|
هل سؤال الزوجة للزوج اين انت مسافر يسمى تحقيق ؟
السلام عليكم
بدخل للموضوع انا متزوجه من سنة وشهر و ولدت من اسبوع وجبت بنوته زوجي سافر امس الخميس ولم يخبرني اتصل علي بعد العشاء ع ساعه 9ونص يسألني عن أحوالي ويسأل إذا كنت ابغى شي او لا وكان ذاك الوقت مسافر وماقال لي اتصلت عليه الساعه 11 ونص وحسيت كأنه بطريق سألته وينك ؟؟ رد قال انا بالسيارة !! قلت له : ادري انك بالسياره بس وين ؟ قال : بالسياره قلت ادري بس وين ؟ قال : مدري مو عارف وين !! قلت : انت مسافر ؟؟؟!! قال : لا انا راجع من السفر قلت له : طيب وين ؟؟ قال : هو تحقيق ؟؟ انا انقهرت وحسيت اشوي وبصيح قلت : لا مو تحقيق وخلاص مع السلامه وسكرت مدري كان سمعني او لا وبعد نص ساعه ارسل لي رسالة يقول (لية تقفلين في وجهي ... طيب يصير خير ) ومارديت عليه وعرفت انه زعل وجاني اليوم يسألني انتي متعمدة تقفلين في وجهي قلت له انا قلت مع السلامه وسكرت قال انا ماقلت مع السلامه عشان تسكرين ولا جاب طاري سفره خير شر شاف غلطي ولا شاف غلطه سؤالي ؟ هل إني إذا سألت زوجي وين هو مسافر يسمى تحقيق ؟؟ يحق لي اتضايق ولا لا ؟ وهل اسلوبه صحيح ؟ وحسيت من اتصاله إلي يسألني عن احوالي وإذا كنت ابغى شي ولا لا كأنه يستغفلني عشان ما اشك انه مسافر !! |
ليس تحقيق لا أعلم ماذا أقول. ربما ساعلق لاحقا .. الله يصلح لك زوجك وجميع المسلمين |
مسافر وماقالك ويسألك ليه سكرتي بوجهه -والله البجاحه!:( اعذريني
لاماهو تحقيق ومن حقك ياغاليتي تسألي وتحاسبي اول زواجي كانت هذي مشكلتي الكبيرة السفر والحمدالله والشكر كأنو بدأ يتغير - كثر الدق يفك اللحام ولما جا لك ليه ماسألتيه ؟ |
غاليتي هذا من ابسط حقوقك لكن الافضل خليه هويقول وين يسافر ووين يروح ويجي الافضل
|
يمكن كان حوله احد وما قدر يتكلم معاك بحنية.. تحصل كثييير
تقفيل الخط مو شي طيب والمفروض تكونوا اثنينكم ارقى من كذا..!! ممكن ترقعينها باي شكل بس موسبب كافي للزعل.. مرات اكون مسافر بالسيارة واجي اسلم ع الست الوالدة ربي يحفظها وما اقولها اني مسافر.. لانها تتوتر وما تنام الين اوصل.. فاضطر اني ما اقول لها عشان لا اشغل بالها.. وهي تعودت على كذا وانا احرص اني اودعها قبل لا اسافر بساعات بس ماتدري متى ابنطلق في سفري فيمكن زوجك حبيبك مايبي يشغل بالك ..!! ليش فسرتيها بشكل سلبي وما فسرتيها بشكل ايجابي نصيحة لك.. بلباقة ودهاء ودلع انثوي حاولي تمييع المشكلة البسيطة وحوريها انها من باب الحرص والخوف عليه.. |
اقتباس:
الله يجزاك خير اقتباس:
لأن الكلام معه بدون فايده في رمضان سافر وارسل لي انه مسافر للمكان هذا والمشكله إن حنا تو رجعنا من هالمدينه اتصلت عليه انت مع مين مسافر وليش لأني مستغربه تو راجعين ماكملنا يوم من وصلنا قال هو تحقيق ؟ المهم زعلت وضليت بيت اهلي وجا ويحاول يراضيني قلت له برضى بس بشرط إذا جيت تسافر مره ثانيه تقولي وين ومع مين حتى لو برساله و وعدني إنه يقولي والحين ماشفت شي من الوعد اقتباس:
اقتباس:
انا كل شي امشيه إلا إنه يسافر ولا يقولي لأن اول شهر من زواجنا سافر مع اخوه وتركني بالشقه وذاك الوقت كانوا اهلي مسافريين والشقه إلي ساكنين فيها شقة خالي يعني في نفس البيت بس لها مخرج خاص والبيت ماخلص وكان فيه عمال اذكر عشت بخوف ذاك اليوم |
مو تحقيق هذا حقج
ضروري تعرفين زوجج وين رايح ومنين جاي هو مسك سالفة تسكيرة الخط عشان يلهيك عن موضوع سفره يعني يبي يشغلك عن موضوعه قوليله اوكي انا اسفه حبيبي ماكان قصدي مثل ماقالت وحده من الخوات رقعيها!! وارجعي للموضوع الاساسي سفره!! |
أعطي زوجك الثقه من هالناحيه
لاتحسسينه أنه يسوي شي غلط هالشكل تصير عاده عنده ومايعلمك أذا هو يقدرك ويحبك يجي هو يقولك من دون ماتسألين سبحان الله عكسي انا ماسأل زوجي هو بنفسه يعلمني ويخبي على أمه علشان ماتحاتي وهو عارف طبعها كثيرة التحقيق ويقول انا وزوجتي مسافرين وانا عند الوالده أخلص أشغالي مثل السوق والصالون وغيره |
لا ما هو تحقيق
لكن لاتكبرين الموضوع ، واشوف انه عادي انك سكرتي في وجهه لأنك طبيعي بتكونين حزينه او منقهره الله يوفقكم لكن لا تكبرين الموضوع |
لا مو تحقيق طبعا
المفروض يخبرك قبل من باب تطمينك ,,, و هذا من باب التقدير لك عزيزتي اقتباس:
|
لأ مو تحقيق طبعا
أستغرب من الرجال اللي يسافر ولايخبر زوجته ؟؟ إنتي غلطتي يوم قفلتي بوجهه كان انتظرتي لين سلم وقفلتي الحين بيحط الغلط عليك مع إنه هو الغلطان الله يعينك اعتذري عن قفل السماعة واساليه عن السفر وإنه لازم يخبرك ضروري الزواج مشاركة مو كل واحد يعيشها على كيفه موفقة |
انا اساند راي مشكلتي زوجتيوالله يصلح امورنا واموركم
|
لا مو تحقيق بس للأسف بعض الأزواج يعتبرونه تحقيق
وانا شخصيا زوجي مايحب ابداااااااا أني أسأله وين رايح فمابالج لو سالته مع من !!!!!!!! بس هو يقول مرات مو دائماً أنا رايح المكان الفلاني اقول له الله يحفظك وانا والله ف خاطري اعرف التفاصيل بس بماانه مايحب اتجنب السموحه منج طولت * |
الرجل يحب دائما الثقه من زوجته
ويحب ان تتحدث معه باسلوب رقيق في رقه النسيم حاولي ان تتبعي ذك معه تجديه افضل الناس |
يوووووووووه يا هالجال مدري اش يحسون فيه الله يعينك
|
ما يقولك حتى يتجنب سؤالك له لأنك زعلتي بأول مرة ولأنه يعرف انه سفره لهذا المكان يضايقك ويثير شكوكك
علق على موضوع تسكير الخط حتى يغطي على قصة السفر حاولي تهدي الامور معاه وتكوني لينه أكثر... إما أن تظلي بمشاكل الى أن تعرفي سبب هالسفرات ويمكن تزيد المشاكل بعد معرفتك أو تتناسي الموضوع وتتجاهلي أنه قاعد يسافر وتتركي الأمر للظروف .. راح ترتاحي ولو مؤقتا |
| الساعة الآن 11:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©