|
وش الحل مع زوجي والمواقع الاباحيه
السلام عليكم ورحمة الله وبركااااااته وش الحل مع زوجي والمواقع الاباحيه وبعد وش الحل مع الفيس بوك لان كل المضافين عنده بنات اجانب ونصهم زميلاته بالدوام وسوالف وتعليق على صورهم الماسخه طبعا كل هذا مايدري لان بالصدفه شفت السجل من وراه وانصدمت ماتوقعت ولو 1 بالميه انه هيك وابيه يبطل هالشي مره لكن مشكلتي معرف اواجهه او اتكلم معه بهالامور لساني ينربط ولايحب نتناقش ونحل المشاكل يبيني اسمع فقط مايبي يسمعني يشوف اهو الصح دايم بالعكس يخليني بتصرفاته ابتعد عنه اكثر واكثر مواصفاته طيب حنون على عياله بس مايتحملهم كثير يعني يحب يجلس لوحده يحب يساعد الناس و مايحب يساعدني حتى وانا مريضه ويحترم اهلي جدا ..واغلب وقته دوام ونوم واحنا صفر عالشمال الا نادر وباااااارد لابعد حد وكسول يعني الخراب يجلس من شهر لسنه لسنتين مايصلحه وغير كذا مااايشوف ايجابياتي ابدن فقط السلبيات وينكر اي عمل صح لي لاني بنظره انا كلي غلط بغلط وهو الي اقدع واحد بالدنيا الحين لنا شهر متزاعلين وهو الغلطان ومستحيل يراضيني اعرف طبعه ونرضى من غير شي ولاكأن بينا شي طيب انا قربت انجن طفشت من البيت محد عندي اروح له اهلي بمدينه ثانيه وماعمري قلت لهم عن مشاكلي معه ابدن لاني مااحب ينزل من عينهم او الناس تتكلم فينا وتتمشت ابدن ابلع واسكت لين ربي يفرجها بس الحين مليت ووصلت حدي صاير مقصر معاي معه بالنفقه ابي السوق ناقصني اغراض كثيره انا وعيالي ولانزلنا حتى بالعيد ماتقضينا ولازرنا احد يقول مافي عيد حتى اهله ماوداني اسلم عليهم ولاحبيت اقول لاحد مايحب السوق ولايحب يمسك عياله واحنا برا ابدن واذا طلعنا برا بالكثير ساعه ورجعنا طفشت من البيت انا انسانه وابي اغير جو واشوف الناس واخلي عيالي تغير جوو وهو مايتحمل يقول مافيني انتبه لهم برا ويحاسبني عالريال مع العلم ان لما انزل السوق مااشتري الا بالشي الرخيييص مااااتكلف فوق 500 ريال ومن فتره لفتره بعيده انزل السوق واذا احد طلبه سلف ماشاءالله يصير البنك المركزي له وبعضهم مايرجعون الفلوس وانا يحاسبني وطلبته نفقه وافق لكن يقول بعطيك 100 شهريا او 200 يعني 1200 السنه او 2400 ببالله هذي تكفي اغراضي بالسنه بعد مادري وش يحس فيه مع انه راتبه يكفي ماشاءالله لكن يحسدني يقول لو عطيتك الف شهريا بتجلسين تشترين وتغيرين بالاجهزه هذا عذره مع ان جهازي له سنتين ماغيرت وخرب واختي جابت لي جهاز جديد والله الي بعمري لسه ماتزوجو وانا احس كاني كبرت 5 سنوات لقدام الملابس تجلس لحد ماتتغير لونها واحنا نغير واذا جت مناسبه وقلت ابي السوق ماوداني وقال لاتحضرين دام ماعندك لبس .... يفقع القلب قلت سفرني لاهلي طيب مليت ابي اغير جوو وافق بالبدايه وبعدين رفض قال مالها داعي طيب يعني الي تسويه انتي له داعي مثلا ..! حتى لما اسافر لاهلي شنطتي فاضيه كل شي قديم وفاااضيه وقال لارحتي هناك بحول لك فلوس وانزلي مع اهلك السوق ولاسافرت يماطل مايحول بسرعه يومين 3 اربع ويقول كم تبين 1000 تكفيك وش تكفي بالله حتى اهلي قبل لاجي قالو تقضي مو لاجيتي ودوني نزلوني السوق واخواني يفكروني انا قاصده هالشي علشان اتعبهم معاي .. شوفولي حل جزاكم الله خير واهم من كذا المشكله الي باول الموضوع شلون اناقشه فيها استغفر الله الذي لا اله الا هو الحي القيوم واتوب اليه |
الله يعينك اختي
بس أنا من وجهة نظري ماتواجهينه على طول لمحي له وذكري بالله وقولي تصدق قرات عن وحده تقول زوجها يناظر اشياء اباحيه يالله كيف مايخاف من الله طيب يخاف على زوجته وعياله ومايخاف ربي ياخذ روحه وهو يشوف هالاشياء يالله ياابو فلان وشفيها الناس جنت بالأسلوب هذا وبكل برائه احسن من المواجهة والمشاكل وخراب البيوت لان عندك أطفال وأما على سلبيته فاختي الاغلب والله المستعان صارت شكواهم من هالشي والحمدلله انه زين وطيب مع اهللك وانا من حكيك اكتشفت انك عاقله لان العاقله اللي ماتطلع اسرا بيتها ولا عيوب زوجها وأما على المصروف انتي تناقشي معه بهدوء وانا ماسمعك خلي اولادك هم يطلبونه حتى لوصغار احيانا يسمعون لهم واذا على الطلعه صح النفس تبي التغير بس اختي اذا منها مشاكل الله الغني وجودك بين أحبابك اكبر متعه انتي حاولي تشغلين نفسك العبي مع عيالك طوري من نفسك اقراي المهم اشغلي نفسك لاشافك كذا يمكن يتغير وأخيرا اسأل لك التوفيق وانا يغض بصر زوجك عن الحرام وان يصلح مابينكم وعليك بصلاة الليل والدعاء فان سهام الليل لاتخطي كان الله في عونك وثبتك واصلح لك زوجك وأولادك مودتي غاليتي |
يارب اشفي جنيني مشكوره يالغلا انا ادقه بالحكي احيان لما اخلص شغل البيت واكون مقصره بشي واحد قام يقولي انتي كله جالسه عالنت او تتابعين التلفزيون وانا بالعكس التلفزيون ناااادر اتابعه اذا فضيت رحت عالاب اتصفح وقتها اقوله عالاقل اتابع شي مفيد مو قلة حيا واشياء مو زينه وفيها معااصي وقتها ينقلب وجهه ويسكت والتناقش تناقشنا كثييييييير ومايفيد فيه وش اسوي وماابي ادخل احد بهالموضوع عيلتنا كلها مخصصين لزوجاتهم مصروف واخوه بعد مسوي هالشي لمرته وانا لا وقلت له الكل كذا هو يفكر اني اكذب عليه وقلت له ترتاح مني ماطلب منك فلوس دامك بتحول مصروفي لحسابي خلاص بتكون مرتاح واصرف من الي عندي استغفر الله واتوووب اليه |
الله يعينك يارب
|
هو وقع على عقد الزواج، عليه ان لا يخون، وفعله خطوة على طريق الخيانة الزوجة التي تسكت عن خيانة زوجها مقصرة بل بطريقة غير مباشرة مشجعة له عليك بالمصارحة، لان من وراء الخيانة:...امراض تناسلية، وضياع الحقوق وتدمير الاطفال والزوجة ونهاية الحياة الزوجية...... كوني شجاعة خذي دليل قاطع، ومن ثم اعرضيه عليه قولي له لا اقبل ابدا هذا منك، انت زوجي فقط كما في العقد...وموقع عليه اما تعدل او نعيد النظر في العقد الخيانة الزوجية باب مفتوح لامراض تناسلية خطيرة جدا |
وانتي ليش سامحتله بهذا كله...مالك لسان تنطقين..الي زي هذا اهله ماربوه المفروض زوجته تربيه وتعلمه الصح من الغلط..
كيف شفتي هالاشياء عنده والخيانه وقدرتي تسكتين كانه مو زوجك ولا كان لك علاقه فيه..برودك غير طبيعي لانك ساكته وماتشتكين لاحد من اهلك يوقفه عند حده حاطك تحت رجوله...تحركي كلمي حد من اخوانك قوليله كل شي اول شي النفقه والاغراض الي تحتاجينها علميهم انه مايوفرلكم كل شي...لاملابس ولاعيد ولا تغيير جو,,اجل وش دوره في الحياه.. والي استغربه منك انك قلتي حنون وطيب مدري على اي اساس قلتي حنون وهو ولاهو يم الحنان.. واكبر غلط انك ساكته عن المنكر..ومخليته على كيفه يسرح ويمرح..لا يااختي لازم تحطين حد للمهزله الي انتي فيها..واذا بتمين ساكته خلاص ليش تجين تشكين..؟؟وش بنسوي لك احنا ماراح نفيدك بشي...اهلك هم الي يفيدونك..واذا ماتبين تدخلين احد تحركي انتي وواجهيه ..ومن الان اقلك زوجك ماراح يتغير ويفوق الا اذا دخلتي اهلك يكلمونه..واكيد اهلك شايفين تقصيره عليك..مو شرط يعطيك مصروف...على الاقل ينزلك السوق كل مااحتجي ويبطل وصاخته وافلامه..يعيشكم عيشة اوادم مو عيشة مساجين..يجمع الفلوس ويوفر عشان يروح يتزوج عليك..حتى العيد حارمكم وسكتي له يااختي وش البرود الي فيك.. والمنكر والمعاصي الي شفتيها لاتسكتين عنها ان سكتي معناه انك تساعدينه يروح للحرام اذا انتي مانصحتيه وواجهتيه من بينصحه..البنات الي عنده ينصحونه مثلا؟؟ |
الله يعينك ويوفقك ويصبرك ان شاء الله
زوجك ما ينفع معه المواجهه لاانه لا يسمعك ودايما مهمش دورك فى حياته والمواجهه معه ستكون باب لمشاكل كثيرة فيما بعد عليكى ان تلمحى له بشكوته وسرد ما تعنيه الى احد اخوته او والده ولا يصل الامر الى تهديده لاان زوجك عنيد معكى وعليكى دائما بالدعاء والصلاة |
وش فيكم خفو علي شوي الله يهديكم بالنسبه للصور الي يعلق عليهم زميلاته بالدوام اجنبيات حاطين صورهم ولقيت علق على وحده بصراحه الصور قهرتني وعلق على صوره وبعدين حذف التعليق اتوقع او زي كذا لان معاد شفته وهم كذا والا كذا عنده بالدوام يعني بياخذ ويعطي ويسولف بالدوام ومره قلت ليش تسولف معهم بينكم عمل فقط مو سوالف وطنق حنك قالي الكل كذا بالدوام وانا بالعكس مااطقها ميانه معهم مثل الي معاي قلت لاتاخذ ولاتعطي معهم ابدآ والافلام كان ماقدرت اقوله وقتها والله انربط لساني لاني مااااشكيت ولو واحد بالميه انه يشوفها لانه وقت مراهقته ماعمره شاف افلام ولا كان له اي خرابيط فتفاجأت ولكن كنت بصراحه احيان ادقه بالحكي وبعدين وش بقول لاهلي اقولهم يتابع افلام اباحيه ماكل اخواني يتابعون وعندهم ماشاءالله البيبي ماخلا شي من صور ..الخ والصرف مااقولكم انه كان مقصرمن اول لا كان ماعليه من الصرف بس لي سنتين من بدى يمسك شوي شوي بحجة انه كان بيشتري ارض ويبي يبني بيت لنا لكن هذا مايمنع انه يخصص لي مصروف هو الحين سافريومين ان شاءالله وانا جتني فكره ارسله مقاطع صغيره من محاضره عن الي يتابعون افلام اباحيه مع كلام مني عالفيس بوك وعلى اساس اذا جى نتناقش لانه مافي وقت اشوفه واكلمه بالبيت اغلب وقته دوام واذا جى وقت النوم تدرون مره ارسلت له اضافه بالفيس بوك وقبل ورجع حذفني اتوقع لما عرف اني زوجته وحذفني وهو مفكرني ماادري عن المضافين عنده والي مستغربه انه طيب وحنون اي يااختي وش فيك مشككه بهالشي |
انا جهزت رساله له وش طولها منسقه عالفيس بوك وارسلتها قلت علشان اذا قراها اليوم ورجع من السفر نتناقش ومحتواها كلام كبير وعن اني مابي يخسرنا انا واولاده علشان المنكرات الي يشوفها وعن البنات الي ضايفهم واني خايفه عليه من عقوبة ربي وفيها عتب انه متغير ومن الكلام واني عارفه بهالموضوع وسكوتي علشان اني قلت يمكن فضول وتبطل مو معناته اني راضيه
وذكرته بأيات من القران وان ربي يراقبه وكتبت منتظره منك لارجعت نتناقش بالمشكله هذي ونحاول نحلها واذا قابلتني بالرفض باخلي احد من اهلي يتدخلون وش رايكم بهالشي الي سويته ؟ صح او غلط لاني اذا واجهته على طول معرف احس اني ابكي على طول وارتجف قلت ارسله اول ونشوف وش بيصير:rolleyes: دعواتكم استغفر الله واتوب اليه |
زوجك مليء بالتناقضات:d
فلن تستطيعي ان تقولي لأهلك هو شين لأن فيه كثير صفات حلوه وما راح تقدري تقولي هو زين لانه فيه كثير صفات شينه لكن دقيقة كلنا كذا:d خليط من الزين والشين هذا حالنا امسكي كل اللي حولك نفراً نفراً وشوفي صفاتهم تلقينها زيانه + شيانه كوكتيل خلينا واقعيين شوي المواقع الاباحية ومواقع التواصل الاجتماعي هذي مما عمت به البلوى بتحكرين عليه في البيت بيدخل من الجوال من المكتب الحل بهدوء تكررين عليه فكرة انك راح تتحاسب على وقتك جربي مرة اكتبي ورقة ولصقيها على الشاشة فيها الآية (ألم يعلم بأن الله يرى) تدرين بلاش ورقة اكتبيها بشي ما ينمسح يعني كلما طالع الشاشة بيشوفها جربي مرة اقعدي معه وخليه يشوف على وجهك نظرة تحسسه انك دارية عن خرابيطة وتحبينه وتبين له الخير بس عتبانه عليه وطفشتي من مراهقته وودك انه يعقل ويصير اكوس انسان (كل ذا من نظرة):eek: مدري كيف بتحبكين النظرة بس دبري عمرك واسأليه بابتسامة دافية حبيبي هالبنات اللي مجمعهن بصفحتك هل فيهن خير لك هل يقربونك من الله وجنته ولا العكس واهم شي خليك هادية لأن العصبية راح تخليه يبطل هالشي قدامك بس راح يمارس المزيد من الخنبقة ورى ظهرك:D هذا بالنسبة للنقطة الاولى باقي النقاط ان شاء الله بعد نخلص نقاش في هالنقطة راح نكملها سلملم |
اقتباس:
لو أخبرته إنها عارفة راح تنحرق ورقتها من وجهة نظري ... وبيصير كل شئ عنده عادي أكثر من أوووول ماأؤيد إخباره بأنك عارفة ... طبقي نصائح الأخ من خلال الملصقات أو تذكير باللاب ... وربي يسخره لك حبيبتي .. |
اقتباس:
|
اقتباس:
افلقي راسه عساه يعقل :16: الله يعينك يالغالية ... والله بديت أخاف من العرس من المشاكل الله يعطيكم الصبر ..... |
^^^^^:d
ما يصلح تفلق راسه الله يهديك يعني لو واجهته وصارت هوشه وش اللي بيصير يا إما راح يكون هو الطرف الاضعف ويقلها خلاص بطلت تبت والله:25: وهي ما بيدها غير تقول خلاص و (يعنني صدقتك) او يطلع هو الطرف الاقوى ويقلها طقي راسك بالجدار وراح تنتهي المشكلة والحوار هنا وما راح تقدر تفتح معه الموضوع مرة ثانية |
اقتباس:
|
واسأليه بابتسامة دافية
حبيبي هالبنات اللي مجمعهن بصفحتك هل فيهن خير لك هل يقربونك من الله وجنته ولا العكس مدري اذا كلهم مسلمات او لا ماعندهم الا الدجه بس وهو فيه الزين والشين وله جهازه الخاص وجواله ضاع ليت الاب احد يسرقه ويفكني منه ويدخل عليها وهو بالدوام او اذا كنت نايمه المشكله مره زعل على اخوه الصغير كان يدخل على المواقع هذي وزعل وخاصمه واخوانه ضربوه واخذو الاب من فتره و هو متزوج ومخلف ويشوفها :29: ومره قالي انتي24 عالنت <<عذره اذا مالقى علي تقصير وقتها قلت عالاقل ادخل على شي نافع مو شي وسخ ويغضب ربي وقلت تعيبون عالمراهقين والمتزوجين العاقلين يشوفونها حلال عليهم وحرام على غيرهم وسكتتت قبل اسبوعين هالكلام وطلع للدوام مايشوف الدرب :d تفاجأ طبعاً |
لازم وواجب عليك أن توقفيه مما يفعل... إنه في شراكة حياة معك، فهو ليس حرا ان يفعل ذلك وانت زوجته... هو قد وقع على عقد معك ليكون زوجا لك فقط، وان يبقى ملتزما بتعاليم الاسلام، لان عقد الزواج تم بطريقة اسلامية... اي خيانة للعقد وانت ساكتة فعون له لكي يتبع الشيطان.. حاولي بكل ما يمكنك ان تعدليه لكن: لا ترفعي صوتك مهما هو رفع صوته تحدثي معه بهدوء ومن غير ملامح وجه تخرب عليكما الحوار كوني واثقة من نفسك اثناء الحوار لا تتنازلي مما هو حق مهما هو حاول لكي تميلي ميلا عن الحق... الامر جدي للغاية...الله في عونك فهو جهاد بالنسبة لك اما ان تكوني زوجة لرجل أمين لا يخون الله ولا عقد الزواج ولا اولاده وزوجته او هددي بان فعله مرفوض للغاية اما ان يعدل او ستكون هناك ردة فعل منك اكثر صرامة |
الاخ باسم
انا كتبت لها رساله طويله عريضه كلها تذكير بالله وايات قرانيه وعتب لانه سافر الصبح اليوم وراد بكره ان شاءالله وارسلتها له عالفيس بوك لاني داريه بيفتح النت ويشوفها طبعا مايدري اني عارفه انها ضايف بنات عنده وكلهم اجانب مو عرب لكن الي قاهرني زميلات الدوام وش يبي فيهم وانتظر منه رد على انه اذا جى نتفاهم والا بدخل احد من اهلي وهو من النوع اذا اذا تناقشنا يتكلم بهدوء لكن هو ينرفزني وارفع صوتي لاني اوجهه بشي ولايعلق يدخلني بمتاهات احيان وابكي مقدر اتكلم زي الناس انا طبيعتي كذا لكن هالموضوع مابسكت يايتفاهم ياهلي عقب شهر جايين مناسبه لانهم بمدينة ثانيه ومابسكت له بخلي امي تكلمه ماابي ابوي يكلمه وينزل من عينه وانا اتورط بعدين امي حكيمه ماشاء الله اكثر وتوقف مع الحق حتى لو ضدي |
الله يكون بعونك اعيله بالهدايه وهدديه قولي حتى انا ابضيف شباب واحادثهم عشان يحس بالنار
|
من رايي تواجهينه بهداوه وتقولين له عن اللي بخاطرك كله ،،وفيه طريقه حلوه انك تختلقين شخصيه وهميه وهي زوج صديقتك مثلاً حتى لو صديقه وهميه وتجلسين تسولفين معاه وتقولين صديقتي فلانه الله يعينها زوجها ضايف بنات عنده بالمسن اعوذ بالله ،،وتوصلين له بشاعة سلبياته بهالطريقه ،،مثلاً زوجها بخيل مره وملابسها دايم رثه وهو الله معطيه،،وبنفس الوقت تخلين لك صديقه ثانيه تمدحين وضعها مع زوجها تقولين له ماشالله يحبها مره ويشتري لها ورازها قدام الحريم لدرجة كلنا نحسدها مافيه احد يلبس زيها ومدلل زيها يحترمها ومايشوف غيرها وكل المتزوجات حاسدينها،،انتي غيري طريقتك مع زوجك شوفي كيف وضعكم غيريه حببيه فيك اكثر عن طريق حبك واحتوائك له،،اشغليه لاتخلين له فرصه يجلس ع النت اطلبي منه يتمشا فيكم اطلعو انبسطو اسهرو مع بعض ادعيه انتي للفراش لاتخلين له فراغ جنسي او عاطفي حتى اذا طلع برا سولفي معاه ع الواتس اب او البيبي اذا معاكم املي حياته وبتشوفين التغيير باذن الله ،،وطبعاً لاتنسين فايدة الدعا والاستغفار مفعولهم عجب ،،وكل ماطلع استودعيه الله
|
اقتباس:
وهو ماعليه من الناس فلانه مدللها زوجها او لا النت مايجلس الا وهو بالدوام او وانا نايمه ونادر الطلعه اقوله دايم نطلع نغير جوو فنطلع بس نادر وكلها ساعه ورجعنا مانطول ولانطلع كثير ماعنده واتس اب ولابيبي مايصلح له بصراحه اخاف يضيف زميلاته وابتلش بلشتين ولاله بالمسنجر حتى اقدر اسولف معه وهو مو عندي هو مو رومانسي احيان حتى لما اساله اقول تحبني يقولي وش رايك ؟ قلت قولها احبك مافيها شي مايقولها ولا يقول كلام رومانسي ..الخ مستحيل واذا سالته قال انحرج مااحب امدح الي احبهم فيس تو فيس انتي تعرفين الي بقلبي قلت لا مااعرف الي بقلبك ابي اسمعها على لسانك..فيتم ساكت صدقيني ماتغيرت عليه الا من شفته يطقطق على المواقع الوسخه والي معه بالفيس يعني المفروض التغيير يجي منه بالاول وله الي يبي احب اهديه كنت حتى لو مافي مناسبه اهديه هدايا وهو ولدت مرتين وتخرجت ولاعمري شفت حتى ورده اخر شي قلت بكيفه معاد بهديه مليت :25: لما اساله اقول في شي مو عاجبك فيني قال لا كلك على بعض تعجبيني:22: بس لو تبطلين عناد والعناد وبطلنا من جبت العيال معاد صرت مثل اول لكنه يلف ويدور |
السلام عليكم والرحمه
حبيبتي انا مادخلت الا علشانك اول مره ادخل والاخلاني ادخل موضوعك اولا ابد الدعاء الدعاء الاستغفار ثانيا تجملي سرحي شعرك ابدي مفاتنك انتي زوجته واقدر عليه بعد الله لاتقولين مايمدحني ماينضر الي ابدي انت لا تقولين ما اقدر لا بتقدرين هو يحبك اكيد بس ما يبين لك خصصي يوم او يومين عندك اطفال ماتقدرين تلبسين اغراء اذا نامو العيال جهزي غرفة النوم شيكيها جمليها البسي ما يحلو لك تعطري ارقصي اذا تجيدين الرقص بس تدريجيه لا تجيبها كلها مره وحده خليك انيقه امكن يشوف الي في العمل متجملات تجملي يعيوني تر الرجال يحب الجمال خلي الوقت الي فاضي فيه سمر من غير مايدر جيبي قهوه جيبي شاى حلا معجنات سويها هو في العمل يعني ماتسويها وهو موجود يروح الوقت وانتي في المطبخ يحبيبتي صح زوجك على خطاء بس عدلي الخطا بنفسك لاتدخلين احد في حياتك ابدا ابدا ماينفع تراه بيزيد حليها بنفسك ياقلبي الدنيا تعب دام انه في البيت احسن من انه يخرج خارج البيت ويسوي حجات انتي ماتشوفيها تقدرين تقدرين --------------------------------------- وبعدين بصراحه كلامك هذا ومره قالي انتي24 عالنت <<عذره اذا مالقى علي تقصير وقتها قلت عالاقل ادخل على شي نافع مو شي وسخ ويغضب ربي وقلت تعيبون عالمراهقين والمتزوجين العاقلين يشوفونها حلال عليهم وحرام على غيرهم وسكتتت قبل اسبوعين هالكلام وطلع للدوام مايشوف الدرب تفاجأ طبعاً بيزيده يعني يقول بكيفي الي اسويه اسويه ياعيوني ماهكذ تكون البيوت لاتفشلين زوجك من اهلك والناس بيدرون عنه ويصير مومقبول ها نسيتي الدعاء التقرب الي الله والله وحدة مثل زوجك واكثر من ذالك كانت تبحث عن الحل بي الدعاء وكانت تتقرب منه وتلبس وتكشخ وتسوي كل يرضي ربي من غير تدخل مده طويله قرابت 3شهور او4 تدريجين حتى والله تقول لوابي شي من غير ما اقول له يجيبه والله وماركه بعد واذا انا في المطبخ اوفي اي مكان يناديني تعالي وينك مشتاق لك تعالي نتقهوى شوفي صار هوالي يناديها ويشتاق لها وكانت تناديه بدلع او ابو فلان كانت مره ما تعاتبه ولا شي بس دعاء وتقرب من الله ذلحين معيشها في احسن حال الله يديم المحبه للجميع ارجو السموحه على الاطاله |
وهو ماعليه من الناس فلانه مدللها زوجها او لا
ايش دخل ذا في حياتك الرجال مايحب تقارنيه باحد ولا عاد تجيبي طاري فلانه وعلانه صلحي حياتك بنفسك من غير شوف زوج فلانه ايش جاب ايش اشترى هذا الكلام لايطيقه الزوج اذا ماهو رمنسي علميه انتي الرمنسيه خلي رمنسيه وفي نفس الوقت مرحه وخجوله ووسيعة الصدر مثل لقبك |
التجمل ويعلم الله اني اتجمل له ولاانتظر يمدحني انا عارفه نفسي وواثقه وهو مو من النوع الي ما يمدح كثير سواء في شكلي او طبخي
والي معه بالدوام كل وحده اخس من الثانيه انا شفتهم وحتى لما اروح هناك الكل يجي علشان يشوفني بس مااخليهم ولااعطيهم وجه واللبس البس اطفالي باقي صغار لكن المشكله ان اغلب وقته نوم يعني انام بدري انا وعيالي وهو يسهر او ينام واصحى وهو نايم بعده و مايصحى الا قبل الدوام بساعتين يادوب ياخذ دش ويتغدا ويطلع للدوام كرهت دوامه ليته يقوم يوديني السوق اشتري الي ناقصني وناقص عياله ,تدرين عاد العطر متى اخر مره اخذ لي مااذكر !!! ودايم طفشان ومهموم يفكر بالمستقبل وكل شوي مشروع جديد وقلت خلك انسان واقعي حياتك لاتخليها كلها طفش وملل ومهموم غير من تفكيرك وخليك انسان حيوي مبسوط عيش حياتك الهموم ماجبتها بنفسك من الدنيا ولا بتاخذها معك واقوله طيب خلينا نطلع نغير جو نشم هوا يمكن تتعدل نفسيتك يقول انا طفشان >< وانا ماعمري دخلت اهلي او قلت على مشاكلنا علشان افشله ومو انا الي بفشله هو بسواياه بيفشل عمره |
اقتباس:
|
طيب غيري نومك معاه والله يعين
اسفه على كلامي اذا ازعجتك مااحب ازعج احد بس مجرد اقتراح ونصائح |
اقتباس:
لانه يقول اهم شي العيال ينامون بدري مايصلح لهم السهر ولازم انام معهم بحجة لاتسهرين وهم نايمين ويصحون وتنامين وتعصبين عليهم المفروض اهو يغير دوامه ويداوم بالصبح بس مايعجبه يبي دوام العصر يعني طول الوقت الي اكون فيه صاحيه يكون بالدوام |
هو اليوم جاي من السفر وبيجي تعبان يمكن بكره اتناقش معه الله يستر بححاول امسك نفسي واعصابي لين اشوف اخرتها معه
|
اعانك الله ..
مشكلة واقعنا االكبرى .. والاخوان ما قصروا .. وخاصةً الاخت تهاني .. وليكن همك رضا ربك وهدايته .. جعلك الله قرة عين له |
اقتباس:
|
اقتباس:
1> مايحب يساعدني حتى وانا مريضه ... 2>ولانزلنا حتى بالعيد ماتقضينا ولازرنا احد يقول مافي عيد حتى اهله ماوداني .. 3>واذا احد طلبه سلف ماشاءالله يصير البنك المركزي له وبعضهم مايرجعون الفلوس وانا يحاسبني وطلبته نفقه وافق لكن يقول بعطيك 100 شهريا... 4>الملابس تجلس لحد ماتتغير لونها واحنا نغير واذا جت مناسبه وقلت ابي السوق ماوداني وقال لاتحضرين دام ماعندك لبس .... 5>وينكر اي عمل صح لي لاني بنظره انا كلي غلط بغلط .. كل هذا ومصره على انه حنون شكلك فاهمه معنى الحنان والطيبه غلط..والله انك انتي الي طيبه وماتستاهلين تعامله هذا..الله يسخره لك ويهديه |
اقتباس:
اول خطوه تسويها تعدلين نومك معاه طول الوقت الي هو مداوم خليك نايمه واصحوا انتي وعيالك قبل لايجي زوجك بساعتين...صدقيني بتشوفين الفرق..وبتتغير حياتك 180 درجه..غيري نظام نومك ولاتشاورينه انك بتغيرين اقلبي النظام وانتي ساكته...لازم تعودينه على وجودكم معه .. |
الى الان اكتشفنا فيه نقطتين غلط بحياتك،،ماتشبعينه بالفراش هذي اول نقطه ،،ثانياً تتنازلين عن حقوقك وهذا الشي صدقيني مايرضي الرجل،،يعني انتي مو مهتمه بنفسك وطلباتها بالتالي هو مايهتم بك يقول هذي لاتبي جنس ولاتبي فلوس،،تلقينه يعوض النقص مع هالبنات يتغنجون عنده ويمكن ياخذون اللي يبون منه فلوس وهدايا..نصيحه صححي من وضعك قبل كل شي بعدين هو شوي شوي بيتغير ،،بالتوفيق حبيبتي
|
حبيبتي غيري من نومك من غير مايدري
يعني يقول نامي تناامين ليه هذي حياتك انتي تغيري نفسك مو هو يغيرك اتمنى من الله ان يعطيك السعادة في الدنيا والاخر |
| الساعة الآن 03:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©