|
سعر تكلفة الزواج
[align=center]السلام عليكم ورحمة الله وبركاته[/align]
اخواني ابغى اقول كم سعر تكلفة الزواج انا انسان مقبل على زواج والحمدلله متوظف ابغى سعر التكلفه كم ابغى مساعده منكم وشكرا |
[align=center]وعليكم السلام والرحمه ، حياك الله اخوي
مبروك ألف مبروك ، والله يوفقك ويتمم عليكم والله على حسب الناس وعلى حسب المنطقة واهل البنت ، بالنسبة لي انا زواجي بشهر 7 ان شاء الله ، دفعت المهر 70ألف مع الذهب والحوسة طلع 100ألف طبعاً الزواج على اهل البنت ، والله يعين ويسهل ان شاء الله موفق خير ان شاء الله[/align] |
الله يوفقك يارب ولد حائل ويتمم عليك
بس سؤال 100الف تكفي لطقم الالماس واثاث البيت وتجهيزات العرس |
بالنسبة لمنطقتي إجمــآلي تكاليف الزوآج كله تقريبا 70 ألف ريـال
والزوآج على العريس وأهله |
نقول طقم الألماس بحدود 25000-30000
الأثاث بحدود 50000 ويادوب يغطي من أثاث وأدوات كهربائية ولوازم المطبخ يعني ما بقى معك إلا 20 ألف وهالمبلغ ما يوفي معك الذبايح ألحين الوحده بكم؟؟؟ وإذا بوفيه مفتوح كم سعر المتر؟؟؟ والقاعة نفسها بكم؟؟ وغيرها كثير من لوازم الفرح من طقاقة وقهوة وشاي وسكر ومعجنات وحلا وحلويات وعود وورد وتغليفات هذا غير اللي يجهزون القاعة والطاولات والكوشة يعني عد واغلط لذلك استبدل طقم الألماس بطقم ذهب أو ارفع مبلغ الـ 100000 أو فيه حل ثالث سوي حفلة زواج بسيطة الفلوس انت أولى بيها دامك لسى في أول الطريق وإذا مديون حرام ترهق نفسك وتتكبد بلاوي |
سما يعطيك العافيه على مرورك
بالنسبه العقد فريد اشكرك جزيل الشكر بس احب اقولك انا ماعلي ديون عمري 19 |
اقتباس:
ومن اى منطقه انت ، لان خبرك المناطق تختلف ، ممكن تقترح على اهل البنت يكون الزواج عائلي وبكذا تقل التكاليف عندك نوعاً ماً ، احد زملائي من اهالي الزلفي مهرهم 40ألف ومع الذهب يوصل 70ألف والزواج عليه وكان حاطه زواج عام ، طبعاً مع امور الشقه والاثاث والايجار وصلت معاه 160ألف احد الزملاء برضو زواجه كان المهر 40ألف مع الذهب 60ألف والزواج عليه ، زواج عائلي كلفة 16ألف طلع المجموع 116ألف ان شاء الله بسيطه اهم شى التوفيق |
تختلف من منطقه إلا منطقه وعائله إلى عائله فتكلفت زواجي عندما تزوجت قرابة 130 ألف ولله الحمد على كل حال بدون الشقه وأجارها وتأثيثها بسبب العادات التي لم نجني من ثمارها إلا المصائب فأنصحك بالزواج العائلي المختصر ومبلغ الحفله
روح فيه شهر عسل لتركيا مثلا أو ماليزيا أو جزر المالديف بس شوي مكلفه جزر المالديف الله يوفقك يارب .........شااااب |
اشكرك ولد حائل ماقصرت الله يوفقك بحياتك يارب
شاب بالنسبه لكلامك حلو بتزوج من العايله ويعطيك العافيه |
:* حسب المنطقة والبيئة الإجتماعية المهر = 40 ألف محدد عند كل العائلة + 10 شبكة يعني المهر= 50 ألف تأثيث شقة يمكن يكلفك 50 ألف مع الإيجار الزواج من حفلة وخلافة ومأدبة طعام يمكن يكلفك 50 ألف هذا إذا كان متكلف وإذا مختصر بيكلفك أقل بكثير * * يعني تحتاج إلى 150 ألف + + + + |
اشكرك ياسيدة الموقف بس احب اقولك انا راح اسكن مع الوالد لي دور كامل خاص لي
|
ماشاء الله تبارك الرحمن اسىل الله لك التوفيق وتسهيل الامور وصدقني مادامك جاد ربي بيسهلها عليك والكل راح يساعدك احنا عندنا المهر من 30 الى 60 ذهب ب 10 والعرس على اهل العروس او حسب الاتفاق والشقه انت تضبظها حسب مقدرتك
|
اميييييييين يارب اشكرك على ردك الجميل الله يوفقك دنيا واخره يارب
|
بصـراحـه ماأنصحـك بزواج عام نهـائي ..
أفضل شي زواج عائلــي ,, لأنك بحاجة الفلوس بتأثيث الشقـه والأيجار وشهر العسل .. بصراحه الزواج العام يكلفك فوق 100 ألـف .. بس في النهااايه الفلوس هذي ماستفدت منها ولاشي .. تكلفة قااعه تكلفة فرقه تكلفة بوفيه .. وأنت بأول عمرك ..صعب عليك القروض والديون .. وعلـى فكـرة تر الأغليبـه الان توجهـم زواج عائلي مختصر .. ,,, |
يعطيك العافيه عيوني تحكيني ولله اني محتار مدري وش اسوي
|
يختلف على حسب عاداتكم
عطنا عاداتكم ونقولك يعني الزواج على اهل البنت ولا عليكم وكم متوسط مهوركم عندكم شبكة ذهب ولا مافية ؟ قولنا هالاشياء ونبلغك بس لفت نظري عمرك؟؟؟؟ 19 مب كنه بدري ؟ |
العقد الفريد حله معقول
ونصيحه اذا اهل البنت ما عندهم مشكلة في الزواج العائلي خله عائلي واستمتع بفلوسك بعد ما تتزوج |
عندنا المهر من 40_50الف
الشبكة اذا الماس تكلف واجد اذا ذهب 15الف حفلة الزواج النص بالنص الشقة والاثاث انت احسبها على حسب منطقتك حنا عندنا 14وطالع والاثاث 25الف اقل شي باقي شهر العسل 20الف اذا بتسافر برا |
امرأءه من عالم اشكرج جزيل الشكر
بنت اطيب انسان اشكرج جزيل الشكر اختي انا من الرياض والبنت الي احبها كذلك من الرياض |
بامكانك تتزوج ب 30 الف
و بامكانك تتزوج ب 500 الف حسب المهور و الشقة ايجار او ملك ؟ و الزواج في قصر او استراحه ؟ و شهر العسل خارجي او داخلي ؟ الاثاث فخم او متوسط ؟ |
الله يوفقك ويوفق الجميع يارب
|
اميييييييين يارب ويوفقك يارب دنيا واخره
|
مساكين الشباب يلقاها من مين ولا مين
بل ميت اذا انت مقتصد مره بيكلفك 100 الف |
اي ولله مساكين 100الف هذي افتح فيها مشروع واربح من وراه
|
ابي اسأل سؤال مين اغلى الذهب او الالماس
|
وعليكم السلام ورحمة الله وبركاته الشخص إذا جاء بيتزوج ومر مثلا على موضوع مثل هالموضوع .. ويشوف المهور المعروضه راح تجيه امراض الدنيا كلها وبيصير كذا :23: وفي النهايه بيقول خلينا عزابيه أحسن :22: من فين بتيجي البركه وهذي مهور بناتنا :d الله يرزقنا بس :30: عاشق فوفتي الله يوفقك ويسهل عليك وتجتمع بفوفتك :22: الألماس أغلى يالغالي :28: أخوك . |
امييييييييييييين يارب والله يوفقك دنيا واخره يارب ويسعدك في حياتك اشكرك جزيل الشكر
|
الله يوفقك ويبارك لك
الالماس اغلى ....... بس هذا يرجع لمجتمعكم....يقدمون الماس او ذهب |
اقتباس:
لكن اذا بتشتري سيارة عادي تدفع 50 و 70 و100 وفوق واذا بتسافر عادي تدفع 10 و20 30و لكن على المرة تستخسر شيء غريب ؟؟؟ على بالكم حنا نحط الفلوس ذي بالبنك ولا يعني هالشقة اللي بتاثثونها بتكتبونها باسامينا ومنتم عايشين فيها ؟ ترانا نتجهز بالفلوس لكم , ويكون في معلومكم اهالينا الله يخليهم لنا يعطونا فوق اللي تعطونا الضعف ويالله يكفي والله ما المسكين الا البنيات |
طقم ألماس أشوف ماله داعي
صح هو حلو بعيون الحريم لكن أشوف مارح تستفيد منه في المستقبل مثلا لو حبت تبيعه وتجدد او لاقدر الله حصلت لكم ضائقة وقررتوا تبيعوه رح ينزل سعره كثيييييييييييييييييير ومارح تستفيدوا لإنه خسارة عشان كذا ممكن طقم ذهب أبيض او أصفر عليهم القيمة |
الله يعطيكم العافيه واشكركم جزيل اشكر
|
مو انت الي تبي وحة من اهلك وخطبتها؟ حسب ما اذكر
كنت اعتقد انك سلمت البنت المهر. لأني توقعت أنك عقدت عليها. ابوك راح يساعدك ولا ما راح يساعدك؟ ما دامك ولده الوحيد اتوقع بيوقف معك وببتسهل امورك ومادامها نسيبتك اتمنى يراعوك ارجو لك التوفيق. |
[align=center]الله يكون فى عونكم وش هالمهور الغالية جدا وتقسم الرقبة
الحمد لله نحن تكاليف الزواج كلها فى ليبيا بالنسبة للطبقة المتوسطة العادية ماتتجاوز 15 الف دولار يعنى تقريبا 40 الف ريال تقريبا والمهر لو اقصى حد 3الاف دولار والعادى الف دولار الله يكون فى عونكم بس يستاهلون بنات السعودية غاليات [/align] |
اشكركم جزيل الشكر الله يوفقكم يارب
اعشق اسمك ايوه صح كلامك خطبتها لكن ماني عارف اسعار ذهب غالي اورخيص والدي بيساعدني بس لازم اعتمد على نفسي |
هلا بگ اخوي
بالنسبه للزواج انصحگ من كل قلبي زواج عائلي ومختصر للبركة اولا كما ورد في الحديث وثانياً للاقتصاد فإذا كنت تفكر في الزواج راح يكلفك مبالغ تقصم الظهر الفندق اقل شي تكلفته مع العشاء بقرابة 70 الف وغير الطقاقات. والحلويات وامور كثيرة واللي يقهرگ يطلعون بعدها الحريم ويعذربون ... بالنسبه لي شخصياً لم اسلم المهر لكن المتعارف عليه 50 الف والبنت قالت بشتري الشبكه والحمد لله وفرت مشاوير ، لأني بيني وبينك دورت فتره ودخت تحتار وواشكال غريبه وأسعار غاليه وبصراحه الاحلى ان البنت تشتري الماس ارسم وأحلي من الذهب والأسعار اللي لقيتها الشيء العادي من ال18 الف الي 25 الف تقريباً ، وفيه شي متوسط من ال30 الي 45 وانت وقدرتگ ، ولو بيدي قلت لها اشتري شي يمشي او انتي ألماسه ما تحتاجين لها الاشياء ووفري الفلوس واستثمريها، لكن تقنع ابليس ولا تقنع حرمه .. وبالنسبه ترى الالماس درجات وفيه محل لو تشتري منه يضمن لك انه يشتريه منك ولو بعد خمس سنين وينزل منه 25٪ من سعره ... وكذلگ الشقه لن تجد دون ال25 غير الأثاث فأحسب ميزانيتك مضبوط اسأل الله ان يوفقگ وان يجعل لك من كل هم فرجا ً ومن كل ضيق مخرجاً ...* |
امين يارب ويوفقك ويسعدك بحياتك يارب ويعطيك العافيه وماقصرت وهذا الي بيصير
|
يعني تكلفه زواج توصل ل 160 الف واسككن بعد ايجار
لا انا اخر الزواج حبتين واخذ لي شقه صغيره ملك واقلهم انا مطفر وماعندي فلوس واسوي الزواج عااااايلي وحريم الفرحه للحريم :) ومازاد اروح بها شهر العسل وفي هذه ممكن تقنع فيها زوجتك رضا الناس غايه لاتدرك ان كبرتها قالو مبذر ومسرف وان صغرتها قالو عنك بخيل وقريطي |
تكلفة الزواج الله يسلمك ياخوي تقريبا بين 130 الى 150
وانا الحين مبتلش فيها لكن مالك الا الصبر وش وداك له على قولة بن فطيس |
تكلفة الزواج على حسب التقاليد
يعني كل ناس وطبعهم بالنسبه لنا الزوج يدفع 50 ألف مهر وذهب غير الملكه يدفع البعض شبكه وجوال يمكن 6 إلى 7 آلآلآف طبعا بعض العوائل الأب يتكفل بالزواج يعني تحط جيبك للزواج غير السفر150 ألف والله يعينك |
اقتباس:
:* غلاء المعيشة عندنا لايقارن بليبيا فمتوسط الإيجار يتراوح بين 12 إلى 25 ألف هذا إذا كنتِ في منطقة غير المدن الكبرى كالرياض والشرقية وجده فهذه لايمكن أن يجد بها الشخص سكن بسعر مناسب بل الإيجارات فيها تصل أحياناً لـ 40 ألف إلا في الاحياء الفقيرة التي تفتقر للخدمات والنظافة والأحياء التي أصحاب العقار فيها يخافون الله :* قصور الأفراح عندنا غالية جداً إذن هذا الغلاء ليس مصدره بناتنا أعانهن الله بل مصدره تجارنا الشرهين الذين يمصون دم العباد أضيفي لذلك أن الزواج يحتاج لمأدبة طعام وحالياً سعر الخروف الواحد يصل إلى 1300 ريال لتأثيث بيت محترم لن تكفيك 50 ألف لأن كل شيء لدينا غالي جداً بعكس الدول الأخرى :* والرواتب لدينا لاتتماشى مع هذا الغلاء :* |
| الساعة الآن 10:22 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©