|
أفكر افسخ الخطوبه وابغى نصايحكم
السلام عليكم ورحمه الله وبركاته
غبت وطالت الغيبه وجايه بجعبتي الكثير الحمد لله تمت خطبتي على خير واستلمت صك الطلاق ومشغوله بشقتي الجديده ااثثها بس تاتي الرياح بما لاتشتهي السفن كنت اكلم خطيبي برضا اهلي وطور الكلام بيننا وصرنا نتكلم بكل شي وتعلقت فيه ونسيت الدنيا بالي فيها وصار كل حياتي ا نام مع بعض ونصحى مع بعض عشت احلا ايام عمري معاه ومره كنت على المسن ونشغلت اشوي جاء اخوي وعرف اني اكلمه وشاااف كل شي خاصمني ودهورت العلاقه بينهم المهم احس اني ضايعه وبنتي تعبتني تغير من خطيبي بشكل فضيع وانا اغير من زوجته واحس اني صرت زي المجنونه مادري ايش اقول وافكر افسخ الخطوبه وابغى نصايحكم وكمان مرررة غلطت وناديت خطيبي باسم طليقي يا اااارب ساعدني مااقدر اقول اكثر من كده لا تنسوني |
استخيري الله يفرج همي وهمك وكل مهموم
|
صححي وضعك وكل شيء بيدك وحدك..
وجميل أن تقتربي من خطيبك ولكن يجب أن يكون هناك حدود فلا تنسي أنه سبق لك الزواج وعليك أن تظهري شيئاً من الخجل في البداية.. أي حركة منك قد يتخيلك فعلتها مع طليقك ومن هنا قد يبدأ النفور.. أشعريه وكأنك فتاة بكر لم يسبق لك الزواج... وتصرفاتك هذه ليست في صالحك.. بالنسبة لزوجته ولما تغارين منها؟؟ الغيرة ستجعلك تتصرفين تصرفات لا يحبها خطيبك وستظهرين في بعض الأحيان متوترة ومنزعجة ولن يفسرها هو إلا بأنك سيئة خلق ولن يفهم أنها غيرة النساء.. وأعطي ابنتك شيء من هذا الإهتمام واجعلي لها وقتاً لا يشغلك سواها أفضل ويبدو أنها لاحظت انكبابك على هذا الخطيب فأثار غيرتها ولا ألومها.. |
اقتباس:
اول شي ع البركه الخطوبه... ثاني شي ..مافيها شي لو اخوكـ شاف محادثاتكـ مع خطيبكـ... روحي له بهدوء وتكلمي معاه باسلوب حلو .قولي هذا حلالي وكل شي انا معاه بالحلال ..وين الغلط؟؟ ثالث شي تقولين بنتي تغار ...مو غيرهـ هذي بس احس انكـ اهملتيها باهتمامك بخطيبكـ.. حاولي تنسقين الوقت الي هي تكون نايمه او مشغوله اتصلي ع خطيبك واتواصلي معاه .. اما انكـ تغارين من زوجته ...هنا الكلام ..........؟؟ اذا انتي الجديدهـ تغارين من زوجته اجل هي وش تقول ... لاتنسين انك انتي الي جيتي عليها مو هي لي جت عليكـ. ... لا تسستعجلين بالقرار انكـ تفسخين الخطوبه ....بس حكمي عقلكـ وهالغيره الي تحسين فيها شي طبيعي .. لابعد بكره ببتزوجين وراح يخصص لكم كل وحده ليله هنا تعرفين الغيره صح .. استخيري وفكري ميه مره قبل لا تتأخين قرراروتندمين عليه .. أأسال الله ان يمسح ع قلبكـ بالطمأنينه والسكينه... |
اي صح نسسيت ...
تقولين مرهـ غلطتي وقلتي اسمـ طليقكـ...؟؟؟ بقولكـ شغله الكثير مننا غافلات عنها .. ...حنا الحريم لما نتحمس بالكلامـ غصبن علينا نقول كلامـ مانحس بألمه الا بعد مانقوله ... انا الحين اششوف نفسي ..اذا كنت مبسسوطه وفرحانه كثير ...اتحمس بالكلامـ ما اخذ الا اجيب سالفه ونا مو حاسه بنفسي .. انتي يمكن كذا من الفرحه الي فيكـ...قلتي اشياء بقلبكـ وانتي ماتبين تقولينها ... حاولي تمسكين حالكـ وانتي تتكلمين ..كل كلمه تبين تقولينها فكري فيها اول قبل لا تقولينها ... مو كل الرجال مثل بعض .في رجال يتفهمون فيه رجال لا ما يتفهمون .. |
الف مبروووووووووك ولو اني عاتب عليك انك ماخبرتينا ان الخطوبه تمت ,,,
|
والله انك في بالي اقول وينها اختفت مبروك مقدما ولازم من الهدوء وعدم العجله واكيد بتواجهي شوية ضغوظ ومشاكل هاذي حالة المطلقه متدهوره وهيا مطلقه ومتدهوره اذا دخلت حياه زوجيه جديده الله يعينك
|
السلام عليكم ورحمه الله وبركاته
ششششششششكرااااا على الردوووود فرحتوني بيها كثير الله يفرح قلبكم ويخليكم لي مايبعدني عنكم غير الشديد القوي كنت مشغوله ببيتي الجديد وتاثيثه وعيالي ودوامي وخطيبي بالصراحه حسيت اني ضايعه بس الحمد لله ازمه وعدت وقلت لخطيبي اني تعبانه ومتازمه راح اتصل على ابوي وحدد الزواج في شهر جماد الاول صفاته عكس طليقي بكل شي ادري غيرتي مو في مكانها بس متوقعت الوضع راح يكون صعب ان شاء الله اقدر اسيطر على نفسي والله هي طيبه ماجاني منها الا كل خير وعلى فكرة انا زواجي اقرب للمسيار لان راح يجيني بس اسبوع بالشهر وفي بيتي انا طلبت اعيش ببيتي عشان اولادي مايحسه باحراج وهو وافق كمان انا من النوع الي احب الضحك والمزح احسه يزعل مدري لانه مطوع :dمايضحك كثير رسسسسسمي واحيانا احس انه زي ابوي :30: |
اقتباس:
كانك تحكي عني وكان هذا احد الاسباب الي خلاني افكر بالزواج كلااااااام الناس تعبني الحمد لله على كل حال |
اقتباس:
وتراك معزوم على فرحي بالصراحه انت خليتني اتشجع واوافق وعلى قولتك مني خسرانه شي:22: |
اقتباس:
وحتى هو يقولي كنك بالعه مسجل:27:بسم الله علي |
اقتباس:
والله اني استخير كل لحظه الله يفرج همنا |
اقتباس:
|
وعليكم السلام ورحمة الله وبركاته
سؤال : خطبه او تمت الملكه ؟ إذا كانت مجرد خطبه لايجوز لك محادثته إذا كانت ملكه وتم العقد اسأل الله ان يوفقكم |
ريوومة
الف مبرووك غاليتي ربي يسعدك و ربي يجعله زواج العمر ... بس حابة اعلق على نقطة بنوتك ربي يحميها .. لانه صراااحة مايهمني هم الاطفال فقط اما باقي المشكلات الي ذكرتيها فهي سهله و بتنحل بعد العقد باذن الله ريم .. انتي لسه متعرفة عليه و تعلقتي فيه بفترة بسيطة و انتي الحين تغاارين من زوجته الاولى رغم انك عارفه انه متزوج و متوقعة هذا الشي و تغاري عليه وهو فقط زوج ... فمابالك بمشاعر ابنتك ؟؟؟ انتي لها الام والاب و الحياة باكملها و متعودة انك لها فقط و مش متخيلة حد بيجي و ياخذك منها .. و ابنتك في سن حرررجة محتاجة لك تكوني معاها الام و الاخت و الصديقة ... هي في سن فاهمة كل ماحولها و اي تصرف خاطء منك بتفسره على انه عدم حب لها و لاخواتها عتبي علللليك كبييير لانك من الحين و لساتك ببيبتك و لساتك مش على ذمته وماحاسبتي على تصرفاتك و النتيجة غيرة ابنتك الشديدة ؟؟ اذن كيف بكرة بعد ماتتزوجوا و يجي عندك و ينقفل عليكم باب ؟؟؟ ايش بيصير فيها ؟؟؟ لما كتبيتي اول موضوع لك و تسالي فيه عن زواج المعدد .. رديت عليك.. و باقتبس لك جزء اقتباس:
هذيك اليوم رديتي و قلتي .. بناتي فرحانين لانهم بيشوفوا امهم عروس بس للاسف بتعلقك فيه و عدم اهتمامك لاخفاء ذلك التعلق .. انقلب هذا الفرح لغيرة انتبهي انتبهي انتهي قبل لا تنقلب الغيرة لشي ثااااااني .. معليش ردي شوي قاااسي .. بس والله من خوووفي عليك و على اولاددك يمكن مع كثر الانشغالات ما تنتبهي لهذه النقطة .. فاحبيت الفت انتبهاك حاولي حاااولي حااولي .. تحببيهم فيه .. وعشان تحببيهم فيه .. لازم مايحسوا ابدا انه ياخذك منهم .. بالعكس لازم يحسوا انه يزيد من تقربك لهم .. بعد العقد اكيد بتتواصلوا اكثر .. خلي تواصلك معاه بوقت الاطفال مايكونو موجودين مثلا وهم بالمدرسة او بالليل بعد مايناموا .. لكن وهم معاك حاااولي تخلي وقتك كله لهم حتى لو مو محتاجينيك .. اشتري لهم هدايا و قولي لهم هذه من عمو فلان وباذن الله بعد الزوااج .. حاااسبي على مشااعرهم كثثير .. رؤية شخص اخر غير ابوهم معاك متععبة .. ولا تنسي انهم محتاجين وقت عشان يتأقلموا فمثلا ... لا تبالغي بالتزين امامهم .. او الذهاب الى غرفة النوم معا و اقفال الباب امامهم اما توديهم لاهلك مؤقتا و تتعذري لهم بانك ذاهبة في موعد مع زوجك او تستنيهم يناامو . والله يعينيك حبيبتي . هي بس اول فترة و بعدها ان شاء الله يتاقلموا على الوضع الجديد .. ربي يسعدك و يوفقك و يهنيك و يبعد عنك و عن اولادك كل سؤ |
اقتباس:
ماانسى نظرات اخوي لي وهو يسالني لو بنتك سوت كذا كيف راح تتصرفي معها طحت من عين اخوي |
اههههههههلا بريم :17: الف مبرووووك حبيبتي 3> الله يتمم لك على خير ويوفقك ويسعدك وتتهني معاه ان شاء الله ويجعلها زواجة الدهر ياااااارب "عشانك سجلت دخول ولّا انا اوف لاين دايماً " |
اقتباس:
|
اختي الفاضلة
ربي يوفقك ويتمم لك على خير حبيبتي ما عليك من كلام الناس استخيري وعيشي حياتك واشوف في عندك مشكله مع طليقك بخصوص حضانة اطفالك فهل اذا تزوجتي بتم حضانتهم معك ؟؟ اكيد بكل الأحوال بياخذهم الأب كيف رح تحليها هذه؟ |
اختي الكريمه لا اتمنى لكِ إلا ما اتمناه لأُختي ،
لكن نصيحه لكِ يا أختي اقطعي العاقه معه حتى يكون زوجك رسمياً بعد ذالك افعلي ماشئتي وفقكِ الله وكتب لكِ الخيره في أمرِك |
مبروك الله يوفقك ويعوضك خير |
اقتباس:
|
اقتباس:
|
ألف مبرووووووك غاليتي ريم ,’~
الله يتمم لك على خير ويسعدك دنيا وآآآخره يارب ,’~ دمتي بأمااان =) |
| الساعة الآن 06:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©