|
هل ابلغ العائله الاولى اني بخطب من غيرهم ..؟!
السسسسلام عليكم ورحمه الله وبركاته
اخواني واخواتي انا شاب في الـ 20 من العمر تقدمت لفتاة بعمر الـ18 والاهل ارتاحو لها واهلها ارتاحو المههم وافقو اهلها وجا وقت النظره الشرعيه لي وللبنت طيب حددنا يوم وصار في اختبارات للبنت وقلنا نأجلها للاسبوع الجاي وحددنا واتصلو اهلها قالو تعالو في اليوم الفلاني طيب صار موعدنا بكره اتصلو علينا قالو البنت مو جاهزه خلونا نحنيها ونعدلها وهيك قلنا مو مشكله اجلنا 3 ايام وحددنا الشوفه في اليوم الفلاني طيب جا دور اليوم اللي هو نظره شرعيه اتصلو علينا وقالو عندنا وفاة لـ فلانه تقرب لنا من بعيد وانا الام بقول بالعزا 3 ايام يعني ع الاسبوع الجاي وصراحه انا طفشت مو عارف اصبر مع هالتاجيل وكلمت امي وابوي وقلت لهم اتصلو عليهم وقولو لهم بطلنا زواج قالت امي لا اصبر وهيك طبعا اصريت على اني اخطب غيرها وهذا انا حاليا حددت موعد اخلي الوالده تشوف البنت الثانيه ومااعطينا خبر للعايله اللي لها النظره الشرعيه اللي صار لها تاجيل [ هل ابلغ العائله الاولى اني بخطب من غيرهم واخليهم يكنسلون كل شي ام اخطب لما اتوفق مع عايله ثانيه اكلمهم واقولهم خلاص للعائله الاولى] اسف طولت عليكم بس صراحه حيل طفششت |
وعليكم السلام ورحمة الله وبركاته، أخي الكريم أنت بإذن الله متوكل على الله عزوجل مع الأخذ بالأسباب، وأكيد ستصلي صلاة الاستخارة، ووجهة نظري ما دمت كلمت العائلة الأولى فامضي معهم حتى النظره الشرعية، واصبر حتى ترى الفتاة، وبعد ذلك قرر، ولا تذهب إلى العائلة الثانية حتى تكون مقتنع تماماً بعد النظره الشرعية بأن الفتاة لا تناسبك.
أسأل الله لكم التوفيق. |
جزاك الله خير اخي انا حاليا انتظر النظره الشرعيه من 3 اسابيع بالضبط فما ادري كم يوم راح اصبر زياده
والعائله اللي خطبت منها الرجال غير متحكمين يمشون على كلام نسائهم فقط شكرا |
لاياخوي حرام عليك تخطب وانت مابلغتهم
لو خطبت الثانية ووافقت وبلغت الاولين بعد موافقة الثانية انك بتتركهم تكون ظلمتهم ولو بلغتهم وانت توك خاطب الثانية وقالولك بسرعة تعال وشفت الاولى وسحبت ع الثانية تكون ظلمت الثانية مايصير ياخوي ماترضى على خواتك والبنات حساسات كثير كن رجل حازم مع نفسك قبل الناس وقرر اذا تبي الاولى دق على ابوها هالحين وقل انا احتريت كثير ويناسبني اليوم الفلاني ياليت تسمحون لي اجي خمس دقايق وطالع , مانيب ماخذ من وقتكم كثير واذا ماناسبكم الله يوفق بنتكم وشوف وش يرد اذا قال ايه استمر بالموضوع وشف وش يطلع معك واذا قال لا ,, كلم الناس الثانين وتوكل على الله |
لا تخطب أخرى قبل أن تنهي موضوعك مع الأولى ولا تخطب أخرى قبل أن تستخير وتستقر وترتاح للموضوع .. :: مُوفق .. |
من الأفضل إن تنهي أمورك مع العائله الأول في النهاية ستعتبر بأنك المخطئ ولربما تتكون عنك صوره سيئه لإنك لم تقدر الأعذار -على الأقل لم يكذبوا- وتخيل هذا الموقف يحدث لأختك سيكون شعورك مختلف أصبر الذي أنتظر ثلاث أسابيع يستطيع الأنتظار أكثر و أحتسب أجر صبرك و فقك الله
|
لو تبغى تخطب خلاص اعتذر للناس الاولين
هم يماطلون وشي راجعلهم وانت شي راجعلك اذا كنسلت |
أخي العزيز، انتظر حتى يأذنون لك، ولا بد أن تقدر ضروفهم، هي ثلاثة أسابيع مضت وليس ثلاث سنين، لذلك أرى بأن تصبر حتى ترى رد نهائي.
|
اخطب غيرها
اسباب وعراقيل كثيره لاجل الشوفه اعتذر منهم قبل ان تذهب والدك للعروس الجديده ولتذهب والدتك الى العروس الثانيه بالتوفيق ادعو الله لك بالتوفيق لك وللاولى ما في نصيب |
اخوي حرااام عليك تخطب بدون ماتقولهم هي واحدة من ثنتين يااما تنتظر لين وقت الشوفة او انك تقولهم مافي نصيب وتخطب الثانية
كيف تخطب ثانية وانت محدد معهم موعد للشوفة ؟؟؟؟؟؟؟ اذا ماتبيهم قولهم بس تخطب وانت ماقلت لهم ترضى الشي ذا لاختك؟؟ او انك ناوي تشوفهم الثنتين وتختار بينهم بس هذا حرااااااااام علييييك الله يهديك بس |
هم أجلوا ولم يحترموا ظروفك كشخص خاطب .. خصوصاً بأعذار يمكن معها النظرة وبدون أي مشاكل .. بل التعليق إحراج لهم (أي أهل المخطوبة) .. ومعك حق في مراجعة موقفك من هذه اعائلة خصوصاً مع هكذا بدايات لكن ... أنت رجل .. وتفهم أنك لا يمكن أن تبدأ في شيء حتى تنهي ما أنت فيه .. أنهي مشكلتك معهم وبعد ذلك انتقل للخطوات الأخرى .. فلو فعلت ما تقول فأنت مخطئ بحق نفسك وبحقهم ..
|
والله بايخه لو تروح تخطب الثانيه والاولى عندهم ظروف غصب عنهم وحتى لو ما فيه...
بصراحه احسك ماخذ الزواج والخطبه لعبة!!!!!!!!!! هذي حياة زوجيه طول العمر وبتصرفك هذا بيخافون يعطونك بنتهم انت حدد تبيها والا لا وعط اهلها خبر باللي تبيه منهم اذا بتكمل والا تنكسل واذا انهيت موضوعك مع الناس رح للي تبي تخطب منهم خلك رجال وتصرف بحكمةوذكاء لا تخلي عليك نقطة سوداء |
ياقانون
من حقك تخطب ثانيه لكن ضروري يكون عند أهل الأولى خبر اتصل بأخوها وصارحه أنهم تأخرو عليكم وأخطب ثانيه والله يسعدك يارب |
اقتباس:
إن كنت عازم بالفعل على خطبة البنت الثانية فاتصل بأهل البنت الأولى واعتذر منهم وأنهِ معهم الموضوع .. ثم توكل على الله وابدأ مشوارك مع الثانية. |
هلا بگ اخوي قانون
ما دام العايله يأجلون الموضوع لاسباب واهي فأنصحك نصيحه لا تتصل عليهم أبداً ولا تقول لهم كنسلت وحتى الوالده بصراحه لعدة امور اولها - ما احترموگ بمواعيدهم وبصراحه وبلا مجامله حججهم وأعذارهم ما تنبلع ثانياً - لو اتصلت عليهم وهذا الواقع وللأسف يعتقدون أنگ ميت عليهم او لن يقبلگ الا هم ثالثاً- ما دام هذا أوله ينعاف تاليه فنصيحتي لگ اخوي واعيدها لا تتصل عليهم وتبين حرصگ ع الموضوع طنشهم زي ما طنشوگ ورح شف البنت الثانيه وتوكل علي الله وان اتصلوا وقالوا خياگ قل تأخرتوا وطارت الطيور بارزقها والتعقيد في الامور حصل منهم وليس منك والبنات يعتقدون ان ما فيه الا هم حساسين . أنا وعن نفسي تقدمت لعائله اكثر من شهر وما اتصلوا و لا اخفيگ أني ساحب ولم ابين حرصي مع ان الوالد يقول اتركهم بالأخير اتصل والد البنت ويقول انهم كانوا موافقين والمفروض علي كلامه يقولون هالشي من اول ، ولكن يبدو انه نسى او من هالقبيل . أنا بصراحه انصدمت من جهه وهي العذر ولكن أقدمت والمفروض أعمل فحص بعد ما اتفقت معاهم ، لكن قد عزمت على تركها لهذا الذي حصل وغيره أنا رجل ولي عزه ولي شعوري ولي احساسي ولست عمود كردان ، اذا حافظت على شعور البنت فيجب ان يحافظوا على شعور ولا يحسسوني أنهم يمنْون علي وانهم هم اصحاب الفضل والشأن ....!!! للأسف اغلب الردود اللي هنا بالموضوع من باب الرحمة والشفقه على البنت وكأنگ جاي من كوكب آخر والبعض ودگ يكتب قبل أسمه ( الشيخه ) ما عندهم الا قوة فتاوى...!!! مدري يا بنات حواء متى تتركون السذاجه عنكم !!!؟* |
ومن متى الشوفه يسوون لها حنا,,؟...منجد اسغربت..معروف الشوفه انك تشوفها على طبيعتها من غير تعديلات
|
| الساعة الآن 06:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©