أريد مساعدة أهل الكويت
 

احسن مجمع عندنا الافنيوز يصير على الدائري الخامس


بعده مجمع 360


اما بالنسبة للفنادق فللأسف ما عندي اي فكرة

** في أي منطقة تتركز المجمعات التجارية؟
المجمعات التجارية منتشرة في جميع مناطق الكويت ولكن معظمها يحمل نفس الماركات والمحلات وتتركز في منطقة السالمية وحولي والفروانية والفحاحيل

وأبي اسم فندق سعره زين ونظيف في نفس المنطقة قريب من المجمعات؟
الفنادق الخمس نجوم غالية جدا في الكويت والافضل استئجار شقة فندقية ويوجد في منطقة السالمية الكثير منها واسعارها تتراوح ما بين 25 الى 50 دينار كويتي بالليلة الواحدة ولكن مناطق الكويت جدا قريبة من بعض بوجود السيارة

جربي شقق بودل الفندقية في السالمية

** وش أفضل المجمعات؟
حسب اتجاهاتك، مجمعات الفحاحيل والفروانية مثلا فيها تقريبا نفس البضائع الموجوده بمجمعات السالمية ومجمع افنيوز و360 ولكن قد تحصلين فيها على بضائع ما تزال معروضه من المواسم الماضية وعليه تكون عليها خصومات وعروضات أكثر

يوجد مجمعات في حولي متخصصة بالصناعة الكويتية من الدراعات (الجلابيات) المطرزة وملابس النوم الداخلية وملابس السهرة الامريكية والمحلية والعبائات والبضائع العربية والصينية بأسعار جدا رخيصة مقارنة بالمجمعات الأخرى



** أبي مجمع فيه كل شي
تسوق ومطاعم وسينما وترفيه؟
افنيوز (تحتاجين أن تقدمي له يوم كامل وتجدين فيه كل ما تحتاجين)

** سمعت أن عندكم مجمع فيه قوارب مائية
وش اسم المجمع؟
على علمي لا يوجد هذا المجمع إلا في قطر وهو مجمع فيلاجيو وليس في الكويت


رحلة موفقة باذن الله

السلام عليكم ورحمة الله تعالى وبركاته

** في أي منطقة تتركز المجمعات التجارية؟
في شرق والشعب والشويخ وحولي والسالمية والفحيحيل

وأبي اسم فندق سعره زين ونظيف في نفس المنطقة قريب من المجمعات؟
فندق الموفنبيك في المنطقة الحرة

** وش أفضل المجمعات؟
الأفنيوز ، المارينا مول ، سوق شرق ، المهلب ، 360 ، الفنار ، الكوت ، كويت ماجيك
وجميعها فيهِ ماتريدين .

حياج الله والساعة المباركة .

كما أنصحك بزيارة هذا الموقع للتعرف على الكويت بشكل أكبر

العفو اخي الكريم يمنع اضافة روابط خارجيه

كل الإحترام .

ماودك تروحين دبي وافيدك بجميع التفاصيل
دبي الحين عندهم مهرجان الاسعار وخوصمات بشكل مغري

روحي دبي وراح تستمتعين
والي اعرف ان الكويت الاوضاع الامنيه عندهم مش ولابد

في الحقيقة أنا مترددة بين دبي والكويت


وأغلب الظن إن شاء الله إني بروح دبي بعدين الكويت


والله تسوي خير لو تفيدني عن دبي


أهم شي ولا عليك أمر


أبي اسم سكن نظيف وقريب من الأسواق بـ[ 250 درهم أو بالكثير 300 درهم


وأبي أعرف القرية الثلجية في أي مجمع؟ لأن بصراحة كل من سألنا ورحنا مانحصلها


أكون لك شاكرة

أنا بجي بالسيارة بعد ثلاث أسابيع إن شاء الله بتاريخ 3/3/1433هـ

هل تكون الخصومات موجودة في ذلك الوقت ؟؟

دبي مستحيل تلقي سكن بـ 300 ولا 400 ... ماراح تلقي الا من 700 وطالع ..
اسكني بالشارقه ... راح يكون سكنهم اقل ..
القريه الثلجيه في الامارت موول ..
واغلب المجمعات على امتداد شارع الشيخ زايد بدبي.
هذا موضوع لي ان شاء الله يفيدك عن زيارتي لدبي

http://www.66n.com/forums/showthread.php?t=229329

تروحي وترجعي بالسلامه ..

شكلي تأخرت عليك هههه

اذا توك مارحتي علميني

نفس دبي اللهم ياكافي اغتيالات فنادق ومخطط تفجيرات بالذات في افتتاح برج خليفه

الكويت على الاقل ماسمعنا عن مشاكل امنيه ولا مخاطر مثل بحرين او دبي

انصحج بعد اداء الاسخاره بالعمره

انصحج على العمره احسن شي وعقبه ابها براد ووناسه او مصر وايد رخيصه الحين وانا كنت فيها وامان الحمدالله ورخيصه اهم شي خلكم بعيد عن ساحه التحرير

حبيت اصلح معلومه قريتها

الكويت آمنه الحمدلله والاوضاع اوكي بفضل الله
والاعضآء ماقصروا كفوا ووفوا