|
أيهم أفضل لقضاء فترة النفاس بمنزلي او عند أهلي ؟
السلام عليكم ......
كيفكم يااحلى عضوات المنتدى ؟؟ يابنات ابغى اسالكم ايش افضل الوحدة تقضي فترة النفاس في بيتها ولا في بيت اهلها ؟؟؟ انا بكرية وهذا اول نونو ليا ان شاء الله ومو عارفة زوجي كان رافض بتاتا اني اقضيها عند اهلي وبعدين واحد من جماعته نصحه انه عند امي احسن لان امي ادرى فيا وكذا وافهم بعدها وافق انا الحين يوم قرب الموعد حاسة اني رافضة ماابغى اروح عند امي احس بيتي اريح وبصراحة غرفة الضيوف حق امي صغيرة وانا غرفي كبيرة وواسعة واحنا ضيوفنا كثير اهلي يبغوني عندهم انا ماابغى مو عارفة ليش .... ماابغى اترك زوجي لحاله واربعين يوم كمان انتو ايش رايكم بالله انصحوني ؟؟؟؟؟؟؟؟ |
وعليكم السّلام أعتقد المسألة راجعة لك لو كنت منتي بمرتاحة خليك بيتك . بس كيف يعني بيجك أحد ويقوم فيك ولا كيف ؟ لإن صعبة يكون معك شخص واحد بس ! أقصد طيلة اليوم مو بس فترة وجود الضيوف . الله يهون عليك |
بما إنه أول طفل لك رح تكوني جاهلة بأمور كثيرة والدتك أعلم بها مو معقولة كل شوي تتصلي بها وكذا
بعدين ليه ماتروحي وتتدللي وعالأقل تشتاقي لزوجك بس عااااد لاتطولين عندهم عشرين يوم بالكثير وارجعي لبيتك فيه حل ثاني بما إنه إنتي تقولي غرفك أكبر أمك تجي عندك فترة النفاس وتساعدك وكذا تسمعين كلام زوجك وامك تقوم بواجب الضيف لاتنسي الإستخارة موفقة |
لا روحي لامك احسن لك
بعدين ما يبي لك كثر حركه وبتعتمدين على زوجك بترتيب البيت في شغلات الرجال ما ينتبهون لها روحي عند امك افضل لانها بتهتم فيك ومن ناحية زوجك ما عليك كلها اربعين يوم وترجعين له الله يسهل امورك |
مشكورات ماقصرتوا
ياصبا وروح المساء وحطموك ياقلبي الله يوفقكم انا ساكنة في نفس العمارة اللي ساكنين فيها اهل زوجي هما فوقي وفي اخته وامه الله يحفظها وماشاء الله ماراح يقصروا وامي خمس دقايق مسافة الطريق وهيا عندي ان شاء الله بس انتو ايش تشوفوا احسن يعني ممكن بس فترة الصباح اكون وحدي من الظهر اخت زوجي تكون عندي وعلى العصر امي واخواتي عندي انتو ايش رايكم ؟؟؟؟؟؟؟؟ انتظركم |
اذا تمونين عليهم مررررررره
عادي لكن اذا لا روحي لامك احسن مع اني احس الاهل غير يعني ماراح تستحين تطلبين شي وبتاخذين راحتك احسن وعاد انتي ادرى باللي يناسبك |
نصيحه مني وانا عندي 3 اخوات متزوجات والله روحي عند اهلك وتدللي بيتك مالك الا التعب
وعلى قولتك اول ولده لك يعني لسع مو عارفه شي وترى كل الحريم يشتكون وندمون انهم ماجلسوا عند اهلم وادا على زوجك يكون احسن تكوني بعيده عنه فتره يشتاق لك واستغلي الفرصه وترجعي ليه عروس جديده ولايحس انك تغيرتي بعد الوالده راي اتمنى تتقبليه برحابت صدر ربنا يوقومك بالسلامه ويتمم عليك السعاده طول عمرك. |
مشكورين حبايبي الله يوفقكم على ردكم
|
والله ما ادري بس على حسب اهلك وظروفهم وزوجك وظروفك انتي
الله يقومك بالسلامه |
ان شاء الله تقومي بالسلامه
وخليكي في بيتك ... احسن وبتاخذي راحتك على الاقل ما في حد يزعجك .. يعني الافراد كثار بالبيت ومافي هدوء عندهم الله يحفظهم .. وامك بتشكشك عليكي وقت فراغها .. واهل زوجك ما بيقصرو اابدا وزوجك مو حلوة يبقى لوحده 40 يوم جدا ثقيله وحلو تعيشو التجربه سوا بالاخص انه اول بيبي بالتوفيق ... |
اول أسبوعين ببيت اهلك و الباقي ببيتك ..
|
ربنا يقومك بالسلامه ويتمم عليك .
|
روحي بيت اهلك ووقت ما تحسي انك استعدتي عافيتك وتعلمتي على البيبي ارجعي لبيتك فورا
|
اسبوعين ببيت اهلك و بعدين ارجعي بيتك
الله يقومك بالسلامة |
عزيزتي انيسة الروح ,’~
يُفضَل ان تكووني في بيت أهلكِ ,’~ لأنك بتكوني وقتها تعبآآنة خصووصاً هذا اول طفل لكِ ,’~ فرآآح بتلآقي المساعدة من قِبل أهلكِ والعون باذن الله تعالى ,’~ الله يتمم لك حملك على خير ,’~ دمتي بووود =) |
:* نفس كلام الأخوات أسبوعين جداً كافية ببيت أهلك وبعدين أرجعي لبيتك :* وإذا زوجك يحب البيبيات الصغننين بتعيشي جو حلو وبيخفف عليكِ تعبك وعشان تعتادي على التصرف مع الصغير بمفردك بدون الإعتماد على أمك :* أعرف بكريات بعد الأربعين رجعو لبيوتهم وأتورطوا مايعرفوا كيف يتعاملوا مع النونو :* |
اقتباس:
:* أنا سعيدة جداً أني شفت معرفك يارب تكوني الآن أفضل أنتِ وأسرتك وإن شاء الله المولود الصغير بخير هو وأخوه :* |
شوفي ياعزيزتي
اهتمي في صحتك الآن وغذي نفسك لأن بعد الولادة تصير علوم ثانية ولازم تكونين قوية وصحتك تمام عشان تقضين النفاس في بيتك وتقدرين تقومين بنفسك وطفل صغير معك وخليك على العسل الأصلي كل يوم ملعقتين بالإضافة لسبع حبات تمر مع كاسة حليب دافي أما الطبخ و الضيوف وترتيب البيت أهلك يقدرون يقومون بهالأمور والله يسهل عليك ولادتك ويقومك بالسلامة ويرزقك بالطفل الصحيح السليم والمعافي |
اشكر كل من رد عليا
الله يوفقكم ويفرج همومكم ويخليكم لناس تحبكم انا قررت خلاص باذن الله اني راح اقضي فترة نفاسي في بيتي ان شاء الله صراحة اريح لي واهدى وراح ارتاح اكثر امي قالت بتجي عندي دايما الين اوقف على حيلي لانه بيت اهلي قريب مني وبنات خالتي ساكنين جنب بيتي بينا دقيقتين بالسيارة قالوا بيجوا كل يوم خصوصا وقت مايجوا الضيوف يرتبوا البيت وينظفوه ويجهزوا وام زوجي الله يسعدها قالت احنا بنوقف معاك ان شاء الله في كل حاجة ونتساعد في كل شئ لاتشيلي هم ومرت خالي ماشاء الله قالت عليها الضيافة من معجنات وكل شئ فحسيت ان الحمد لله ماراح احتاج شئ ان شاء الله فبيتي اريح ان شاء الله وادعولي معاكم والله يسعد كل من دخل موضوعي ورد |
اقتباس:
الله يعينك ويقومك بالسلامه ,’~ يغلق الإشراف |
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©