|
مستجده في الطلاق
السلام عليكم انا حديثة بالطلاق وهو اخر طلقه طلاق دون رجعة فيه واليوم ساستلم صك الطلاق ولكن نفسيتي تعبانه واحس بقهر بداخلي وش اسوي عشان اقدر انسسى مازال فكري وعقلي يعيد لي كل شي حصل حلو او مر كشريط ابي انسسى لانو لازم انسسى بس كيف احس اني معلقة هناك هو في مدينه وانا في مدينه تعبت لا استطيع ان اشكي لاهلي بالعكس اهلي مرحبين بهالطلاق لما كان يحصل لي بالسسسابق اخ تعبت والله وامه تتصل وتقول انه سافر برا معقوله في عالم بلا مبالاه لي 12 سنه زواج وكنا نحب بعض حتى بالعيوب الي فينا بس حصل الطلاق ساذكرها لكم |
وينكم
|
السلام عليكم ورحمة الله وبركاته
اسأل الله سبحانه ان يآجرك في مصيبتك ويخلف لك خيرا منها لا املك لك سوى الدعاء الله يفرج عنك ويرزقك يقينا يطمئن به قلبك ان ما اختاره الله لك هو الخير غاليتي بامكانك ان تكتبي مشكلتك في غرفة النقاهة وفي عيادة الوالد الفاضل رجل الرجال ان كنت بحاجة لاعادة تأهيل نفسي ولتفرغي ما في جعبتك من هموم كان الله في عونك والهمك الصبر والرضا اختك في الله ينبوع العطاء |
طالما أنك لا تستطيعين فراقه فلما الطلاق عدة مرات حتى ختمت بالطلاق البائن؟؟
طالما أن كل أسباب الطلاق لن تنفعك ولن تحسن من نفسيتك لنسيانه فلما الطلاق إذن؟؟ طالما أنك أعرف بنفسك وأن قلبك سيبقى معلقاً لما كل هذا؟؟ وطالما أن 12 عاماً عندك مهمه كان رضيتي وبقيتي ها هناك مع الألم؟؟ وطالما أنه بعد كل الظروف المتتالية ومازلتي ترين فيه شخصاً يستحق الحب فلما الفراق ؟؟ كلامك يظهر وكأنك لم تزني أمورك معه وأنه مازال بالإمكان البقاء في ذمته والتحمل أكثر أرجو وضع رابط مشكلتك لأني أرغب وبشدة في معرفة تفاصيل حياتك معه لأرى هل يستحق الحب ....أم أنك ممن يحسنون تعذيب أنفسهم بأنفسهم.. |
صح انا مع كلام اخوي العقيد ..
12 سنه مو من الساهل الطلاق ..........؟؟؟ بعرف حاجه وحده ...ليش أأغلب الحريمـ ...ع اتفهه الاسباب تذكر الطلاق ..ولما يقع ماتعلم حينها كم هو مؤلم...؟؟؟ |
حبيبتي الطلاق صار وانتهينا من الماضي ..... والطلاق بائن ...
لذلك فكري بالحاضر وبالمستقبل ..... الماضي لن يعود .... لازم نواجه أنفسنا أن الماضي انطوى بخيره وشره .... آآآآآآآآآآآآآآآآآآآآآآآآآآآآآآآآآآآآآآه من الماضي وجرووووووووووووووووحه ... |
وعليكم السلام ورحمة الله وبركاته
لو أتيتي قبل الطلاق لنصحناك قبل ذالك ، لكن قدر الله وماشاء فعل ، ومادام الطلاق رغبه لكم فلماذا الندم ؟ انتم من قررتم ذالك ، وتحملوا النتائج ، ومن حقه أن يسافر فلستِ بزوجته الآن لتعترضي أو تحزني فهو غريب عنكِ ، انخرطي في أهلك وكوني مع والدتك واخواتك وانسي ما مضى واعلمي انه من تقدير الله اسأل الله أن يغني كل منكم ويوفقكم |
ساكتب مشكلتي تزوجته بعمر 18 سنه واكملت دراستي الجامعيه وبعدها لم اجد عملا لسد وقت الفراغ ولم ارزق باطفال ليست هناك اسباب وبعد فترة ضاقت علية الماده .. طردني من البيت ولان اهلي في منطقة اخرى حاولت امه ان تخفف من المي ولم تساعدني في الاتصال على اهلي تركتني في بيتها فتره وبعدها عاد ليصلح الحال ووافقت بعد وعوده لاخوانه وامه وظللت معه تقريبا 3 شهور بعد الاصلاح طلبت منه اغراض من السوبر ماركت ليست مكلفه قالي انتي طالق << الطلقه الاولى واتصلت على اهلي وعدت مع والدي وقبل انتهاء فترة العده عاد وبعد محاولات ورفض اهلي للعوده معه حيث انه عاد الى مكه وعاد مرة اخرى حتى وافق ابي بشروط وعدت وبقيت معه 3 سنوات .. اكتشفت خلالها انه يتعاطـى المسكر والحشيش واصبحت حياتي جحيم وكنت لا استطيع التحمل حاولت ان اصبر ولكن لم استطع وهذه الفتره كنت على راس عمل حيث انني كنت اعمل معلمه حصل الطلاق الثاني ومحاولات كثيره من اهله وهو مع اهلي وعدت بعد شروط كثيره في البدايه قالي انه بطل كل شي من حشيش وحلف واصبح محافظ على الصلاة والصيام والحرم ع طول قلت الحمد لله تغير بس بعد فتره رجع ولاكنه هو الي قبل رجع يحشش وضربني وطردني السالفه انو انا كنت نايمه وصحيت على 3الفجر ومالقيته اتصلت عليه رفض مره مرتين يقفل وانا جاني قلق اتصلت على اخته طبعا هم يسهرون وبيتها قريب مني سالتها مر عليكم قالت لا انا رح اجيك وجاتني وجلست معاي الين ماوصـل طبعا هو كان مولع شرار من اتصــآلي جا وطرد اخته وقفل الباب وبسلك التوصيله يضربني واختو تصرخ برا الين مافتح الباب وطردني وهالمره ظليت عند اهلي 3 سنوات مابين محاكم مع اهلي بس ماقدرت اخلص طلب مبلغ خمسين الف ريال ورحت المحكمه مع اخوي في مكه وكان الشيخ واقف بصفه يقول الحرمه لازم توقف مع زوجها والزوجه هي الخسسرانه ومارضا يطلقنـآ قال بعطيكم مده وطالت المده وكان يتصل علي يسب ويسسكر ويسبني واهلي وانا تعلقت بالطلاق خلاص صار يسسسافر ع سوريا وبنات ومصخره قلت خلاص احنا انتهينا وبعد 3 سنوات رجع من جديد وجاب معاه شيخ للبيت وابوي هالفتره صارت فيه جلطه واخواني ماكان ودهم ارجع لكـن الظروف ماسمحت لهم انهم يطلقوني منه ورجعت معاه بعد وعود وحلف وقطع عهود وهالمره ظليت بعد 3 سنوات تقريبا كان فيها تحسن كثير في الحال الرجال تغير فعلا وانا نفسيتي تغيرت ارتحت رجعت احبه نفس اول وتعلقت فيه واكتشفت انه رجع للسم قلت كفايه مشـآكل اصبري وربي بيعوضك خير كفاية عذبت اهلي معاي قلت في نفسسي هالمره اصبري سافرت معاه خارج المملكه الاخ يشرب بششراهه ومازلت صابره حارمني من الصديقات فقط مع اهله لما اطلب شي يخصني كان مايجيبه لي الا بعد محاولات لما اقوله عطني مصروف مايرضا ابدا بس لما امه تطلب يعطيها ومايبخل عليها كنت اقول لنفسي هاذي امـه عيب ولها حق عليه انااصبـر ماااخرج الا اذا هو حب يخرجني السوق متى ماحب قالي انا ابي ابطل شرب السم قالي ساعديني حاولت اسسسـآعده قد مااقدر بس هوماشاف صبري ابدا طبعا الحقوق الزوجيه .. دايم يقولي انا فني ربط ومالي بالحريم ماكنت اشتكي ولا اقول شي بالعكس راضية اني اعيش معاه عصبي جدا ع اي شي تافه يكسر الدنيا كسر جوالي جواله اغراض البيت ابواب البيت يكسسسسرها وهالمره قالي انا ظلمتك بحرمانك من حقوقك الزوجية انتي طالق انا شاكره لكم ردودكم بس لاتقسسسون علي لو ابي احد يقسسسى علي اهلي موجودين انا ابيكم تسسساعدوني انسسسى |
لاحول ولاقوة الابالله
اختي الغاليه اسأل الله العظيم ان يفرج همك وان يعوضك بمن هو خير منه فاوالله اني ارى ان طلاقك منه هو الافضل لك .فحياتك معه اراى انها قمة العذاب فلاتحزني على مثل هذا فأنت لاتعلمين لو انك استمريت على الحياه معه قد تكون نهايتك على يده لاسمح الله اختي احمدي الله على طلاقك منه وادعى الله ان يعوضك بمن هو افضل منه ولاتنسي قيام الليل وقرأت القران (يأأيها الذين امنوا استعينوا بالصبر والصلاة ان الله مع الصابرين) |
الله يعوضكـ خير يارب ..
ما ادري وش اكتب لكـ..احس تفكيري وقف مع اخر جمله ... ..(وهالمره قالي انا ظلمتك بحرمانك من حقوقك الزوجية انتي طالق ) |
معليش اختي انت تقولين سافر معقولة ماعنده مشاعر؟
أسمحي أقولك اختي من يشرب السم لايحمل في قلبه اي مشاعر او حتى احساس صدقين يتكلم نعم مافيه احلى من كلامه لكن حقيقه كلام الساعة تمحاه الدقيقة تبغين نصيحتي اشغلي وقتك بما ينفعك في دينك ودنياك ومافيه افضل من طاعة الرحمن وحفظ كتاب الله وتقديم الخير لمن حولك من والدين واقارب ومحتاجين وهي مما يشرح الصدر ومن الافضل انك ماتجلسين لوحدك وتشغلين نفسك طول اليوم بحيث مجرد ماتحطين راسك على المخدة تنامين والافضل انك بعد صلاة الفجر خلاص ماتنامين الا بالليل ربي يوفقك ويسعدك ويعوضك بزوج يخاف الله ويحسن اليك اللهم آمين آمين آمين |
الحمد لله على كل حال بس الواحد كيف يقدر ينسى
انتو ماقصرتو الله يعطيكم العافية |
تبين الصدق حبيبة قلبي ؟
برغم ان الطلاق صعب والفراق صعب ولكن بحالتك ودي اقولك اسجدي سجدة شكر انك خلاص تخلصتي من المشاكل وربي يعوض صبرك باذن الله مع رجل صالح يقدرك ويحبك وترزقين منه بالذرية الصالحة الحياة حلوة ولا تنسي وعد الله سبحانه وتعالى : "وبشر الصابرين" " وعسى أن تكرهوا شيئا وهو خير لكم" ربي يوفقك ويكتب لك الخير ويرضيك به |
تسلمــين حبيبتي الحمد لله على كل حــآل
|
آه آه يا قلبي
بعد كل اللي شفتيه وما نسيتيه؟؟!! والله العظيم من كلامك في أول الموضوع قلت هذا شكل فيه خير .... بس الشيطان خرب عليهم يابنت الحلال هذا وش فيه شي ينبكي عليه إحمدي الله إنك تخلصتي منه ....... وبدون عيال بعد الحياة قدامك وانت موظفه ومرغوبه ولسى شباب ....... شوفي نفسك روحي وتعالي مع الناس لحد مايجيك ابن الحلال اللي يعوضك خليك شايفه نفسك... وما أخبر بنات السعديين ينكسرون بسرعه وأكثري من الإستغفار والدعاء لنفسك بخيري الدنيا والآخرة ودائماً قولي دعاء الحزن وشوفي كيف نفسيتك تنشرح وأقبلي على كتاب الله وراح تلاقينه الونيس وفيه كل السلوى.. |
الله يدبركِ بأحسن التدابير ويخلف عليكِ بزوجٍ ينسيكِ الماضي ويعوض صبركِ خير أكثري من الاستغفار وسورة البقرة والله يفتحها بوجهكِ وتذكري الخيرة فيما اختاره الله لعل طلاقكِ فاتحة خير عليكِ فالله تعالى يقول { فعسى أن تكرهوا شيئاً ويجعل الله فيه خيراً كثيراً } |
الله يعطيكم العافية وكلامكم راح يخفف علي من مشكلتي
انا ماكتبت لكم الا اني اريد ان استمع لنصايحكم وخبراتكم |
الله يعوضك خير يارب .
|
اللهم امـين لي ولك ولكل مهمومــه يارب
|
الطلاق انطلاق ابارك لكي استعادتك حريتك وكرامتك بعد سنوات الذل تحت ظل رجل
|
اسمحيلي اقولك مبروك على طلاقك من شخص ماينبكى عليه ولا لحظة الله يعوضك خير ويجبر بخاطرك ويرزقك من حيث لا تحتسبي ان شااء الله كلنا في البداية نكون كده طووووول الوقت نفكر ونبكي ونجلس لحالنا بس فترة وان شاء الله تعدي يعني زوبعة في فنجان لا اكثر المهم لا تهتز ثقتك بنفسك وامشي وارررفعي راااااااسك :d |
يسسسلموا يعطيكم الف عافية
احسست براحه بعد ماقرات ردودكــم احس انها تساعدني |
ياحبيبتي المؤمن مبتلى والحمدلله انت بنت اصول وناس اجواد صبرتي وصبرتي وصبرتي وصبرتي على زوجك
ولكن هو مااتغير ,, فلا تأسفي ولاتزعلي على طلاقك ان شاء الله يكون خيرة لك وبداية حياة جديدة وسعيدة بإذن الله اقبلي على الله عزوجل وافرشي سجادتك وصلي وانطلقي في حياتك مارسي كل الامور اللي كنت محرومة منها كوني علاقات مع صديقاتك واخرجي واتفسحي ومارسي هواياتك وادخلي في تحفيظ قران وشاركي في اعمال تطوعية واشغلي وقتك فيما يرضي الله عزوجل كوني علاقات اجتماعية جيدة تعينك على الخروج من التفكير السلبي ادخلي دورات تطويرية خصوصا دورات تطوير الذات التي تعيد للمرء ثقته بنفسه وتعينه على ترتيب اولويات حياته ووضع اهداف لها وجدول لتطبيقها الله يجبر كسرك حبيبتي والحمدلله على كل حال ودائما تذكري ان في كل محنة منحة حبيبتي وانت توك بعز شبابك والخير بيجيك ان شاء الله |
الف مبروووووووووك للاطلاق سراحك فما كنتي تعيشين فيه ماهو الا سجن ماهو الا مقبره للمشاعر والحقوق اسال الله ان يسعدك
|
اسال الله ان يجعل طلاقك خيراً لك
وان يعوضك خيراً منه انه قادر على كل شي اختي الكريمه بنت السعدي باين من كلامك انوو فيه بقلبك حب لطليقك حتى ما ذكرتي الا المشاكل التي حدث من خلفها الطلاق ولم تتطرقتي الي امور اكثر فرجل بما ذكرتيه اكيد ان له مشاكل كثيره وانتي اختصرتي او سترتي من اصاااااالـــتـــكـ يا اختي الكريمه المستقبل امامك انسي كل شي صار واعتبري نفسك مولوده من جديد اعتبري صك الطلاق شهادة ميلاد لكي واحمدي ربك على النعمه فانتي ولدتي من جديد ومعك الخبره الكافيه من الحياااه الزوجيه نصيحتي لك لا تنتظري المساعده من احد فالله هو الاحد اشكي لربك فهو يعلم ما بقلبك انتي كتبتي قصتك واذا سالك احد تكرريها له من باب انك تريدي الفظفظه او التخفيف عن النفس وهذا ينعكس عليك فانتي بكل شكوى لغير الله تزداد لديك بعض الواقف الاليمه وترسخ الحكايه في قلبك ولا تستطيعي نسيانه اذا لا تشكي لغير الله فالله هو الملجاء الوحيد |
اسأل الله العلي القدير ان يسسسسعدكم في الدارين انتم كل يوم تسسساعدوني في تخفيف مشكلتي ومعاناتي في النسيان << اهلي يقولون لي رح تنسين كل شي بس لازم فتره وانا احس انو صعبه هالنسيان مايجي بسرعه |
اسأل المولى ان يسسسعد كل من حاول التخفيف عنــي برده
|
ياحبيبتي اسمحي لي بالفعل اهنيك على الطلاق لانه إنسان الله يهديه لنفسه مايتحسر عليه ابد
هذا ردي لاحدى الاخوات ممكن يفيدك والله يعوضك خير يارب http://www.66n.com/forums/showthread.php?t=230948 |
الله يعطيك العافيه
|
هاليومـين بس ادور في المنتديات انو الرجل ينسسى ويقدر يعيش حياته
اعرف انو بعض الردود رح تقولون فيها خلاص انتهى كل شي اهله مازالو يتصلون علي ويكلموني وطليقي من مكه وانا من الشرقيه تصدقون لما اشوف الحرم في التلفزيون تخنقني العبره وودي ابكي اتذكر لما كنت هناك ومعاه وخصوصا الفتره الاخيره انه حاول يبطل كل شي اليوم اتصلت بنت اخته وظلت تتحسب على طليقي وتقول انتي نعمه ورفسسها وهو مايستاهلك ومريض فكرت اغير رقمي وايميلي بس مرح يغير شي احس اني مرح انسسسى ابدا |
غيريه وابعدي عنهم لأنهم يذكرونك فيه
وكل ما كلمتيهم جابوا لك طاريه خلاااااااص يحق لك تلتفتين لعمرك وتنسين كل شي كفايه تضيعين وقتك ودموعك الغالية على شي تركتيه وراك وساكن في بلد الله الحرام وهذي تصرفاته وفعايله ... يا ويله من الله |
ان شاء الله رح اتبع هالخطوه كخطوه اولى
ربي يعين ويسسساعد |
| الساعة الآن 01:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©