|
اريدك لزوجي ؟!
[[COLOR="DarkGreen""]السلام عليكم
بس ابى ادخل افضفض شووي واخرج انفض هم او غبار كلها واحد بس الحمدلله على نعمة الصحة والعافية طبعا اليوم دار حوار : تررررررررررررررن تررررررن <<< وش هذا جووالي :25: انا :27: مين: انثى كيفك انا: سوسو الحمدلله كيفك : سوسو الحمدلله طيبة من رمضان ماكلمتها وغيرت رقمها طيب ابى اقوول بشارة: وش هي : تأخذين متزوج انثى : لا بس لايكون زوجك سوسو: مب مهم بس واحد عشان يبي عيال وانا اعرف ظروفها صعبة وعندها بنت مريضة وتتعالج وماربي اراد انثى : عارفه فلانة انا لو وافقت وش معناته معناته حلمي ضاااع حلمي مااات وان كان حلمي يحتضر بس في امل في امل يتعالج ويعيش [/COLOR]COLORطبعا ثاني وحدة تخطبني لزوجها انا عارفة ليييش بالنسبة لهذه قالت : هو بيتزوج بيتزوج ازوجها وحدة طيبة ولا يروح يختار وحدة مدري شلون وبعدين ارسلت لها رساله : انتي مثل اختي لذلك لن اوافق الله يحقق امنتي وامنيتك بدون تعب حريم واتصلت وقالت : ايه اريدك عشان اعتبرك مثل اختي وهو خطب كم بيت بس انتي افتكرتك وقلت : ابى اريحك على ان زوجها ابدا مايريح استغفر الله افتكر اسلوبه معها وكم مرة حرمها من الدوام انسان فيه قسوة الله لايبتلينا بس ماحبيت اذكرها بهذا ياناس انا ماهمني زميلتي بالعكس كل اللي اختاروني لأزواجهم من خيرت زميلاتي بس عارفين وش معناته معناته حلمي ماااات ماات لو اخذت متزوج يارب لك الحمد طبعا للحديث كلام كتبته وحذذفته الله عالم وش هو يارب دائما يلوووح في الافق امل ثم يختفي ويلوح ويختفي والعمرررر يجرري والقطار يمشي وانا مب داخله فيه ان لم يكن غضب علي فلا ابالي الحمدلله كل شيء سووويته بس هذا رزق رزق مالي دخل فيه شيوخ وكلامنا - وخطابات وتحدثنا - ومواقع وكتبنا وكل شيء وحذفنا وافراح وحضرنا مابيدي شيء ( كل عشان مابى احس اني يووم ماسعيت واجرمت بحق نفسي واقول انتي ماعملتي شيء عشان لايجي هذا اليوم واقوول هذا الكلام ) في النهاية اللي يتفقون ويرحون في اللحظه الاخيرة خطابات تأخذ من عندك المعلومات وهي اللي كلمتك مب انتي وتقولين ردي علي وتختفي والله اني لما كنت اكتب تزيد نفسيتي سووء ليه ؟ عرض عرض وش هذا استغفر الله احس سلعة << فيس يبكى بكاء مرير ياناس مب غرور بس فين قرابتي وين جيراني وين عائلتي انا اقووول وين فقط من تصبح لديه مصيبة او زوجته لاتريده او خريج سجون يأتون اللهم لاشماتة اللهم لاشماتة ولاتبتليني يعني امك مابتعرفني الا بهالحالة ياناس لااحد يقول لأنك تناسبينهم الحمدلله الله بفضله اعطاني اشياااااااااء وااايد الله يعلم بها يارب لك الحمد بس صار عندي اصرار ياحلمي بإذن الله ياخلاص القطار طار لكن تظل كتابات ابوفيصل في آذني وان حلمي لو ماتحقق هنا انتظره نعم انتظره في الآخرة ولا احس بحرة اني يوووم ماحققت حلمي موسى عليه السلام الكليم دعا اربعين سنة وبعد اربعين استجيب الله ييسر لي الدعاء واني ماامل ولا ائييس على انه تأتيني بودار فقدان امل تلوح وتاتي لكن اعلم انه ماختاره الله هو الخير انا لا انكر انا الله فضل علي في تحقيق كثيرا من احلامي بس حلمي هذا كان اهم حلم لدي بس الحمدلله خاصة وسط الظروف اللي اعيشها يارب اعطيتني الاسلام وهديتني لأصح المذاهب وهو مذهب اهل السنة والجماعة وانا مادعوتك فلاتحرمني وانا ادعوك دموع انثى الخطية :d سامحوني ان لم ارد على الموضوع مشغوولة بس الله يسهل |
لو كان فيه خير ما رماه الطير
الله يرزقك الزوج الصالح يمكن هي معها حق انو رح يخطب رح يخطب تخطب هي له افضل ما هو يخطب لنفسه وحده ما تعرفها لا تهتمي للناس وقت رب العالمين يأذن لن يوقفه احد |
غاليتي ،،
لا املك لك الا الدعاء ( اللهم ارزق اختي انثى بالزوج الصالح التقي النقي الأعزب مخموم القلب مرفوع الذكر ، الذي يعينها على امور دينها ودنياها وارزقها الذرية الصالحة عاجلا غير اجل انك على ذلك قدير ) |
خالتوا GREEN222
اختي ambitiousdream الله يسعدكم على مواساتي وشكرا الله سعيكم ولا حرمكم الاجر وتقبل دعائكم |
ياروحي انتي والله قريته وبكيت .. طالعه انام ولي بآك بكرآ بأذن الله الله يعوضني ويعوضك بالرجل الصالح |
حبيبتي الله يرزقك الزوج التقي النقي الصالح المخموم القلب والحنون اللي يسعدك وتسعديه
نصيبك حيصيبك واحنا مأمورين ببذل الاسباب والتوكل على الله الله يكتب لك اللي فيه الخير ياقمر |
انتي تستاهلين كل خير ،، بس انتظري بيجيك ان شاء الله اللي يستاهلك . .
|
سيأتيك الأفضل باذن الله لا أؤيد مواضيع خطبة الزوجة لزوجها , فوراءه خفايا كثيرة ومريبة كلها قد تكون على حسابك ... |
هو صح الزواج لابد منه ؛؛ بس عندي أكون بلى زواج وهم واحد.
ولا آتزوج والله يبلاني بشخص مايستحقني !!! رحم ???اللـَّــ??? أمرا عرف قدر نفسه ، بالله يوم تكونين على أخلاق ودين وعلم ويجيك واحد ??سّتغفُر ?للھ?ہ ?لعظِيمُ ? ?توُبّ ?ليھ?ہ ? ماني قايله. لاتوافقين على شأن فلان ولاعلان أهم شيء انتي وقناعتك وكل شخص أعلم بنفسه. |
وش فيه المتزوج ي أنثى !
تراه مثل باقي الرجال .. : ) و ي بنتي يوم عندك ويوم لا >> ابو الفله ليش يموت حلمك .. بسم الله عليك الله يكبر حظك ويرزقك باللي تتمنينه أمقت لغة الإحباااااط والكآبه و اليأس ربك كريم ي قمر اللي رزق غيرك قادر إنه يرزقك بس أنت أجتهدي بالدعاء ومثل ما أنت هنا تفضفضين خلي كلامك كله بسجده لله و أحسني الظن فيه ما راح أنساك من صادق الدعوات ^ــ^ نفرح فيك عما قررررريب |
واتصلت وقالت : ايه اريدك عشان اعتبرك مثل اختي وهو خطب كم بيت
بس انتي افتكرتك وقلت : ابى اريحك على ان زوجها ابدا مايريح استغفر الله افتكر اسلوبه معها وكم مرة حرمها من الدوام انسان فيه قسوة الله لايبتلينا {.. آن كنت تعلم فإنهآ مصيبه..} المشكله آنك عآرفه آن زوجهآ سيء .. ممكن تشرحيلي / كيف تعتبرك مثل آختهآ وكيف تبي تريحك .. وزوجهآ مو كويس ؟؟؟؟؟؟؟ < من جد آشرحي لي حدي مو مسستوعبه !!..؟ بالعكس لانها تعتبرك اختها وتبي لك الرآحه مفروض تجيب لك رجالَ كفو .. حبيبتي لو آن زوجها رجآل كفوو .. بتخطبك له ؟ والله لو تنطبق السماء عالارض مآقربت صوبك.. يعني عشآنك طيبة وحبوبه تبي ترميك على وآحد مو زين.. بعدين هي المفروض تزوجه وحده عصبيه وراعية مشآكل عشآن تطلع عينه وتوريه شغله.. وسسآعتهآ يعرف ان الله حق.. آستغفر الله بس.. ربي يوفقكِ : //..: |
حبيبتي لاتحزني إذا انجبرتي على تعايش وضع قد يؤلمك
بل ،، ابتسمي ،، لانه قال بكل رحمه (وعسى ان تحبوا شيئا وهو شرلكم ) كوني بخييييير |
وعليكم السلام
يااارب بلغنا اليوم اللي نقرا فيه انثى اصبحت عرووووس عاجل غير اجل يارب العالمين الله يرزقك الزوج الصالح ويعوضك خير لاتفقدين الامل يالغاليه نصيبك راح يجيك بإذنه الواحد الاحد |
اقتباس:
و وحدة من الأخوات تقول لو انه كويس ماخطبتك له !!!! يالله يعني عشانه سيئ خطبت أثنى له ؟؟؟ كيف يعني ماعندها ذمة ؟؟؟ طيب يمكن انها تشوف اثني كويسة وبإذن الله ينصلح حال العلة على يدها .. ما أحب أفكر في الناس بالتفكير هذا .. دايم أفترض حسن النية ... وهذا اللي موديني بستين داهية |
الله يسر لج الي فيه الخير
دعواتي لج ولكل البنات ان الله يسر لكم الازواج الصالحين يااااااااااااااااااااااااااااااااااااارب |
اقتباس:
عموما ياقلبي دامنا دايم نحسن النية فأجرنا على الله على فكرة ياما وقعت بمشاكل كثييييييييييييرة بسبب إني أحسن النية بالناس وهم يكيدون المكائد وبالأخير ينعتوني بالسذاجة ... يالله صار إحسان النية والطيبة سذاجة !!!! لكن لنا رب رحيم عظيم لن ينسانا ... |
يابعد قلبي أنثى عساك بخير يالغلا ...
كم عمرك ؟؟ :21: لاتهمك السالفة أعتبريها تمزح أو اعتبريها سالفة على قهوة العصر مع جمعة الجيران وانتهت ... أنا يخطبوني معددين ومطلقين وش تقولين عاد أنا ماأتنقص منهم حاشا لله هم بشر على عيني ورآسي ولهم حق الزواج ولهم حق يتزوجون بنات عاااااااااااااادي ,, بس أنا نفسي تأبى الإرتباط بمعدد وتأبى الزواج من مطلق لاسيما إذا كانت أسباب طلاقه غامضة .. أما مطلق وأسباب طلاقه معروفة وواضحة وبدون أطفال ياهلا به ... لكن للأسف ( بعض) فئات المجتمع ينظرون لنا بنظرة أن حنا تأخرنا بالزواج ونبي رجل وبس مهما كان وعندهم ان حنا كبار ولازم نرضى بأي خاطب .... صحيح إني حزينة مكسورة مثلك وأردى :21:... وربما أعجز حاليا عن مواساتك لأني كسيرة لكني أنصح نفسي وأنصحك بالتصبرررر ورؤية النصف الممتلئ من الكأس ... أدري بقرارة أنفسكم بتقولون علمي نفسك يالخراطة :d... بس ماودي أضيق صدر حبيبتي أنثى ... وودي أوقف معها لو بسطور خفيفة ... لن أنساك من دعواتي ماحييت .... الله يرزقك الزوج الصالح وأفرح بك قبل ماافرح بنفسي ... ياحي ياقيوم .. أطيب وأصدق أمنياتي ... |
ياعمري يا أنثى الله يرزقك إنت وأخواتي الأزواج الصالحين الأتقياء الأنقياء..
تصدقين من زمان قبل لا أتزوج وحدة نفس الشيء عرضت علي أتزوج زوجها وهي تصيح منه كل يوم.. بس هي سبحان الله قالتها لي بصريح العبارة خذيه يمكن ربي يهديه على يدينك.. قلت لها والله أنا مرتاحة كذا.. لا تيأسين غاليتي وربك ما بيضيع أحد.. وإن شاء الله يجيك اللي يعرف قدرك ويغليك.. |
:* لاتتنكدين ولاتزعلين وماعند الله خير وأبقى ماتدرين يمكن نصيبك أفضل مما توقعتي مليوون مرة والله يا أنثى قبل فترة وحده عمرها 36 تزوجت شاب يمكن اكبر منها بشيء بسيط لاتعرفه ولايقرب لها أخوها مدرس ونقل لقرية غير القرية إلي كان فيها وقابل هالرجال وصار بينهم معرفة وخطبها والآن حامل ومبسوطة ومستانسه فلاتفقدي الأمل نصيبك بيجيك لحد عندك وخلي ثقتك بالله كبيرة وعلى فكرة: الحياة مو بس زوج الحياة فيها أمور كثيرة أهم بري بوالدتك أهتمي بتعليمك ودينك وعيشي حياتك ترى مو كل من تزوجت أرتاحت وتهنت الزواج مسؤولية وهموم لذلك لاتجعليه جُل إهتمامك وتنكدي على نفسك :* |
اممم ايش رايك بزوجي يا انثي ؟! ^__^
واذا آذاك علميني بس .. و نصير أنا وانتي ضرائر على الاقل القي احد اتهاوش معه ^_^ و لا تشيلي بخاطرك ان شاء الله كل احلامك تتحقق عاجلا.. بس تراني داخله موضوعك عشان اقول أني زعلانة منك الله يسامحك نفسي ارسل للإشراف وأقولك ليش ؟ لكن دارية انهم ما راح يوصلوهاا رسالتك يبدو ان لها صدي عند الادارة و انفضحناا و قلت هذي كلها انثي الله يهديها توووبة ما عاد أقولك أسراري ^_^ |
اقتباس:
بصراحه هالموضوع والعنوسه تجيب الوسوسه وتدخل الحزن علي البنات أنا الحين عمري 21 سنه وأحس صار يضيق صدري من مواضيعهم :d لكن الحقيقه الزواج مو كل شي وإلي كاتب لها ربي تتزوج لها تتزوج وأهم شي أعيد وأكرر الزوج الصــالح وأتوقع البعض ممكن يشغلها هالموضوع عن الهدف الاكبر من الخلق وأنه خلقت للحياه لغايه أكبر وإضافه لكذا الأم والأب أستغرب البنات إلي تكون منعزله عن أهلها وغرقانه في هموم الزوج القادم ومتى يأتي وهل تضمن إنها تعيش وهل تضمن السعاده بيده وتخلي أمها وأبوها وتنشغل عنهم بالهموم وأكثر مايحزنني في موضوع الزواج فراق الأهل والأب والأم ولازم كل بنت تعرف أنها بعد زواجها ماراح تكون لها فرصه تبر في أمها وابوها مثل فرصتها الأن فالتستغل الفرصه ونصيحه اكثرو من هالدعاء اللهم أجعل الأخره همي غاليتي أنثى يشهد الله أني أدعي لك في ظهر الغيب ولا راح أنساك من داعي تستاهلين يالغاليه كل خير وتأكدي تستاهلين الأفضل ولا يمهك من تكلم ولا وش يقولون الوحده رزقها مكتوب عند الحي القيوم ولاتدرين وين الخيره فيه لكن حبيبتي تفائلي وأضحكي للدنيا تضحك وصدقيني إيمانا بقضاءالله وقدره أكبر نعمه ليه نتسخط ومثل ماقلتي طرقتي كل الأبواب لكن أمرك بيد من إذا قال لشي كن فيكون سبحان أمره بين كاف ونون أسأل الله العظيم رب العرش العظيم إن يفرحنا بخبر زواجك قريبا وييسر لك الزوج الصالح التقي إنه علي كل شي قدير |
الله يرزقك الزوج الصالح قريبا
|
اوووه وش عليك خاطبتك الزوجه بنفسها ،،،
دليل على امر واحد انك حبابه و طيوبه وخلوقه وكل الصفات التي تتمناها كل زوجه حين يقع الفاس بالراس وحاب زوجها يعدد ،، على الاقل يعدد بمن تخاف الله فيها.. اضحكي وانبسطي وتوكلي ،، وفكري دوماً بالجانب الإيجابي لتسعدي قلبك والنصيب لا مفر منه ،، |
انثى حبيبتي خلي همتك عاليه وانتي ماراح تتزوجين (( باذن الله )) الا عازب ورجل عليه القيمه
الله يرزقك يارب وتبشرينا ،، اجل غير عاجل |
اقتباس:
كلامك صح .... ولا أحد يقدر يغلطه ... لكن اذا حياتي بعد الله متوقفة على شي اسمه زوج وش السواة ؟؟؟ والداي .. يدعون ليل نهار ... الله يرزقك بالزوج الصالح ... الله يستر عليك """" ما أدري ليش الستر متعلق بالزوج !!!"""" تعليمي ... عملي ... مرتبط بالمحرم اللي هو الزوج !!! التعليم !! ما أقدر أدرس الا برى .. وبكذا لازم محرم .. واخواني مايقدرون يسافرون معي .. فمالي الا أتمنى الزوج ... للأسف أحس الموضوع صار محور حياتي وين ما ألتفت ... محرم محرم محرم !!! العمل ... يكلفوني بأشياء كثيرة بحجة فااااااااااااااااااااااضية !!!!! الدورات اللي برى .. مايعرضونها علي !!! لأن عندهم خلفية ان ماعندي محرم .. اللي هو في نظرهم زوج !! يعني وحدة هذي حياتها !!! بالله كيف ما يكون تفكيرها محصور بشي اسمه زوج !!! أنا بس لو أقدر أغير بعض القوانين بالبلد بحيث تكون متماشية مع الشرع ... أعيش بسلام .. ومايحس بالنار إلا واطيها ... |
حبيبة قلبي يا انثى
ربي بيرزقك باذن الله لانه وعد عباده سبحانه وقال : وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ فقد وعد الله سبحانه أن يستجيب لمن دعاه. والله لا يخلف وعده صدقيني سيأتي الخير الذي كتبه الله لك عاجلا أو آجلا .. فقط ثقي به وتوكلي عليه حق التوكل وشيلي عنك الهموم والاحباطات اللي تأتيك من الجميع لا العزباء مرتاحة ولا المطلقة ولا المتزوجة هذا انا متزوجة من معدد ومشكلتي لو تقرينها تقولين اللهم لك الحمد ربي يخلي لي امي واهلي وعزوبيتي ههههه فليها يا عمري فليها ربك كريم :) |
اقتباس:
:* ياحبيبتي والله نظرتك للزواج وردية جداً من قايل لك أن الزوج بيكون تحت أمرك وعلى كيفك ياعمري تجينا دورات في العمل وفيها سفر المتزوجات منا مايروحوا لأن الزوج ياعيوني مرتبط بوظيفة مو رايح يتغيب عن عمله ويروح معك دورتك غير أن المتزوجة عندها أولاد في المدارس ماراح تغيبهم عن مدارسهم وحكاية السفر برى للدراسة حابه أقلك 10% فقط من يسافرون مع زوجاتهم للدراسة والبقية سيقول لها لستِ ملزومة بالدراسة برى بيتك وأولادك أولى بإهتمامك :* أنتِ مفكره أنك لما تتزوجي راح تتحرري وتنطلقي في الأفق الرحيب الزواج ياقلبي معناه تكوني تحت عصمة رجل تمشي بشورة وتطيعي أمره مو رجل يسهل لك معاملاتك ويخفف أعباءك ويفتح لك كل الأبواب المغلقه من دراسة بالخارج وخلافه... وإلا ماكان شفتي مشاكل زوجية ولا هموم ولا طلاق :* |
اقتباس:
لكن اللي أشوفهم معاي ماشاء الله ... يتهاوشون على الدورات اللي برى .. وتروح العائلة كلها !! وعلى فكرة ... كل من شافني ... بالعمل .. هاه ما انخطبتي ؟؟؟ بحيث يكون سعيد الحظ محرم ويسافر معاي ... وأكيد ماراح أوافق عليه الا لما يعرف وش طبيعة عملي .. والدراسة ملزومة أدرس بالخارج ...وهو بيكون بالخيار يا يقبل .. يايدبر |
أنثى
عهدتك قوية وأراكِ كذلك أقر الله عينيك الجميلتين بزوج صالح تقي ونقي كنقاء قلبك الطاهر.. عاجلاً غير آجل |
اقتباس:
معليش قاطة على هالحوار واسمحي لي أنثى ياقلبي على هالمشاركة ... كلام أختي سيدة الموقف لاغبار علييييه كلامك صحيح مئة بالمئة لافض فوووك يابعدهم .. ياقلبي الزواج أننا نكون تحت مشورة رجل وواجب علينا طاعته ... وراح تزيد علينا الضغوطات والمسؤوليات .. لكن ياعيوني لما تشرط عليه الدراسة والسفر ويكون شرط أساسي ماتتنازل عنه البنت ويتم كتابته بالعقد ... أتوقع عادي جدا ..على قولة اختنا غدا أفضل يايقبل يايدبر !! ويقدر يآخذ إجازة ويسافر معها وممكن يكون عمله مو حكومي ممكن يعمل أعمال حرة فيكون السفر متيسر له ...وماشاء الله تبارك الله لاقوة إلا بالله أرى نسبة فوق المتوسطة من الرجال حاليا يروحون مع زوجاتهم وهم موظفين ... وزي ماقالت أختنا غدا تروح العائلة كلها :d... طبعا أنا سابقا تنازلت عن طموحي من أجل الخاطب بس بعد هالتجربة وبعد مافقدت الأمان وبعد هالإنكسار المرير ....لن أتنااااااااااااااااازل إطلاقا عن طموحاتي ..... لأني وجدت مافيه أحد يستاهل أتنازل عن حلمي من أجله !!وتعلمت درس من هالصدمة إني أتمسك بأحلامي أكثر وأكثر وأكثر .. لكن ان البنت تتزوج وهي مااشترطت دراستها او تنازلت عن دراستها فراح يكون صعب عليها انها تطلب من زوجها مستقبلا انه يرافقها للدراسة ... وبيقول قابلي قدورك أبرك .. وطبعا هذا يعود بالمقام الأول على عقلية الزوج ومدى إدراكه ... وحبه وتضحياته ... وهل هو حاب يساعد زوجته في طموحاتها أو لا ... أتمنى تكون مشاركتي خفيفة ظل مثلي :d |
هلا أنوثه أخبارك زمان عنك !
انا مع أختي الوان وش فيه المتزوج إذا كانت أخلاقه حلووووووه فكري قبل ترفضين ترى ماهو كل عزوبي بترتاحين معه ولا كل متزووووووووج بتتعبين معه ! انا كنت نفس وجهة نظرك بس غيرتها لما شفت نمااااذج حولي ماخذاااااات متزوجين ومبسوطاااات انتي ركزي على أخلاق الخاطب بغض النظر عن حالته الاجتماعية ! وقبل ماترفضين استخيري كثير يمكن خيييييييير لك اسأل الله لكِ الرزق الحلاااااااال كما تمنين وأكثر |
حييتِ أختي الكريمه .. أسأل الله أن يوفقكِ ويرزقكِ الزوج الصالح الناصح بإذن الله .. حقيقة من وقت ليس ببعيد وأنا أقرأ كثيرا الخوف من المتزوج .. ليس كل زوجة ثانيه ستصبح تعيسه أبداً .. لربما العكس وقد يحدث . صحيح يحدث مشاكل ومصائب .. وخلافات بين الضرائر وزوجهن .. ولكن هل معنى هذا أن الأزواج الآخرين لايحدث بينهم مشاكل وخلافات .. فقط لنلقي نظرة على قسم المتزوجين .. يشيب الرأس وحيناً تدمع العين لما نقرأ .. وأخرى يضطرب الفؤاد .. مما تسطره أخواتنا الفاضلات من مشاكلهنّ مع أزواجهنّ .. أنا لا أفرض رأياً ولا أعترض على حديث إنما أُحاول أن أُخفف من هذا التهويل والخوف من المعدد . وفقكِ الله وأسعدكِ . |
الحمدلله علي كل حاال
النصيب يصيب والله لو تفرين منه بيجيك ولاتقوولين ماراح اخذ كذا ولا كذا ماراح تتعدين اللي مكتوب لك وعسى نصيبك في اللي تتمنيه ومع اللي يقدرك بقوولك قصه لخالتي وشوفي حكمه رب العالمين اختي بنفس عمر خالتي الفرق بينهم شهر تزوجت اختي ولد عمي وجابت خمس اطفال وخالتي مابعد تزوجت يعني تنخطب وكذا ولاصار نصيب تزوجو بنات اخواتها اصغر منها وهي زي مااهي جت فتره يخطبونها متزوجين وكااانت تقول اعنس اموت اتحرول وش مايصير والله ماخذ واحد عنده حرمه ليه وش ناقصني توني صغيره ونصيبي بيجيني واحد من اخوياء ابوي قال ابي حرمه انا زوجتي لها عندي 10 سنين ولاحملت وابي اتزوج دور لي وحده محترمه لان قرايبي مايرضون ينزلون على حرمه اقترح ابوي خالتي لانه يعرف الرجال وانه طيب ومحترم وبيعزها وكذا اتذكر صاارت مشكله لا ابوي خوالي زعلو واني زعلت ليه تجيب هالرجال لا اختي ومن هالقبيل رفضته وبعد شهرين خطبها شاب جميل جدااا يصلي مواصفاته حلووه طبعا وافقت وهي تضحك صار الزواج وسكنت بشقه فوق بيت جدتي دفع اجار رمزي وسكنت عند امه وكلا يقول يااحظها بعد فتره لاحظنا انها حزينه وباين مو سعيده بالاخر طلع بخيل ووقح ويعايرها انه اصغر منها واجمل منها وانواع الذل حملت وجابت بنت وطلقها هالحين تعيش متدمره نفسيااا واحسها ضايعه تفكر لو جدتي ماتت بعد عمر طويل مع اي واحد من خوالي بتسكن وبنتها وين تعيش وهل بيخلي بنتها معها ولا بياخذها ابوها ولو تزوجت هل بتكون سعيده ومن بيقبل ببنتها جداا حزينه واللي صدمني قبل فتره تقول قسم بالله ماندمت علي شي الا اني رفضت اللي متزوج وفرحت بالشاب اللي دمرني واهاني واني ندمانه لاني كنت اضحك علي اللي تتزوج متزوج وياليت الزمن يرجع والله ماتزوج الا واحد عنده حرمه كرهت كل الشباب انا اصغر منها بكثير ومتزوجه متزوج نصيبي كذا صح عندي مشاكل زي اي زوجين بالدنيا بس ولله الحمد احس نفسي اسعد منها بكثير صدقيني والله ماراح تاخذين الا المكتوب والزواج قسمه ونصيب يوم يخطبني زوجي جالسه اضحك مع صديقاتي اقول خطبني شاايب مصدق نفسه بوافق عليه ووافقت بدون وعي مني ولاتحسبين انك انتي اللي بتجيبين المعرس لنفسك ترى نصيبم لاجاء ماتدرين وشلون خطبوك هالناس خلي ايمانك بربك قوي وطنشي الموضوع واذا خطبك احد استخيري والله بيدلك ع الخير مووفقه انتي وكل بنات المسلمين |
انثى ابكت القمر
اي واحد يقرى او يسمع اي موضوع فيه حزن اكيد يحزن حتى لو كان مايعرف صاحب القصه والله ارحم بعباده من الام باطفالها لا تيآسي من رحمة الله |
| الساعة الآن 07:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©