|
باقي ع الوظيفه الجديده تكه ... دعواتكم
السلام عليكم يامعشر منتدى عالم الاسره
وش لونكم كيف اموركم كيفكم مع هالبرد ان شاء الله تدفون كويس مالكم بالطويله امس وانا في دوامي جاني اتصال من صديق واخ يقول لي ان فيه شركه فيها تقديم وظائف روح قدم التقديم كان في فندق الانتر الجبيل الصناعيه رحت الصباح اليوم الاحد الساعه 8 ولقيت امة لا اله الا الله صفيت في الطابور وشوي ولا احد المسؤلين قال بصوت عالي انهم مايبغون الا الخبرات وتخصصين فقط واقل خبره 5سنوات ولله الحمد انا خبرتي 8 سنين عجاف انسحب من الفندق نصف الموجودين لان ماتنطبق عليهم الشروط سلمت اوراقي نادو اسمي رحت لدور الاول صاله مفتوحه حاطين بوفيه مفتوح افطار شي يفتح النفس والعالم تطحن طحن وبصراحه طحنت لي كم فطيره على كم توستايه مع شاي وشوي كوفي وشوي عصير ..... هو انا كول يوم بفطر ببلاش فرصه انتظرت حول الساعه نادوني ثاني دخلت ع اللجنه تبع المقابله الشخصيه مكونه من 3مهندسين خواجات + مهندس سعودي وكلهم مدراء اقسام عاد انا عندي خبره في المقابلات الشخصيه دخلت وسلمت بالعربي وصباح الخير بالافرنجي عشان اعطيهم الامان واعلمهم سلومنا وكلهم وقفو صافحتهم فردا فردا وشديت يدي ع ايديهم .... والله الخواجات رصو يدي رص بس والله سلامهم نشمي اذا مسك يدك وصافحك تحس انك تسلم ع رجال حي مهوب بعض شبابنا الله يخلف يسلم عليك بأطراف اصابعه المووووهم قالوا لي تفضل اجلس وقلت من بعدكم ولما جلسو جلست .... الادب يشر مني عرفو ع انفسهم .... ولاثبت ولا اسم واحد منهم ابد وعرفت على نفسي طبعا كان معي في يدي ملف بلاستيك فيه اوراقي ماسكه بحنيه وحاضنه الخواجات قالو بكل ادب بالافرنجي طبعا خذ راحتك وضع الملف ع الطاوله قلت بكل خبث وبراءه مصطنعه : لالا ما ابغى اوراقي تضايقكم خلوها معي احسن وكانت عندهم الـ cv تبعي قرأوها وسأووني Speak for yourself تحدث عن نفسك سميت باسم الله وماخليت ولابقيت تكلمت لهم عن نفسي من بداية مولدي حتى دخولي للقاعه والكلام يجر كلام والخواجات يستمعون بأهتمام وادب ماعندهم انه يقاطعك او يعاندك مخليني ع راحتي وسألوني كم سؤال هل انت متزوج لماذا تقدمت للانضمام لنا لماذا تريد ترك عملك جاوبتهم وسألوني عن طبيعة عملي .... وجاوبت وسألوني كم سؤال نسيتهم وانا دخلت في مواضيع يمين وشمال تكلمت عن ارتفاع الايجارات والسلع وتكلمت عن هزيمة ريال مدريد امس ..... يعني لازم الواحد يخرج شوي عن الموضوع وهم والله ماقصرو ياخذون ويعطون سألوني ماذا ستقدم لنا لو انضممت الينا؟ او احنا وش راح نستفيد منك لما نوظفك قلت جهدي وخبرتي ومثابرتي وانا متأكد ان الفائده بتكون لطرفين آخر سؤال سألوني كان وش تتوقع نقبلك او نرفضك قلت وانا اضحك بخبث اني خبره لايستهان بها ان قبلتوني فأنا كسبان وقبولكم لي معناه حياه جديده وتحدي جديد وطموح جديد وتجربه جديده وانا اعشق التغيير مثل رئيس الولايات المتحده اوباما كان شعاره للنتخابات الرئاسه التغيير (بحكم ان الخواجات امريكان ) وان رفضتموني فأحترم قراركم وانا سعيد لاتي تشرفت بلقائكم واعتبرها دعوه للافطار والتعارف واعطيت كل واحد منهم كرتي الشخصي فيه اسمي وارقامي ...... حركات يحبونها واعطيهم ع جوهم قاموا وودعتهم وصافحتهم فردا فردا بنفس مابدأت به وانا طالع واحد من الخواجات قال لي لاتروح انتظر ساعتين برى نونونو دقيقتين.... طلعت من القاعه وبعد دقيقتين او اقل ينادوني ويعطوني الموافقه النهائيه بقبولي وقدمو لي التبريكات مابقى لي الا اوراق اخلصها من عملي السابق وفحص طبي واقدم استقالتي عاد اليوم بروح اخلص اموري دعواتكم لي بالتوفيق يا اخواني |
الله يوفقك ويسر امرك
|
الله يوفقك و يعطيك خيرها و يكفيك شرها و يجعلها فال خير لك
|
ألف ألف مبروك الله يوفقك وعقبال إن شاء الله الترقيات والفال الطيب يارب ...........شااااب
|
عالبركة ياخوي ..
الله يعطيك من خيرها ويكفيك شرها يارب ويوسع لك بالرزق ... اختك .. |
ماشاء الله تبارك الله .... لاقوة إلا بالله ... بشارة خييير وأخيرا سمعنا أخبار حلووووة بالمنتدى ...
الحمدلله ..... استفتاحية جيدة لعامك الجديد ... والله عليك أسلوب ماشاء الله أهنيك عرفت تكسبهم .... :22: وهذا المطلوب بمثل هالمقابلات ... وبصراحة أشكرك تعلمت منك بعض الأساليب الحلوة .. كوني مبتدئة ....وشتان بصراحة بين (( بعض )) مقابلات العرب وبين (( بعض )) مقابلات الأجانب ... سويت كذا مقابلة مدري ليش وجدت الطرف الآخر يسأل وماأن أفتح فمي للإجابة يقاطعوني فورا ... وبكل سؤال كذا لدرجة تبعثرت أفكاري ..... تهانينا العطرة نقدمها لك بهالمناسبة الحلوة ... ألف مبروك ألف ألف مبرووووووووووووووك ... ننتظر تبشرنا بمباشرتك للوظيفة ... وبصراحة منتب سهل ترطن إنقلش :d :26: |
ألف مبـروك وتستـاهل كل خير ,,
في يوم رديت على موضوعي عن حياتك ووصفت نفسك ضائع ،، ورديت عليك وقلت لك تفائـلو بالخير تجدوه ’’ شفت أن خير ربي بكل مكان بس ينقصنا التقاؤل ,, موووفق يااارب بكل خطوه ,, |
ماشاء الله تبارك الله
بالتوفيييق يارب والله يعطيك خيرها ويكفيك شرها تدري إنه الأسئلة اللي سألوك إياها في إحدى مقابلاتي برضو سألوني إياها وماعرفت أجاوب زين من زود الحيا والله إني خبلة إضافة إلى أسئلة محرجة :30: الواحد المفروض يتدرب قبل فترة ويكون عنده خبرة |
اقتباس:
لاهنت |
اقتباس:
|
اقتباس:
|
اقتباس:
|
الله يبارك فيك
بس منجد حركه ريال مدريد !!مممم خخخخخخ تضحك لانه الشعب الامريكي مابيتفرج علي كره القدم ومايحبوها خخخخخخخخخخ الله يوفقك في الشغل الجديد |
اقتباس:
وشكلهم مزنوقين يبغون موظفين من جد ومافي مجال للواسطات والله جات بالصدفه واولا واخيرا التوفيق من رب العالمين وبركة دعاء الوالده الله يطول بعمرها بصراحه انا وجهي حكيته حك من هالمقابلات وصار عندي شي طبيعي هالشي والحمدلله ربي يسرها وابشرك قالوا لي اليوم انتظر العرض بنرسله على ايميلك خلال هالاسبوع ايميلي مفتوح 24 ساعه انتظر:18: و الانجليزي سهل وحلو وانا تعلمته من خلال شغلي + ام بي سي 2 واكشن والدراسه في بعض المعاهد بس الانجليزي اللي درسته في مدارسنا من اول متوسط الى الجامعه .... ما استفدت منه شي ابد وتصدقين ان آخر سؤالين هم اهم سؤالين لاني اليوم رحت وقابلت بعض الشباب وقالوا انهم ما اجتازو المقابله والسبب انهم ماعرفو وش يقولون لما سالوهم انت وش راح تقدم لشركه او وش يميزك عن الاخرين الحمدلله على كل حال يلا عقبال مانسمع منك اخبار حلوه ومفرحه الله يسعدك ويطول عمرك ويخليك |
اقتباس:
نعم اذكر ردك وحافظه واشكر تفاؤلك ودعمك والله ثقتي برب العالمين ماتهتز وانه المدبر وانه المعطي وان ما اصابني لم يكن ليخطئني خير او شر الحمدلله على كل حال لكن تعرفي ان الانسان احيانا يتأثر ويضعف ويحزن بس اللي عنده مثلكم اكيد بيصير الضعف قوة والحزن سعاده من خلال دعمكم المعنوي و وقفتكم الاخويه الله يوفقك ويسعدك ويبارك فيك ويحميك |
ايش طبيعة شغلك ؟!! لأني سمعت منزلين وظايف
و كثير قدموا عليها ،، و ما توظفوا ،، و استغنوا بعد عن بعض الموظفين اللي ما عندهم موهلات .. وايش مؤهلاتك ... |
اقتباس:
وفي العمل شعله من النشاط ماشاء الله بس بعض الاسئله ماجاوبو عليها وتم رفضهم هو صحيح بعض الاسئله مفاجئه بس لازم تجاوب واذا جبت العيد لازم تصرف نفسك تلقى لك مخرج آمن وهو اولا واخيرا توفيق من رب العالمين ومعك حق في نقطة التدريب واضيف عليها ان الواحد يدخل بدون خوف او قلق وياخذ الامور ببساطه ويكون عنده ثقه بنفسه ويتوكل على رب العالمين |
اقتباس:
Chemical وبشتغل في مختبر في احدى المستشفيات بس الوظيفه اللي قدمت عليها في شركة مالها علاقه بشغلي الاسبوع الجاي فيه وظايف نازله في شركة في الجبيل اسمها صحراء شركه عملاقه ورواتبها جامده// بس يبغون خبرات اللي يعرف احد يقول له يروح الجبيل الصناعيه فندق كران// الفناتير خلف مبنى سابك |
اقتباس:
انا بتكلم عن نفسي بعرف عن نفسي وبتكلم عن هواياتي وايش احب وايش اكره |
الف مبروووووك ،، الله يووفقك ياارب ،، ويسهل آمرك ،،، تستـــــــــــــآآآآآهل كل خيـــــــــــــــــــر |
اقتباس:
لإنه برضو انسألت هالسؤال وكان جوابي مو هالقد أعطينا خبرة شوي نستفيد وجزاك الله خير |
الله يبارك لك فيهااا
والله يوفقك ويسدد خطاك .. ورزقك الله من حيث لا تحتسب ... لغه + وسامه + علاقات عامه + خبره + حاسب الي = عمل فنادق |
اقتباس:
وهالسؤال عام وفرصه لتتكلم عن نفسك اكثر يعني مايحتاج يسال وش اسمك وكم عمرك و وين ولدت ومتى عن نفسي جاوبت في البدايه وقلت طبعا بالانجليزي اني اتشرف بان اعرف نفسي عليكم وعرفت عن اسمي ومن مواليد اي شهر والسنه والمدينه اللي ولدت فيها والحاله الاجتماعيه وقلت لهم عن بعض اهتمامتي وهواياتي وعن تعليمي واسم الجامعه والتخصص وكم سنه درست ومعدلي وسنة التخرج وبعد التخرج وين تدربت وكم المده وكم التقدير وبعدها تكلمت عن تاريخ التحاقي بالعمل وتدرجي بالعمل والفرق بين اول سنه لي في العمل والسنه الثامنه وش اكتسبت من خبرات وش استفدت وتكلمت عن طموحاتي وامنياتي طبعا لازم بين الكلام يكون فيه حشو يعني تخرج عن الموضوع .... تضحكهم شوي عشان تفك الخناق على نفسك وتطري الجو مثلا انا قلت اني لست متزوجا لاني خطبت واكتشفت بعد 4 شهور ان خطيبتي ماتحبني وانفصلنا بعد مادفعت لها دم قلبي عشان كذا تشوفوني مش حالق ذقني.... ضحكو ... وكسبتهم في صفي لازم شوية زحف واولا واخيرا هو توفيق من رب العالمين واهم شي اهم شي قبل تدخلي اي مقابله تسكري والك مش تحطيه ع الصامت اغلاق ع طوووووول قبل سنه بالزبط سويت مقابله ورفضوني لان جوالي رن في نص المقابله لا وحاط النغمه آيه قرآنيه لشيخ علي جابر كانت امي تتصل تسال وش صار بس هم ماعندهم .... ع طول عطوني الجواب قالو الله معك وفعلا درس تعلمت منه اتمنى افدتك |
اقتباس:
بس مافهمت السطر الاخير |
اقتباس:
الفال لك ان شاء الله |
/
أسَألَ الله أن يعطيكَ خيرهَا و يكفيك شرّهَا . . وآن يجعل البركةَ تحفهَا في الوقتِ والمآلْ .. |
اقتباس:
بس لسا ماتوضفت لازلت انتظر العرض مبحلق في الايميل لي يوم ونص ماوصل شي وبعد العرض فحص طبي دعواتكم |
اقتباس:
الحمدلله على هالخبر الجميييل .. أما بالنسبة للإنقليزي هو عقدتي .... الله يعيييييييييييييييييييين .... حبيت أسألك استقلت من وظيفتك السابقة ؟؟؟؟ انتبه لاتستقيل قبل ماتتأكد من الفندق والفحص الطبي وكلش تمام ... عشان تضمن إن شاء الله .... أكيد ماراحت عن بالك هالنقطة بس حبيت أذكرك ... موفق أخوي .. وننتظر قرار التعيييييييييييييييييييييين ... |
ماشاءالله ’’الله يوفقك ويفتحها بوجهك..
|
الف مبرووووووووك ,,’~
دمت بأماااان =) |
الله يوفقك
ويعطيك خيرها ويصرف عنك شرها ويرزقك رزق حلال واسع يارب |
اقتباس:
لا باقي ما استقلت بس مجهزها بس يوصل العرض اصكها بوجه المدير بس فسه مشكله لازم اشتغل شهر بعد تقديم ألأجازة عشان يعطوني كامل حقوقي انا الحين انتظر العرض واذا وصل بعد كل حادثة حديث بس انواع البزوطه في العمل:25: |
اقتباس:
لما وصلت الدوام كل العالم يباركون لي بالوظيفه الجديده يعني دعوه من صديق وزميل ومباركه تكفي وبالنسبه للعين الله يحمينا واياك منها والله كنت بخلي الموضوع طي الكتمان بس شافوني لما اخذت اوراق تعريف بالراتب في يوم اجازتي وشكو في الموضوع لأنهم يعرفون ان مافي امل اجي في يوم اجازتي الا لشي كبير لأن ألأوفات اشتريها بفلوس لا باقي ما استقلت بس مجهزها بس يوصل العرض اصكها بوجه المدير بس فيه مشكله لازم اشتغل شهر بعد تقديم ألأجازة عشان يعطوني كامل حقوقي انا الحين انتظر العرض واذا وصل بعد كل حادثة حديث بس انواع البزوطه في العمل:25: |
اقتباس:
الله يبارك بعمرك |
اقتباس:
|
ماشآآآآآآآآْء الله تبارك الله ...ألف مبروك ..:14:
أما التعامل فرق سبحان الله هذا وأغلبهم مو مسلمين .. لكن اللي إحتك فيهم وجرب طباعهم وضميرهم بالعمل بيعرف أي مستوى إحنا عايشين فيه ..:29: |
اقتباس:
يعنيييي ان هالمية كلهم جاو بواسطات وتعرفين ان اللي يجي بواسطه (البعض) مش الكل ياخذ الموضوع كأنها شركة ابوه فيهمل ويجي متأخر ويغيب وغيرو وغيرو وغيرو وهذا معروف مع ان الشريك الامريكي نسبته في حصة الشركه 30 في المية وسابك50 في الميه وشريك اخر اتوقع ارامكو 20في الميه واغلب الخواجات اللي عملو المقابله كلهم رؤساء اقسام ومدراء يحكم عليك من طريقة اجاباتك ومن سيرتك الذاتيه متهمه انت ولد فلان او علان ...يعني يبغو ناس تشتغل او ناس تاكل الزلط الله يعين ولازلت منتظر منهم اشاره ...يومين انتظر :29: |
نسيت اقول الله يبارك فيك يا نانا
|
اقتباس:
|
الله يعطيك خيرها ويكفيك شرها ويرزقك الرزق الحلال ومن يقول آمين |
| الساعة الآن 06:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©