|
كيف اتعامل مع زوجي العنيد؟
السلاااااااام علييييييكم ورحمة الله وبركاته
شخباركم اعضاءالله منتدى عالم الاسره انا عضوه يديده بس والله حبيت فيكم النصايح الموجه لاعضاء المنتدى:d المهم عندي موضوع شووي طويل بس والله ماكتب لكم الا وانا واثقه برايكم ومشورتكم انا والله ماحب اكتب مشاكلي بس الحين تعبت وبكتب اللي ف قلبي والله اليوووم متضاااااااايقه حييييل انا متزوجه وصغيييره وعندي بنيه وحده وزواجي دام سنتين ونص بس والله من تزوجت انا وريلي مشاااااااكل والله فيني غصه وانا اكتب انا مابنكر ريلي طيب وحبوب بس عنييييييييد وقاااسي وقت الزعل ومايتنازل كثير انا قبل لايخطبني كنت راسمه حياتي ف راسي اكمل دراستي اشتغل اسووق هوو يوم خطبني كنت بشتغل اتصل على ابوي قاله لاتشتغل انا بدورلها شغل زييين ومناسب لي والله اني فرحت بس والله من تزوجت قال لا دراسه ولا شغل ولا سوااقه انصدمت وسكت قلت يمكن مع الايام يتغير ماتغير ابد والله خاطري اشتغل واسوق عايلتي كلهم يشتغلون ويسوقون بس ليش القهر هو عارف اني بشتغل ليش خذني ودمرني والله كله جالسه ف البيت وهو المكان اللي يباه يسيرله انا مابنكر يطلعني المكان اللي اباه بس مب كثييير اليوم اقله ابا اسير المول ابا اخذلي ثياب البيت بحكم اني زياره عند اهلي كم يوم قالي لا ماتروحين وشباب ومادري شو قتله باخذ اخوي معااااي :( قال اوكيه بعدين قال لا مافي وليش وكيف وانا مب مرتاح واذا بتروحين بس ساعه ونص اقله زحممممه الطريق يلا نوصل بعد نص ساعه وانتوا تعرفون الحريم كيف اذا دخلوا السوق يحبون يشوفون قتله زين ماشي ثقه فيني وكل ها العشره انا مب سايره عشان الرجال انا رايحه عشان اغراااض لي ويعلم الله اني رايحه عشان اشتريله ثياب واسويله مفاجاه بس هيهات مافي طلعه ليييش كذي والله قهر بعدني صغيره وماجفت الدنيا ليش بحرمني من كل ها والله في واايد اشياء ابا اتكلم عنها انا والله ع نياااتي وايد وطيييييبه وماحب اجرح حد تعرفون شو يقلي انتي شخصيتج خليها برع معاي اريدج بدون شخصيه بالله مو شي يقهر ويحزن والله بصيييييييييييييييح واذا زعل والله لو شو اسوي مايرضى بسرعه والله ابكي بدال الدمع دم مايرضى بسرعه وكل كلامي يفهمه غلط واذا جيت افهمه يقله لا انتي قصدج شي ثاني والله نفسيتي اتدمرت والله اني مرات افكر بالطلاق بس لاني احبه اترجااااع ماعرف كيف طبعه كل شي اسويله بس مايبين في عيينه ارجووكم انصحووني شو اسوي :23:* |
شخصية زوجك تمشي بالمسايسه والمسايره وابشر وسم وعلى هالخشم،،واذا على طلعات السوق خليه يوديك وينزل معاك يعتبرها هو تمشيه له بعد،،واذا رفض يوديك لمكان لاتبينين انك زعلانه خليك عاااادي ونفسيتك تمام ،،صدقيني مع الايام بيتغير كثير وبيتنازل عن امور كثيره بس عليك بالصبر والمجاراة ،،من كلامك فهمت انه مايبي صوتك يعلا ابداً وغيور جداً سايسيه وبتاخذين كل اللي تبينه منه ،،ترا كل رجل له مفتاح انتي ابحثي ش اللي ممكن يلينه عليك،،خضوعك وخدمتك له،،والا الجنس؟؟والا الانقياديه له دوري وبتلاقين،،وترا العنادي مايبي اللي تعانده ابداااا والا بتصير الحياة كلها مشاكل تنازلي وتغاضي عن المشاكل ولاتكثرين الزعل والنقاشات معاه باامور هو منتهي منها
|
صدق هو شخصيته جي بس تعععععععبت واايد لين متى بسايره اه والله قلبي ماصار يتحمل
يريد يفرض شخصيته علي وقلنا ماعليه بس ان شاءالله مع الايام يتغير |
زوجك عنيد فى طبعه ملتشدى معاه سايسه واذا طلبتى حاجة ورفض ماتصرى خلى الامر اكثر من عادى وماتهمى بالموضوع كتير شوية شوية طبعه بيتغير
ادعى ليه ربنا يهديه ويصبرك عليه وخلى بالك على بنيتك ربنا يحفظها ليكم ودعواتنا معاك |
بس مراات محتااجه شي هو يعاااند شو اسوي حتى لو جيته بالسياسه عنييييييييد
|
حبيبتي في اختبار بوصلة الشخصية تتعرفي على شخصيتك وشخصية زوجك وكيف تقدري تتعاملي معاه
اكتبي في قوقل وجربي الاختبار واقري النتيجة مضبوط والله ييسرلك امرك ياعزيزتي |
والله سويته وكل شي طلع عكس او يمكن انا ماعرفت اضبطه عدل
|
طيب يا أختي يوم عقد قرانك ما كتبتو شروطك الي تريدينها مثل مواصلة الدراسة والعمل في عقد الزواج ؟
|
الله يفرج همك وكل مهموم اختي
حبيبتي عليك بدعاء والتقرب الى الله فالكل يعاني هنا تقريبا من نفس المشكله العناد والفهم الخطأ وزوجك غيور وهذا دليل حبه غاليتي تغاضي عن عيوبه وتذكري محاسنه وفقك ربي لما يحبه ويريده |
لا ماكتبنا والله ابوووي قلته قال لا مو لازم نحن نشتري الرجال والحين شوفوا كيف اهيء
|
اميييين ياقصايد بس انا ابا شخصيتي تكون قويه وياااااه اطلع الحق منه
|
الله يعينك ويفرج همك
بعض الرجال صخر لاياثر فيه اي شيء بس مع الوقت انشالله يتغير اهم شي المصارحه والمداراه والمسايسه ولاتزعلي من كلامه ولاشي عاااادي تراهم يجرحون ولايدرون عن نفسهم على بالهم عادي البعض منهم طبعا اعاننا الله |
هذا لانك رضختي له من البدايه ...وافقتي من البدايه من اول شهر معاه انك ماتشتغلين ولا تدرسين. ومااصريتي عليه ..وقال هذي ضعيفه خلني افرض عليها رايي واسيطر عليها..لو انك رفضتي رفض قاطع من الاول كان عرف انك قويه وماينفع فيك اسلوب سيطره ويتركك براحتك ..وصعبه الحين تتحولين من امراه ضعيفه راضخه الى قويه مايهزها ريح
لكن الحين خلاص لافات الفوت ماينفع الصوت..ارضي بنصيبك.. |
اقتباس:
بس انتي حاولي شوي شوي تصيرين قويه..واطلبي شي ولاتتنازلين عنه ابدا..زي مثلا نزلة السوق المفروض تزعجينه تزنين عليه لين يوافق..وماتنهين المكالمه الا وهو موافق..اذا هو عنيد كوني اعند منه..بس مو في كل شي فقط في الاشياء الضروريه والي تشوفين انه ماله داعي من رفضه لها ولامبرر.. |
والله جربت مااااااشي امل ها ربي اللي كاتبه لي معنه شخصيتي برع قويه
|
غلاتي : اتعبني غلاه
لما كنتي بالمدرسة مثلا تروحين تناقشين مدرسة علا علامة ما ماعجبتك بورقة اختبار .. تلاحظين بعض المدرسات بالبداية تصر على رايها لكن مع نقاشك وادلتك تلين شوي وتحاول تعوضك بطرق اخرى عن علاماتك الناقصة (اختبار بديل او نشط او كذا) لكن فيه مدرسات ايضا لمن تقولين لها بالبداية ترفض ولمن تناقشين بادلة وحجج تلاقينها تعند زيادة وش الفرق ؟ ان فيه ناس اذا اصيتي على الطلب تلين وناس اذا اصريتي على الطلب تعند زيادة الحل : 1- تنتبهين لاسلوب اعادة الطلب يعني مثلا الشخص الي قدامك رفض تعيدين الاقناع باسلوب اكثر ودية وتستخدمين كلمات حلوة ( ادري ماتقصر - متاكدة انك بتساعدني ) يعني تضبطين اعصابك وتعبرين عن طلبك مرة اخرى بذوق اكثر 2- اذا مانجحت الطريقة الاولى بكل بساطة تحاولين بوقت ثاني .. وبنفس الاسلوب الودي يبدو لي ان زوجك من النوع الي اذا كررتي الطلب بنفس الوقت يعند زيادة .. لذلك رايي اذا احتجتي شي رفض ردي بكلمة وحدة : ان شالله ولايهمك .. انتظري وقت وارجعي ااطلبي مرة ثانية بخصوص العمل والسواقة والطلعات .. اكيد من حقوقك ولكن يا غالية اذا اخذتيها بالاصرار والفرض عليه راح تتنكدين وما تكمل فرحتك .. لذلك اذا رفض لك طلعة لسوق او شرطها بوقت قولي ان شالله على امرك ووضحي له ان الموضوع ما ضايقك مررة لانه لمن يشوفك متقبلة الوضع بتهدا عقدة العناد عنده لكن لمن يشوفك تحاولين وتحاولين وتحاولين بكل الطرق وبنفس الوقت بيفهم انك تحاولين تجبرينه يمشي على رايك .. لذلك يعند زيادة وفي تدريب نفسي بسيط لو سويتيه بتخف الحساسية والزعل عندك انا جربته وارتحت عليه .. اذا انتي متعشمة مثلا بطلعة لمطعم او مكان تحبينه ونويتي تقولين لزوجك .. حطي ببالك خطة بديلة .. بمعنى لو رفض وش في شي ثاني ممكن تسوين .. يعني مثلا رفض الطلعة تكونين مخططة من قبل تشوفين فلم - تنادين صديقاتك لبيتك - اي شي تحبين بكذا اذا قبل فانتي سويتي الي تبين واذا ماقبل فانتي قدرتي تتقبلين الموضوع بروح رياضية وعندك بديل اخر .. واضح يا غالية ؟ وشي ثاني بقوله لك بخصوص شخصيتك معه داخل البيت الي هو حاب تكونين عليها بس اتاكد اول ان الحكي الي قلته بالبداية واضح |
| الساعة الآن 05:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©