|
علامات محبة الخاطب لخطيبته
السلام عليكم ورحمة الله خوش دوغري :d ماهي علامات محبة الخاطب لخطيبته ( معقود قرانهم ) اعرف بأن المسألة نسيبية وتختلف من رجل الى رجل لكني موقنة بأن الرجال في مجتمعي وإن اختلفوا فهم يتشابهون في صفاتهم العامة على الاقل من منطلق كوننا مجتمع ذو خصوصية شديدة , رجاله يعيشون في عالم منفصل عن نسائه تقريباً وبالتالي هناك صفات عامة وطريقة تفكير مشتركة تقريباً , الا ماندر المهم على افتراض ان هناك زواج تم بطريقة تقليدية بحته , بدون مشاعر مسبقة بين زوجين ناضجين من وجهة نظركم , ماهي العلامات التي تدل على محبة الخاطب لخطيبته ( المملكين ) سواء فعلية او قولية المايك لكم :d |
لا يشعر بحب الخطيب لخطيبته إلا هي ، فهي تكون تعودت عليه وفهمت تفكيره فهي من تحكم
ولكن في الغالب يكون بإظاهره بالإهتمام بالخطيبه من خلال مكالماته لها ومن خلال سؤاله عنها والرجال يختلفون ولا أعتقد هنالك صفه محدده يشترك فيها الكثير من الرجال سِوا أنهم ذكور ، وهنالك ذكور ليسوا برجال فليس كل ذكر رجل وفق الله الجميع |
من علامات الحب: يطول وقت المحادثة معها.........يصرف عليها..........يهتم بها ويطلب منها ما حاجاتها؟............مستعد للتضحية بالمال والوقت وكل ما يمكنه لها...........يتكلم معها بلطف........في نبرة صوته تجدين هل هناك حب ام لا؟..............لا يستطيع من غير التواصل معها...........بل كل يوم يتصل...................وغير هذه الاشياء دليل على بروده معها او اكثر بعدا عنها |
1_ داايماً يتكلم معاكي خصووصاً قبل ما ينام .
2_ يقولك عبارات مثل : انتبهي على نفسك ياقلبي / لا تسهرري كتير / لا تشغلي بالك / .....الخ 3_ اذا رحتي مكان / يتصل عليكي يتطمن >> بس دي مو غالباً تكون بس خوف واهتمااام زااايد ياعيني بس .. 4_ يمدحك وتحسيه دايماً يسمعلك وقت كلآمك ويحاول يساعدك بشتى الطرق حتى لوو موضووعك تافهه ما يحرجك او يجرحك بالكلام .. لآ تلقيه يهووون عليكي بالكلام الحلووو ويديكي حلوول وارااء حلووة . 5_ داايما يرسلك رسايل . :: عموووماً حاولي تكسبي قلب خطيبك بخبرتك واسلووووبك ولآ تسمعي لكلآم الناس السئي لأن البعض يغار ويحاول يشتت بين الخطيب وخطيبتوو .. دمتي بأماااان =) |
الله يعطيكم الف عافية
بانتظار البقية |
ليه تسألين؟؟
المفروض انتي تعطينا محاظره عشان نستفيد منك مش تسألينا اتوقع الجواب كالتالي يتصل عليها صبحا ومساء يسهر معها لوش الفجر يرسلها في الصباح صباح الخير وفي المساء مساء الخير ووقت النوم تصبحي على خير تغطي كويس وسكري الشبابيك عشان ماتبردي يانظر عيني يفتح معها مواضيع ويفتعل شوية مشاكل بسيطه عشان يصير فيه اكشن ويجرب غلاته عندها يزورها بين الفينة وألأخرى ..... مدري وش معنى فينه ويعطيها هدايا اشكال والوان في كل زياره يدلع اسمها وبين كل كلمه والثانيه ياحبيبتي وياعمري وياحياتي يقولها صوتك حلوووو وعيونك حلووووه وكلك على بعضك حلو يحاول يعرف جدولها اليومي وين راحت وين وش تغدت وش افطرت وهو يقول لها تفاصيل حياته يتغزل فيها ويبين لها انها اجمل واحلى امراه في الكون ومايشوف من النسوان غيرها ويسولف معها بالأمور المستقبيله ... مثل : وش تبغين نسمي وراعينا وكم تبغين نجيب وايش ثااااني اييييش ثاني يااااولد اييييش ثاني يسألها عن مقاسات ملابسها وهدومها لأنه شاف شي في السوق وعجبه وحاب ويتمنى يشوفه عليها هذا اللي كنت اسويه سابقا مدري عاد صح ولا غلط بس كان من منطلق الحب بس من جد المفروض انتي تعلمينا مش تجي تسألينا احنا فاشلين في الحب |
هههه ..غالبا هالفتره تكون المشاعر جياشة ..ودفعت الهرمونات قوية .. يعني ماأدري بصراحة أشعر إن الحب الحقيقي يكون بعد مايجتمعون ببيت واحد ..ومن واقع شفنا ناس تاهوا في الغرام فتره الملكة وبعد الزواج بأسابيع بس بدت الخنبقة وقلة التفاهم وسؤء التصرف..:(
بس عموما لو تبين جواب لسؤالك :).. تشعرين بأنه غاااارق معك ..ولا يقدر يقفل الخط ..وكل يوم وده يجي لكم ..ولو قفلت الجوال بالليل مايزعل ..ولو دق مليون مره ومارديتي ..يزييد شوووق .. يجيب لك هدايا .. يسألك وين تبين تسافرين .. لو تطلبين طلبات لخالاتك راح جابها حتى لو هي بايخة..<< هههههه:d الأغلب يمكن يقرأ كلام ويقول مافية خطيب كذا .. بس أنا أطمنكم فية خخ:d .. لكني أحذرك بأن القدرة على التعبير تختلف من رجل لآخر .... دمتي تغمرك السعادة والفرررررح:d |
:* |
من ردودكم بديت أشكك يحبني مايحبنيش :d
لاحظت أغلب الأعضاء اتفقوا على نقطة وهو انه متعلق فيك و24ساعة يسئل ومظهر اهتمامه فيك وهو صحيح لأغلب الشباب لكن مثل شخصية اللي عندي ...لا يعني يمكن يحبك بس مايتعلق فيك بهالصورة ولايعبر عن حبه بالكلام يمكن لانه مايجيد التعبير ولابكثرة الاتصالات تجدينه في أول الأيام مندفع بس بعدين ...يسحب لأن نمط شخصيته وطبعه كذا ... لكن تلمسين حبه في تعامله وتقديره لك ومايحب يزعلك يعني في الفعل أكثر ::: |
لا تشيلين فى راسك
انا اعتقد ان اغلب قصص الحب الناحجة تنجح بعد الزواج اهم شى المودة والاحتررررررررررررررررررررررررررررررررام |
ليس لدي فكرة، لكن ما أحب أن أشير إليه هو أنه ليس هناك نمط أو سلوك معين نستطيع أن نحدد به حب الطرف الآخر لنا، لذلك من الخطأ تحديد سلوكيات معينة، قد يكون هناك أنسان يحب زوجته أو خطيبته حباً يكاد لايجاريه أحد، ومع ذلك ربما لايتصرف بمثل تلك السلوكيات، عموما تلك مظاهر لها ولكن ليست هي المقياس.
|
البنت هي الوحيده الي تحس انه خطيبها يحبها او لا..حتى لو كان اصم لايتكلم ولايسمع ولايشوف..لانه هذا شي نحس فيه من الداخل..يعمد على الاحساس
مااقدر اقلك وش الادله الي تبين انه يحبك...بس انتي اكيد تحسين انه فيه قبول يعني متقبلك ,,,والحب هذا انتي تقدرين تخلينه يعشقك..بس اهم شي تتاكدين انه هو مقتنع فيك كزوجه.. يتصل عليك..يتكلم معاك كثير..تحسينه متحمس للزواج..ويفكر في المستقبل..هذي اشياء كلها تدل على القبول وعلى انه انسان يبي يتزوج ويستقر...مش عشان يلعب.. اما حكاية الهدايا هذي ماهي مقياس للحب..لان بعض الشباب والله ماعنده حق الهديه ويكون نفسه يهدي خطيبته بس مايقدر..خصوصا انه وراه زواج وبيت وانتوا عارفين القصه كلها.. وبعضهم يحب زوجته ومقتنع فيها بس مايتصل عليها ولا يكلمها..لانه بارد مايعرف يتعامل مع الانثى..عشان كذا صعب صعب نحكم هل هو يحبك ولا لا. |
تختلف من شخص للثاني
في الروماانسي اللي بيعلق معاك 24 و يغدقك حب و رومانسية وو في العادي :) .. يستحي مايعرف من وين يبدا :) بس بشكل عام .. يقدرك يحترمك .. ياخذ برايك .. يتواصل معاك مو شرط على طول بس يكون في تواصل و تحسيه متلهف عليك و على رؤيتك .. |
من ناحية المكالمات والغزل
وبالتوفيق |
اخ ياقهري خطيبي مايتصل الا بنادر بس فيه بعض الشغلات الي تقولونها ودي اكفخه وجع
|
الاهتمام والاحترام ليش شرط كثرة المكالمات |
مهتم لحياتك يسال كثير وش سويتي وش كنتي تسوين تعشيني
اذا قلتي اقل شي مضحك يضحححححك من قلب حتى لو شي عادي يسالك حبيتيني مااشتقتي لي يحاول ما يطول الغيبه عنك يعني يتصل او يزور كل فتره معينه انا كنت احس كذا يحبني زوجي والرجال مختلفون |
اتوقع اذا مدح لبسك واغراضك وذوقك :dفهذا يدل على محبته لك بدليل انه ينجح اي شي يشوفه عليك |
ههههههههههههههه حالتك مستعصيه ياسبورتيه
ووبالنسبه للخطيب انا نشبت لزوجتي وهدايا ومكالمات وازعل اذا ماكلمتني لاكن للاسف مابين ابعينه يعني صدق المثل اللي يقول الناس غايه لن تدركها يمكن يكون فيه حب بعد الزواج او انها هي ماعرفت كيف تستقبل المشاعر اللي جتها مني واخرتها نقول الحب قطع قلوب البعارين |
اخي او اختي ضاحب الموضوع
وانا اوجه كلامي للرجل لان هذه الفتره هي فتره مشاعر جياشه ومحمله بالعواطف ولهيب الاشواق فياخي الرجل لاتندفع حاول ان توازن بقدر ماتقدر موضوع اتصال كل يوم انا اشوف انه مبالغه وقد يؤدي الى مالاتحمد عقباه يعني وازن الامور وانت بخير ام غير كذا فالله يعينك وبعدين ياخوي ترى الواحد فينا سواء رجال او نساء المفروض يقرا كتب في الموضوع ويثقف نفسه وطبعا مع الاخذ بالاعتبار اراء الاخوان والاخوات في المنتدى لكن لاتكون هي المصدر الوحيد للمعلومات وبالتوفيق للجميع ونسال الله ان يسهل الامور للجميع |
مع رد الاخ لاحب بعد اليوم
لانه ماقصر .. |
خطيبي يغيضني ببنات التلفاز ماذا افعل هل ارد له بان امتدح الشباب ام ماذا
|
انا بقول لكم مشكلتي مع خطيبي اللي الحين انا ان شاء الله راح انفصل منه..
انا ماحسيت انه يحبني بس يقول كلام حلو ويقول انا احبك بس انا احس انه مايحبني بس يمثل علي .. يبيني انا اللي ادق عليه ومن جوالي لانه يدق علي دقه ويسكر ويقول مش كل شيء على الرجال .. ولا يحب يدق يجلس بالثلاث ايام مايدق .. مايجيب هدايا الا اذا زعلت منه في شيء وان جاب جابها تقليد يستخسر يجيبها لي اصلي .. متقلب المزاج في كل شيء .. يسمع كلام اصداقائه ولازم ينفذه واذا مانفذه دايم يجرحني بالكلام .. دايم يذكر لي السفر وانه يحب يسافر مع اصدقائه وراح يروح معهم .. قليل الصلاة وغير مهتم بها .. دايم ينزل من كرامة اهلي ومايبيني احبهم يبيني ابيع اهلي واتركهم كأني مقطوعة من شجرة .. لازم تنفذين كلام اهله وكل شيء يبونه وانتي ياعروسة مالك رأي نهائيا.. مايبيني اطلع معه ندور اثاث للشقه يبيني اطلع لحالي معاه او مع اهله لكن مع اهلي ممنوع لانه يبغى يختلي بي.. بصباص يحب يبصبص على الحريم خاصه محارمي .. استغلالي في كل شيء يبغاك انتي تجيبين له الهدايا والكلام الحلو وتعزمينه كل شوي .. احس انا الرجل وهو الحرمة .. يطلب من اهلي ان نساعده في اثاث الشقة وترميمها .. يعني داخل على طمع ..وهو موظف وظيفة مرموقة ودخلها تقريبا 10000 اسلوبه جاف لما يتعامل مع المرأه .. اهله يكرهونه فيني مع انهم مختاريني له وكانوا فرحانين فيني..وانا لم اقصر في شيء بالنسبة له او اهله بس كثر الدق يفك اللحام .. |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©