|
دعواتكم الصادقة لأبنائنا وبناتنا الطلاب بالتوفيق والنجاح
السلام عليكم ورحمة الله تعالى وبركاته
وأسعد الله صباحكم بكل الرضا والسرور إخواني وأخواتي الأعزاء كلنا نعرف قد إيش هاذي الأسبوعين هيه صعبة وعصيبة على أبنائنا وبناتنا الطلاب بسبب ضغط الإختبارات هم بحاجة لدعاء في هاذا الوقت من أمهاتهم وأبائهم ومن جميع محبينهم وحبيت أن أطرح هاذا الموضوع لكي ندعوا فيه جميعا لأبنائنا وبناتنا وإخواننا وأخواتنا الطلاب أسأل الله أن يشر ح صدورهم وييسر أمورهم ويحلل عقدة من ألسنتهم ليفقهوا قولهم اللهم لا سهل إلا ماجعلته سهلا وأنت تجعل الحزن إذا شئت سهلا اللهم وفق أبنائنا وبناتنا وإخواننا وأخواتنا في إختباراتهم وسهلها ويسرها عليهم يارب وفقهم وارزقهم الحكمة والمعرفة وخذ بيدهم إلى كل مافيه الخير والصلاح من أمرهم لدينهم ودنياهم يارب حقق لهم أمانيهم واسعد قلوبنا بنجاحهم وتفوقهم يارب كن معهم ولا تكلهم لأنفسهم طرفة عين اللهم آمين يارب . |
الله يجزاكِ خير أختي .. فعلاً هم بحاجه ماسه لدعائنا .. اللهم وفق أبنائنا وبناتنا وإخواننا وأخواتنا في إختباراتهم وسهلها ويسرها عليهم يارب وفقهم وارزقهم الحكمة والمعرفة وخذ بيدهم إلى كل مافيه الخير والصلاح من أمرهم لدينهم ودنياهم يارب حقق لهم أمانيهم واسعد قلوبنا بنجاحهم وتفوقهم يارب كن معهم ولا تكلهم لأنفسهم طرفة عين اللهم آمين يارب . |
يا رب وفقهم وسدد خطاهم وألهمهم التركيز وتذكر الإجابات وخفف عليهم رهبة الإمتحانات ولا تضيع لهم تعب وارزقهم النجاح والتفوق |
انا لا حظت انو ليس فقط الابناء يصابو بالاكتآب والخوف وقت الامتحاانات انما اولياء الامور ايضا
اللهم آمين يا رب العالمين اللهم اشرح صدرهم ويسر امرهم واحلل عقده من لسانهم ليفقهو قولهم مريت فيها قبلكم ويادوب ارتحت حاسه فيكم والله انما هل يعطو التلاميذ اجازه بعد الامتحانات ياخذو نفس اطعموهم جوز وعصير ليمون ايضا |
جزاك الله خيراً يا ابنة الحكمي
الله يسهلها عليهم ويرزقهم الفلاح في الدنيا والآخرة ومافي شك لكل مجتهد نصيب والإختبارات لم تعد شبح يرعب الطلاب كما كانت في السابق وقلة الذين يحملون همها وذلك لعوامل عدة لا أظن بأنها تخفى على أحد |
الله يوفقهم ويسدد خطاهم ولا يضيع لهم تعب ومجهود ..
والله يعطيهم اكثر مما يأملون ويرجون ،، ويطمن قلوبهم .. ويفهمهم ويعلمهم ،، انه على ذلك لقدير .. وويسر الله امورهم وشرح صدورهم شكراً يا اطيب قلب ام سلطان على اللفته الكريمه منك .. |
الله دعـــوآتكم تفتح النفس الله يسسعدكم
بيتنــآ في حالة طوآرئ بسبب الإختبارات حظر تجول ..حظر زيارات.. حضر اتصالات هههههههههههههههههـ الله يتمم هالأيــآم على خير ونفرح أهآلينا بالنتآيج تعبت )": |
الله يوفقهم ان شاء الله
وينجحون ويفكونا من الحبسه اللي احنا فيها بسببهم >>هذا اللي هامها ياليتني باقي بالثانوي واختبر اهئ اهئ |
اللهم آآمين اللهم آآمين
جزاك الله خير يابنت الحكمي الله يوفقنا اجمعين إختباراتي النهائية الأسبوع القادم إن شاء الله ويارب أعدي المواد ويرتفع معدلي يارب ياكريم |
اقتباس:
|
:* أسأل الله أن يوفقهم وينور بصيرتهم ويسهل لهم أمورهم فالإختبارات ستبقى شبح يهدد رآحة كل طالب وطالبه وكل ولي أمر وولية أمر مهتمة :* وعلى ذكر الإهتمام: دائماً الآحظ أن إلي يهتم بمذاكرة الأولاد ويهتم بأختباراتهم ومتابعتهم دراسياً هي الأم وبعض الأباء لاهي ولايدري حتى أولاده بأي مرحلة إلا من رحم ربك وفيه ولد سأل أبوه يابابا مين هو الرجال..؟!! قال هو إلي يهتم بأولاده ويتابعهم ويشتري لهم كل إلي يبغوه قال الولد: أدع لي يابابا أكبر وأصير رجال زي أمي :d:d:d |
الحمدلله عيالي نجحو وشفت شهادتهم اليوم يعني مالي شغل :d ههههههههههههههه امزح امزح ..بس ماني حاسه برهبه الاختبارات ابد بيتنا كلهم كبار مخلصين مدارس وجامعه سمعت امي امس تقول الحمدلله ربي فكني من قومه الصباح وحليب الصباح ولعلعه الاختبارت :d آه يا همها يارب يفرجها عليكم جميعا ويوفق ابناء المسلمين والمسلمات ويعديها على خير ويبشركم بنجاحهم في الدنيا والآخره والف شكر لك بنت الحكمي وحفظ لك المولى اولادك |
الأخ الفاضل ثنيان بارك الله فيك وجزاك الله خير واسعدك الله
وملأ قلبك بالفرح والسرور بنجاح أبنائك وبناتك وجعلهم الله قرة عين لك ولأمهم ورفع الله قدرك ودرجتك وقدرهم ودرجاتهم في في الدنيا والآخرة اللهم آمين يارب . الأخت الغالية نبرات شعري سطرت الله يجزاك خير على دعواتك الطيبه وشاكرة لك مرورك الجميل الأخت العزيزة والغالية ام حسن الله يعيننا يا أختي على مساعدتهم وتوفير لهم الجو الهادئ والمريح والتغذية المفيدة والمحفزة لخلايا الذاكرة علشان يركزوا في إختباراتهم أنا عندي واحد بالصف ثالث إبتدائي الحمدالله نجح واخذ نتيجته والحمدالله بتقدير ممتاز وتفوق وباقي عندي إثنين بالمتوسطة بالرغم من إنهم شاطرين ومتفوقين ونتائجهم دائما ممتازة لا كن مازلت خايفه عليهم هما يذاكروا ومجتهدين بس عاد تعرفي الأم دائما تسعى ليكون إبنها من أفضل الناس في تعليمه واخلاقه وتريد لهم الأفضل دائما هاكذا هو حال كل الأمهات نحن نجتهد ونسعى لتوفير إحتياجاتهم وندعي لهم بالتوفيق والباقي على رب العالمين بالنسبة للإجازة يعطون الطلاب عشرة أيام ياخذوا نفسهم فيها شوي ويرتاحوا وبعدها يواصلو الدراسة لنصف الثاني عزيزتي شاكرة وممنونه لك بمرورك العطر يا ام حسن وسنعمل بما نصحتينا به إن شاء الله تعالى . العقد الفريد مرحبا بك غاليتي وشاكرة لك دعواتك ومرورك الجميل وبارك الله فيك وربنا يسعد قلبك بنجاح وتفوق اولادك وبناتك يارب وجعلهم الله قرة عين لك ولوالدهم يارب . مرحبا بمشرفتنا الغالية شقرديه تصدقين شفت معرفك بآخر الردود وباقي مافتحت مشاركتك وقلت هاذي شقردية الله يستر بس لايكون موضوعي مخالف وتبغى تقص شريط إفتتاح الإشراف في موضوعي هاذا لاكن الحمدالله ماصار شئ ولو قدر الله وصار مخالف يفداك الموضوع وكاتبته يا أم هشام وشاكرة لك مرورك ودعواتك الطيبة وعقبال ماتفرحي بنجاح وتخرج عيالك يارب وتشوفينهم في مناصب عالية وكبيرة أد الدنيا يارب وتقبلي تحياتي الغالية . الأخت الغالية سما~ الله يوفقك وتنجحين وتحصدين أعلى الدرجات يارب وتحملوا واصبروا واجتهدوا كلها اسبوعين وربنا يفرجها إن شاء الله وينتهي حضر التجول المنزلي وترتاحون شوية وتاخذوا نفس عميق بعد إنتهاء الإختبارات يالله شدي حيلك وبتالوفيق لك ولكل افراد أسرتك يارب وشاكرة لك مشاركتك ومرورك العطر . حطمؤؤك ياقلبي ياهلافيك يالغالية وبالنسبة للحبسة كلنا محبوسين الأهالي والطلاب من جهة حابستنا الإختبارات ومن جهة البرد القارس بس يالله الإختبارات كلها فترة وتعدي على خير إن شاء الله تعالى ونفرح في عيالنا ونطلع نتمشى ونشرب القهوة وناكل حلى في البر والصحاري ونشوف الشمس ونتدفى بحرارتها عاد طعم القهوة وريحتها في البر غير طعمها ونكهتها مميزة ورائحتها زكية ومنعشه بالذات إذا أعدت على نار الحطب في البر عموما حبيبتي اصبري وهانت وكلنا رايحين نفلها ونطلع من الجو المكتئب بس ندعي وربنا يسهلها بإذنه تعالى شرفني مرورك الجميل والرائع يالغالية . روح المساء ياهلا وسهلا بالطالبة المجدة والنشيطة طيب ياقلبي ليش تاركه المذاكرة وجاية لهناء ليش ماتنتبهين لدروسك يالله يالله لوسمحتي من غير مطرود روحي قابلي دروسك ولانشوفك إلا بعد نهاية الإختبارات وزيادة مع علبة شوكلاته ماكنتوش او جلكسي بس مانبغى نكلف عليك ههههههههههههههه امزح معاك المنتدى مايسوى بدونك ياروح وربنا يسعدك ويوفقك وتنجحين في كل إختباراتك بكل تفوق وامتياز يارب وتتوظفين الوظيفة إللي نفسك فيها وربنا يرزقك من اوسع ابوابه ويصب الخير عليك صبا صبا ويعطيك الكريم حتى يرضيك اللهم آمين يارب . أسعدني وشرفني مرورك العطر يالغالية |
الله يووفق الجميع يارب ومن ضمنهم أناا ,’~
دمتي بوود =) |
اقتباس:
خارق ماشاء الله تبارك الله وصدقتي بكلامك عن الزوج فعلا بعض الأزواج مايهتموا بمذاكرة ومراجعة أطفالهم وأنا كنت في سابقا أذاكر لعيالي وراجع معاهم دروسهم بس لما وصلوا الصف الخامس إبتدائي فما فوق صاروا يعتمدوا على أنفسهم والحمدالله متفوقين في دروسهم ودائما من الأوائل على صفوفهم الحين عندي الولد الصغير يدرس صف ثالث إبتدائي هاذا لازم أكون معاه أذاكر له واشرح له بعض المواد الدراسيه والحمدالله نجح بتفوق والسنة الجاية إن شاء الله بنسجل عروستنا روضة والله يعيننا على إللي بيصير لنا من وجع راس بسببها لأنها خوافة حدها وتموت خوف ورعب لو تركتها لحالها والحين حايسه فيها وشايلة همها لو راحت لروضة لحالها من الحين تقول لي ياماما روحي معاية الروضة واجلسي جنبي حتى اخلص دراستي ونرو ح لبيتنا قلت لها زين عزالله أفلحنا مدام لك شروط من الحين الله يعين إن شاء الله بالنسبة لزوجي والله إنه كان بعض الأوقات مايقصريذاكر للأولاد بس أنا ما أثق في مذاكرته لهم ولا أطمن لأنه لو يذاكر لهم شوية بس ويقلبوا المذاكرة سوالف عن الأستاذ فلان والأستاذ فلان والمدير ومرورا بالطلاب المشاغبين آخر شئ يختموها بحارس المدرسة ومايخلوا شئ إلا ويسولفوا فيه وضحك ومز ح ولو حاولت أنبهم لمذاكرة الدروس يذاكر لهم على البركة بسرعة وبدون شر ح ومايعرف كيف يوصل المعلومه للولد شفت الوضع ماناسبني فقررت عزل أبوهم عن المذاكرة لهم واخذت انا مهمتهم حتى ربي وفقهم وكبروا وصاروا يعتمدوا على أنفسهم ولو أنا لاسمح الله اعتمدت على ابوهم في المذاكرة كان إللي بالمتوسط الحين باقي في الصف الثاني إبتدائي بس الحمدالله تلافينا الوضع من بدري المهم غاليتي شاكرة لك دعواتك الطيبة ومرورك العطر وعقبال مايدرسوا كتاكيتك الصغيرونين ونبارك لك وتفرحي فيهم يارب . |
اقتباس:
بالنسبة لقومة الصبح الله يعيننا عليها حنا باقي مشوارنا طويل الله يعيننا ويسهلها يارب ويصير الحليب والشابورة والكورن فلكس مجرد ذكرى لنا ولعيالنا إن شاء الله تعالى والله يحفظك وجزاك الله خير وبارك الله فيك على دعواتك الصادقه ورفع الله درجاتك في الدنيا والآخرة ورزقك ماتتمنين يارب. |
اقتباس:
يارب وتجيبي أعلى الدرجات وتسعدي قلب الماما والبابا أنتي وإخوانك كلهم يارب وشاكرة ومقدرة لك مرورك اللطيف . |
عليكم السلام والرحمه،،
الله يوفقه يارب وينولهم اعلى الدرجات في الدنيا والاخره يارب،، كل الشكر بنت الحكمي . |
اقتباس:
ونورتينا بمرورك الجميل مع إشراقة الصباح الباكر وجزاك الله خير على دعواتك المباركة وعقبال مانبارك لك بولادتك بالسلامه وربنا يسهل لك ولادتك ويرزقك ماتقر به عينك سليما معافا ويرزقك بره وطاعته يارب . |
دائما ندعو لهم فكيف وهم يمرون بهذه الفترة الحرجة
اللَّهُمَّ وَفِّقْ أَبْنَاءَنَا وَبَنَاتِنَا فِي اخْتِبَارَاتِهِمْ وَأَنِرْ بِالعِلْمِ بَصَائِرَهُمْ وَعُقُولَهُمْ وَاكْتُبْ لَهُمْ النَّجَاحَ وَالفَلاَحَ فِي الدُّنْيَا وَالآخِرَةِ وَحَقِّقْ آمَالَهُمْ وَآمَالَنَا فِيِهِمْ. وجزاك الله خيرا وبارك فيك |
الله يوفق كل طالب وطالبه وكل عاطل مسجل في حافز
ويسدد خطاهم ولا يضيع لهم تعب ومجهود .. الله يوفقهم لكل خير... |
اقتباس:
كانت واسعدك الله بنجاح أولادك وتفوقهم يارب وأقر عينك وعين أبوهم ببرهم وطاعتهم وحفظكم الله لهم مربيين ومرشدين وموجهين لكل مافيه الخير والصلاح لهم وجعلكم الله من السعداء في الدنيا والآخرة يارب وبارك الله فيك على دعواتك الطيبه وشاكرة لك مرورك العطر ومشاركتك لنا في الدعاء لأبنائنا الغالين حفظهم الله . |
اقتباس:
باأعواد البخور المسطره ياهلا باللي غلاه بالقلب ما أكبره و يارب توفق طلابنا وطالباتنا في إختباراتهم وتوفق كل من سجل في حافز بالعمل الحلال والطيب بدون معجزات وحواجز يارب سهلها ويسرها على كل محتاج وارزقه من حيث لايحتسب اللهم آمين يارب . بارك الله فيك وجزاك الله خيير على دعواتك وعلى مرورك الطيب |
قلق فظيع ينتابني وقت اختبارات اولادي..
ماعرفت ليش..الله يقدرهم ويسهل علينا وعليهم يارب يسلمك ربي يا بنت الحكمي ..يا حنانة انتي. |
| الساعة الآن 12:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©