|
أريد افكار مناسبة لتغيير شعري بعد ولادتي
السلام عليكم ....
كيفكم ياحلوات ؟؟ حابة استشيركم انا قريب واولد ان شاء الله وتعرفوا الوحدة بعد الاربعين تحب تغير من شكلها ولون شعرها (هنا المشكلة ) انا يوم زواجي صبغت شعري اشقر رمادي وخصلتوا بالميش اللون مرة روعة لكن الحين اللون نزل نصه تقريبا يعني صار لون شعري لونين لون شعري الاساسي ولون الصبغة زوجي مايبغاني اصبغ يبغى لون شعري الاصلي ومو عارفة ايش اسوي مو حلو اطلع بشعر مقسوم ومااقدر اقص المصبوغ لانه حصير ولد ايش اسوي فكرت اصبغوا بلون يكون غامق قريب من لون شعري طيب بس اللون اللي تحت ميش اخاف يبان بعدين وماتصلح الصبغة الله يرضى عليكم اللي عندها افكار تقولي ولاحد يقولي سحب لون لانه راح يعدم شعري ......... استنى ردودكم |
:* عادي أصبغي بلون بني غامق راح يوحد لون الشعر تماماً وماراح أصلاً يبان المصبوغ سابقاً لأن الصبغة الغامقة تخفيه تماماً :* المهم أصبغي عند متخصصه لاتصبغي في البيت :* |
عندج حلين : 1- اما تحاولين تغيرين من أشياء ثانية في شكلج غير الشعر بعد الارعين , والصيغة تأجلينها لـ بعدين بعد ما ينزل الميش كامل .. 2- أو انج تصبغين لون كامل وموحد ولكن مثل ما قالت سيدة الموقف تصبغينه عند متخصصة علشان تعرف تضبط لج اياه شخصيا أرشح الخيار الأول لان الصبغات المتتالية تعدم الشعر موفقة عزيزتي ومبروك ما يـــــــااااكم |
أمممممممم مع أني ضد الصبغاااات نهاااااائي
بس بسااااعدك ياحلـوووة أنتي نظام شعرك قبل أشقر وفاتح خلي نظامك بعد الأربعين غييييييييير أصبغي ألوان غامقه مرررره مثل البني وأهتمـي بشعرك من خلال الماسكات والزيوت عشـان يكســب لمعــه وبتطلعيــن روووووووووعه |
أصبغي صبغه غامقه |
الصبغاات الغامقه هي الموضه
اصبغي بني شوكولاته حلو مره |
اختي
سيدة الموقف بارك الله فيك انا فكرت فيها بس خفت يفرق في اللون بس شكلي بسوي ان شاء الله زي ماقلتي الله يوفقك فاكهة السماء مشكورة على ردك بس انا صابغة من سنة ان شاء الله ماينعدم شعري عيوني تحكيني تسلمي على مرورك وافكر اسوي بني شوكلاتة لعيون نوف شكرا ياقلبي على ردك حطموك ياقلبي مشكورة حياتي على رايك انا افكر فيه مررررررررة لانه ابغى اغمق لون شعري بس خفت يخرب ولا شئ شكرا لكل من رد عليا |
ياحبيبتي الله يقومك بالسلامه انتي والطفل يارب ,’~
اصبغي لون غامق قريب من شعرك ولا تنسي تقصي اطراف الشعر كمان .,~ بني شكولاته جداً رائع بيدي الشعر لمعه جذابه .,~ الله يحفظك حبيبتي من كل شر ومكروه دمتي بأمان =) |
اصبغي نفس لون شعرك الطبيعي
يعني نفس الدرجه بالضبط .. وهيك بترضي زوجك ... وكانه لون شعرك طبيعي .. |
الله يقومك بالسلامة انت واللي في بطنك وانتم بأتم الصحة والعافية
تعااالي أقولك أنا كان في شعري خصل زيك كذا واتخلصت منها ومن اللون السابق بطريقة سهلة جداً جداً وغير مكلفه كمان عارفه الصبغات الطبيعية اللي بالأعشاب والحناء؟؟ هي ذي صبغته بيها وانتهت المسألة ولون مقارب للون شعري وكمان شعري صار صحي أكثر بس لا تصبغي بعدها بتاتا البتة على الأقل يمر ستة أشهر إذا مو أكثر وناسيه والله اسم هالصبغة.. بس إسألي انت عن نوعية ممتازة وعلى قولتهم اللي يسأل ما يتوهش واتبعي التعليمات المكتوبة بالتمام وبعدها كل ما تصبغي وينزل اللون تقدري ترجعي تستخدمي ذي الطريقة وهكذا موفقه يا عسل~ |
زهرة الرمان
الله يسعدك حياتي ومشكورة على ردك سندريلا الحب مشكورة ياقلبي على ردك العقد الفريد الله يوفقك يارب بس الصبغة هذه من فين اخذها يعني انا اسويها ولا اشتريها واذا اشتريها من فين ؟؟؟؟؟ طيب ماتخرب الشعر؟؟؟؟ لانه افتكر مرة بنات خالتي استخدموا صبغة طبيعية من حرمة وعدمت شعرهم نهائيا عشان كذا اخاف ...... طيب الصبغة الطبيعية اللي بالاعشاب ماتخلي الشعر اسود داكن لانه اخاف ابغى اصبغ بعدين ثاني ومايمسك اللون ......... بارك الله فيك اختي الله لايحرمني منكم |
/
وعليكم السَلامُ ورحمة الله وبركآته .. تولدِي بالسلامهَ يَاربْ و يغمركم المولى بالفرحة بِ المولود القادم.. بالنسبةَ لسؤآلكِ .. رآح آتكلم عن تجربة بحكم آني لي بآع متوآضع في هذَا المجآل ؛ مثل ما قالوا الأخوآت في بعضَ الردود الصبغة بِ الألوآن الغامقة .. استخدمي البني الغآمقْ .. إذا ودك تخفين اللون تماماً .. وفي الأخير قصي أطرآفه لأن الشعره بتكون نوعاً مآ تآلفه والقص ربما يُعيد له الحياةَ وحآولي تستخدمي conditioner بعد الآستحمام حتى يحآفظ على صحة الشعر ويبقى رطبْ .. وَ نعيماً مُقدماً . . |
الله يوفقك اختي بوح سماوي
ومشكورة على ردك ماقصرتي |
لا تسوينها ولا أحد يتدخل فيها
هي جاهزة جابتها لي أمي هدية بعد ما استخدمتها وعجبتها من فين بالضبط اسأل لك الوالدة وأجيب لك الخبر وأما تخرب الشعر لا لا لا بالعكس شعري صار صحي وحلو واللون يزول ما هو دائم يعني بعد فترة ترجعي تصبغي عادي والصبغة الطبيعية أفضل من الكيميائية مافي شك أما اللي من عند حريم ومدري ايش لا تاخذينه لأنك ما تعرفين وش مكوناتها ولا حتى تقولك لكن اللي تلاقينها في المحلات كاتبين عليها المكونات ومجربه من الناس وأنا استخدمتها بنفسي يعني لو خربت شعري بدلك عليها:24: وكان ودي أكررها بس تعرفين احنا ناس نبغى شي على طول سريع تظهر نتايجه وهذي تاخذله نص يوم على شعرك إذا مو أكثر عشان كذا اكتفيت بالنتيجة الأولية وهي صار لون شعري واحد |
سألت الوالدة الله يحفظها وقالت انها جابته من عند العطار
وعلى فكرة تقدرين تجربينه على خصلة بسيطة من شعرك أفضل وإذا ناسبتك كمليها على شعرك كله // \\ // بالتوفيق |
الله يوفقك يااختي العقد الفريد
|
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©