|
ماهو نوع الهديه اللي اخذها معي لخطيبتي في اول زياره لها..؟!
السلام عليكم
يااخوان وبالخصوص الاخوات ياريت تفيدوني وتنصحوني عندي زياره قريب لاهل زوجتي ويعني "الزياره لزوجتي" اش الهديه اللي اشيلها معايا هل اشيل هديه لها خاصه ام هديه للبيت بشكل عام "يعني طبق حلى" يابنات اش اللي تتمنوه وانا الصراحه ودي تكون الامور تلقائيه وبطريقه طبيعيه يعني هل هناك اشياء تتمناها البنت من الشاب وبالذات في اول زياره لان اللقاء الاول يمثل 70% من الانطباع الشخصي وانا الصراحه متخوف من المرحله هاذي لاني اتمنى ان تكون الامور تحت السيطره لااريدها ان تصل الى مرحله الملل او مرحله المبالغات او مرحله التجمل الزائف بغير معنى ياريت يابنات ان تفيدوني بشكل عام في هذه الخطوه وياشباب افيدونا بتجاربكم وشكرا للجميع |
بماذا فكرت أنت ؟
كم عمرها ؟ هل لديها جوال ؟ |
انا افكر اني اشيل معي صحن حلا وتكون حاجه حلوه وللكل
وودي تكون بسيطه لاني ماحب المظاهر ولا ابغى اجيب ترجع هي تجيب شي فخم ونرجع في موضوع المظاهر الزائفه ودي تكون الامور بلتقائيه وعفويه باكبر قدر ممكن وشكرا |
هل سبق اهديتها شيء بالملكه
|
صحن الحلا أخي الكريم سيكون هدية عامة للجميع
اما الهدية الخاصة فهي تمثل مشاعر خاصة منك تجاهها الهدية ليس فيها تكلف انما الهدية فيها تقريب للقلوب كما قال صلى الله عليه وسلم : تهادوا تحابوا ستقدر هديتك جدا وستتفاخر بك بين قريباتها وصديقاتها بأن لها زوج يهتم بها ويحبها |
اختي فاكهه السماء وضحي مثلا اش من هديه
يعني لو حبيت اخذ لها ساعه نسائيه ساعه صغيره ودلوعه اش من ماركه تنصحوني او اي هديه ذات قيمه عند البنت |
مآ انصحك تجيب صحن حلآ أو جيب معآها هدية ثآنية
وليش مآتعطيها هدية فخمة ؟..مو هيآ زوجتك ورفيقة دربك (= جوآل أو آي باد أو جلكسي تــآب هآذي هدآيا قيمه وتعجبنآ أو بوكية ورد+ سآعة حلوة من swatch او من محلات قزاز الهدية لهآ تأثير كبير على البنت ومنهآ بتحكم على كرمك وبمــآ إنها اول زيآرة جيب لهآ هديه قد المقآم مو شيء بسيط:@ |
وعليكم السّلام حلو أنك ما تفكر بالمبالغة . خذ لك باقة ورد وشغلة نسائية خفيفة . عندك محلات سواتش فيها اكسسورات حلوة والساعات روعة وعليها القيمة وحتّى علب الهدايا عنده جميلة . على فكرة أنا شرت على أخوي هالشور وأمي فشلتني لإنها تقول عيب تهدي خطيبتك اكسسورات :26: فأنا اقول لك رأيي وهو ممكن يكون صح و ممكن يكون خطأ والله يوفقك |
ما عليه اخالفك الرأي صبا
اما تهدي ذهب او شيء قيم او لا تهدي خاصة كأول هدية لك |
مع ذكريات اما هدية قيمة او لا صبا كلام الوالدة صح والاكسسوارات ابدا غير معبرة ومحرجة لها امام اهلها ;) اخي الكريم هديتك الاولى الكل سيأتي ويراها من أهلها وسيتكلمون حولها فاشتري شيء عليه القيمة لأن الكل سيتحدث بهداياك لها |
لازم شي حلو
لانها اول هديه والكل بيتكلم عليها مثلا ساعه او خاتم ذهب بالتوفيق |
الهدية الاول تترك انطبع حلو عنك
وهي تكون علي حسب امكانياتك ممكن عطر +تعلقةاو ساعة ماركة بربري او شنل او دولتشي اند غابانا وصحن حلا بكذا حتكون ذواق |
اخوي لاتاخذ كلام الناس بالاعتبار
شوف الشي اللي تشوفه مناسب وقد امكانياتك انا اعتقد طقم الذهب يقدم في الملكه ولا انا غلطان ان كان ساعه فانا اشوف ماركه غير سواتش لانها سارت مستهلكه شوف ساعه من ماركه " جيس " او " ويندر جين " عندهم تصاميم حلوة بالنسبه للنسائيه وفي حدود 700-800 ريال تستاهل لزوجتك |
ياخوان كلام الجميع محل تقدير واعجاب
ولكم الشكر لكن االفكره بان اول هديه يكون التوقع للهديه التي بعدها اكثر من الاولى وكذالك افكر بان تكون اول زياره بهديه عباره عن صحن حلا وبعد ذالك في الزياره الثانيه افكر في حاجه شخصيه لها بعد كذا زياره الحقيقه هناك حيره ونسال الله ان يلهمنا رشدنا |
بما إنها أول زيارة وأول هدية يعني بتكون لها ذكرى خاصة
بوكيه ورد + ساعة من سواتش أو بوكيه ورد + جهاز موبايل |
طيب ايش رايك بوكيه ورد احمر + علبة شوكلاته فخمة من شوكلاين او من قصر الشوكلاته او كراميل او اي محل على ذوقك
وياحبذا تكون على شكل قلب يعنى تفنن فيها واذا تقدر تضيف خاتم او تعليقة بسيطة خير وبركة اما انك تدخل بصحن حلا كانك جارتهم داخله عليهم بصحن حلا. سوري بس لازم هديتك تفرق عن غيرك |
طقم ذهب هدية الملكة بالنسبة لكلمتك الهدية الثانية أغلى من الأولى هذا الكلام غير صحيح تاخذ معك صحن حلى ذوق هدية للجميع بالنسبة لزوجتك اذا اهديتها من قبل طقم ذهب فالهدية الثانية تكون جوال او ساعه يعني هذه الزيارة جوال الهدية اللي بعدها ساعه الهديةاللي بعدها طقم عطر الهدية اللي بعدها قطعة قماش مع شنطه على نفس لون القماش مع الحذاء اوهكذا لا تقول مبالغه لا هذا اسمه كرم و وواجب اجتماعي وهذا الشي يعكس شخصيتك وطريقة تربيتك موفق |
لاتاخذ صحن حلا
ماتمون ع الناس انت صحن الحلا ياخذونه الناس في الزيارات العادية اذا تبي تذوق اهلها من هديتك ممكن تشتري شوكلت راقي من باتشي او من جوي , وتغلفها تغليف حلو + بالنسبة للبنت هديتها حسب الميزانية اذا ميزانيتك حلوة جبلها ( ساعة ماركة قوية روح الحميضي ويوريك او جهاز جوال راقي او اي باد ) اذا ميزانيتك تكح جبلها (باقة ورد + مجموعة جسم ) ( ساعة ماركة متوسطة + عطر ) اكتبلها كرت حلو اهداء ونصيحتي لك لاتبخل عليها اذا عندك خصوصا هذي اول هدية واول زيارة , بعدين اقعط بكيفك ههههه موفق |
اقتباس:
اما زوجتك بتقول هآذا اللي قدر عليه..حلا !!:19: إنتآ كآتب إن اول لقاء يأثر بنسبة 70% ..يآرجل اثبت جودة أول لقاء! >> عصبت:19: أكرم زوجتك الله يجزاك خير |
اقتباس:
اما صحن حلا جيب الهديه المعتبره وخلي الانطباع الاول عنك حلو زي انك راح مقابله عمل مو لازم تترك انطباع حلو هنا من باب اولى |
اقتباس:
واعذرني .. فحكاية صحن الحلا غير لطيفة .. وبالفعل كما قالت الأخت يا ربي رضاك .. كأنك جارتهم داخله عليهم .. يعني اسمح لي هي أساساً حركة نسائية ولم أسمع عن رجل يذهب في زيارة .. أي زيارة بصحن حلا!! الجماعة ما قصروا واقترحوا عليك اقتراحات مختلفة .. انتقِ منها ما يناسب إمكانياتك وميزانيتك .. ومعها بالطبع باقة ورد معتبرة. |
على فكرة توني انتبهت للفظة صحن حلى
بالي راح لسلة حلاو مثل الباتشي وشوكولاين وهالمحلات ... لالا أخي اياك تفعلها سالفة صحن الحلى هي مثل ما قالت مهرة عادة نسائية .. أخي الكريم نقطة أهمية الهدية الأولى لأن لها أثر نفسي على الزوجة .. تخيل جبت لها مثلا صحن حلى أو هدية أي كلام , وبدأت التعليقات تتوالى على مسامع زوجتك وهي تسمع , ماذا تتوقع ردة فعلها , وكيف ستكون نفسيتها تجاهك ؟ كما قالوا الاخوة الانطباع الأول هو الأهم ,فبدل ان تسئ لصورتك وهي نقية بهدية غير لطيفة , ثم تحتاج لان ترمم وتصلح ما أخطأته , ابدأها من البداية صح ... ممكن تجيب هدية منوعة عبارة عن : ساعة + عطرين تضعها ب سلة حلاوة خفيفة + ورود أو مجموعة عطور بسلة ورد أو جوال , اي باد , ...الخ الحاصل أنك ليس كل زيارة ستقدم هدية وستكون الهدايا بين فترات , فبيض وجهك من البداية اسمع النصيحة لن تندم وألف ألف مبروك:14: موفق |
شوف أخي الكريم هالتغليف كيف خلى الهدية لها القيمة مع أنها عطور فقط
http://filaty.com/i/910/74110/red2-2.jpg او هذا http://i49.tinypic.com/iei0eu.jpg او هذا http://i48.tinypic.com/24njtoy.jpg يلا شد حيلك وفرح عروستك |
| الساعة الآن 05:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©