|
بخصوص عطر Gucci Guilty قوتشي الذهبي و خصوص الخلاطات - ارجوا مساعدتكم
السلام عليكم يا اخوات
نقطتين عندي 1- كم سعر العطر Gucci Guilty مل 75 ,, ابي سعره بالرياض وجده ان حصل سعره بالموقع 400 ريال تقريبا ,, وانا متأكد انه اغلا من ال 600 بالرياض وان قدرتو ابي سعر Gucci Guilty Pour Homme ال 3 اونص اكبر حجم والعطر رجالي فاخر حلو صراحه وسعره حدود 380 ريال من المنتج 2- الخلاطات ارجوكم ابي مساعدتي بخصوصها الكتشن اي دي او الكنود وغيرها راسي يبي يشيب منهم ابي اقدم شي محترم للوالده فياليت تخبروني عن افضل الخيار لي لاتنسون مسألة الضمان و قطع الغيار و الملحقات ,, هل هي متوفره ولا لا انا جاهل جدا في مساله الخلاطات فياليت تساعدوني لو سمحتم وشكرا مقدما اوه وياليت تخبروني كم اسعار الخلاطات عندنا مع ذكر رقم الموديل لانها تفرق كثير فحاليا انا بالي مشغول مع KitchenAid Professional 600 Series 6-Quart Stand Mixer وهي ثقيله والله يعين على شحنها :( لكن انا متاكد انها تبي تفرح الوالده فرح عظيم الله يقدرنا وإياكم على إسعادهم وتقديرهم وبرهم الاغراض الملحقه معها تكلف تقريبا 700 ريال مباشره من الشركه ماهوب من الحراميه بالرياض كامل الخلاطه مع الملحقات تقريبا 2700 ريال تقريبا ونا متاكد انها اغلي من كذا بالرياض للاسف الشديد :( |
صورة العطر
http://www.perfumania.com/wcsstore/P...RFM-193295.jpg الخلاطه الضخمه وهي الموديل الاكبر من الشركه والاقوى http://ecx.images-amazon.com/images/...pL._AA300_.jpg وزنها 30 باوند تقريبا 15 كيلو صراحه ثقيله لكن باين تستاهل هذا عرض للخلاطه http://www.youtube.com/watch?v=pCnEdV5hUys |
ايش الغررض من الخلااطااات؟؟؟
حيرتني بصراااحه.. وضح قصدك.. مووفق... |
اقتباس:
اقتباس:
الغرض تساعد امي في الطبخ وبكل بساطه طبعا فيها ميزة الفرم و الطحن و صنع الاسباقيتي و ممتازه جدا في العجن و الخلط اداة مطبخ ممتازه جدا ارجوا اني اجبتك الاجابه الصحيحه |
اقتباس:
واليووتيوب ماامشى معي بطئ... اها فهمتك خلااص... هذي تلاقيهااا في ماكس في محلاات حقت ادووات المطبخ الغااليه اشترهاا لامك وتوكل على الله والله يفررح قلب امك فيك .... وعلى عطر قووتشي الذهبي اذا تبي سعره ب400 اختي شرته من الجبيل بهذا السعررر بس ريحتته رووعه ويستااهل... بااقي العطور ماالي علم فيهاا.. مووفق اخووي.. |
اقتباس:
اي شسوي مابغيت انزل موضوعين استفسر فيهم عن كذا وكذا قلت موضوع واحد و السبب الي خلاني اكتب موضوع ثاني عن اداة غسل الوجه بسبب اني نسيت اكتب عنها وقلت يالله ابكتب سؤال بموضوع مستقل لاني ما ادرجتها ب عنوان الموضوع وممتاز جدا انها في ماكس هذا دليل ان لها وكيل و ان ادواتها تباع لكن يالغاليه انا بالخارج و ابي اعرف هل فيه فرق كبير في السعر الي ذكرت وبين السعر الي تباع فيه بالرياض لانها ثقيله صراحه وكبيرة وكان الفرق بسيط شريتها من الرياض وان كان الفرق كبير وهذا المتوقع فلا شك اني بشتريها من امريكا افضل لي الف مره ومتاكد تقريبا ان الفرق اكثر من 500 ريال وحلو ان سعر العطر 400 لان سعره الاصلي ب 380 ريال يعني فرق بسيط ويسوى انك تاخذه من برا افضل من الرياض ,,, هذا بعد اذا ماكان مغشوش بعد والله يجزاك خير يالغاليه على تجاوبك ودعاك وتذكري ان الملائكة تأمن -وتدعي ك بالمثل- اجل الان فقط بقى ان الاخوات يفيدونا بخصوص الخلاطه وسعرها و ادواتها الخ الف شكر لك يالغاليه وتقبلي تحياتي |
واعذرني انا بعد مستعجل في الكتابه و بالعاميه تقل ملحوق
سفرتي قربت ولا بعد تجهزت للسفر |
الخلاااطاات نوع عن نووع يختلف في السعررر...
لكن انا حبيت اقوولك المكاان اللي نلااااقيهاا فييييه وبسهووله... مو شرط نفس اللي عرضتهاااا يمكن تلقى غيرهاا بس نفس خدماااتهااا... مووفق..والله معععك... |
اقتباس:
انا برا مانيب في السعوديه والا كان رحت وسعرت بنفسي ثمن ما ادري يمكن فيه اصناف وشركات ثانيه افضل من هذي و الا هذي الشركه فهي من افضل واشهر الشركات العالميه وهي المحببه هنا في امريكا وماخذه افضل المبيعات المساعده في المطبخ الامريكي لكن مالها داعي اشتري لها صنف مثل هذي الشركه واقصد ال KitchenAid و ويطلع مايغطيها الضمان او مالها وكيل وقطع غيارها نار او يمكن ادائها فيه ملاحظات انا انتظر افادة الاخوات المجربات او الي تسمع من الاخريات عن الخلاطات واجودها او انفعها للمطبخ السعودي بالذات مع اني ان شاء الله شبه متأكد ان اختياري لهذا المو\يل من KitchenAid هو الاقوى ولا له منافس وانتم عاد ابخص وبنتظر الاخوات المجربات يعني موقف مثل : سمي يمه هذا كذا وكذا وجبت لك خلاطه بسيطه لجل اسهل بعض امور الطبخ,,, ثم تقول :: ... مشكور وووالخ الين الله يهديك ليش ما خبرتني كلفت على نفسك وبس هذي كذا وكذا او ياليتك مخبرني كان اعلمك تجيب من شركه افضل او موديل اقل هذي فوق ما احتاج الخ من الكلام الي ما لها داعي اسمعه ابي اخذ شي مبني على تجارب وخبره الاخوات الكريمات وانتي ماقصرتي الله يسلمك حاولتي بذل ماتقدرين عليه الله يقويك ويسخر لك عباده ويحميك من كل شر وسوء ان حصل واستجد شي في هذا الموضوع عندك فلاتبخلين علينا لقيتي نوع مذكور بالخير او لقيتي ملاحظه على ماذكرت الخ فلاتبخلين يالاجوديه سلامي لك |
ابششششششششششششششششششششششششر ماااطلبت شي...
|
يامال العوافي والله تسلمين مقدما
ولاتكلفين على نفسك لو بالتلفون تسئلين |
وعليكمُ السَلآم ورحمة الله وبركاته بالنسبةَ لعطر قوتشِي الذهبي آنآ شريته من سنةَ طبعا العطر + لوشن جسم بنفس الريحه بِ 108 دولار.. بالريال السعودي 385 تقريباً .. ؛ وأيضاً قوتشي الجديد النسائي بعد ريحته روعه وعلى فكرة منتجات قوتشي روائحها متقاربه .. فلو تطلبها من المنتج أفضل لك إذا ما يحسبون عليك الشحن لأنك بتضمن الأصلي خصوصاً أغلب الاشياء هنا عندنا تخوض مرحلة التقليد اتوقع لو رحت جده مجمع السويدي في الكورنيش بتلاقي يمكن سعر العطر بنفس قيمتها في المنتج حسب ماسمعت .. / أما الخلاطات عذراً ما عندي خبره فيها / بالتوفيق .. |
اقتباس:
مشكورة والله وسعر العطر صراحه ابي اعرف كم قيمته بالرياض احسه فوق 400 لكن صراحه همي الاكبر هو الخلاطات هي الخبطه الكبيرة والي تسوى الجهد تحياتي لك |
بالنسبة للعطر أنا أجيبه من برا ويكلفني فوق الـ 400 ريال
بس تركيز اللي برا مو مثل اللي يجيبونه لنا ... وأما الخلاط حسب استخدام أمك له... وإذا أمك تحب تطبخ وتشكل وتنوع جيبه لها أما ان كان شغلها على خفيف جيب لها العجانه أفضل ومن المقطع ما أشوف فيه شي مميز عن شركة كينوود.. وأما قطع الغيار من نفس الشركة إسألهم وين متوفرة منتجاتهم بالرياض وهل يمدونهم بقطع غيار ولا لأ؟؟ أو فتش في موقع الشركة عن هذه المعلومات وإذا تبي أسعار كلم أحد تعرفه في الرياض وهو يجيبلك الخبر الأكيد بس أكيد دامك ماخذه من الشركة الأم فالأسعار أفضل لأن اللي هنا بيطلعون فلوس الشحن وإيجار المحل ورواتب موظفينهم من ظهور المستهلكين مساكين.. وبالنسبة لوزن الجهاز إن كان كبييير من بيشيله هذا وبيحركه من مكانه ؟؟ أي جهاز ثقيل في المطبخ بيكون عله على قلب صاحبة البيت انتبه لهالنقطه |
الله يسلمك ابشرك
وصلت للوالده مع بعض الملحقات والحمد لله فرحت فيها وماتوقعت ابدا يكون معي شي مثل هذا القبيل اخذت الاخترافيه موديل 600 لكن صار فيه مشكله بالكهرب لازم نراجع الوكيل للاسف اهم شي وصلت بعد جهد جهيد و غرامه تقارب 4الاف ريال على الوزن الزائد ل 3 شنط :( |
| الساعة الآن 02:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©