|
امي شافت اخوي في غرفه الشغاله
السلام عليكم
مدري اش اقول مصدومه جدا قمت امس اصلي الفجر لقيت امي متمدده بالصلاه ووجهها مقلوب واخوي الكبير عندها يشربها مويه واسالها اشفيك وماترد تقول دايخه لمن اصريت عليها قالت تخيلي اخوك (فلان) اصغر الاولاد ثالث ثنوي العاقل الشاطر المؤدب سمعته باخر الليل بغرفه الشغاله وهي صوتها تهاوش وشوي فتح الباب وشاف امي قدامه انصدمت وراحت صحت اخوي الكبير وعلمته واخوي الصغير قال انه اول مره يسوي هالشي ةان الشغاله قاعده تهاوشه وتدفه المشكله امي منهاااااااااره من امس حتى ابوي ماقلنا له (بيذبحه) الشغاله بيتنا كبيرر جدا ومستحيل نستغني عن الخادمه في حاله اننا سفرناها لازم نجيب بديل ومانظمن كيف بتكون اخوي اليوم اول يوم اختباراته وثالث ثنوي وربي ماني متخيله يجي منه العيبه ماتتصورون انه مايرضى حتى ياكل من ايدين الشغالات يقرف منهم كرهته كرهته امي الحين خايفه عليها نفسيتها دماااار ماادري اش اسوي واش الحل يمكن كلامي ملخبط اعذروني واخيرن اسالكم الدعاء لوالدتي ان يربط على قلبها وان لايريني فيها مكرووه |
اقرئي على أمكـ آيات
السكينة ،، وكوني عضدها الأيمن ،، أما أخوكـ فأسأل الله له الهداية ،، تعقدنا من فصيلة الذكور بهالزمن ،، |
عجبتني كلمة فصيلة الذكور
اقول شكلو اول مره اسألو الشغاله لان الهواش من الشغاله يعني اول مره تحصل هداه الله ثم عنده اختبارات ما تضغطو عليه لينتهي من الاختبارات اكيد عرف غلطو وخايف من اخوه وامو |
صحيح هي معصية
وان شاء الله اخوك الكبير يعرف يتصرف مع اخوه ويبين له ان اللي سواه ذنب ولازم يتوب منه ويتعلم من خطأه ولا عاد يكررها وبالنسبه لأمك لاتضخمون الامور قدامها وبينو لها ان اغلب المراهقين تصير منهم هذي الزلات وان شاء الله انه تعلم درس قاسي يكفي انكم كفشتوه واللي صار لأمك قدامه اتوقع ان هذا اكبر ردع له والله يكفيكم شر المراهقه وقولو لها ان اغلب المراهقين تصدر منهم اخطاء بهذا الشكل والحمدلله ان الشغاله طلع فيها خير وصدته ويارب تكون المره الأولى والأخيره |
والله كثير تصير يااختي ,,
حتى لو كان مودب و ذو اخلاق عالية ,, فــ مقاومة الشهوات امر صعب للغاية و خصوصا اذا كان البيت خاليا فالشيطان يزين الامر و يحفز الشخص و من الموكد انه ندمان اشد الندم على فعلته و بصراحه المفروض ان لا يعلم اي شخص بفعلة اخيك فالستر في مثل هذه المواضيع مطلوب لانه امر حساس و قد يوثر بشكل كبير على نفسيته فلا يستطيع ان يتعايش معكم فالافضل لو اكتفت امك بتوبيخه بدلا من اخبار الجميع و هذا ماسوف يزيد الطين بلة ,, ايضا الخادمات لهم دور كبير في الموضوع فمنزل به شباب فيجب اختيار خادمة كبيرة في السن حتى لا تكون مغرية و تفتن اهل البيت و اكثر من مرة تقوم الوالدة بتغيير الخادمات بسبب هذا الموضوع و ليس بسبب عدم الثقة فهي موجودة ولله الحمد و لكن من باب عدم الافتتان بها ,, اتمنى الاهتمام باخيكم فهو شخص مودب و خلوق حسب كلامك و اذا ازله الشيطان مرة اتمنى ان تقفوا بجانبه لا ان تزيدوا الامور تعقيدا ,, وفقكم الله |
لاحول ولا قوة الا بالله
يمكن اخوكي والله اعلم ما سوى اشي بخصوص انك قلتي انه تهاوشه الشغاله .. طيب جربتي تكلمي اخوكي مثلا وتعرفو شو سبب انه راح لغرفه الشغاله ..؟؟!!! لاتظلموه ولاتنسوا انه بفتره مراهقه وتصرفاته مش متزنه .. وبيحتاج الى توعيه باسلوب ترغيب |
ثالث ثاانوي ؟؟؟؟؟؟؟؟؟؟
مرره صغيــــــــــــــــــر ... لا هذا لازم تزوجوونه بعد الثانوي على طول >> امزح والله ...... عموما ياقلبي أكيــد الصدمه بتكووون قوووويه على الوالده الله يرحم حالها لآن فعل آكبر الكبــــــائر موو شي سهـــل .. مدام انه اللحين في ايام اختبارات ثالث ثانوي قفلووا على الموضوع آلين يخلص أختباراته وبعد كذا لازم اخوك الكبير يجلس معاه ويفهمه حجم خطاااه .. الله يهديــــــه ويصلـــح طريقه ،، |
الله يهديه ويصلحه .,~
أكييد هو بعد متندم على الموقف ومو عارف ايش يعمل عشان يرجع الماضي ومايعمل الشي دآآ ,’~ اسال الله العظيم ان يهديه ويهدي جميع شباب وفتيات المسلمين يارب =) |
ياقلبي عليه كملي امك بهدوء قولي لها ياامي ادري انه غلط وجاني يبكي يقول مااقدر اذاكر وخليها تسامحه عشان الاختبارات الموضوع صعب مرررره بس اخوك بوضع جداااااااااااااااا اصعب تصدقين حزنت عليه ربي يحبه كشفه لامك قبل يتمادى واكيد ماسوى شي لان الشغاله كانت تهاوش خلي امك ترروح له تقله ياولدي انا احبك واخاف عليك ولو خوفي عليك من النار مازعلت ولابكميت ولاتعبت اوعدني مايتكرر هالشي والله يااختي تكسبون اخوك وتعينونه على الشيطان وتحافظون على مستقبله ثالث ثانوي مستقبله متوقف على هالاختبارات وانتم ولا كانكم دريتم ابدا حتى اخوك الكبير اذا كان عاقل وفاهم بيحتوي اخوك مايضيعه والله الذي لا اله الا هو ماضيع اخوي وخلاه كرهنا وكره امي وصار عصبي ويحب الوحده الا فلاش مومري في مقاطع فاضحه من النت لقيه اخوي الكبير لاخوي الصغير وفضحه وكبر الموضوع وكان باول جامعه وضربته امي وماعادت كلمته شوفيه الحين مايبغا احد من وقتها وعنيف وعنده استعداد يقلب اي سالفه لمشكله وينفث غل بداخله على الكبير والصغير
|
لفت انتباهي العنوان
يختي اغفرو له هالزله ولا تذلونه فيها والحمدلله دامه ربي مصلحه ومتفوق وماعليه خلاف اسريا خلاص اعتبرو ما كن شي صار ومشو الموضوع لكن انتبهو للخادمة ايضا صدقيني ترى وضعه النفسي اشد منك ومن امك لان اللي يغلط بتعذب اكثر نصيحة لاتخسرونه وتخلون هالغلطة البسيطة تفتح باب اكبر ما تقدرون تسدونه وصبري امك وقولي الحمدلله يا امي دفع الله ماكان اعظم وخليها تدعي له دايما ان الله يعصمه ويكفيه شر نفسه وشر الشيطان وشركه الله المستعان.. |
الله يعطيكم العافيه
الحين لها ثلاثه ايام السالفه ومي ماكلمت اخوي ولاهي راضيه تطالع فيه والمشكله شايله بقلبها تقولي ماشفت شكل اخوك وهو طالع من غرفه الشغاله وصدمتي فيه والله خرجناها انا واخوي الكبير امس بالغلصب تغير جو لانها كابته نفسها ومحد عارف بالموضوع الا انا واخوي انفجرررت بالسياره من البكاء وربي خايفه عليها مره تقول ماعلي في الشغاله اذا تازمت سفرناها علي بولدي يفكر بالحرام وبالنسبه لاخوي الكبير الله يعطيه العافيه هو مدرس في التحفيظ وملتزم ويحاول يهدي امي يقولها كثير يصير ههالشي وهو الى ناقش اخوي بللموضوع الحين والله حزينه على اخوي جاء اخذني من الدوام ومايتكلم وراسه بالارض وطول الطريق ولاكلمه وغير انه اختبارات نهائيه وراه مستقبل اش رايكم افتح الموضوع معاه اذا صرنا لحالنا ولااطنشه واش ممكن اقوله لو بفتح الموضوع؟؟ والله مره متأزمه |
عليكم احتوائه ،،
لا تتركونه ،، الحاله النفسيه لاخوك ما راح تتعدل إلا إذا حسستوه بقيمته بينكم ،، وان اللي صار ما يزيدكم به الا تمسك و قوه له .. وامك ضروري تكلمه وتناقشه ،، و تحسسه بثقتها فيه وانه ،، و تبين رضاها عنه ان يبعد عن الحرام ،، وضروري ،، يتحاور عن اسباب هذا الفعل ... مواقع إباحيه ،، اصدقاء سوء الشغاله لباسها غير محتشم قنوات هابطه وغير ذلك من الاسباب .. و عليكم تقوية الوازع الديني لديه ،، وهو ولله الحمد لسه في طور تعديل السلوك .. وياليت تستشيري ،، الدكتور ابراهيم الخليفي ،، مستشار اسري له موقع على تويتر ،، يستقبل الإستفسارات .. اهم نقطه لدي ،، رضى امك عنه ومناقشتها له ،، هو بيرتاح نفسياً وهي ايضاً بترتاح ،، وليكن بأسرع وقت كفايه ،، عرف ان ما فعل امر كبير وخطير واسألوا اخوك إن كان يتمنى سفر الخادمه بعد الذي حصل .. يمكن يساعد ذلك في تحسن نفسيته والنسيان ،، ويمنحه القوه ... الله يهديه ويصلحه لما يحبه ويرضاه وذرياتنا وكل مسلم |
اخت طموحى
شئ متوقع شاب فى مرحله المراهقه وشغاله رايحه جايه قدامه .. نظام الشغالات ده مبحبوش انما انتم مضطرين .. هو شاعر بالخجل وليس الندم .. بعد امتحاناته ماتخلص ممكن تقعدى تتكلمى معاه بس ياريت خارج المنزل بمكان مفتوح .. الامور دى كان لازم حاتحصل مع الشغاله او مع غيرها .. كان زمان فى حاجه اسمها شرايط فيديو انما دلوقت شغالات .. ربنا يستر علينا |
الشغاله باقي ماسفرتوها ؟؟!!
غريبين انتوا بصراحه ,, مفروض اول شي تسوونه هو تسفير الشغالة هذا ولدكم مو احد ثاني و لا احد يفتح معاه الموضوع الا امه و تحاول تعيد ثقته بنفسه و تقوله ان زعلي عليك بسبب ان اللي سويته حرام و انا ماارضى عليك تسوي هالشي ,, و لا انتي ولا اخوك تفتحين معاه الموضوع لانه مفروض ماتعرفون باللي صار لكن امك غلطت يوم علمتكم و حاولي تتكلمون معاه انتي واخوك مثل قبل و لا تجيبون اي طاري للسالفة ,, والله يعينكم |
انا اخالف كلام البعض هنا
ليش تطبطبوا عليه و تتعاملوا كأن ما صار شيء انا ما اقول افضحوه,بس مفروض اخوك الكبير بما انه عرف يعطيه كم كلمة جامدة و يحسسه فعلا بخطأه فمن قال ان هذا الشيء عادي و يحصل بين المراهقين و نصور الشيء كأنه خطأ بسيط فقط لأنه صبي و ما بيتهك عرضه لو فرضنا لو ان لاحدانا اخت رأها احدكم تقهقه مع رجل بالهاتف هل سنطبطب و نقول ايوه تحصل كثير لا تكبروه الموضوع اكيد بتحس بخطأها لابد من الكلام معه و تحسيسه بخطورة ما اقدم عليه و تذكيره بالله فربما احدهم يخجل لانه فضح و ليس للاحساس بالذنب موفقة و رفع الله عن امك الهم و الغم |
فعلاً كلام أختنا المسداني صحيح
لازم يتعلم ان اللي سواه مو شوي وان هذا البيت محترم وفيه ناس تخاف الله والشغاله سفروها وخليه هو يكد مكانها بعد ما تخلص اختباراته لين تجي وحده ثانية وما أنصحك تتكلمين معاه في هالأمور أبداً اتركي الموضوع لأمك واخوك الكبير أفضل بكثير وشوفوا وش اللي أفسد اخلاقه.. صحبة سوء ... قنوات فضائية... مقاطع سيئة في جواله.. استخدام سيء للإنترنت.. وعالجوا المشكلة وراقبوه.. وإذا قدمتوا على وحده ثانية اطلبوا عمر كبير وغرفتها أمك تقفلها بالليل وفي النهار أخوانك موجودين ما تتجول أبداً تغسل وتنظف وتشيل وتحط في الصباح والكل مداوم وأول مايرجعون تبتعد وتروح لقسم الغسيل وتقعد تغسل وتكوي هناك لحد ما أحد يحتاجها هذا نظام أمي مع الشغالات والوقت اللي أخواني في البيت تبعدها ولا يشوفون زولها و ما نشوفها أبداً وماتجي إلا وقت الحاجة والله يصلحه ويهديه.. |
الواجب على أخوك الكبير يمسكه على جنب يسوي فيه الي يسوي
اهم شي يحس بغلطته وانه الشي مو عادي ويذكر بالله ويزيد عليه بالوعظ أخوي بنفس عمره اكشفته أختي انه يدخن <<ماحد من اخواني سواها قبل مرفوض التدخين .. وجت وقالت لي ,طبعاً هي صغيرة وجت تبكي منهارة ماتوقعته لانه شايفينه عاقل وتفكيره اكبرمن عمره. نفس الشي وقت اختبارات قلت اتركيه بس يخلص امتحانات ونشوف له صرفه بس قلت لها قولي له انه علمت فلانه وحسابك يوم تخلص امتحانات ,وصرنا نراقبه . ويوم خلص امتحانات كل شوي يجي يقول لاختي قوليلها خليها تضربني تسوي الي تبي!! تركته يتعذب علشان يحس بغلطته ومايوعدها مرة ثانية . لين ماحسيته انه خلاص , مسكته على انفراد وشديت عليه بالكلام ,لين ماخليته يبكي. وقلت له ترا الي سويته مو هين لازم تتوب الى الله منه تقوم تتوضا قدامي وتصلي ركعتين وتستغفر وتحلف لي انه طول عمرك ماتدخل سيجارة وحدة فمك ,والحمدلله من بعدها تاب ..نقطه مهمه ماخبرت احد من اهلي على شان يحس بالثقة بيننا .. |
اقتباس:
عزيزتي المسداني ؛؛ وهل تتوقعين يا اختي شوفة امه منهاره بعد فضحه . شئ بسيط ،، هذا اكبر عقاب له ،، بعض المواقف و تسلسلها وشدة وقعها على النفس تحتم تصرف يجبر الموقف ويصلحه و لا يشتته .. الامر خطييير نفسياً وجسدياً إن كان على الام الضعيفه او على الإبن المراهق ،، فلذلك إحتواء مثل هذه المواقف خير علاج .. لمعالجة الحاله النفسيه وعدم تطورها لما لا تحمد عقباه .. لك كل الود |
نعم احتواء الأم نفسيا مطلوب أكيد ,,
أما المواهق فبعد التأنيب و كلام الرجال و الموقف الآن صاار بارد المفروض على طول اخوه يوريه العين الحمرا و أنا ما قلت لا تحتويه نفسيا , لكن بعد التأنيب و التأنيب ليس تعذيب نفسي و ما فعله ليس أمر غير مقصود ليستخدمو فقط معه الأحتواء فأمه تستحي تكلمه و هي مو قادرة تطالع في وجهه و اخوه يقول بعدين! لا كذا ما يصير , لازم تأنيب بكلمة رجال هذا أمر خطير , انتهاك عرض لا سمح الله لو احدانا و العياذ بالله تعرضت لتحرش , لن ترضى أن تقول ,,ايييه والله شباب مسيكين تحصل كثير ليش ما نحط نفسنا بدل هالشغالة , هي انسانة حالها من حالنا,, و التأنيب عموما لا يدمر النفسية بل هو حل لأمور أعظم من كذا ,, الحل تأنيب و اشعاره بفداااحة ما كان سيقدم عليه لولا رحمة الله ثم احتواءه بمعاملته كرجل عليه ان يحسب خطواته أمام الله عز و جل مع مراقبته و معرفة نقطة ضعفة فلازال في سن التربية,,, |
المفروض اخوك الكبير كان مسكه على جمب واعطاه كفين عشان يفوق
وتتركوه فتره حاقرينه الين يحس بغلطته ويجي يعتذر من الوالده واخوك الكبير بعدين وقتها اخوك الكبير ياخذه في مكان مفتوح ويكلمه بهدوء ويفهمه الصح من الغلط .. الله ستر انه العامله المنزليه بنت حلال وصدته وطردته من غرفتها تخيلي لو كانت ما تعرف الحلال من الحرام كان الحين علوم بينهم بس ربي حماه .. ياليت كل العاملات المنزليات بنفس وعي عاملتكم المفروض تكبر بعينكم وما تسفروها لانها صانت ولدكم وما سمحتله بالحرام.. اختي اذا ما اخذتو موقف كبير من اللي عمله اخوكم رح يتكرر مع اي عامله منزليه جديده تجيكم وبعدها رح يتوسع النطاق ويروح لبنات بره لا سمح الله .. استغرب من الاعضاء اللي يقول لا تكلموه بالموضوع وطبطبو عليه وعادي يحصل مع المراهقين لا مش عادي ابدا و الجراه توصل انه يحاول مع العامله المنزليه هذا خطر ومؤشر لبدايه طريق غير جيد .. |
بعض ردود الاعضاء غير منصفه
حطو الخطا على الخدامه وخلو الولد هو الضحيه سبحان الله !! وكان والدتها وجدت الخادمه في غرفة الابن تغريه وليس العكس |
خبري اخوك الكبير حتى يعرف اخوكي الصغير غلطه
والشغاله سفروها وممكن تبدلوها بوحده اكبر بالسن اذا بتحتاجوها كثير عندكم بالبيت |
اللهم اغفر ذنبه وطهر قلبه وحصن فرجه..
اللهم اني استودعك اياه و ذريتي ..واصرف عنهم كيد الخادمات ورفقاء السوء |
اكبرر غلط تدون وشو
تفرد الشغالة بغرفة لو حدها حنا شغالتنا تنام معنا بالغرفة صحيح له غررفة خاصة فيها اغراضها وثلاجتها لكن وقت النوم تنام معنا هذا المفروض عشان مافيه احد يوسوس له الشيطان |
| الساعة الآن 09:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©