|
الغرفة البيضاء >> لكني مترددة !
السلام عليكم ..
http://dc07.arabsh.com/i/03644/p5uw0vtq33ee.bmp أعجتني هذه الغرفة كثيرا ..أرغب بتأثيث المجلس مثلها تماما .. مترددة أرى أنها غير عملية بس أقول أضع عليها قماش يعني مو تلبيس بحيث يكون إزاحته سهل جدا .. إختي تشجعني عليه وتقول حتى لو انكب عليه شئ أو تغير لون تنظيفه سهل ( بالكلوركس ) مو زي الألوان الثانية .. بس مترردة .. آراؤكم مع العلم إن البيت ما فيه أطفال والغرفة 2×1 غرفة معيشة وضيافة : ) |
أؤيدك إذا كان المجلس "جلد" وليس "قماش" لأن تنظيف الجلد أسهل من القماش أما القماش صعب جدًا جدًا تنظيفه لا كلوركس ولا غيره .. الكلوركس ممكن تجلس ريحته وتعمل لك أزمة أكثر منها فائدة .. :: مجلس مبارك مقدمًا .. وذوووق ما شاء الله .. |
عموما ً لا احب اللون الابيض في الاثاث <<<< وش دخلك :d
لكن .. الاثاث المودرن هو السائد حالياً .. واللون الابيض يظهر بكثره فيه .. ويا حبذا كانت الارضيه غير اللون الابيض .. والجدار ايضأً...لكسر اللون وإضفاء الدفء على المكان >>> برد :24: |
أشجعك عليها غرفة رايقة ومريحة وبالذات البيت مافيه أطفال من غير شر وشوية قوانين صارمة صدقيني مارح تتعذبي ( منع الأكل اللي ممكن يسبب بقع ) وكما اقترحت إحدى الأخوات كنب الجلد فكرة ظريفة كتير ومبروك مقدما دمتم جميعا في حفظ الرحمن تحياتي |
وعليكم السلام اختي ..,~.
أنا من اشد المحبين باللون الابيض والصورة مرررا رايقه وجميله ,’,~ مجلس مبارك حبيبتي ,,’,~ :: أنتبهي لو جاؤآ اطفال الى منزلك لا تخليهم ياخدو راحتهم في المجلس لأنو لونو ابيض واي شي ع اللون الابيض ممكن يباان ..,~ دمتي بأمااان =) |
حلوه اذا كانت ضيافه فقط
بس جلوس وضيافه احسها صعبه احنا نسوي المجالس ابيض وسكري لأنها مقفوله دايما بس غرفة الجلوس تكون الوان عمليه شويه ونقدر ندخل الابيض في الاكسسوارات مثلا موفقه حبيبتي |
الصراحة جداااااا ذوووق حلو كمان لو تدخلى اللون الاحمر مع الاسود :22:
|
أم عمر..
فكرت بالجلد بس لم أرغب به لأن بعض الأقارب مستخدمينه >> أعرف سبب تافه بس كذا مسكت معي :d شقردية .. أنا أحب الأبيض كثير إلا في السيارات وبشكل عام الألوان الفاتحة صديقتي .. وإذا غيرت لون الجدار أو الأرضية بتختفي فكرة الغرفة البيضاء الي أنا مخمخة عليها :d.. أمة البديع .. الله يرزقني الذرية حتى لو يعدمون الغرفة راضية : ( زهرة الرمان.. أنا زيك أحب اللون الأبيض كثير.. رواءالإيمان .. رأي مقنع إلا إذا كانت الميزانية تسمح بتغيير الغرفة كل سنتين أو أقل .. بنت مكة. .. إذا دخلت الأحمر والأسود بتختفي فكرة الغرفة البيضاء.. أشكركم جميعا لإبداء آرؤكم ... ومساعدتي .. أخيرا مع التفكير والتقليب في الكتالوجات والمواقع غيرت رأيي بسوي غرفة ثانية على شكل التراث ..>> تعبتنا الله يهديها على الفاضي :d |
يا هلا وسهلا .. بشيهانة ليكي وحشة والله .. أفتقدناكِ :o صراحة الغرفة حلوة وموديل الكنب رايق .. والألوان الفاتحه مافي زييها مريحة نفسياً وتعطي مدى ووسع للمكان .. بس بالنسبة للون الكنب .. صعببب و ممكن يتوسخ بسرعة إلا إذا فصلتيله تلبيسه بلون آخر .. وتشيليه في الوقت المناسب.. ومنها تغيير في نفس الوقت ومحا تخسري الكنب الي تحلمي بيييييييييييييه..:cool: يعني الغرفة أكيد حتاكلي فيها .. أقلها شيبس ولا شوكلاته .. أستخيري يا قلبي.. وقولي اللهم خِر لي واختر لي |
بغيت اقولك انا مسوية مجلسي بيج فاتح ومافي اطفال ربي يرزقني واياك قريبا يا رب
بس زوجي يدخن وضيوفنا يجيبون اطفالنا وانعدم الطقم بعد سنة والآن افكر اغير اللون تماما الى شيء اغمق مثلا درجة اغمق من البيج بحيث ما تبين فيها الاوساخ وعلى قولتك ربي يرزقني بأطفال يعدمون الطقم ما يهم موفقة حبيبتي |
بصررراحه صح حلو وتحسين براحه لما تشوفينه
بس نصيحه لاتحطينه ما ادري احس ما ينفع مجلس رجال قصدي لون اذا تبين تحطين حطي لون اخضر غامق شمواه حلو وفخم وبس |
شيهانتي بصراحة اغرفة حللووة مرة
بس احس ماتنفع بمجتماعتنا اذا حد جا عندك .. يتجلسي على اعصابك :) خاصة لو معاهم اطفال.. ا |
شيهانتي الغرفة رووعة
بس احسها مو عملية لمجتمعاتنا يعني تنفع للاجانب لي ضيوفهم ينعدوا و بدون اطفال وماعندهم رفس كثير لكن احنا :) .. اذا جاو ضيوف مو ساعة و لا ساعتين.. الا شوية و يباتو :) بتقعدي معاهم و نتي على اعصابك خاصة لو معاهم اطفال :) ثانيا و هذا الاهم باذن الله فترة و ربي يرزقك باطفال حلوين عاد مايحتاج اقولك ... فترة بسيطة و ترجع الكنبة زي جلد البقرة :) ابيض و اسود :) ماانننننصحك خاصة الكنب و السجاد .. ممكن تدخلي الابيض مع لون ثاني بحيث تكون الكنب و السجاد لون غامق (مثلا بنفسجي او اي لون ثاني ) و بقية الاثاث من طاولات و ستائر و اكسسوارات _وحتى بلاط_ ابيض تخيلي الصورة لو بدل الكنب الابيض كان رمادي من نفس لو السجاد برضو كان بيطلع حلو و بنفس الوقت مناسب اكثر لبيئتنا:d |
حلووو بس حاولي تكسري في الألوان
يعني شي ملفت زي مخدات لونها أحمر أسود او فضي مثلا شوفي كيف التنسيق وزبطيها بس مايكون الأرضية بعد بيضا مو حلووو والجدار إذا كان أبيض حاولي إما ترسموا عليها نقوش او ملصقات من آيكيا مدري إذا فهمتي علي كيف؟؟ |
فكره حلوه وأيدك عليها لان رح تعطي الغرفه مساحه اكبر ورح تخليها شرحه خصوصا دام مافي أطفال فالون الابيض مناسب موفقه غاليتي شيهانه
|
من واقع خبرتي بالديكور
اقول لك تمهلي فلن تصلي هكذا للنتيجة المرغوبة في الصورة فلا تنخدعي الصورة ليست عبارة عن أثاث يغلبه اللون الأبيض فقط وحالما تصبغين الجدران بالأبيض وتحصلين على كنب وطاولات بنفس اللون ستحصلين على نفس النتجة بل سيصبح اسوأ مجلس على وجه البسيطة في الواقع العملية كلها انعكاس للضوء لذلك ظهرت بهذا الجمال النافذة مزودة بضوء فلا تظني أن هذا ضوء الشمس فقط لاحظي كبر النافذة ولاحظي السقف الإضافي والفتحة التي في منتصفه والذي يظهر من خلالها جزء من النافذة وكأنها انعكاس الجدار الأيمن مزود بقطعة من الزجاج تخدم نفس الفكرة .. انعكاس الضوء الناحية المقابلة أرففها كذلك عكست الضوء بدرجة قوية خامة الكنب قامت بنفس الدور الطاولات أسطحها ملساء تخدم نفس الفكرة وهي عكس الضوء الأرضية كذلك ملساء وعكست الضوء وظل الأثاث كذلك ثم أضافوا بعض اللمسات لتخفيف حدة الضوء بالسجاد والنجفة والخداديات والتحف ذات اللون الأسود مع إضافة بعض الحياة للغرفة باللون الذهبي الغامق الأمر يحتاج لمهارة وخامات مساندة وإضاءة قوية جداً لتحصلي على منظر مشابه ولاحظي أن المجلس يتسم بكثر عدد الجلسات أو الكنب وهذه النقطة لن تخدمك كثيراً لذا أنصحك بتغيير رأيك .. وأتمنى أن الأمر لم يفت بعد.. |
ماشاء الله عليك ياعقد .. مهندسسة شااطرة .. الله يفتحها عليك
امس تذكرتك ياشيهانة رحت ايكيا و كانو عاملين غرفة كلها بيضاء زي الصورة الي حاطها وفعلا زي ماقالت العقد الفريد .. شكلها تخوووف كانك داخل غرفة غسيل ابيض :) ذكرت دعاية الكلوروكس .. :( |
اذا ماعندك اطفال و انت نظيفة زوجك ايضا
فهل ضيوفك ماعندهم اطفال و نظيفين ؟ |
اقتباس:
تجربتك خير برهان الحمد لله |
| الساعة الآن 05:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©