|
متقدم لي مطلق .. محتاااارة آرائكم (تم الرفض)
السلام عليكم ورحمة الله وبركاته
أنا ماأحب أتكلم عن نفسي أبداً أبداً ولا أحب أطلع خصوصياتي لأحد حتى لو كان خلف أسم مستعار لكني الآن مضطرة بقوة لأني محتاجة آرآء صائبة وتجارب أكيدة لأن الموضوع صعب جداً أنا عمري 25 داخلة فال 26 تقدم لي شخص مطلق عمره 30 وكان طلاقه قبل سنة يمكن وعنده طفلة.. وكانت مدة زواجه شهرين فقط .. يقولون أنه ماحب زوجته وعرفنا من مصدر ثاني بعد >>> لكني خاايفة صراحة ماأدري شلون أتصرف خايفة ... مرة أتذكر تجارب البنات اللي تزوجوا مطلقين وهم فال21 وال24 وتوفقوا وسعدوا بحياتهم ( من مجتمعي ) ومرة أقول لااا أنا أقرأ في المنتدى أن الزواج من المطلق صعب والمطلق مستحيل ينسى زوجته وبصراحة أكثر ,, أخوف ماأخـــاف منه هو أنه يرجع لزوجته أو أنه يكون يحبها أنا لو أعرف 1% أنه يحبها بشيل الموضوع من راسي تماماً ومرااات كثيرة أقول توني صغيرة على أني أوافق على مطلق .. وش رايكم أرجوكم المستشار مؤتمن انصحوني اعتبروني أختكم ولا تنسوني من دعواتكم فدعوة المسلم لأخيه في ظهر الغيب مستاجبة وفقكم ربي وأسعدكم وحقق أمانيكم |
مسالة انه كان يحب زوجته هذا لايمنع لعدة اسباب
منها ان الرجل لايخلص في الحب كالمراه يحب اليوم وحده بكره ينساها ويحب وحده ثانيه انا طلقت زوجتي وكنت احبها - والاعضاء كلهم يدرون خخخ - ومع كذا بعد 5 شهور تزوجت واليوم زوجتي بدات تنسيني لاااولى قبل ادخل عليها !!! كذلك ان مسالة انه يحبها مايعني انه بيرجعها مايلزم هالشيء ,,, فيه ميزه بالمطلق انه صار يرضى بالقليل وماينظر للزواج نظره مثاليه ويخاف يطلق مره ثانيه لانه - وانا جربت - عانى ويمكن ناس ردوه كثير لانه مطلق فلايمكن يفرط فيك المنتدى اكثر اللي فيه بصراحه ظروفهن سيئه فلذلك نظرتهن للرجال سوداويه وخصوصا للمطلقين خليك بالواقع اللي قدامك وستصلين للراي السديد ,,, فيه موضوع جميل عن (القبول بمطلق ) فيه كلام طيب استفيدي منه ,,, http://www.66n.com/forums/showthread.php?t=230403 |
جزاك الله خيراً أخي ليش كذا
أسأل الله أن يوفقني ويدبرني لأحسن التدابير وأخواتي وأخواني المسلمين جميعاً |
أرجــــوكم وجهوني انصحوني ..
والله العظيم تعبت من التفكير واستعراض الأمثلة في بالي مرات أفكر بنظرة الناس وش بيقولون !! بيقولون غريبة ماخذة مطلق وهي بنت خصوصاً إني أحس توني قدامي فرص بإذن الله ومرات أقول الإنسان مايدري وين الخيرة يمكن تكون سعادة البنت مع مطلق أكثر من لو كانت متزوجة شاب ومرات أقول وش يضمن لي بيجيني شاب نفس ما أتمنى والأمر لله سبحانه من قبل ومن بعد لكـــن !! ماأدري محتااارة ضايعة ياربي ألهمني الحكمة وفعل الصواب ياربي لاتكلني إلى نفسي طرفة عين ياربي دبرني لأحسن التدابير بحولك وعزتك وقدرتك |
الله يوفقك وييسر أمرك
استخيري واسألوا عنه كويس .. وأنتِ تحددين على حسب الواقع وبيئتك اذا فيه أمكانيه يتقدم لك أفضل وكله بيد الله أكيد لكن طبيعة بيئتك بتحدد نسبة معينة من القبول او عدمه .. اذا لقيتي قدامك فرص جميلة سكري على الموضوع وريحي بالك يا الغالية .. الله يوفقك يارب |
اقتباس:
واياك يـــارب الله يجزاك خير أختي فعلاً طبيعة واقعي و بيئتي تحدد قبولي أو عدمه لكن !! مدري عن المستقبل حتى لو كنت عارفة طبيعة بيئتي وواقعي ماأضمن وماأدري وش المكتووووب أخاف بكرى أندم أخاف بكرى أقول ياليتني وافقت عليه وبنفس الوقت خــايفة لأن أول مرة يتقدم لي مطلق عشان كذا خفت أنها بداية إشارات الخطر!! |
اذا كان رجل كفؤ
وسمعته طيبه ومدوام على صلاته واسباب طلاقه واضحه فلما لاتقبلين ولماذا الخوف ولو اراد ان يرجع طليقته كان ارجعها قبل ان يتقدم لخطبتك واهم شي استخيري واكثري من الدعاء ووفقك الله ورعاك وسخر لك كل خير |
لا تبنين حياتك على حسابات أحد ..ألأقدار تختلف ...
الإستخارة ..وكثري دعاء .... الله يكتب لك السعادة .. |
ياقلبي قبل كل شي طلاقة بائن ؟
لارجعة فية ؟ اذا ايوة طيب الطفلة معاه او مع الام ؟ لو معة بتكوني لها الام قبل زوجة الام ؟ انتي حنونة على اطفال غيرك قبل لايكون لك طفل ؟ لاني من شوي قريت قصة عن زوجة الاب فقلت بنفسي ان الوحدة لو ماتتحمل ترررررررررررفض ولا تتحمل ذنب طفل برقبتها ليوم الدين ؟ وبالنهاية الاستخارة تفيدك وتدلك وربي يختار لك الخير بس خذي بالاسئلة الي فوق مع الاستخارة ؟ الله يوفقك ويسعدك ويختار لك الي فية خيرة لك وتفرحينا بعد شهر انك عروس ... |
ربي يكتب لكِ الخير والصالح ويدبركِ بأحسن التدابير وأكثري من صلاة الاستخارة واستشيري من لهم نظرة ثاقبة في الحياة ولا تحكمي على المطلق من تجارب فاشلة تسمعينها بالعكس هناك نماذج ناجحة ولكن النصيب انقطع بينه وبين زوجته لحكمة أرادها الله والطلاق في بعض الأحيان رحمة للطرفين وهذا لا يعني أن المطلق أو المطلقة سيتوقف نصيبهما بالعكس ربما يتزوج المطلق والمطلقة أسرع من غيرهما لأن هذا رزق من رب العالمين وأكبر مثال الرسول صلى الله عليه وسلم طلق وتزوج مطلقات وهو خير البشر واقرأي في قصص الصحابة وستتخذين قراراً صائباً بمشيئة الله |
إذا عندك فرص لاتوافقين وتزوجي شاب أفضل أنتي أول فرحته هو كذالك
المطلق يتزوج له مطلقه وبعدين حطي في بالك بنته راح تربينها اقتباس:
شوفي إستخيري وإذا إنسان عادي مافيه شي مميز ليه توافقين أنتي صغيره والعمر قدامك وبعدين إلي يطلق مره يطلق ثنتين وأشوف إلي تزوجو مطلقين فيه منهم من تطلقت الوفقه بيد الله قبل كل شي شوفي أنتي أجلسي مع نفسك وحددي مخاوفك من هالزواج وش الأرباح بعدين قرري وبإذن الله ربي بيكتب إلي فيه خير |
استوقفتني سالفة انه طلق لانه ماحبها .. وماجلس معاها الا شهرين ..
يعني معقوله خلال هالشهرين بيحكم انه حبها او لا ..!؟ ان كان صادق بكلامه فهذا يدل على انه انسان عجول .. احس في حلقات مفقوده ...عموما لاستعجلين ابدا .. ولاتوافقين عليه الا بعد قناعه ورضا تام .. |
من ناحية يحب الأاولى
أرتاحي مستحييييييييييييييييل اي زوج يطلق زوجته بالسهوله ينساها صدقيني عكس البنت أهم شي اسألو عن اسباب الطلاق وتوكلي على الله خالي طلق زوجته وهو يحبها بعد كم شهر تزوج والحمدلله مبسوط مع زوجته الثانيه |
اقتباس:
جزاكِ الله خيراً أختي قصائد وايـــاكـ يارب |
اقتباس:
اقتباس:
|
اقتباس:
اقتباس:
اقتباس:
|
اقتباس:
المميزات اللي فيه أن عمره مناسب ومايدخن وأني راح أسكن في نفس منطقة أهلي الله يجزاك خير أخية اقتباس:
|
اقتباس:
يارب آتني من لدنك رحمة وهيء لي من أمري رشداً |
شكراً على ردكِ الجميل ليه ما تستعيني بأحد المشايخ الثقات أو المستشارين الأسريين ابحثي عن أرقامهم بالنت ممكن يفيدوكِ على الأقل تعرفين منهم الأساسيات المهمة للقبول بأي خاطب أو استعيني بقريبة أو قريب لهم ثقلهم وخبرتهم أو صديقة صدوقة كتومة عن طريق والدها أو زوجها يعني مثل ما يقول المثل ( من له حيلة فليحتال ) ؟ وفقكِ الله لما فيه الخير والصالح |
انصحك بالاستشارة اختي
ثم الاستخارة ثم الاستخارة ثم الاستخارة وان شاء الله بينورك قرارك بالخير ويكتب لك النصيب وين ماكنتي |
عمرك 25 سنه لساعتك صغيره..لاتستعجلين وتاخذين مطلق الله اعلم وش سبب طلاقه.؟
انا من رايي البنت الي عمرها فوق 30 ممكن تاخذ مطلق لكن الاقل لا لان عندها فرص انها تتزوج شاب لان اغلب الشباب اذا نوو يتزوجون يكونون بعمر 27 ,28 ,29 ,30, واكبر من كذا غالبا يكون متزوج وعنده اطفال.. وانتي يااختي عندك فرص اهم شي اكثري من الاستفار والدعاء واحضري مناسبات اجتماعيه |
اقتباس:
قلتي المستشار مؤتمن وارد عليك بكل امانة العلة مو انه مطلق و عنده بنت . العلة بطلاقه السريع مدة شهرين قليلة جدا وان دلت على شي .. فهي تدل على قلة صبره و استعجاله ماحبها .. طيب شهرين ايش شاف منها ؟؟؟ لسه قلنا ياهادي شاف منها سؤ.. طيب يصبر عليها .. يحاول معها مو على طول طلاق خاصة و انها كانت حامل .. يعني ايش ما كان السبب .. المفروض يحط اعتبار للمولود اللي جاي ويحاول جهده يصلح الوضع .. بصراحة مدة زواجه البسيطة و طلاقه السريع .. مقلقة اذا مصممة تستمري .. حاولي التواصل مع طليقته او حد قريب منها و اعرفي السبب و استمري على االاستخاارة و الله يوفقك للخير |
اقتباس:
اقتباس:
اقتباس:
اقتباس:
اتفق معك تماماً في رأيك أنا أقول نفس كلامك لأمي لكن تقول فيه رجال يطلقون من أول اسبوع .. الرجال إذا ماحب الحرمة مايصبر >> ضعت بالطوشة .. يارب ألهمني من أمري رشداً الاستخارة .. أستخير كذا مرة فاليوم الله يختار اللي فيه الخير شكراً على ردك وأمانتك .. وفقتي وأسعدتي في الدنيا والآخرة |
الله يخليها لك و يطول بعمرها و تشوفك عرووس يارب
طيب اساليها . لو لاقدر الله اتزوجتيه و ماحبك .. عادي يطلق بعد شهر ؟؟ اسمحيلي يا قمر .. مو الرجال اللي يطلق بعد اسبوع او شهر اذا ماحب زوجته هذولا اشباااه الرجال ليش ربي حط العصمة بيدهم ؟؟ المفروض لحكمتهم و صبرهم مو عشان يطلقون من اول فترة بس عشان ما حبها . هذا اللي يسموه عذر اقبح من ذنب تدرين بعض الرجاال اللي فعلا رجاال .. ممكن يكتشف انه زوجته مو بنت وبرضو مايطلقها على طول سترا عليها و اكراما لاهلها و يصبر 6 شهور و لا سنة لكن تقولي لي لانه ماحبها !!!!!!!! ويلي لو كل الرجال كدا .. كان نص البنات رجعوا من ثاني اسبوع :) المهم ياقلبي استمري عالاستخارة و ربي يكتب لك الخير حيثما كان وزي ماقلت لك اسالوو كثثير عنه و لو تقدري تتواصلي مع طليقته او حد قريب منها عشان تعرفي اكثر عنه. قد يكون هناك سبب اخر للطلاق اكثر اقناعا ...(تدخل اهل قوي .. او كرهها هي له ) يعني شي اهون من سبب (ماحبيتها ) |
وعليكم السلام ورحمة الله وبركاته
مثل ماسبقوني الإخوان به ، صلاة الإستخاره واستشيري أهلك واسألوا عنه جيداً لكن ضعي في عين الإعتبار أنكِ صغيره 25 عام وفرصتك في الزواج كثيره بإذن الله ، لكن أنتي أعلم بنفسك وأنتي من تقررين ، اسألي الله دائماً أن يكتبه لكِ إن كان فيه خيراً لكِ أو يصرفه عنكِ إن كان فيه شر وفقكِ الله |
اقتباس:
آميــن يــارب وايـاك ياعمري كلامك صحيح 100% هذا اللي أفكر فيه أكيد في سبب آخر للطلاق الله يجزاك خير أختي ويوفقك ويسعدك ويرفعك في الدنيا والآخرة اقتباس:
|
الموضوع انتهى بالرفض
يارب لك الحمد كما ينبغي لجلال وجهك وعظيم سلطانك يارب لك الحمد حتى ترضى ولك الحمد إذا رضيت ولك الحمد بعد الرضى ياربي ارزقني وأخواتي المسلمات من حيث لانحتسب |
الحمد لله على كل حال ربي يعوضك باللي أحسن منه إن شاء الله :: مُوفقه .. |
اسأل الله ان يرزقك زوجاً صالحاً تَرضينه
يغلق الاشراف .. |
| الساعة الآن 04:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©