ بينت له أكثر من مرة بس هو يناديني بعد ما تزوجت وصرت أم يا أم فلان دايما على طول حتى يومك هذا بداخل البيت أو خارجه لما كلمته قال لي من باب الاحترام اناديك بأم فلان ما صرت اهتم حاليا بالموضوع يعني خلاص هو اسلوبه كذا طنشي اختي اريح لبالك |
فكره جميله بنت الحكمي وخفيفه
والاطرف منها المشكله نفسها ولكن بما ان زوجك متأثر بعادات باليه ورسخت في تفكيره لماذا لا تطرحي عليه ان يناديك باسم تدليل يختاره لك او حتي حبيبتي وليس شرط اسمك يمكن عنده حساسيه من الاسم وذكريه مادامه متدين ان الرسول عليه الصلاه والسلام كان يدلل زوجته سيدتنا عائشه ويقول لها يا عائش ولنا في رسولنا خير اسوه وكان يتأثر عند ذكر اسم السيده خديجه حبا لها وليس من الدين ان ينكر الزوج اسم زوجته فهذه اذيه لها وقولي له ان الله قد قرنا بين اسمينا عندما قسمنا لبعضنا وأنا أحب أن يقترن اسمي بلسانك وهكذا حتي تجدي اسلوب مناسب يؤثر فيه واذا لم ينفع ناديه باسم لا يحبه او باسمه وكأن فيه لدغه حتي يستشعر ويتوقف عن ذلك |
الأخت لا تظلمونه والأخ شاب
ما شاء الله طلع عندكم ذائقة شعرية رائعة طيب يا أختي إذا كان اسمك هيا جابوها الإخوان قولي هالقصيدة ع الطالعة والنازلة وتغنجي وتدلعي فيها وميلي شعرك يمين وشمال ... وانتي واقفه عند المرايه وكأنك تكلمين نفسك... ويعني من هالحركتات وكمان روحيله يوم قوليله أتحداك تقول قصيدة باسمي لو بيت واحد بس.. بالإضافة لحل الأخت بنت الحكمي الله يجزاها خير عجبني حيييييييل:22: وأموركم زينه ما شاء الله والله يزيدكم من فضله.. |
[QUOTE=بنت الحكمي;2722821]أختي الغالية مبسم هيا أنا عندي لك حل وجربيه إن شاء الله يفيدك مع أبو الشباب شوفي أنتي جيبيها بطريقة فكاهية أول شئ جيبي لك حدود 5 لوحات متوسطه وأكتبي عليها إسمك بالخط العريض وعلقي له في غرفة النوم لوحة وفي الصالة لوحة وفي المجلس لوحة وفي المطبخ لوحة وآخر لوحة خليها عند مدخل البيت من الداخل أول مايفتح الباب يلاقيها قدام وجهة وحتى السيارة حطي له لوحة صغيرة وإلصقيها بالدركسون لو سألك ليش سويتي كذا قولي له علشان ياحبيبي تحفظ إسمي وماعاد تنساه ومابشيل هالوحات حتى تحفظ إسمي زين وإلا ترى أنت تكحكح لي وأنا أعطس لك وحده بوحده والبادي أظلم .[/QUOT
هههههههههههههه عجبني ردك .. .. وضحكني بعد |
اقتباس:
قالوا : كذا مبسم هيا قلت : لالا.... بين البروق و بين مبسم هيا فرق وقيل .. ومبسم هيا لـه بالظـلام اشتعـالا..... بين البروق وبين مبسم هيـا فـرق شاعر قديم عاش بالحريق واضاف الكثير للشعر النبطي وله هالبيت من قصيده.. دع لذيذ الكـرى وانتبــه ثـمّ صـلّ .... واستقم في الدجى وابتهـل ثـم قـل كنت اهتم بالنبطي واحفظه واتقن نوعا ما فن القاءه .. اعتذر طولتها وهي قصيره .. والمعذره منك اختي مبسم هيا على المداخله .. |
السلام عليكم ورحمة الله تعالى وبركاتة
بنت الحكمي أضحك الله سنك يارب ، والله قد ضحِكتُ كثيراً على خفة دمك الأخت مبسم هيا أنتي تقولين بأن زوجُكِ متدين ، قولي له ولكم في رسول الله أسوة حسنة ، النبي كان يعامل أهل بيتهِ أجل معاملة وماكان ينادي زوجاته إلا بأحب الأسماءِ لهُن ، بل كان يدلع زوجاته فقد كان صلى الله عليه وسلم يقول لـ[عائشة] :" يا عائش، يا عائش هذا جبريل يقرئك السلام". متفق عليه. وكان يقول لعائشة أيضا: يا حميراء، والحميراء تصغير حمراء يراد بها البيضاء. كل الإحترام . |
السلام عليكم
أختي كانت تعاني من نفس المشكلة ولكنها عالجتها نهائيا بعدم الرد عليه حتى يناديها باسمها .. |
الله يعينك
لك انا بتضايق اذا حدا ما يندهنى باسمى حتى لو ابوى او امى والله الاخوان ما قصروا بالرد الله يعينك |
والله يالغلا
سؤي مثل ما يسؤي ناديه يا هيه انت ولد هع لين يعرف ان الله حق واذا زعل وهذا اللي بيصير اعطيه على بلاطه اذا نطقت اسمي انطق اسمك |
شكرا للجميع على ردودكم فيها الي بجاني و الي اسعدني و شكرا على النصايح و الافكار الي راح اطبقها ان شاء الله
صدقوني يمكن تعتقدون ان المشكله سهله او عاديه بس لها ابعاد بالنسبه لي ما احب اوصلها انا عايشه معاه بروحنا من اول زواجنا و اهله يزورونا باستمرار و يمكن لهالسبب ما يناديني باسمي تعرفون للحين ما اعرف السبب الحقيقي اصلا كل الي اقوله تخمينات لانه هو غامض ادري ان متزوجين من زمان و لازم اتعود بس ما قدرت انا الله انعم علي بكل شي الحمد لله و ما احب اغار من احد او عيني تصير على غيري بس بسببه صرت اغار لو احد نادى زوجته باسمها اخواني او اخوانه انا بشر بعد احب اسمي و احب اسمعه منه ما هموني الناس كلهم ما ابي احد يناديني غيره نك نيمي بالمنتدى ناداني فيه شخص و اهداني قصيدتها رغم انه اسمي غير بس قالي هالاسم هو الي يناسبج اكثر و لهالسبب اخترته يعني معقوله بس الناس تشوف و تحس و هو لا حبيت بس اقول الي بخاطري سامحوني و ببداء بالتطبيق و برد عليكم بالي يصير مشكورين و يزاكم الله خير |
اختي نفس مشكلتي وأنا متزوجة منذ عشرون سنة هههههههههههومايناديني الا لما يكون معنا أحد او نكون مع احد غضبت كثيرا وتكلمت معه كثيرا وهذا أثر علي فلم أعد اناديه الا عند الحاجة الشديدة يعني باسمه ما عليك الا الصبر والله المستعان هي في الحقيقة تدخل على القلب
|
القضية ليست قضية نسيان اسم بل تعود
رايي والراي لكِ اذا كح فكحي واذا قال ياهيه ردي هلا ياهيه وبس ممكن يحس بقساوتها ووقتها بيناديك باسمك لاكن ان تكون فجوة بينكما بسبب كحه او مايناديك باسمك فهذا ليس من حقك والله يهديكما |
عندك حلين
اذا ناداك لاتردين الا اذا ناداك باسمك الحل الثاني عاملية نفس المعاملة , ناديه ياهيه , كحي , انت اللي تبين المهم لاتنادينه باسمه اذا زعل قولي ليش فيها شيء ؟ لو فيها شيء كان ماقلتها انت لي ؟ وصيري جادة شوي بالموضوع صراحة وش هالاحترام ؟ اجل يكح وتجين ؟؟ الحين الحريم تزعل لاناداها باسمها تبي حبيبتي وحياتي وانتي يكحكح وتجين يامال الشرقة ـــ<< لاتزعلين |
اقتباس:
ماعاد فيه عبارات تصف الحاله اللي أنا فيها :d يا أخت مبسم هيا >>> غلطانه لما اخترتي هالنك نيم .. دوختينا طال عمرك خصوصي ان اسم هيا صاحبته عزيزه علي >>> قررت أرسل لها sms فيها هالقصيدة وأختي الغالية لا تظلمونه أشترك معك في نفس الموهبة وعندي حب إلقاء على توسع فنونه ونادر القى وحده مبدعة في هذا الفن ما شاء الله عليك.. أسعدني ردك ومشاركتك الشعرية الجميلة والحين بروح أعيد قراءة بعض المقتطفات الشعرية اللي احتفظ بها في جهازي بارك الله فيك.. وعذراً منك أختي مبسم هيا ولك دعوه مني بظهر الغيب أسأل الله أن يجيبها لي |
الله يكون في عونك :)
احيانا بعض المشاكل تركها أفضل من حلها :) المهم الحلو في الموضوع إنك متأقلمة 12 سنة :) بالنسبة لرأيي حاولي توصلي معاه لنفس المرحلة اللي سبق ووصلتي لها اقتباس:
ودام انه اقتباس:
والله يوفقك |
كل شي ينحل
انتي خليك هادئه وخذي الموضوع بكل اريحيه ومثل ما قالت لك الاخت بنت الحكمي تقريبا ها الطريقه تفيد ان شالله ومثل ما قالت لك |
طالما سميتي نفسك مبسم هيا تبعاً للابيات اللي وردت بمشاركة (لا تظلمونه) فانتي انسانه ذويقة وعاطفية والحس السمعي عندك له جانب كبير في التأثير ... واعتقد ان الابيات الشاعر محسن الهزاني..
عموماً ارى ان المناداة باسمك من حقك عليه ... ولو دلعك وصغر الاسم ولعب فيه شوي زيادة في الالفة بينكما فمن حقك.. ولكن بعض الرجال لا يجذبه عاطفة التأثير السمعي مثلك وبالتالي لا يكون ايجابياً في التعامل بالمثل معك انا ابغاك تضغطي على نفسك اسبوع او اسبوعين كلما ناداك باي مسمى تجاوبينه باحب الاسماء له ودلع الاسم وصغريه امعاناً في التدليع.. صدقيني رح يحس .. فان تعدل في ذيك الفترة وتجاوب معك زيدي تدليع اسمه وان لم يتجاوب خليك على وضعك الين يحز كرمك بعينه ويتعدل.. من المواقف اللي ممكن تستغلينها وتحركين فيها الموضوع نحو الحل.. هو احراجه بشكل غير مباشر مع تدليع وضحك امام اخته مثلاً... فلو كانت اخته موجودة وهو جالس متونس معها وبجيتها حاولي تنسين شي وكأنك بدون قصد.. فبتلاقينه وبكل (ثواره) يزهمك كعادته باي شي .. انتي استغلي الموقف وطيحي فيه باحلى الاسامي اللي يحبها.. لو طلب شي قولي من عيوني يا روح(....) الغالي----> حطي مكان النقط الاسم اللي ناداك فيه مع نظرة تلميحية لاخته وابتسامة تشق الوجه شق.. لو اعترض او امتعض قوليله هذا الاسم اللي تحب تناديني فيه.. لو مشاها تأكدي انه فهم الدرس.... وفقك الله .................. والحياة جهاد فاصبري |
| الساعة الآن 11:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©