|
سفر الزوجين مع أهل الزوج
موقع رائع
وأعضاء متفاعلين أريد منكم مناقشة موضوع سفر الزوج بزوجته مع أهله محتار جدا هل يكون السكن معا أو لوحدنا خصوصا ما معنا أطفال أم نسكن مع الأهل أم ماذا تشيرون علي ؟ علما أنني أريد زوجتي معي وهي ترى أن نجعل سفرنا لوحدنا وتترك لي الفرصة للذهاب بأهلي لوحدهم أنا لا أستغني عنها وسفرنا قد يمتد لأسبوعين أرجوا مناقشة الموضوع من جميع الجوانب وتقبلوا وجودي عضو جديد بينكم |
بداية اهلا بك عضو جديد بينا ،،،،
أخي هل سفركم مجرد سياحة أم لزيارة محارم او غيره ؟؟؟ إذهبوا جميعكم إن كان سياحة ، واسكن انت وزوجتك لوحدكم ما المشكلة ؟؟ ليس فيها عيب او خجل .. بل بالعكس هذا حقك أخي أن تسكن مع زوجتك ،،، أذكر سافرنا انا وأهلي مع أخي المتزوج لقضاء عمرة ،، وكلٌ أخذ سكن مستقل .. وكان ذلك أفضل لهم ولنا ... ليس فيها حرج فأنت متزوج ولك حياتك الخاصة ،، فلا تخلط الأمور ببعضها ،، علاقتك مع أهلك شيء وعلاقتك بزوجتك شيء آخر....... تقبل مروري.... |
كم لكم متزوجين ؟ والهدف من السفر ؟
على أساسها فكر و قرر |
أشكر لكم ردكم السريع هذا سيكون ديدن السفر في الغالب يعني كل فترة لنا وجهة في السياحة وأحياننا تكون عمرة أنا وأخي فقط المسؤولين عن أهلي وهو وحدة لايكفي للسفر لوحدة معهم وفي الغالب 3 مرات في السنة وهو سفر سياحة يعني أبي ممنكم تساعدونني على نمط سفري السياحي |
بالعكس أخووي خذها معاك .. واستئجروا شقة .. أو تكون لك غرفة بروحكم بالمكان اللي بتستأجرووه .. حلوة السفر مع الأهل .. هي بتستانس وهم بيستانسوون بعد .. مرة سافرت مع أهل زوجي وكانت مررة السفرة حلوة .. وإن شاء الله نخطط لسفرة جماعية المرة الجاية.. |
حياك الله أخي..
أولاً: أعانك الله على بر والديك والإحسان لأهلك.. وأحيي فيك وفي أخيك هذا الحس والإهتمام بأسرتكم..فكثير من الشباب هداهم الله لايهتمون لهذا الأمر..وأسأل الله أن يرزقك الذرية الصالحة الطيبة التي تبرك وتقر بها عينك.. ثانياً:بالنسبة لزوجتك أنت تعرف العلاقة ومداها بينهم..يعني إذا زوجتك تتحسس بالأفضل إنك تاخذهم لحالهم..وإذا زوجتك عادي ممكن تاخذها معاهم.. وفي حالة أخذتها حلو تكون لكم شقة لوحدكم كنوع من الخصوصية.. أكيد راح تستحي من أهلك وما بتاخذ راحتها مع تواجد أخوك.. لكن مو كل رحلة تكونون مع بعض لا مره إنت وأهلك ومره هي لوحدها ومره مع بعض..هذا أفضل حتى ما يملون.. طبعاً أنا أكتب لك هالكلام عن تجربة.. أهلي يروحون مع أخواني وزوجاتهم بعض الأحيان حتى للخارج..يعني مرة مع هذا ومرة مع هذا ومره مع ذاك<<هههههه وأنا معارضة هالفكرة على اطلاقها..لكن لمن تكون منظمة أفضل يعني السنة هذي راحوا السنة الثانية واللي بعدها ما يروحون ويتركون الحرية للزوجين وأولادهم لأن أي زوجين لازم تكون في حياتهم خصوصية..ومنها السفر.. والحق ينقال حريم أخواني أجاويد وهم اللي يتحايلون الوالدة وأخواتي يروحون..وبعضهم تحلف إنها ما تروح إذا ماراحوا.. مع العلم إن وضع الأسرة عندنا فيه مشكلة معينة هي اللي تدفع أخواني وحريمهم يتعاطفون مع الوالدة وأخواتي.. لكن على الرغم من ذلك..أنا دايماً أنصحهم بأنهم يعطونهم مساحة من الخصوصية..والحمدلله هذا اللي صاير الان.. وحط في بالك لو أهلك تعودوا كل رحلة مع بعض ممكن لا رحت بعد سنوات إنت وزوجتك لحالكم يزعلون ويتشرهون.. وبالمقابل لازم زوجتك تشعر بمسئوليتك تجاه أهلك فلمن تاخذهم معك خلاص تتعود إن أهلك أهم شي عندك.. ممكن إني دوختك لكن حبيت أضع لك احتمالات حتى للمستقبل.. والله يوفقك وزوجتك ووالديك.. |
بنفس الفندق اسكنو بغرفتين متجاورتين،،مافيها شي خذها معاك واذا رفضت اقنعها وقل لها لك كامل الحريه هناك السكن مستقل وفلوهاااااا،،بالتوفيق اخوي
|
اقنع زوجتك بالسفر مع الوعد انو تسافرو لوحدكم
ولو اسبوع تحتاج الزوج ان تشعر ان زوجها لها فقط جميل السفر مع العائله ولكن تحتاج الزوجه ان تشعر ان هي وزوجها من يقرر الى اين يذهبون تحب ان تشعر انه لها لوحدها هي فقط هي تحتاج حبك وحنانك وان تشعر بهم اتمنى تنسخ لها ردي وارسله لها واعطها خيارات عدة مناطق تختار منهم واحده وتحدد المكان اشركها ولو اسبوع ما تقول ما اقدر انا اقول لك حاول هي سكنك وانت سكنها وهي محتاجه لان تسكن معك في مكان بعيد لا يعرفكم فيه احد |
زوجتك ايش رايها وايش علاقتها باهلك
حسب شخصيتها هل هي اجتماعيه واندماجها مع امك خواتك لكن اذا انت واخوك مسؤولين عنهم من بعد الله مالها الا ترضى وان شاءالله ماترفض لكن توعدها اذا مابتخالف الوعد لها سفره خاصه اذا كل صيف بتروح باهلك ومعاك زوجتك هي خلي سفرتها باجازة الاضحى حتى مايكون ضغط ع الميزانيه وتنبسطون من ناحيتي سافرت مع اهل زوجي بعض المدن ناخذ شقه كبيره اذا توفر قسم يكون لي اناوزوجي اذا لا اكون معاهم واذا شقه صغيرة اخذ انا وزوجي جناح جنبهم رايحه وفبالي السفرة اناواهله مو انا وزوجي نطلع سوا ونتمشى مااطلع من غيرهم لكي ماحسسهم اني متضايقه منهم اتشاور معاهم اذا بنحتاج شي او نتعشى مااتخذ اي قرار بيني وبين زوجي وهم لا حتى مايتضايقون لان السفرة لهم مو لي اتفاهم انت وزوجتك على كل شي قبل تمشون وخليها تعامل بكل بساطه واريحيه معهم لكي تنبسط وترتاح رحله موفقه |
جزاكم الله خير
أعتذر ما ادخل الانترنت إلا قليل استفدت منكم |
اخوي اهلك بحاجة للترفيه مثل زوجتك بالضبط ............. سافروا سوا .............وبعدين ضبطوا سفرة خاصة لكم بوقت لاحق .................. والزوجه ليه ترفض السفر مع اهل الزوج ........بالذات اذا فيه بنات لسى ماتزوجوا وماعندهم الا اخوهم يسفرهم .................. بس بعض النساء فيها قوة راس وتبغى الزوج لها لوحدها وكأنها بعد الزواج امتلكت عليه صك ...............
|
حياك الله أخ سامي
بالنسبه لموضوعك أشوف إنك تشاور زوجتك إذا ما اقتنعت بأسبابك فالأفضل إنك تخليها على راحتها يمكن هي شخصيتها ماتحب اللمه والمشاركه..وكثير مثلها عادي |
| الساعة الآن 02:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©