|
فوضويه *حوسه *فوضه
الكتاب باين من عنوانه< اقصد الموضوع باين
المهم انا اعاني من الفوضى والتشتت ماعرفت ارتب حياتي ابدا مااقصد غرفتي وملابسي> لابلعكس احب الاماكن النظيفه بس فوضى في وقت وشغلي يوم كنت صغيره ،، تم تشخيص التشتت يحصل لاني عبقريه:22:<< شكل الدكتور يصرف اهلي المهم اني اشتغل الصباح بالتعليم والمسا ادارة قسم بالتعليم واشتغل بالتجاره(( صغنونه على قدي)) وادرس اربعا وخميس ماجستير وعضوه في جمعيات خيره وجمعيات تعليميه وعندي 12 ايميل وفيس بوك وتويتر وبلاك بيري وايفون حياتي ازعاج ،،، بس مااعرف اعيش الا كذا،،،، احب اصير مشغوله واعرفني اقدر انجز،،، مشكلتي مااعرف ارتب حياتي احيانا البس جلال الصلاة وقبل ابدا التكبير اتذكر بلوزتي ما كويتها وانا اكويها اوقف كوي واغلي مويه للشاي وهكذا>> الغريب اني اخلص شغلي بوقته، اركب السياره بنفس الوقت بس تعبت من نفسي مره،، انا ماحب اعيش وقت فراغ،،،،،واحب استمتع بالحياة حتى نومي 4 ساعات بالكثير وما انام طبيعي مثل الناس>> اروح لفراشي وانسدح وكذا،، لا انام على لابتوب ولا كتاب <<< انام من التعب الفراغ يقتلني و الفوضى تعبتني بجدددددددددددددددددد اللحين فاتحه ماسنجر باللاب توب والبلاك بيري بحضني واكتب بمنتداكم واسوي البحث حقي :( تتوقعون احتاج طبيب نفسي ؟؟؟ |
اختي ذكرتي انك
ماتعرفي تعيشي الالا كذا على رأيك شكلك مقتنعه بهذه الطبيعه الفوضويه لديكي الامور تنبع من داخلك بالاساس حاولى ابدأي بالترتيب مع نفسك وارى انه طبيعه عملك هي السبب كمان في هذه الفوضى ... رتبي جدول ... نظمي وقتك لاترهقي نفسك بالعمل الكثير نفسك لها حق من اكل ونوم وترفيه عن النفس ****** واغلب الاذكياء عندهم حس الفوضى .. ****** وانصحك بكتابه موضوعك بقسم ساعدني للاخ رجل الرجال .. واكيد راح بساعدك في حل هذه المشكله |
اهم شيء انتي مستانسه بحياتك ؟ اذا مستانسه اكيد ماتحتاجي طبيب نفسي:d
لكن من خلال مارأيت بهذه الحياة:dمن الناس الي يركزواع الجانب العملي سوف انصحك بنصحتين فقط :d 1- لاتهملي الجانب الاسري والاجتماعي احذري من انك تصحي يوم متأخر ماتلاقي احد حولك لااهل ولاصديقات:( 2-مع هالزحمه بليييييييز لاتنسي انك انثى :d:Dلاتشغلك زحمتك عن انوثتك وتدليع نفسك :d:o |
إذا كنتي تريدين تنظيم فوضويتك بإمكانك ذالك
لكن يبدو أنكِ سعيده بحياتك فلماذا التغيير؟ لكن يا حبَذا ان تجعلين لكِ ورد من القرآن يومي ولاتشغلك الدنيا عن الآخره وفقكِ الله |
مافيه أفضل من أنك تنظمي وقتك بجدول داخل عقلك
مو ضروري بورقه وقلم ابدي بالأهم ثم المهم وهكذا ،، أحررصي كل الحرص تكون صلاتك على وقتها صدقيني بتشوفين وضعك يترتب بشكل خيالي ,, وموووفقه يالغلا ,, |
يووووه شششنو هذآ .. لو آنآ مكآآنك آتجنن رسمي.. انا لو مكآنك آكتفي بشغله وحده يآدرآسه آو وظيفه ..!! < مآشآآء الله عليكِ عندك طآقه عقليه وجسديةَ ؛< مآآشآء الله تبآركَ آلرحمنَ.. بس زي مآقآل آخوي { غريب 2010} لآتنشغلي بآلدنيآ وخصصي وقت لقرآءة القرآن ,, < والله يوفقكِ في جميع آمور حيآآتكِ .. |
اقتباس:
|
اقتباس:
|
ماشاءلله تبارك الله عليكي مخلصه للعمل وتحبي العمل الكثير ,,~
يا أختي انا زيك لمن اعمل بحث حق الجامعه ماقدر اخلص وقتي للبحث بس .. لآزم افتح المنتدى والايميل شي اساسي كمان .. لكن اذا كنتي متزوووجه ولديكي اطفال توقفي قليلاً عن بعض الاعمال الغير ضروريه وقوومي باحتوائهم والجلووس بجانبهم والسؤال عن احواالهم بين وقت والآخر .. وايضاً لا تهملي حقووق زوجك وواجبات المنزل ,,~ وأعملي زيارة لأهلك بين كل فترات متقاربه ..ْ~ والله يوووفقك ويوفقنا في جميع حياتنا .. دمتي بأماااان =) |
ماشاء الله تبارك الله
صراحة حلو ومو حلو مدري كيف ! الله يعينك حبيبتي لكن مثل ماقالت الأخت أنا مو أنا .. لاتنسي علاقاتك الاجتماعية والأسرية ولا تنسيك زحمتك أنوووثتك والله يوفقك |
انا عكسك تماما
احب انجز واسوي بس لازم وقت هدووووووووووء وفي اول الصباح او النهار جمب مكان مشمس صيفا او شتاءا بس لازم هدوووء حياتك جد صاخبه خطوتك جدا رائعه انك تحاولى تعدلي من نفسك الان انتي متحكمه بنفسك لانك فتاه مسؤوليتها نفسها فقط بكره باذن الله بتكوني مسؤوله عن عائله زوج واطفال ومحتاجه شوية تركيز والزوج مايبي هالوضع انك تنامي وبيدك لاب واشياء كثير بحياتك حلو تسويها بلمسة حنيه وبرواق مو سريع سريع <<<<<<<<اكره شغل سريع سريع وععع وعالعموم انتي قدها وقدود وبصراحه الله لا يضرك كنز للمجتمع الله يبارك لنا فيكي ويجزى من رباك خير |
الله يسعدكم شخص شخص واحد واحد زنقه زنقه
كل ردودكم كانت جميله للغايه واسعدتني انا مشكلتي،،، اني اعاني من تشتتتت اتمنى اصير انسانه منظمه ومجدوله بداية كل سنه اطبع تقاويم واطبع اجندة تنظيم فيها اسمي واوزعها،،،، لعائلتي وصديقاتي احب اقتنيها واحتفظ فيها ،،، لكنها فاضيه من جوا،،، وانسا افتح التقويم لما يجي اليوم اللي بعده فيه مقوله تعجبني ((( الفوضى ممتعه ،،، والتنظيم مفيد)) احس بكره اذا تزوجت وجبت عيال،،، بخرشهم خرش معي |
اتوقع اتوقع اتووووقع
محتاجه تتزوجي |
بسالك انتي فيك تشتت انتباه ؟؟
انا قاعدة اسوي بحث عن تشتت الانتباه اذا عندك بي بي عطيني البن اضيفك يمكن افيدك هههههه بس وناسة حياتك زحمة واكشن وحلوة لك طبعا لكن اللي يقترب منك احس انه يتوتر ويتعب نفسياً ماعليك دامك مرتاحة انتهت المشكلة |
اقتباس:
بس لاتكتبين اسمي بالبحث تفشليني وانا مسويه شخصيه عند الناس؟ بقولك عن مواقف حصلت معي يمكن تفيدك: مره اشرح درس بالجامعه وسالت طالبه عن جواب وقالت الجواب الصحيح قلت لا خطا مين يصحح لها؟؟؟؟؟ ومحد رفع يده،،، انا جاوبت نفس جواب البنت،،، قالت الطالبه،، نفسسسسس جوابي وكانت مستآئه مره،،، ابتسمت وقلت سوري ،،،تفشلت مررررررررررره مشكلة الهواجيس:25: ومره بالماستر كنت اسوي عرض قدام دكتورات ،، وفجاءه وانا اتكلم سرحت( هواجيس) ثانيه او ثانيتين،، ،، قلت لهم ( ممم نسيت انا وين كنت) ،،، قالو عادي عادي لا تخافين وكملي،، خذي راحتك لا خفت ولا هم يحزنون،،، سلكت لهم وسلكوا لي ومستحيل اتذكر اسما،، صعب جدا جدا حفظ الاسما مع اني احيانا اشوف بنات واعرف انهم كانوا معي بالتمهيدي، او ايام الابتدائي،،، اتذكر الوجيه واعرف من العيون بس الاسماء ،،، هالشي يسبب لي احراج،،، مع طالباتي ومع دكتوراتي بالماستر الاسبوع اللي فات في دكتوره الله يسامحها احرجتني عند زميلاتي،،، علقت ورقتي على السبوره،، قالت شوفو منهج ثاني واسما ثانيه ههههههه لان الماده اسمها تاريخ الادب الانجليزي،،، والاجوبه كله صح بس الاسماااا |
اقتباس:
|
| الساعة الآن 05:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©