|
الوالدة وحالة الصمت !!
السلام عليكم ورحمة الله وبركاته
الليل طويل وهمومي كثيرة عجزت انام ,,وماعاد يهمني إلاشي واحد أمي الغالية مدري وش فيها لها فترة بس ساكتة واحس انها مو معنا ولاصارت تطبخ زي أول ولاتسولف واحس مالها رغبة بالدنيا كل ماقلت شي ردودها يالله العافية ويوم اشتري اغراض للبيت وافرجها تناظرني بكل حزن ,,حتى اليوم جبت لها عباية حلفت ماتاخذها وارجعها بحجة انها مالها حاجة بها ,,سألتها :يمه وش فيك في شي مضايقك تقول والله مدري <<<وش تفسير مدري !؟؟ أناخايفة وماحد حاس ودي اكلم ابوي اخاف هو مزعلها ,مع انه اشوف ابوي اكثر واحد يرحمها.. |
يمكن امك خايفه من شي
انت عارف تمر اوقات على الانسان يخاف من اشياء واوقات مجرد خوف من شي مجهول ممكن بسبب قصه اثرت فيها او شايله هم شي لكن اللي اتوقعه اكثر انها خايفه من شي لان جتني هالحاله وكرهت العافيه ولا ابي اكل ولا اضحك ولا اكلم احد وودي اقعد وحدي وعدت الحمد الله اسالها انتي خايفه من شي او بطريقه غير مباشره كانك انت خايف من سبب مجهول او من شي معين اذا هذا اللي فيها بتقولك وانا مثلك الله يخليها لك ولا يحرمكم من بعض |
حبيبتي يمكن تفكر بشي يشغلها
الله يخليها لكم ويطول بعمرها ويرزقها حسن الخاتمه |
ما تشوف شر بإذن الله ، جلسه خاصه مع والدتك حاولي أن تخرجين ما في قلبها إذا عرفتي من ماذا تشكي اطرحيه هنا لعلنا نفيدك ويفيدك الأعضاء ، إذا كان الأمر بلا سبب واصرت ان ليس هنالك سبب لصمتها المفاجئ ، فاذهبوا بها فوراً لقارئ معروف بالخير يقرأ عليها ممكن أن تكون مصابه بالعين حفظها الله من كل شر
|
أحياناً الروتين هو الفاعل !!!
غيروا جوها مسيكينه طلعوها سفروها ودوها المدينة ولا مكة .. حتى لو طلعت زعلانه من شي أو فيه أحد مضيق صدرها ... برضوا خرجوها.. سووا لها قهوة أو براد شاهي أو اللي تحبه وبالكلام والضحك شوي تقدرون تطلعون اللي في قلبها.. ودامها ما تطبخ ولاتسوي شي معناته تبي تلفت نظركم....... همتكم بالله |
بسم الله ما شاء الله ونعم البنت الصالحة انت ولا نذكيك على الله ابشرى اختى برضاء الله عز وجل وبالسعادة بإذن الله فى الدارين يا اختى امك حفظها الله ما بها من هم اما من مرض او بسبب مشكلة مع والدك لذا كما يقُال فتش عن المرأة ربما يا اختى والدك يريد الزواج او شىء من هذا القبيل لذا يجب من مفاتحة ابيك بارك الله فيه والاستفسار منه وتوضح هذا الآمر له لانى اعتقد والله اعلم ان الحل بيده بإذن الله تعالى وانت من جهتك ذكريها بقرأة القرآن والمداومة على اذكار الصباح والمساء وان تكثر من الصلاة على سيدنا محمد اللهم صلى وسلم وبارك عليه ومن قول لا حول ولا قوة الا بالله وافوض آمرى الى الله ومن الاستغفار والتسبيح والتهليل والتكبير وقول لا اله الا الله ولا تنسى اختى ان تطمنينا عليها اسأل الله ان يفرحيها فيكم وتشيل اطفالكم .. اللهم آمين يا رب العالمين |
بالأول اجلسي معها وحاولي تفهمي منها
لا تقبلي منها ماعندي شي .. انتِ اقترحي عليها .. اسألي ... بابا زعلك؟ اخوي ؟ مريضه ؟؟ الى أن تقول لك واذا ما قالت كلمي الوالد |
اقتباس:
آمين ويخلي لك كل غالي .. |
اقتباس:
|
اقتباس:
الشر مايجيك,,مشكلة أمي ماتحب ماتتكلم تكتم تكتم ,,وفجاءة تتعب علينا هذا الي مخوفني عليها فعلاً هي تحتاج رقية ,لكن أبوي يرفض تروح لراقي يقول أنا ارقيها وهي تتعب كثير إذا قرى عليها تقول /اوقف احس روحي بتطلع وتتعب اكثر من أول ..ويحفظكم من كل شر.. |
اقتباس:
إن شاء الله بكره بنروح أنا وأخوي عمرة ونأخذها وجدتي معنا. بارك الله فيك أختي ماقصرتي بردك .. |
اقتباس:
لا أبوي مايتزوج خلاص,,الي بتجي مالها مكان شرعاً :29: حتى أبوي يسألني فيه شي ,قلت :مدري أنت زوجها أسالها!! أمي ماشاءالله عليها 24 ساعة تشغل القرآن ,بس إذا تقرى البقرة تتعب اليوم كله.. اللهم آمين ويحفظ لك الغوالي ويشفيك بشرنا عن صحتك أبو مريم .. |
اقتباس:
وإذا عرفت وقالت لها :أنا قريبة منك حجتها وش بتسوين وماابيك تحملين همي وأنتي صغيرة بدري عليك.. مشكورة يالغلا على مرورك.. |
أختي إذا فيها شي وما تتحمل الرقية فهنا مربط الفرس
تروحون وترجعون عند هالنقطة..... لاااازم إذا مافي أحد يرقيها ودوها عند واحد يرقيها وبالنسبة إنها تشغل القرآن طول اليوم ترى مو كافي ولا هو قوي زي قرائتها وتحصين نفسها بالأذكار والدليل لما قلتي إذا قرت البقرة تتعب !!!! الله يشافيها والله المستعان مافي بيت ألحين ما تلاقين احد ممسوس ولا محسود ولا فيه بلاء والبعض ما يدرون عن بعض وهم في بيت واحد يا كافي.. بالمصادفه أحيان يكتشفون والراقي يا أختي له صفات خاصة من أهمها أن يكون رجل ملتزم ومبتعد عن الذنوب عشان قرائته تجيب نتيجة |
الله يشفيــها ويعافيها يارب
|
اقتباس:
جزاك الله خيرا اختى انا بحمد الله عز وجل احسن بفضل الله .. نعم مازل آلم فى الظهر ولكن استطيع ان اتحرك بنعمة من الله .. بارك الله فيك اختى ورزقك بكل ما تتمنى اما عن الوالدة .... انت تقولى انه اللى بتيجى ملهاش مكان .. لكن يمكن ان يستبدل واكيد هذا الآمر مسبب ضيق الى الوالدة حفظها الله نقطة اخرى .. انها بتتعب اذا قرأت سورة البقرة اذن ربما بها عين ان سحر ويجب ان تذهب لشيخ لكى يقرأ عليها ونسأل الله لها الشفاء المهم انت كونى دائما بجواريها انت واخوانك ولا تتركوها الا وتعلموا ما بها لان اكثر شىء يحضر المرض هو الهم والحزن وفقك الله اختى لما يحب ويرضى |
مثل ماقالت العقد ودوه لشيخ معروف لديكم يقرا عليها وحاولي تشغلين انتي البقره بشكل دايم في بيتكم ولاتخلونها تجلس لحالها لاوقات طويله خلوها تنشغل باي شي مثلا ادخلي انتي وهي المطبخ قوليلها مشتهيه صنف معين وابيك تعلميني وتكونين معي حاولوا تطلعون مع بعض كشته خفيفه تغيرون جوها عموماً خالتي الحين نفس الحاله الله يشفيها تجيها هالحاله كل فتره تكره الدنيا ومافيها لدرجة تترك بيتها لفترة طويله في القصيم وتجي عند امها تنام فتره لحد ماتتحسن الواحد يحاول ويسعى والله الشافي المعافي ،،
الله يعافيه ويخليها لكم يارب ،، |
الله يشفيها ويعافيها ي رب وبإذن الله كلها فترة وتعدي .. وتشوفيها بأفضل حال وأبهى صورة .. رزقنا الله وإياكِ بر أمهاتنا وآباءنا أحياءً وأمواتًا .. :: |
السلام عليكم ورحمة الله وبركاته
جزاكم الله خيرا جميعاً ,,الحمدلله أخذت الوالدة العمرة ,لكن مازالت على نفس الشي حتى أخوي انتبه لها كان يقول لي انتي تهولين الامور أمي طبيعية دخلت على عجلة من امري مشغولة ,,وحزينة جددددددداً بعد سفرتنا.. إن شاءالله لي عودة إذا ربي كتب لي عمر,ودي افضفض لكم ,,استودعكم الله .. |
عمرة مقبولة ان شاء الله ويا ريت تقوموا بزيارة مدينة رسول الله عليه الصلاة والسلام وبإذن الله اذا صلت الوالدة فى الروضة سوف تنشرح وتنسى كل ما بها من هم وضيق وحزن بعون الله ولا تنسينا من دعائك اختى الكريمة وترجعى لنا بالسلامة وفى انتظار فضفضتك بارك الله فيك |
يــاعمـري فديت روحهـا ,,,الله يبعـد عنها كل ضيــق وحـزن ,,,
هـل ترانـا نلتقــي ...الله يجعلك من البارين لوالديك ,,ولااااايحرمك منهم .. شــوووفي من رأيي تجلسين معها لحـاكم وتحلفينا بالله تقولك وش مضاااايقهااا وانك ماراح يهنى لك بـال ألين اتطمنين وتعرفين وش بخاطرهـا ,, أووو شوووفي اقرررب وحده لهـا من خالاتك تكلمهـا ,,, |
جربي معها اللي قلت لك
لان وضع امك مر علي وعلى كثير حولي وكان السبب خوووف من شي يعني مرض موت اي شي اساليها او كانك انتي اللي حاسه بالشي ذا والله يخليها لك ويجعلك من البارين بوالديك |
اقتباس:
أنتم على البال مانسيتكم من الدعوات..ربي يحفظك. |
اقتباس:
اللهم آمين ومين يقول يالغالية ,,سويت الي قلتي عليه قالت:أنا مابي شي أنتي تبين توسوسين بي. خالاتي الله يرحم حالهن كل وحدة همها نفسها ويحسدونها على صبرها على الوالد كيف قادرة تحمله هو وحريمه ؟! |
اقتباس:
|
في شي قاهرني الوالد عاجبه الوضع ,,يجي ينام ويأكل ويطلع وأمي ولاكلمة مافيه حوار بينهم نادر
وأنا الي أحاول أفتح موضوع أخليهم يتكلمون وأسحب الكلام سحب منهم جبتها على طريق المزح وأنا صادقة قلت: للوالد أنت جاي عندنا فندق تنام وتأكل وتطلع لاتجلس ولاتسهر معنا !! صار يجلس ويقول لي هاه جلست قولي وش عندك ,صار كانه مغصوب ويقول لي :أخاف منك على الأقل أمك ساكتة كافية خيرها وشرها وأنتي متسلطة علي! أنا والله ماودي أبوي يتركنا ويروح وهذا الي يبونه حريمه يتركنا .. لأنه زوجة أبوي الأولى نفس الشي وتركت أبوي وتركها بس هي فرق هم كبار حنا أخواني صغار وبحاجة للوالد.. |
اقتباس:
وبما انك تخجلي تسألي والدك فالحل الأمثل انك انت تسعي لجذب والدك للبيت .. ما دام يقول أنه يخاف منك ( يقصد انه يهتم لزعلك ) معناها لك خاطر عنده ... اعملي حلا واطلبيه يجلس معكم بسهرة تاكلوا أو مسرحية .. فيلم .. برنامج ديني .. وثائقي ... أي شيء بالتلفزيون تعرفي انه يهتم له واطلبي منه نبغى تحضر معنا كذا رتبي أو اسألي عن أماكن خرجات .. تمشية .. وجبة من خارج البيت ... تجمعكم انتِ ووالدك واخوانك ووالدتك تعرفي عن مشكلة او نقص معين عند اخوانك من ناحية دراسة أو غيره .. اطلبي مساعدة الوالد انه هو الأب والاولاد محتاجينه ... خل يظل قريب منكم انت واخوانك ... وان شاء الله بأسلوبك الحلو يظل بيتكم مكان راحه له وبأسلوبك يحس بمسؤوليته عن اخوانك وعن حاجتهم له . واذا بينه وبين الوالدة شي بيروح مع الطلعات والجلسات الحلوة حاولي بعد الجلسة على طول تنسحبي انتِ واخوانك وتتركوا لهم المجال لجلسة زوجية حتى تتصافى القلوب .. واذا شفتِ انه يطلع على طول فانسحبي المرة الجاية مع اخوانك بالاتفاق المسبق معهم بوسط الجلسة أو رتبي وشجعي والديك تكون الطلعة لهم وحدهم |
يابعدي يابيتا. ،اقترحك جميل
إن شاءالله أحاول أسوي إلي قلت عليه مع انه الوالد مايحب يطلع معنا بخليها بالبيت والله يسهل ''' ???اللـَّــ??? يجزاك كل خير يالطيبة. |
أسأل الله أن يحفظ والدتكِ أختي من كل شر ومن كل ضيق صدر عليكِ أختي بالدعاء لها خاصة في السجود وأدعي الله أن يبصرك بسبب تغيرها وبالداء والدواء وأنصحك أن تقرأي عليها وهي نائمة المعوذات والفاتحة وإن شاء الله تطميننا عليها وترجع أفضل من أول فأكثري من الدعاء كل وقت أمي الحبيبة مرت عليها أيام بضيق وكان واضح عليها وهي كتمومة مسكت الدعاء لها ورجوت الله أن يرفع عنها والحمدلله مرت أيام وعادت لسابق عهدها ولله الحمد أسأل الله أن يحفظ أمهاتنا وأباءنا من كل شر وأذى أن الله على كل شيء قدير |
زيارة مقبولة ان شاء الله وتقبل الله منا ومنكم صالح الاعمال اختى الله يبارك فيك لى عندك طلب .. ممكن حفظك الله انت تعلمى ان الدعوة على ظهر الغيب مقبولة ان شاء الله وانت ان شاء الله قريبة من الله واسأل الله ان يجعلك مقبولة الدعوة ادعى لى ان الله يكتب لى زيارة بيته الحرام ومسجد الرسول الكريم اللهم صلى وسلم بارك عليه والله لى فترة كبيرة ولم يكتبها الله لى مع اشتياقى الشديد اما عن الوالدة حفظها الله .. يا اختى كده السبب واضح الوالدة حفظها الله حزينة على وضع الوالد وتركة لكم وهى خائفة ان يفعل معها مثلها فعل مع زوجة الاولى اذن الحل بيدك .. جلسة مصارحة مع الوالد ان يجعل لكم نصيب فيه من خروجات وسفريات وبعض الاهتمام بأخوانك ... وباقى وقته هو حر فيه وذكريه يا اختى ان من لا يعدل مع زوجاته يأتى يوم القيامة وشقة مائل عفنا الله واياكم من عذاب الله بارك الله فيك وحفظك للوالدة ولاخوانك واسأله ان يرزقك الزوج الصالح التقى عن قريب يا رب العالمين اللهم آمين آمين آمين .. وصلى الله وسلم وبارك على امام المتقين سيدنا محمد |
ياروحي على الامهات ..
الله ييحفظهم ياارب ويخليهم لنا .. الله يحفظ ك والدتك ويزيل كل مابها من هم .. وان شاء الله قريب نشوفك تبشرينا وتطمنينا انها بااحسن حال .. |
اقتباس:
بارك الله فيك وحفظ لك الوالدة ’’..وشفاها ربي والمسلمين من كل مكروه.. مشكورة يابعدي على النصيحة الأخوية.. |
اقتباس:
أبو مريم الأب الحنون<<لاتزعل على شان كبرتك من جد أشعر بنصائحك الصادقة والأبوية ,الله يصلح لك نيتك وذريتك مايحتاج توصية على الدعوة ,نسأل الله القبول.. لا إن شاءالله النار ماتمس الوالد هو حرام يعدل باللي يقدر ماابي اظلمه. بإذن الله أنا أتقرب من الوالد أكثرمثل ماذكرتوا لي جبت له اليوم هدية ولا أنه موعندنا أعطيتها أخوي وأعطاها الوالد,وجاء وحسيت أنه مستانس شوي.. |
اقتباس:
اللهم آمين ,,بإذن الواحد الأحد ,شدة وتزول بارك الله فيك خيتو ,لاتنسينا من دعواتك.. |
أحس أن الفضا ضيق ولا يمكنه يسعني
الوالدة على حالها ,حتى حاولت اخبرها بموضوع البنت الي خطبتني لاخوها وقلت انه وحدة موضوعها كذا وكذا ,,وطنشت ماردت علي !!! الحمدلله انكم نصحتوني والله لو الله ثم أنتم لاأعلم كيف بيكون حالي. أكثر شي يوجعني انه من الصباح وأنا قايمة بالبيت وأخواني اختبارات وضغط البيت علي. وطلعت اجيب اغراض ناقصه البيت ,يوم رجعت قالت لي أمي كم صرفتي وعلمتها اشوي وش جبتي وخبرتها ومااعجبها ,دايم هي تنظر لي أني أحب الاسراف والعب بالفلوس ,ويعلم الله نفسي مقصرة فيها كل شي للبيت وأخواني نسيت أني بنت . حاولت امسك نفسي بس ماقدرت حسيت اني مخنوقة يعني اتعب ولاحتى كلمه جزاك الله خير ماسمعها غير اللوم!! أدري جزاي عند رب العالمين ,لكن أنابشر. قلت يمه بالله شايفه أخذت شي لنفسي مو كله للبيت على الأقل كلمه حلوه تخفف عني تعبي. وزعلت مني والله ماودي ,وقامت تقول اوعدك اني مااقول ليه يافلانه سويتي وليه عملتي وتمدح باختي الصغيرة قدامي ,وهي ماتسوي ربع الي اسويه . مقهورة ليه مامسكت نفسي ليه خربت الي سويته وأناانتظر جزاي من رب العالمين وحده.. |
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©