|
أخبرني بماسيكون لو توظفت فمارايكم هل أقدم على الوظيفه أم أتركها ؟
السلام عليكم
حبيت استشيركم في موضوع محيرني انا كنت بقدم على وظيفه بس ترددت ومحتاره زوجي قال اذا توظفت حصرف من راتبي وحلبس اولادي من راتبي والبس نفسي كمان وحتكون كل مصاريفي علي وهو ماراح يصرف علي انا لما قلي هذا الكلام فكرت اني مااقدم على الوظيفه لاني حسيت انه طمع في راتبي وانا باقي ماتوظفت ففكرت اني اترك الوظيفه وربي يعوضني اش تنصحوني ؟اجلس واترك الوظيفه؟ الله يخليكم محتاجه ارائكم |
وعليكم السلام
هل الوظيفه تستحق؟ هل هي رسميه؟ ومرتبها متوسط ؟ هو في الأساس لو كانت الزوجه تملك الملايين ، واجب على الزوج النفقه عليها وعلى الأبناء ، لكن ما المانع في ان تنفقي على نفسك من مرتبك ولكن الأبناء على والدهم أنتي لايجب عليك النفقه ، لكن أنتي تعرفين أن الرجال لدينا حينما تكون الزوجه موظفه يسحب يده من الصرف تماماً وكرم منه إذا كان يسدد آجار المنزل وتسديد الفواتير ، إذا كانت الوظيفه تستحق فحاولي ان يكون المصرف بينكم بالتفاهم ، إذا كانت الوظيفه لا تستحق اتركيها وسيعوضك الله خيراً بإذن الله |
جزاك الله خير اخي غريب والله ينورحياتك بالايمان يارب
الوظيفه رسميه وراتبها متوسط ولكن زوجي طمع في الراتب رغم ان راتبه حلو ومو محتاج لراتبي اخي غريب اخاف تصير مشاكل بيني وبين زوجي بسبب الراتب فمحتاره اتركها وربي يعوضني والا اقبلها واتحمل المشاكل |
أنا أقول حرام تضيعين فرصة وظيفه ، جربي فتره إذا كانت الأمور على ما يرام كان بها وإذا لم يكن تتركينها
والرأي لكِ في النهايه ، وأنتي أعرف بوضعك ووضع زوجك |
جزاك الله خير اخي غريب
|
شكله مايستغني عنك في بيته..
شكل زوجك مايبغاك تتوظفين عشان كذا اللي يسويه وسيلة ضغط في اعتقادي حاولي تجلسين معه وتفهمين منه وتتفقون اذا همه الراتب فمنتي مسؤلة عن النفقة في بيته واذا همه انه بيفقدك طمنيه واعطيه ضمانات والله يوفقكم |
زوجك مقصر معاكِ في المصاريف الحين ؟ حاسه إنك محتاجه للوظيفة بشده ؟ إذا لا فلا تدوشي راسك وتدخلي في معمة فلوسي فلوسك مسؤوليتك مسؤليتي إلا إذا كُنتِي محتاجتها بشدة ، فزوجك كان من البداية واضح .. وتوقعي جدًّا أنه مع الوقت مسؤولياتك راح تزيد وزوجك راح يسحب نفسه بالتدريج ... :: أعانك الله ~ |
الوظيفـه ياقلبي ليست سبيل للمـال فقط ,,,
لها ايجابيات بتوسيع مداركك اكثر واكثر وحلـو تلبسين نفسك وعيالك من عرق جبينك ,,,,,,,,,,, وقبـل كل ذا استخيـري والله يسهل امرك ,, |
وهو بيجمع راتبه وفلوسه لمين؟؟ اخاف تكثر فلوسه بعد ماتتوظفين ويروح يجيب عليك وحده ويصرفها من راتبه..
والحين قالك تشيلين نفسك وعيالك...بكره يقلك حتى اغراض البيت عليك انتي وبس؟؟مع استقطاع له من راتبك.. انا من رايي اذا انتي مبسوطه وزوجك مو مقصر معك بشي من ناحية الماده...كنسلي الوظيفه..عشان لاتدخلين نفسك في مشاكل.. اما اذا كان مقصر عليك وحارمك لا والله لاتتنازلين عن الوظيفه وقدمي باسرع وقت..وعادي اصرفي على عيالك هو ربي بيعاقبه لانه النفقه واجبه عليه وماالتزم فيها.. اهم شي ماتورينه فلس من راتبك..واتفقي معه من قبل الوظيفه انه مايطلب منك شي من فلوسك..طالما بيكون راتبه له لحاله اكيد مابيحتاجك.. |
شوفي اختي
زوجك ممكن يتزوجك عليك , يخونك , يطلقك , يبخل عليك بإختصار ممكن يقلب عليك بأي لحظة مافي شيء مضمون مع الرجال صح؟ وممكن لاسمح الله مثلا يتوفي ــ<< وش ذا الفال:d لكن وظيفتك هي صديقتك الصدوقة الوفية المخلصة اللي عمرها ماراح تقلب عليك ماتشوفين الا انواع الدلع كل نهاية شهر ههههههههه خصوصا اذا الراتب يسوى المال عصب الحياة , والوظيفة سند ووجاهه وارضاء ذات ....الخ نصيحتي , ماحد يستحق تضحين بالوظيفة عشانه توظفي وبعدين حاربي شوي وبتصلين لتسوية ترضيك انتي وزوجك ان شاء الله |
اللي هذا اوله ينعاف تاليه ..
لكن ؛؛ زوجك راضي انك توظفين والا ؟!! |
باين من خلال كلامك انو زوجك مايبغاكي تشتغلي وتنصرفي على البيت كتير ,’~
خايف لا تهملي حقوووقه وحقو البيت والاطفال ,’~ يبغا يررجع ويلاقي الغدا جاهز وكل شي جاهز ,’~ دآآ تفكيروو احتماااال .,~ دمتي بوود =) |
جزاك الله خير اخي مشكلتي زوجتي والله ينور حياتك يارب
احتمال كلامك صحيح وانه بالفعل بيضغط علي لكن الله ييسر اللي فيه الخير الله يسعدكم اخواتي ام عمروليه الغرور وينور طريقكم بالايمان يارب زوجي مو مقصر معاي الحمدلله جزاكم الله خير اخواتي عيوني تحكيني ومستقبل غامض |
الله يسعدك اختي شقرديه ويهنيك بحياتك يارب
زوجي بالبدايه كان رافض بعدين مع كثرة الزن رضي لكن لما حس اني بتوظف طلغت شروطه هذي وطلعت قصة الفلوس الله يسعدك اختي زهرة الرمان ويحقق امانيك يارب |
اذا انتي اللي رح تصيري مسؤوله عن مصاريف البيت وعن مصاريفك ومصاريف العيال
اذا الوظيفه مالها داعي لانه الراتب كله بيروح على هالمصاريف ومارح تستفيدي غير التوتر والعداوه بينك وبين زوجك .. طالما منتي محتاجه الوظيفه وماديا اموركم تمام وعلاقتك مع زوجك طيبه فبلاش تدخلي في متاهات وتوترات مالها داعي.. |
اسلوب زوجك ليطفشك من الوظيفة
انتي توظفي ولما ينحط تحت الامر الواقع بيتغير الحال وبيؤنبه ضميره ويصرف عليكي"اغلب الرجال بياعين كلام لانهم بيعرفوا المرأة بتتأثر بأقل كلمة" المهم وافقي بس ما تقصري في بيتك وحاولي وازني بين الامرين وإلا انقلب الموضوع ضدك |
إذا ما شرطتي عليه في العقد أنه ما يمنعـك عـن الوظيفـة .. من حقـه يشرط عليك أي شيء
أصلاً من حقـه يمنعـك عـن الوظيفـة .... والسؤال اللي يطرح نفسـه لك وللأنثويات اللي علقوا : زوجك مو مقصر معـك ... يعـني كريم مادياً معـك .. ماهو بخيل .. طيب ليش افترضتي سوء النيـة على طول وأنه طامع في راتبك ؟! ليش ما افترضتي حسـن النيـة أنه ما يتحمل البيت بدونك ؟! طبعاً أنا نصيحتي لك .. أنك تأخذيـن الوظيفـة طالما أنها لا تمنعـك عن دورك كأم وكزوجـة |
جزاك الله خير كرستاله والله ينور حياتك يارب
بالفعل انا فكرت مثل تفكيرك الله يجزاك خير اختي قهوه تركي ويسعدك يارب جزاك الله خير واقعي لحد الالم انا لم اشرط عليه بعقد الزواج وانا ماافترض سوء النيه هذا كان كلامه لما عرف اني ابغى اتوظف بعدين كيف مايتحمل البيت بدوني اذا هو اغلب وقته بالدوام وانا جالسه لوحدي كنت اتمنى الوظيفه عشان اضيع وقتي واتسلى لكن الله يعوضني باحسن منها انا بستخير والله يكتب اللي فيه الخير وجزاكم الله خير حبيت استشيركم لانكم اسرتي الثانيه وماخاب من استشار |
عن تجربه اللي هذا اوله ينعاف تاليه
انا متزوجه ومتوظفه من قبل لاتزوج وكانت فلوسي مكفيتني وزايده بعد الزواج ماتكفيني انا كلها لاهطها بعد ما تزوجت ومع اول راتب كثرت الطلبات وكثر تمسكنه عندي وصرت اصرف على نفسي وبنتي والشغاله وايجار البيت وهو يصرف على شلة الاستراحه والدخان وشيشه وياخذ مني ويعطي اخته وامه وزميله وكل من طلبه اعطاه (طبعا من راتبي) والا اذا طلبه احد (من راتبه) كان يتشكى من المصاريف ويا ويلي لو طلبت شي من حقوقي يتمسكن واذا مانفع انقلب لوجه ثاني شرس كريه اخذي ورقهوقلم واقسميها بالنص ايجابيات وسلبيات والله الرجال عندنا ما ينعطون وجه اذا ساعدتيه قال هذا من واجباتك والله اني اشوف حريم موموظفات عايشات احسن من الموظفات يصرف زوجها عليها وعندها شغاله ولبس من احسن ما يكون وحاسه بانوثتها صح والا الموظفه مثل الرجال كل شي عليها وزوجها سبير ما له اي معنى ولاحتى تحس انه رجال(تخيلي زوجك يقول عطيني فلوس ماعندي)!!!!!!!!!!!! ادري كلامي بيزعل الرجال لكن والله عن تجربه فكري زين واستخيري |
ياحبيبتي ياامراة من عالم1 الله يسخرلك زوجك ويحنن قلبه عليك انا هذا اللي مخوفني اصير اصرف على نفسي وهو يصير ياخذ مني يعني ماراح الاقي الا وجع الراس والمشاكل لكن الله يعوضني بشي احسن من الوظيفه
|
اقتباس:
وواضح جدا انه زوجك قصده بس يطفشك لو فعلا يبغى تصرفين عنفسك وعالاولاد وعالبيت ماكان قالها بهالطريقة كان قالها بأسلوب ثان زين ولو فعلا طمع في راتبك كان تقرب منك اكثر وشجعك عالوظيفة وماكان طلب منك كل هالمصاريف لانه بيعرف لما يقول هيك اكيد حتبطلي عن الوظيفة وانا بحكيلك تجربتي انا كنت بشتغل قبل الزواج وفترة الخطوبة كان دايما يحكيلي(مابحب يكون عنا في البيت كيسين) فهمته عأساس انه عيب احكي هاي فلوسي لانو مافي فرق بينا بس تفاجأت من اول شهر زواج انه قصده انو راتبي يكون معه،انصدمت من كلامه ورفضت فحكالي بكل بساطة اجلسي في البيت اذاً(كان واضح تهديد،عشان اعطيه راتبي) وانا اكره ماعندي جلسة البيت فقبلت بكلامه،لما شافني انصعت لاوامره شفق علي وأعطاني مصروف وكنت ادفع اقساط سيارتي مني كمان وياخد الباقي بس لما تحصل اي مشكلة بينا كنت بحكيله(انا بعطيك راتبي) طبعا هالكلام خطأ والاصول ما يطلع مني،بس (لما الرجال ياخد راتب مرته بالقوة فلازم يتوقع بأي لحظة تعايره بمصاريها) لاني كنت اعطيه من راتبي بمزاجه مش بمزاجي،وطبعا جبت المشاكل لنفسي الحين بعد ماربيت تركت الشغل،بس صرت استحي اطلب منه اي شيء..قبل كنت اتجرأ واطلب لانه عندي راتب بس الحين اخجل،ودايما يناقشني ميلون مرة اذا طلبت شيء من الملابس(يمكن عشان ظروفنا المادية وعنا كتير مصاريف)،وللحين يطلب مني ارد الشغل وأرفض واقول بنتي احق فيني،لانه واضح تعود عراتبي |
:* إذا هَـبَّتْ رياحُك فاغتنمْها = فإنّ لكل خافقـةٍ سكونُ ولا تزهَدْ عن الإحسان فيها = فما تدري السكونُ متى يكونُ وإن دَرَّتْ نياقك فاحتلبها = فما تدري الفصيل لمن يكون إذا جاتك وظيفة رسمية وقريبة فنصيحة لاتفوتيها وخاصة لو زوجك مقصر أو ماله أمان :* |
اقتباس:
ولكن فعلا الوظيفة الرسمية لاتفوت فهي ضمان لك باذن الله |
عزيزتي..
ما دام زوجكِ غير مقصر معكِ فاحتمال الطمع في راتبكِ غير منطقي وغير وارد .. وغالب ظني ـ كما قال بعض الإخوان والأخوات ـ أنه أسلوب تطفيش وتخويف حتى تصرفي نظر عن الوظيفة .. خاصةً أنه ـ كما قلتِ ـ لم يكن موافق على الوظيفة من الأساس .. يعني أبدى موافقة ظاهرية فقط حتى يخلص من زنك ;) .. وحكاية صرفكِ على نفسكِ والأولاد هي طريقة أخرى وأسلوب غير مباشر حتى يثنيكِ عن الوظيفة. وقد كان يمكن أن أطلب منكِ أن توازني بين إيجابيات وسلبيات الوظيفة وتأثيرها على حياتكِ الزوجية والأسرية .. ولكن حقيقةً ما دام زوجكِ رافض أصلاً للموضوع .. ولستِ بحاجة ـ قوية وملحة ـ للوظيفة فأرى أن تصرفي نظركِ عنه. |
اختي قهوه تركي الله يسخرلك زوجك ويهنيك بحياتك يارب
اختي سيده الموقف الله يسعدك بحياتك يارب زوجي مومقصر معايا الحمدلله والوظيفه موقريب اختي صحابة الصحراء الله يجزاك الجنه يارب بالفعل الرجال مالهم امان لكن الله يرزقني ويعوضني باحسن منها الله يسعدك اختي مهره ويتمم حملك على خير يارب انا قررت ان اصرف النظر عنها والله يعوضني يارب الله يجزاكم خير كلكم على النصيحه اتمنى من الاداره قفل الموضوع لاني استشرت اسرتي هنا في المنتدى واستخرت وقررت ان اصرف النظر عن هذه الوظيفه |
تم الاغلاق
|
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©