|
أبغى شيء يفتح .. ممكن يكون بسب فقد الوضوء أو نقص فيتامين !
السلام عليكم ورحمة الله وبركاته
كيفكم ياحلوات ؟ إن شاء الله منيحات ^__~ حبيباتي قبل فترة تقريبا شهر قالت لي وحدة رياض تعبانة ؟ قلت لا ليه ؟! قالت مدري مسمره وتجي الثانية اي يارياض مسمره وسمارك سمار تعب مو سمار سمار > يرحم أمك لا عمرك تشرحين :-$ وأنا الحمدلله مافيني شيء قلت يمكن علشانها علي وكذا سكت وأمس قالت لي وحدة ثانية رياض مسمره وتسأل البنات الي معنا قالوا اي مسمره عسى ماشر ومدري إيش ....... وبرضوا نفس الكلام قالوا سمارك سمار تعب مو سمار من الشمس وبرضوا كانت علي ! وضيقوا صدري قلت يمكن علشاني أفقد الوضوء أو يمكن عندي نقص فيتامين لأنه كل مره تجيني الدورة أسمر وأتغير أصير كني تعبانة ومدري إذا راحت رجعت لطبيعتي ولا لا لأني اساسا مالاحضت إني مسمره ومره كذا جدتي قالت رياض صايمة قلت لا قالت وش فيك كنك تعبانة وبرضوا كانت علي ! أنا ما أبي شيء يبيض أبي أتفتح وأرجع لطبيعتي أبغى خلطة طبيعية مو كريمات وخرابيط يمكن يكون عندي نقص فيتامين وين ألقى هالفيتامين فيه ؟ وممكن يكون بسبب تقلبات الجوء لأن بشرتي مره حساسه |
روحي للدكتورة واعملي فحصوات
قد يكون عندك انيميا..ونقص بالحديد. |
انتي ما تبين شي يفتحك انتي يبيلك تغذيه زينه وقت الدورة
ركزي على الورقيات مثل البقدونس و الجرجير انا مثلك وقت الدورة اتعب و يصير وجهي مسمر و مرهق بس احتياط سوي فحص زي ما قالت سيلا |
جزاكم الله خييير جميعا .. الحمدلله راحت الدورة وراح السمار أنا صحيح عندي فقر دم يبي لي أهتم وقت الدورة وأكل أشياء فيها فيتامين الحديد .. مشكورين ماقصرتوا
|
على فكرة لزم تروحي للطبيبة
وهي رح تعرف ايش الي يناسبك وغير ذلك ماانصحك في حبوب الحديد بدون استشارة لآنها تجيب امساك يعني تحل مشاكل وتجيب معاها مشاكل ثانية بأمكانك اذا اخذتي العلاجات االلازمة تشتري خافي عيوب يناسب درجة بشرتك طبعا اذا بشرتك باهتة او حنطية انصح تستخدمي بيس مايل البرتقالي |
اقتباس:
ويظهر عليها علامات التعب والإرهاق وبعد الدورة أرجع لطبيعي يعني محتاجة أكل صحي جزاك الله خير |
انصحك بالعصير الأخضر دوري عليه في قوقل يجنن صراحة واحلوت بشرتي بعده صارت نظرة ومنورة طعمه اهبل شويه ومر لكن فايدته جناااان جربيه وشوفي |
اقتباس:
حمستيني له بإذن الله راح أستعملة .. جزاك الله جنات الفردوس الأعلى |
أقول خلو عنكم cng خذي فتامينات والله تفرقين
مافيه مثل الفيتامينات أصلا لازم ناكلها أحنا تغذيتنا كلها حلويات وشيبسات وهالأشياء لاتروحين لأي شي شوفي cng مضمونه صح السعر يفرق لكن الصحه مو لعبه شوفي عندك فيتامينات زيت السمك Omega أبحثي عنها في النت وشوفي وأصلا الفيتامينات ماتضر يعني توكلي علي الله وشوفي صفاء البشره كيف معها وكثري شرب مويه وأهم شي سبع تمرات الصبح وثلاث أكواب ماء علي فكه الريق ويكون الماء دافي عشان ينظف المعده الله يتمم علينا وعليكم نعمه الصحه والعافيه |
اقتباس:
أختي ملامح أنا شفت لك رد تمدحين فيتامين زهورالربيع رحت للصيدلية ومالقيتها والحمدلله إني مالقيتها لإن الفيتامينات لازم ماتخذينها إلا بزيارة الطبيب لإنه زيادة الفيتامينات جدا جدا خطيرة فيه فيتامين يسبب فشل كلوي وفيتامين يسبب حصى وفيتامين يسبب تليف للكبد ! وأنا تبين الصراحة أغلب أكلي شبسات وحلويات وشكولاتة بس برضوا لازم ما أكل الفيتامين إلا بزيارة الطبيب وبإذن الله ناوية أسوي تحليل لكل الفيتامينات ، جزاك الله خير ماقصرتي |
اقتباس:
لا عادي مافيها شي مثل الزنك وزهره الربيع والحديد أنا مره كان أكل حبوب الزنك وخفت رحت للدكتوره قلت لها قالت لا عادي كلها مكملات غذائيه لين مانفعت ماتضر شوفي إلي تسبب فشل الاشياء السقيمه مو مضمونه والله أنا كم لي اكل فيتامينات من زماااان يعني ألحين مثلا زهره الربيع هاذي ثالث علبه لي أنا مااأشتري شي إلا من cng عشانه مضمون شوي ومعروف أنه كله طبيعي وعالمي وكلت حبوب سمك السيلمون والزنك وكل شي جربته :d وبعدين اصلا أجسامنا وين تتغذى معه وتكمل الناقص كل أكلنا حلويات وسهر وقهوه وأختي لما كانت حامل عطتها الدكتور 9 حبوب فتامينات تاكلها ألحين ماشاءالله كثررررر شعرها مررره معروف الشعر بعد الولاده يتساقط لكن أختي كثر بسبب أن جسمها كان غني بالعناصر عموما أهي قناعات لكن بخصوص زهره الربيع لاتشترينها من الصيدليه وأقول لك بالنسبه لي حسيت بفرق لكن مو كبير وأختي ثانيه لو تشوفينها قلبت مره بعد ماستخدمت فيتامينات للشعر صار بشرتها فيها نضاره وحلو لازم تتأكدين من طبيبه وتسوين فحص لكن أكيد راح تقول لك مافيها شي كلها مكمل غذاني والمفروض كل البنات ياكلون بسبب ظروف البنات كل شهر هاذي تنقص فتامينات في أجسامنا ونرجع نقول مافيه مثل التغذيه السليمه افضل من الفيتامينات ألف مره |
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©