|
الاتصالات اثناء فتره الملكه
السلام عليكم
اخواني واخواتي طبعا ودي ان استفيد من ارائكم واستشارتكم وتكون موضع نقاش وحوار يعلم الجميع بدايه فتره الملكه بعد العقد وبعد اول زياره كيف يكون الشخص متحمس ومتلهف للمكالمات وانا الصرااحه قد تكون فتره بين عقد النكاح والزواج حوالي 8-10 شهور والصراحه اني متخوف كثيرا وماودي اكثر مكالمات حتى لانمل من بعض لا سمح الله وفي نفس الوقت يعني ودي اخلي المكالمات اسبوعيه ومن الصعب ان اصبر وخايف اكون مجحف فاشيروا علي باركم الله فيكم واش ارائكم حول موضوع الاتصالات وشكرا |
مرة بالاسبوع جدا رائع
والاحسن تكون مكالمة استكشاف فكر وشخصية من جهتك وجهتها بدل ما تكون كلها غزل ! لاحقين عليه ولو تقدر تقصر الفترة يكون احسن الله ييسر امورك يارب ويجعلكم قرة اعين لبعض |
كيف يعني اقصر الفتره
اذا كان قصدك فتره الملكه فيعلم الله اني ماكان ودي اخليها اكثر من 3-4 شهور لكن الحمد لله على كل حال ماكل مايطلبه المرء يدركه .....وتاتي الرياح بمالاتشتهي السفن ياريت ياخوان اذا احد طولت فتره الملكه تبعه سواء شاب او فتاه ان يقولنا السلبيات حتى نتحرص منها والايجابيات حتى اتصبر واسلي نفسي بها ولكم جزيل الشكر والتقدير ودمتم بخير وفي حفظ الرحمن وشكرا |
من ناحيتي اشوف المكالمات عاديه جدا
وحتى لو تكلم يوميا مافيها شي وعلى فكره المكالمات اوقات تكون نعمه عشان تتعرف اكثر على الشخص اللي بيرتبط فيك وتشوف اذا تقدر تستمر معه او لا بالنسبه لي اؤؤيدها بشدة لان لو الله ثم هالمكالمات ما كان عرفت خطيبي ولحقت على عمري قبل لا اطيح صدق وجهة نظررر |
انت اقدم ع الموضوع وشوف وش يطلع معك
يمكن تتعلق وتتوله ومهما نصحناك بتصير 24 *24 معاها ويمكن العكس, تكونون رسمييمن وماتدخلون في بعض كثير وبالتالي تصبح المكالمات اقل تلقائياً |
حطموك قلبي
الكلام اللي قلتي عليه عين العقل وجيتي على الجرح لان المشكله تعرف وتنتهي في فتره الملكه افضل بكثير من ان لاتعلم وتظل موجوده وتجنى ثمارها بعد الزواج ومااسواها من ثمار وعموما نسال الله التوفيق والسداد |
خليك زي ما انتا يا اخي الكريم
لا تخطط للمكالمه ولا لاوقاتها خليها عفووووووية زي ماتجي تجي فترة الخطوبة احلى واجمل ايام العمررر ليش نخلي حواجز بيننا وبين شريك حياتنا ؟ عادي كلمها وانبسط وحتى لو سارت حزازيات بينكم الامر جداً طبيعي راح تتصالحو وترجعو احسن من اول (( الله لا يجيب لكم ولنا الشر والمكروه يارب )) . وعلى انو راح تمل منك او تمل منها دآآ كلو على حسب كلامكم ونوعو يعني لو مثلاُ كلمتها وهيا ساكت وانتا ساكت !! أكييييد بتملوو وحتطفشوو أما لو كل شخص اتكلم واتحاور وقال يللي بنفسو بطريقه حلوة ولايقه ما اعتقد انو بيكون في ملل ,’~ والله يوفقكم ويتمم لكم على خير =) |
عليكم السلام.
انا لا اؤيد كترة المكالمات لانها تجلب الكتير من المشاكل وسوء التفاهم. اكلمك عن تجربة لان محدتتك فسخت خطوبتها بسبب كترة المكالمات وبالتالي كترة الحساسيات وسوء التفاهم. |
أنا ملكتي ستستمر ثلاث سنوآت إن شاء الله
اخذت احتيآطاتي طبعآ لتفــآدي الملل ونجحت الحمدلله وهــذه بعض الطرق بإمكــآنك الإستفاده منهآ: اتفقت معه على يوم محدد في الاسبوع نتكلم فيه ونلتزم به قد يطول أو يقصر (تلك المكآلمة استغلها تماما في اكتشاف شخصيته وطريقة تفكيرة وتعامله مع النآس..) (قد يتخلل الاسبوع بعض الاتصالات الخفيفة القصيرة لسؤال عن الحآل او التعبير عن الإشتياق) بالنسبة لرسآئل الجوال فهي بدون قيود قد ارسل اليوم خمسا وغدا عشرين وبعده لآشيء! ..و هكذا من نآحية الزيآرات وبمآ أن ملكتك طويلة أنصحك أن تجعلها مرة كل شهر ( اغلب الفتيآت لآيحبذن الزيارات الكثيرة والمتوالية -وإن اظهرت اشتياقها لرؤيتك - لأنها ستبذل مجهود كبير في كل زيارة من نآحية اللبس وتحضير الوجبات , وقد يتضايق اهلها من زياراتك الدآئمة) انبرآشة: بآرك الله في من زار وخفف :d في الأخير انصحك نصيحتين سمعتها اليوم من مختص: 1- ادرس نفسية المرأة بصفة عــآمة 2- ادرس شخصية خطيبتك بصفة خآصة والله يوفقكم بحياتكم وجميع المسلمين (= . |
أنا أؤيد وبشدة المكالمات في فترة الملكة... المرأة إنسان عاطفي بالدرجة الأولى.. يعني مرة كل ثلاث أيام حلوة كثييير... عن تجربة أنا مملكة وزوجي لا يتصل كثيرا مما يجعلني عصبية وأحس بجرح كبيييير :(... الله يكون في عون الزوجة التي لا يتصل بها زوجها...:21:
|
انا افضل المكالمه في كل يوم او اي وقت حتى تعرفوا بعض وتتقربوا من بعض اكتروبذلك راح يكون الحب اقوى وقليل جدآ من الزيارات لانهاراح تحرجها يعني اذا كانت انسانه حيويه بزياده..
الله يوفقكم ويجمع بينكم على خيرعاجلآ غير آجل ويرزقكم بالذريه الصالحه |
حلويكون في البدايه يوم ايه ويوم لا لحد ماتتعودون على بعض بس ماانصح تققلل مكالماتك لهاا الى بعد ماتتعودون على بعض وخلاص كل واحد فهم الثاني حلو تكوون مرتين بالاسبوع حتى مايكون فيه ملل الله لايجيبه بينكم
|
المكالمات فترة الملكه مهمه ولكن بحدود ( الحدود في عدد الاتصالات و مدتها والمواضيع التي تتحدث عنها) أنصحك بالابتعاد عن عتاب خطيبتك مهما قصرت خاصه في اول شهرين لانها ستكون خجوله بالفعل كثرة المكالمة ستسبب الملل وتقتل الشوق موفق إن شاء الله |
حبيبي تبي رايي المكالمات اذا بدات فيها فانت بين حالين
اما ان تكون خطيبتك مندمجه معك بالسواليف وبكذا والله لو الاتصال مجاني وعندك وقت 24 ساعه تتكلمون وان صارت مش مندمجه نفسيتك تتعب نصيحتي خل البداية مسجات بس لاتكلمها ابدا لان هذا يريح نفسك من ناحيه ومن ناحيه ماتغرق بالمكالمات ,,, اذا تعودت عالرسايل باذن الله لن تحتاج المكالمات لكن احرص ان تشحن لها لكي ترد عليك بعد ثلاثة اشهر ابدا بمكالمه اسبوعيه خلها الخميس مثلا وحاول انك تكون رسمي فيها يعني سواليف الزواج والتحضير له وبعد مضي ستة اشهر افتح المجال للي تشوفه حتى لو يوميا مقصودي ان البدايه خلها رسايل وبعد كذا سو اللي تبي لانك تكون متزن وعقلك براسك والله لو تبدا بالمكالمات ماتبطل منها ولا تقدر تخفف ولا شيء وحقيقة هي مهمه لكن يكفي شهرين بس وبين لها سبب قلة اتصالاتك والله يوفقك |
عموما اشكر الجميع على مشاركتهم الرائعه
والصراحه انا ودي اخلي الاتصال اسبوعيا(وهذا صعب) والزيارات كل 3 اسابيع مره(وهذا اصعب من اللي قبله) لان فتره الملكه يمكن تطول فياريت تفيدوني في امري ياهل التجارب والحكم وسؤال للاجمل مافي الكون جنس البنات هل من الممكن ان تتصل الفتاه على زوجها اثناء فتره الملكه ام ماذا اشعر اني سافرح كثير بمثل هذا من اتصال وعموما ارجوا من الجميع ان يقول امين اللهم اسعد كل زوج وزوجته وارزق كل عزبا زوج له وزوجه له واسعدنا يارب وسددنا اللهم دبر لنا الامور فانا لانحسن التدبير واختر لنا من الامور اخيرها وافضلها فانا لانحسن الاختيار يارب انت العالم فحمدا لك ان جعلتنا ندعوك ولانلجا لاحد سواك فا يارب لاتدقنا الم بعدك فانا لانقدر ولاتصرفنا الى سواك فنضل يارب اقض حوائجنا ياكريم |
ايه ممكن تتصل ليش لا
بس اكيد كل فتره وفتره لانها تستحي والله يوفقك ويرزقك الزوجه الصالحه اللي تعيشك براحه وسعاده وهنا وتحسسك بالاستقرار و تتفاهمون وتحبون بعض و >>برا حطموك زوديها هع |
اللهم آميييييييييييين تقبل الله دعائك أخي مبروك الخطوبة وعقبال الزواج قريبا ان شاء الله بالنسبة لي اتفقت انا وخطيبي على الاتي: المكالمات شهريه (مره كل شهر) لمدة ساعة تقريبا واحيانا تكون في ايام متقاربه اذا فيه موضوع مهم لكن المكالمه لا تزيد عن نصف ساعه اتفقنا ان الاتصالات عليه هو يتصل و المسجات علي انا هههههههههه وهو يرد احيانا على مسجات بس اغلب المسجات مني انا اتصل عليه في الضروره القصوى واذا طول ما كلمني (فترة خطبتنا سنه بس ممكن تصير سنتين لظروف) (انا ازعل اذا طول ما كلمني وما اعطاني خبر واذا ارسلت له مسج يتطلب الاجابة وما اجاب عليه واذا صار حدث في عائلتهم كبير وما خبرني ) اتمنى اكون افدتك |
فكرتك جداً جميله بالاسبوع مره اشوف انها ممتازة جداً ، اعتقد اننا في تطور وطلعت اجهزة متطوره
يعني عندك البلاك بيري عندك الويتسب بالايفون او الجالكسي ممكن تكون دردشه بينكم وتحدد يوم فيه تكون فيه المكالمة ولا تشيل هم المكالمات إلزم ماعليك تخلص امورك من ناحيه الاثاث والمطبخ وغيره موفق خير والله يتمم عليكم ويوفقكم يارب ويجمع بينكم بالخير |
ما أنصح بها أبداً أنا صار لي مواقف كثيرة نادمت عليها بسبب المكالمات التي بين الملكة والزواج |
السلام عليكم اجمعين وشاكر مروركم الكريم
لعيون نوف الا تري ان الفتره طويله مكالمه كل شهر اشوف انها كثير وبعدين هل انت في فتره خطوبه ام هناك عقد شرعي بينكم وهل هناك زياره ام فقط مكالمات والصراحه ياختي لما تكون الفتره طويله ترى التحكم يكون صعب في امور كثيره والله المستعان يعني تصدقي لو انا كنت متاكد ان الفتره بين الملكه والزواج حتكون اكثر من 6 شهور كان اجلت العقد واخليه قبل الزواج في حد اقصى 6 شهور لان الفتره حرجه وصعبه وانا اختي الكريمه لااقصد تخويفك وانما انا هنا افضفض عن نفسي فكلامي يحتمل ان يكون خطا اكثر من اي صواب والله المستعان وبالنسبه للاحوذي ياريت تقلي اش المشاكل والاشياء التي انت نادم عليها ياريت تفيدنا هي تجربه خلينا نستفيد حتى لانقع في مااخطات انت فيها وانت الان نادم عليه وشكرا |
أخي الكريم
انا مخطوبة بعقد شرعي ربما فترة طويلة كل شهر مره لكن انا بالأول كنت أخجل منه ومن طبعي ما أحب أتكلم كثير والحمدالله هو مثلي تماما ما يحب يتكلم كثير , وانا مشغولة بدراستي ودوامي وهو مشغول بعمله فكان الانسب لنا مكالمه كل شهر وتواصل مستمر بالمسجات مرتين في الاسبوع تقريبا والاميلات دائما. بالنسبة للزيارات لا توجد زيارات لان هو بمدينه وانا بمدينه أخرى (زيارات جدا قليلة) أنصحك : لا تصير دقيق في كل الأمور , الحرص جيد بس في حدود. لاتخشى من المشكلات والزعل عادي تصير معنا كلنا لكن اهم شي اسلوب التعامل مع هذه المشاكل فترة الملكه مهمه لتتعرف على شريكة حياتك قبل ان تدخل لبيت الزوجية ومهمه لتعلم وتفهم شريكتك ما تحب وما تكره وتفهم منها ماذا تحب وماذا تكره . الله يفتح لك أبواب رزقه ورضاه وييسر أمرك ويوفقك لكل خير |
آآآآمين ويرزقك
|
السلام عليكم ورحمه الله وبركاته
انا اويد وبقوه ولكن بحدود على ان تكون لمعرفه بينهم والمناقشه |
انا متملكه من ثلاث شهور
وباقي اقل من ست شهور ع زواجي مالنا شي محدد لابمكالمات ولامسجات صح ان امي تبيها بحدود بس انا ماشفت منها ضرر شي حلو اني افهمه وافهم تفكيره واتاقلم عليه ويغرقني بكلامه الحلو ويشوقني له وبنفس الوقت امي خايفه تكون بيننا مشاكل بسبب المكالمات بس شي طبيعي النقاشات والزعل لكن ماراح توصل للطلاق باذن الله متناقشين متناقشين سواء مملكين او متزوجين يعني صح ازعل لاشفت فكرته غير او انقهرت منه بس كذا والا كذا راح نتناقش ويصير لبس بينا هذي طبيعة كل العلاقات مع اني متخوفه من الكلام اللي دايم يقال كثرة المكالمات تجيب المشاكل وانا ماجزم لابصواب ولاخطا كلامهم مازلت تحت التجربه الله يوفقنا والجميع يارب بالنسبه لسؤالك اتصل عليه ماتصل عليه الا اذا فجاة اختفى من الواتز وانا اتكلم معه انتظره شوي وشوي بعدين اتصل اشوف وش فيه والحين خلاص صرت احط ببالي اعذار كثيره ممكن نام وهو بيده ممكن خلصت بطاريته ممكن انتهت الخدمه ممكن عنده احد يعني الحمدلله ماصرت اقلق عليه زي اول لكن اتصل من باب باسولف او اشتقت لك او شي زي كذا لو تنطبق السماء ع الارض ماسويتها خخ احس احراج بالتوفيق |
| الساعة الآن 04:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©