|
زوجي وطردة لي عند اي مشكله
السلام عليكم ورحمه الله وبركاته
ترددت كثير قبل ماكتب مشكلتي هنا لان يمكن ماابغى احد يقولي اتركيه وروحي لاهلك او يمكن ماابغى يقولي انتى غلط لازم تحطين حد للمشكله بالبدايه زوجي حنون بالمرة كريم طيب خدوم اذا جاء من الدوام او اي مكان ثاني مالقى له اكل عمرة مازعلني والا خاصمني عشان مالقى له شي ياكله بالعكس عمرة مابينلي شي انه زعلان من هالموضوع حتى ملابسه احيانا ماكون عندي وقت اغسلها اما جت طلعه او زيارة وممداني اغسلها عمرة ماقالي شي بالعكس بكل صدر رحب يقولي اغسليلي الملابس هذي بكرة ضروري ابغاهم يحب بنتنا ماشاء الله لاقوة الابالله بالمرة يعني مو مثل شباب هالايام اشوفهم اغلبهم عادي عندهم اولادهم هو ماشاء الله متعلق فيها بالمرة وحنون معها بالمرة ولما يلعب مع بنوتته يرجع طفل صغيرعشان يلاعبها الحاصل ان فيه صفات كثير ماشاء الله لاقوة الابالله حلوة فيه عمرة ماقالي انتي وين رايحه والا جايه الحمدلله عمرة ماقالي اليوم مافي طلعه والاجبرني على شي ماابغاة الحمدلله وقف مع اهلي وقفات اخواني نفسهم موقفوا مع اهلي مثله ماشاء الله اكيد بعد كل هالكلام الحلو تقولون وين المشكله المشكله انه انسان يسوف كثير يعني اليوم اطلبه حاجه بعد اسبوع اسبوعين يعمله لي انسان بااااااااااااااااااارد بالمرة والمشكله الاكبر وهذي مشكلتي الاساسيه انا اعتبرها يوم نتهاوش على حاجه مثل اي زوجين بالدنيا يعصب ويتغير ويصير مو كانه الانسان الى اعرفه وبعد مايهاوش ويسب ويغلط يقولي يالله قومي اقلعك لبيت اهلك قومي ماابغاك بيتي والله غير اربيك وادبك ومن هالكلام ويوقف فوق راسي عشان اخذ اغراضي بس طبعا انا مااطلع من البيت اجلس اشوي بعدين اجلس اهدي فيه واقوله ماني طالعه من بيتي ومن هالكلام واجلس ارضي فيه حتى يبطل يطلعني من البيت لاني عارفه اني لو الف الكون يمين ويسار ماراح الاقي احد مثل زوجي ماشاء الله لاقوة الابالله وبعدين بيت اهلي بالنهايه صراحه مايساعد الواحد يجلس فيه بس مشاكل الله المستعان انا ابغى طريقه يترك هالصفه البشعه الى فيه هو طردي من بيتي |
ماشاء الله مع مواصفات زوجك واخلاقه العاليه واسمك الهم ذبحني؟؟ طيب ليش؟؟ اجل كيف لو عشتي مع زوج مافي ولاذرة رحمه زوج ينتقد كل شي فيك او زوج يضرب او يطلق اذا مالقى اكل او مالقى ملابس نظيفه...
لاتدوري طريقه ولا شي انتي ماعندك مشكله...هذا طبع زوجك ولازم تتكيفين معه...اذا على الطرد انتي عارفه انه بيكون معصب الرجال وبالذات اصحاب القلوب الطيبه اذا تهاوش مع زوجته يقلها روحي بيت اهلك لانه وقتها معصب ومايبي يمد يده عليها وماعنده غير روحي بيت اهلك... وزوجك بكل هالمواصفات انسان نادر جدا نصيحه غضي الطرف عن طبعه السيء..وحاولي انك ماتستفزينه...يعني اذا تبين طريقه تتخلصين من طبعه حاولي ماتعصبينه او تردين عليه الكلام... انا قلت هاللكلام لانك وصفتي زوجك بمواصفات رائعه ...تشفع له اي غلطه يسويها..وايضا انتي ناقشيه ووضحي له في لحظة صفاء بينكم ان هالشي يضايقك واطلبي منه انه مايكررها وبالنسبه انه مايعملك الحاجه الا بعد اسبوعين من طلبها...يعني انسان مهين او كسوووول...والحين قوليلي عمرك شفتي رجال مش كسول...اغلبهم كذا...لازم تزني عليه عشان يخلص حاجتك.. وبروده...مافهمت وش تقصدي من البرود هل برود اعصاب او برود جنسي...؟؟ |
سهل جداااااااا
وقت الهواش آية الكرسي ردديها كثيرا على ماء واشربو انتي وهو اسهل واسرع دواااااااا |
السلام عليكم ورحمة الله تعالى وبركاته
أتفق مع رأي الأخوات هنا تماماً ، وأزيد علية أن لاتؤاخذية وقت الغضب ، ودائماً دائماً في حال حدثت اي مشكلة بينكِ وبينة تذكري إيجابياته ، ولاتدعين بعض السلبيات التي في شخصيته تؤرقك ، واعلمي بأن الكمال لله وحدة ، وصدقيني بيت الزوجية بمشاكلة ارحم من بيت أهلك ، والزوجة لايتحملها إلا زوجها ، حتى اهلها وإن تحملوها يظل للزوج نكهة أخرى . شيء جميل !! أعجبني فيكِ بأنكِ لم تستمعي لكلامة عندما طلب منكِ لملمة أغراضك ، ف هذا طباع المرأة الناجحة ، دائماً متمسكة في زوجها وبيتها أياً كانت الظروف الحل !! في جلسة هادئة وجميلة تكونون فيها مؤلفة قلوبكم ويفضل بأن تكون في غرفتكم الخاصة ، أثني علية بالكلام وامدحية لينفتح قلبه للعتاب " الرومانسي " أكثر ، وبالكثير من التودد ووووووووالخ ، قولي له بأنكِ تحبينه وبأنكِ لاتريدين بأن تسمعي منه هذا الذي يؤرقك مرة أخرى ، وذكرية بأبنتة دائماً ، وبأن هذا من الشيطان ، فلا تدع الشيطان يدخل بيننا ، فهو عدو الله وعدو المؤمنين . كل التقدير . |
المشكلة ماهي مستحيلة الحل عشان تتكيفي معها ..
المشكلة بسيطة ولها حل ... اذا قال لك مرة ثانية اطلعي ،، خذي أغراضك واطلعي .. و شوفي بعدها كيف راح يبطل هذا الكلام ..! هو يكرره عليك عشان عارف انك ما راح تطلعي و يستمتع بانك تترجيه و تستسمحي منه .. تعتذري مرة مرتين ما عليه .. لكن علي طول صدقيني مو حل أبدا .. جربي مرة و شوفي كيف راح تنحل مشكلتك .. |
السلام عليكم ورحمة الله تعالى وبركاته
أختي بينك ، أعي بأنكِ ناصحة والله ، ولكن أأمري بالمعروف ، المسئلة ليست عناد وندية ، هذه حياة زوجية ، لايجوز فيها أن يشتدوا كلى الطرفين ، ف الحياة الزوجية يراد لها حكمة وتدبير ، وكل شيء يُحل بالتفاهم والحب . بعض الأزواج في حال حصل " وتزاعلوا " يزداد الأمر سوءً ويصبح الامر قمة بالتعقيد والعناد إلى أن يحصل شي لايحمد عقباة ، قطع الفتنة ودابر الشيطان من بداية المشكلة أفضل من تطورها ، وكفى بالله وكيلا . كل التقدير . |
خليك ذكية... هو مكرمك ومو مقصر عليك بشي رغم بعض اهمالك وهذا نادر في الرجال.. هو يعلم ان بيت اهلك فيه مشاكل ووضعك في بيتك افضل.. فبالتالي هو يضغط عليك بس عشان تتأدبي حسب مفهومه..
لا تخربي بيتك.. مثل ماهو يتعامل معك بطيبه عامليه بالمثل رددي فوق راسه كل يوم وبكل مناسبة فرح او زعل جملة( مالنا الا بعض مهما صار) >> لها مفعول عجيب انا ارى ان جرح كرامتك بطردك ولكنه ماطردك هو هدد بطردك ولكن له هدف انه يردعك ويخليك تعودين لطوعه بس وهذا امر عادي دامك انسانه عاقله وتعرفين مصلحة نفسك>> فلا تخلي للشيطان مجال بينكم من ناحية الكسل.. كثير من الرجال تشغله امور كثيرة ينسى او يهمل بدون قصد كما زعمتي... ومرات الاكتئاب يخلي الرجل مايهتم ولا يقدر يزين شي لاتهتمي فترة وتعدي بس خليك عاقلة وذكيه.. ودلعي هذا الطفل الكبير |
اذا قال لك بعدين قولي له بسلوب هادئ وبحزن ولو فيه كم دمعه يكون احسن اذا ماتبغاني ما انت مجبور علي وانا لو بيدي ما أفارقك ولو ثانيه ولو ألف الكون مألقى زيك بس نفسي عزيزة ماأقدر اعيش مع واحد مايبغاني اذا سكت لمي اغراضك وانتي تبكين وتناظرينه نظرات شخص مايبغى الفراق صدقيني راح يعتذر ويتأسف احضنيه وقولي من قلبك انت ماتدري الكلمة هاذي تخلي قلبي ينزف نزف انطرد من بيتي ومن زوجي حبيبي حط نفسك مكاني...
جربي هذي الطريقه وعطيني خبر. |
السلام عليكم
قد يكون ردي فيه الكثير من القسوة لكن اعتقد من وجهة نظري ان هذا هو افضل حل زوجك ربما لم يجرب ان يعيش ببيت خلا من زوجة وابنه يحبها ويدللها متى ما يشاء وكيفما يشاء اختي الكريمة ..... زوجتي تركت البيت اكثر من مره على مشاكل تافهه وكنت كل مره ارجعها ولم اطردها قط كانت تذهب بملأ ارادتها واعيدها بعد ان افتقدها هي وابني فنصيحتي : اذا قال لك زوجك ضفي اغراضك انا ماعاد ابيك ببيتي قومي بكل هدووووء اهم شئ بكل هدووووء وافتحي شنطك وخذي بعض اغراضك الضرورية واغراض ابنتك وجهزي كل شئ واستعدي للذهاب لبيت اهلك ان اوصلك لبيت اهلك وكما وصفتي انه يحبك ويحب ابنته بجنووون لن يتحمل اسبوعين الا وهو امام منزلكم بحجة انه يريد رؤية ابنته هنا ابوك يتدخل ويطلب منه الدخول للبيت واجلسوا ابنته عنده ليلاعبها قليلاً هنا انتي ادخلي للمجلس سلمي عليه وتناقشوا بالموضوع وقولي له انا خايفه وما احس بالامان على كل مشكله تقولي ضفي اغراضك وروحي بيت اهلك اذا تبيني ارجع خلاص لاعاد تطردني من بيتي بكره بنتنا بتكبر وش موقفك وهي تشوفك تطرد امها ؟؟؟ عموماً هذه الأحداث مجربة وأدت ثمارها ان الزوج بطل على كل كبيرة وصغيره يقولها ظفي اغراضك يالله بوديك بيت اهلك استشفي زوجك جيداً واعلمي هل ينفع معه هذا السيناريو او لا وحتى لو تغيرت الاحداث قليلاً ان ابوك اتصل عليه وقاله تعال اليوم تقهوى معاي ان اطال الوقت ولم يسأل وعند قدومه حاولوا حل المشكله معاه ان كان رأيي في غير محله او خطأ اللهم اعمي بصيرتها عنه |
ملاحظة اخرى : زوجك صبور جداً نادراً الأزواج يسكتون على ان ملابسهم غير جاهزة او ان الغداء لم يحضر بعد ان يعودوا من يوم شاق جداً
فزوجك لؤلؤة حافظي عليها ففيه من الخير الكثير أسأل الله لكم السعادة أبد الحياة |
انا مع راي اخوي عاشق الجواهر والاخت بنك ولاراح يكررها صدقيني
|
اقتباس:
اهلين غرور الحمدلله فيه من المواصفات اكثر من ماكتبت ماشاء الله لاقوة الابالله بس يااختي صرت اتجنب الحين اي نقاش معاة اخاف يشتد بيني وبينه ويقولي روحي بيت اهلك صراحه كرهت هالكلمه وبديه احقد على زوجي من هالكلمه كرامتي تنجرح حتى لو هو كل هالصفات الطيبه فيه الا الكرامه ماتقدرين تغفرين له لما يجرحها والبرود ماقصدي جنسي :29: قصدي بارد يعني كل شي سهااااااااااااااااااااااااااااااااااااااال عندة كل شي مافيه مشكله عندة |
اقتباس:
شكرا خاله قرين على هالنصيحه بس والله تعبانه من هالموضوع |
اقتباس:
هلا اختي المتفائله فعلا هو بس لم يعصب يصير انسان ثاني مو زوجي الى اعرفه وفعلا يوم اسمع كلام بعض المشاكل احمد ربي مليووووووووووووووون الف مرة على النعمه الى فيها بس الانسان ديم يبحث عن الكمال خصوصا لصار شي يخص الكرامه وكم مرة اقوله لم نتهاوش لاتطردني يقول لانك مو راضيه تفهميني للان :25: |
اقتباس:
يااختى ماقدر اطلع لان في بيت اهلي مشاكل كل يوم لو على شي بسيط الله المستعان عندي مشكله زوجي اسهل من مشاكلهم ميه مررررررررررة |
اقتباس:
مع اني للان ماعمري قلت لحد من اهلي انه اذا زعل يقولي روحي لاهلك |
اقتباس:
|
اقتباس:
اخوي عشق انا متاكدة مليون بالميه ماشاء الله لاقوة الابالله لو فعلا اطلع لبيت اهلي ماجلس اسبوعين متاكدة اسبوع مستحيل يستحمل بس انا ماابغى اطلع والا ابغى اتركه لاني مرة انا زعلت منه وطلعت من نفسي وخليت له البيت ثاني يوم هو بيتنا يقول ابغى اشوف بنتي يتلكك اعرفه زين لان مثل ماقلت بيت اهلي الله المستعان كل يوم مشاكل قلبي مايقدر يتحملهم صراحه انا انسانه ماحب المشاكل على كل شي حتى لو شي تافه وبيت اهلي كذا هوشاتهم على الطالعه والنازله واما اني اقول لابوي صعبه لان اصلا مشاكلي عمري ماقلت لااهلي عنها نهائيا لان بكرة انا وهو نترضى لكن يضل الاهل ماينسون المشاكل الى صارت وديم يذكروني فيها انا ماني مع البنات الى كل كبيرة وصغيرة من مشاكل تقول لااهلها عنه وانا معاك ان زوجي انسان نادر هالايام ماشاء الله لاقوة الابالله عشان كذا متمسكه فيه الله يصلحه ويهديه بس ويبطل هالسالفه |
اقتباس:
|
اتفق مع رأي ليه الغرور ..
و مثل ماهو عنده تقصير، فإنت كمان نفس الشي و هو بيتغاضى عن اي تقصير و بما انه انسان بارد، يعني اللي فهمته انك تحاولي تستفزيه ؟؟؟ و على فكرة، انت زوجك يأجل الاشياء اسبوع و اسبوعين انا زوجي يأجلها سنة كاملة :D من جد اتكلم و عااااااادي .. مع اني وحدة حااااااارة و اشغالي أنفذها من نفس اللحظة، مو مثلا اني باردة و الامور عندي عادي لو تتاخر ؟ بس أقلمت نفسي و ماخذة الامور بضحك و تريقة .. تخيلي ؟ انا عند اهلي من الشهر الثامن من حملي .. و دخلت العاشر و ولدت و انا كل شوي اقول لزوجي، اذا رحت لبيتنا جيبلي ملابسي و ملابس ولدك و هو يقول طيب .. و ماجابهم غير قبل امس ^^ يعني 3 اشهر و هو يقول طيب و من سنة اقول له يقدملي على شغالة و انا بادفع فلوسها، هو بس يسأل لي .. و لحد دحين و هو يقول طيب .. و يعيد نفس السؤال ؟ ايش تبغي جنسيتها ؟ و كل مرة اعيد الجواب .. صرت دحين اقول له، كم مرة تسألني نفس السؤال ؟ و يرد علي .. نسيت ايش قلتي ؟ ياختي .. لا تنكدي على نفسك |
السلام عليكم يا اختي
يعني انت مدحت جوزك ما شاء الله لا قوة الا بالله وانو ما في منه في العالم و الظاهر انك ما انتبهت انه مع كل هذه الاخلاق الرضية منه و اللي يقل مثيلها .. انه عندما يصل الى المرحلة التي يتهاوش فيها معك ويفقد اعصابه .. يكون المسبب هو انت ثقي تماما انه لن يكون سعيدا ابدا بالوصول الى هذه النتقطة الا عندما يكون قد ( انفتـــــــق من الغيظ منك ) وطالما انك حريصة عليه وعلى حياتك معه و هذا هو الصحيح بدون اي نقاش .. انصحك بان لا تتناقشي معه ابدا باي موضوع تعلمين مسبقا انه يثيره في اي نقاش تراجعي حتما عندما تشعرين انه اقترب من نقطة الخطر حاولي ان تحولي المواقف المتازمة الى موقف بسيط بالتراجع من طرفك واستعمال الكلمة اللطيفة انك لن تستطيعي تغيير طبعه فاحرصي على ان تجعلي هذا الطبع لا يظهر الى السطح مطلقا لا تحاولي ان تناوري بموضوع المغادرة الى بيت اهلك واظهار نفسك زعلانه حتى لا تخاطري باظهار نفسك غير مهتمة لانك لاتضمنين ردة فعله عندها اتمنى لك التوفيق و احرصي على نعمة الزوج الصالح و الجيد ختى يديمها الله عليك |
| الساعة الآن 09:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©