|
صديقتي وزوجها
السلام عليكم ورحمة الله وبركاته
اعز صديقاتي دايما تشكي لي من زوجها وحبيت اطرح مشكلتها هنا عل وعسى القى حل للمشكله الازليهزوجها من النمط الجنوبي يحب الرومنسيه ويحب احد يدلعه ويهتم فيه وهيه ابد ما قصرت معاه تعطيه وتدلعه وتنفذ طلباته بيتها نظيف ومرتب وشيك وهادي هيه جمييييييله جدا وكااامله مو ناقصها شي المشكله هنا انها شااااكه في زوجها ,لان جواله دايما رقم سري ويخاااف اذا طلبته او شافته مفتوح وشكها هذا ما جاها الا من اللي شافته من قبل كان له علاقات في الفيس بوك مع بنات المهم هوه الحين ما يرفض لها اي طلب اي شي تبيه يجيها مطيع تماما وهذا خلاها تشك اكثر انه مخبي بلا في جواله او داخل على علاقه او شي حاسه انه يخون لان طبيعة الرجل اذا خان يحب انه يعوض الضحيه بأي شي عشان ضميره يرتاح هيه تبي طلب واحد يكف تتعامل مع هالنوعيه ووين الغلط في العلاقه ساعدوها تكفون لاني ماااااره اعزها وعلى فكره هيه بتقرا كلامكم لكن ماسجلت انا بتكلم عنها |
السلام عليكم ورحمة الله وبركاته
دامها تقرأ اجاباتنا تمعني بقول الله تعالى : {يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ} وقول الرسول عليه الصلاة والسلام: "إياكم والظنّ؛ فإن الظن أكذبُ الحديث، ولا تحسسوا، ولا تجسسوا". اتمنى وصلت الرسالة اسعدي بحياتك واياك عن البحث وراء المشاكل |
خليها تريح بالها
لو بيخونها بالجوال بيشتري جوال ثاني وما بيخليها تشوفه اصلن وحكاية جواله مقفل مو دليل على الخيانة خليها تدعي ربها ان يصرفه عن بنات الحرام وينقي قلبه وطالما هو معاها تمام فلا تدور وجع الراس |
هيه ماتبي تعرف هوه يخون او لا
تبي تعرف وين الغلط في العلاقه هل بسبب اهتمامها الزايد فيه ولا هوه كذا وماراح يتغير |
في بعض الحالات لازم المواجهة وتكون قوية وتوقفه عند حده
|
يمكن فيه جواله سوالف شباب
مايبيها تشوفها |
تواجه بأيش وهي ما عندها إلا شكوك؟؟؟!!!
استمري يا أختي في عطائك واهتمامك بل وزيدي الجرعة أكثر... لا تخربين حياتك بسبة شكوكـ حتى لو كان له ماضي فالشيطان حريص اقتباس:
ليش التشاؤم.. للأسف حقيقة وواقع بعض الحريم إن عطاها زوجها وجه بزيادة حاجه من ثنتين تسويها الأول: يا تتفرعن وتسوي شخصية وقوية.. وتعطي نفسها أكبر من حجمها والسالفه كلها إن الرجال طيوب ولد حلال الثاني: تبدأ الشكوك وإن وراه شي .. وكأنها ماهي بوجه نعمة ولا تستاهل منه شي وفي الحالتين هي بنفسها تدمر بيتها وتهد أسرتها.... ويسحب عليها زوجها وبعدين تعرف النعمة اللي كانت فيها.. وبعدين حتى لو خان ولف ودار إذا انت مانتِ مقصره خليه يولي هو اللي بيتحاسب ولا انتِ أهم شي ريحي مخيخك وكبري المخده..... ولا تدورين الشقا لعمرك وأحسني الظن في اللي حولك دايماً لأنك انتي اللي بترتاحين ونفسيتك بتصير حلوه وأعصابك هادية ورايقه ووش حلوك وبتصيرين شمس شموسه في بيتك .. |
اقتباس:
لا تعليق جزاك الله خير وأمد في عمرك على طاعته .....شااااب |
مو شرط خيانة
انا انجن اذا زوجي مسك جوالي والي يشوفني يقول هذي واها بلاوي وانا كل قصدي اكتب خواطر وقصائد بجوالي وانسى احيانا امسحها ولا ابيه يقراها واحيانا فيه رسائل خاصة بيني وبين خواتي والله اذا مسك جوالي اطلع اجري من المطبخ واخذه منه فلا تفسرون كل تصرف خيانه |
خليها تركض وراه وتشغله لما تجينا بكره تقول زوجي مايعطيني وجه
ليش ترفس النعمه برجولها ,,, بالعكس اذا تبي الحل تزيد رومنسيتها معاه ودلعها وصلى الله وبارك ,,, |
اذا مارفض لها طلب قالت وش فيه
واذا عاند قالت مايحبني يابنات اتركوا الهواجيييييييييييس واستمري على دلعك له بتلاقين كل خير |
وتبين الصرااااحه من خلال اطلاعي على نمط الشخصيات افضل شي النمط الجنوبي
الشخصيه هذي مريحه ووواضحه |
شكرااااااااااا لكم جميعا
وجزيتم خيرا لكن هيه متأكده من خيانته لانها في يوم اختبرته وكمل معاها وكان خلاص بيقابلها المهم هيه ماتبي تبحث وراه خلاص تعبت لكن تقول هل اسلوبها معاه غلط يعني المفروض ما تعطيه وجه زياده |
اولا خطأ كبيييييييييييييييير اختبارها له
لو فرضا اكتشف امرها ولنا بموضوع اخونا لاحب عضه وعبره اذا هي متأكده من خيانته لازم تجيب دليل قاطع وتقول كنت بعيوني اكبر من كذا لكن لكل جواد كبوه هالمره بمشيها عشان اللي بينا لكن بعد كذا لاااا صدقيني راح يحس بخطاه ويحسب لكل تصرفاته والله يبعد عنهم المشاكل |
بصراحه موتره حالها على شك وضن
اذا عندهااا شي تتكلم معاه احسن ولا تعيش حالهاا بهالشك الله يعينك ويعين الجمييييييييييييييييييييييييييييييع تقبلي مروري ............. |
اقتباس:
مشكوووووووووووووووووره ياعسل والله يجزاك خير على حبك لفعل الخير ونصحك السديد ممكن تعطيني رابط قصة لاحب ولك مني دعواتي الصادقه |
ياحيااااتي انا توني جديده على النت مااعرف طريقة وضع الروابط
بس تلاقين الموضوع بقسم المقبلين على الزواج بعنوان فتاة مزعجه من نفس مدينة خطيبتي خليها تفرااا حتى المستجدات في الموضوع |
نصيحتي لها تزيد جرعة اهتمامها فيه ،،وماتخليه لوحده ابداً تملي حياته تطلبه يطلعها ويتمشون مع بعض تجلس تسولف معاه وتجرأه يسولف معاها ،،اذا طلع تحسسه انها قريبه منه تتواصل معاه عن طريق المحادثات او المكالمات،،تطلبه لفراشها دايماً ماتعطيه فرصه ابدااااً،،لاتقول استحي ووو ان شالله حتى بالغصب هههههه،،لاتفتش وراه ،،وتتفائل خير،،تدعي ربها مع كل سجود ان الله يصرفه عن البنات ويسخره لها ويسخرها له،،اذا طلع تستودعه الله الذي لاتضيع ودائعه،،تاخذ حقوقها منه بمعنى ماتتنازل عنها تاخذ مصرفها ومصرف عيالها وحقها بالفراش والتمشيات ولاتقول مسكين ووووو،،ع حسب ظروفه طبعاً وهي ادرا بظروفه الماديه
|
كوني رجل سوف ارد عليك بمنطق الرجال
انا جوالاتي كلها مقفله برقم سري اذا طلبت زوجتي جوالي افتحه لها بس ليش قفلته لاني الجوال لو طاح بيد احد ثاني اخاف يشوف ارقام اهلي وزوجتي ويزعجهم بتصالاته لاني ما اتحمل شخص يتصل علي حريمي علي انه غلطان كذا من ربي اتضايق من هالنوعيات من كثر ماسمعت من بلاوي هالشباب الله يهديهم ومسالت الخيانه استبعديها ترى الشيطان حريص انها تولد هذه الشكوك في دماغك علشان يخرب بيتك فنتبهي رحمك الله ارسلي له رسائل وعضية حلوة تذكرينه بالله هذا رايي |
شخصياً لا أتفق مع سياسة التقفيل، الجوال فيه رمز سري والكميوتر فيه رمز سري، وكل شي في الحياة اصبح فيه رمز سري، استغرب من أولئكَ الذي يحرصون على الأمور السرية المفرطة ويزداد الأمر غرابة حين يكون ذلك بين الزوجين، وهما الجسدين الذي تجمعهما روحاً واحدة وكل شيء بينهما مشترك، بصراحة الأنسان الواثق من نفسه هو الذي لايتعامل بسرية ورموز لأنه لو نظرنا فإن أغلب الأشياء التي في جوالتنا لاتستدعي السرية فيها، إذاً لماذا الرمز السري مادام أن الأمر لا يتطلب ذلك!؟، عموماً هذا أيضاً لا يعني الأتهام أو سوء الظن، لكن أفضل التعامل المكشوف بين الزوجين أو الأصدقاء المقربين أو الأهل لكي لا ندع للشيطان فرصة ومدخل، بالنسبة للصديقتكِ فأرى أن تتحاور مع زوجها حول ذلك، وأن تبدأ معه بمقدمة عن أن حياتهما يجب أن تكون متسامية عن الأرقام السرية والأشياء الخفية، جمال الحياة الزوجية بالوضوح، ثم تحدثه عن تضايقها من الرمز السري بالجوال وشدة الحرص عليه وأن هناك لا داعي لوضعه مادام أن الأمر لايستدعي ذلك.
|
اناعندي قتناعه ان اي رجل يحط رقم سري للوحة المفاتيح ولايبي زوجته تشوف..معناه وراه شي والي واثق من نفسه مايسوي هالحركه هذ بالنسبه للرجال..لحد يجي يقولي كلامك غلط..معليش هذا هو الواقع..وهذي الحقيقه.
ويااختي زي ماكشفتيه المره الاولى في الفيس بوك....اكيد راح تكشفينه اذا فيه شي او بلا..صدقيني اذا عنده شي بينكشف عاجلا او آجلا..وربك يمهل ولايهمل...عشان كذا اقلك ريحي بالك وقومي بواجباتك عادي جدا..وانبسطي في حياتك واذا فيه لعب من وراك مصيره بينكشف.. |
اقتباس:
والقصه ظروفها واحداثها غير عن ظروف صديقتك... وقولي لصديقتك اذا تبي تعرف غلطها وين ...الغلط في سكوتها عن المنكر..دامها متاكده من خيانته المفروض تواجهه وتعاقبه..عشان يعرف انها مش مغفله..مو تسكت وتساعده في الي هو فيه |
تفكير صديقتك سطحي...واذا اخفى الجوال فهذا ليس معناه خيانة...
|
| الساعة الآن 11:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©