|
هل تؤيدون يكون للبنت جوالين ؟؟؟
السلام عليكم ورحمة الله وبركاته في موضوع لفت انتباهي الفترة الأخيرة أغلب النساء لديهم جوالين بحجة واحد بدون كاميرا للمناسبات اللي تمنع الجوالات الكاميرا وأحياناً الثاني بكاميرا بس موديل ثاني أنا لا أظن بأحد شئ حتى ما أحد في الردود يتطرق لهذا الشئ أنا أشوف ما له داعي لو كنت شخصية عادية بس لو أنا كنت مسؤولة ومركزي يحتم كثرة الاتصالات ما يمنع يكون عندي جوال خاص للمقربين فقط والثاني مفتوح للكل أغلب الموظفات معي عندهم جوالين إلا أنا وكم وحدة يعني شئ انتشر وأنا أشوف إنه اسراف أنا عن نفسي ما أفكر أغير جهازي مع إنه كاميرا عادي وشوي قديم من العصر اللي بعد الحجري وتنقصه خدمات كثيرة بس تعودت عليه ولو فكرت أغيره بآخذ واحد عادي أحدث شوي والكل يقول غيريه حطي الواتس أب بس أنا ما تستهويني هذه الأشياء لا واتس أب لا بي بي لا ماسنجر في مرة من المرات أختي المخطوبة بتغير جوالها وأخذت بنتي معها المحل المهم اشترت جالكسي تاب بنتي رجعت زعلانة تقول أبغى زي خالتو :24: أنا جوالي يفشل :29: وصار اليوم متنكد قلت لها أنتِ صغيرة قالت أنتِ ما تحبيني ( صار مقياس الحب جوال ) اتصلت بأبوها وقالت له خالتو اشترت جالكسي أبغى زيها وسايرها بالكلام بس ما اشترى لها ( خير بنت في ابتدائي وش لها بجالكسي ) والحمد لله أبوها صارم بهذه الأمور هو معطيها جوال عادي بدون كاميرا للتواصل معي لو راحت له ومسجل لها أرقام المقربين من أهلي وأهله فقط ويتابعها وما يخليه بيدها على طول ولو جاتني رفعته عنها ولو طلعنا مكان عام أعطيتها إياه لا قدر الله أحد يضيع في تواصل واللي أصغر منها تقول أنا أبغى آي فون ( كملت ) :29: لا أنا ولا أبوهم جوالاتنا آي فون أو حتى جوال حديث :30: المشكلة يشوفون أطفال حولهم الايبود والآي فون عندهم وهذا يصعب علي الأمر ومهما أقول لهم أنتم صغار تقول ليه فلانة عندها وهم في سنهم والغلط من أهاليهم وإلا عمر ابتدائي ينعطون آي فون ؟؟؟ :24: بصراحة دخلت مع بنتي محل بعد ما أزعجتني وسألت عن الايبود وقال لي تقريباً 1000 ريال الله لا يخسف بنا يمكن راتبي قيمة آيبود قريبتي عندها بنت تقول لها أبغى آيبود وسوت لها هليلة قالت لها إذا اشتغلت اشتريت لك ( تسكتها ) وعمتي ولدها عمره 5 سنوات جاء وقال لها بأذنها ماما ترى الآيبود بـ 700 ريال :22: أبغى واحد بالله وش نقنع هالأطفال ما دامهم ما يحسون بقيمة الريال :29: يا ليت نتناقش في هذا الموضوع الهام |
هههههههههههههههههههههههههه
ذكرتيني بنفسي كنت مسويه ازعاج ابي جوال لما كنت ثاني متوسط ومحد اعطاني وجهه وما استوعبت على قد ما نصحتني امي وقالت ما يصلح لك انتي صغيره وانتي وانتي لكن كنت مقتنعه انه شي عادي وابيه يعني ابيه وتكلمو وحاولوا يفهموني وما فهمت فعشان كذا لو تقولي اللي تقولين لبنتك ماراح تقتنع لانها شايفه اللي حوالها ونظرتها قاصره للامور وماتشوفها الا من منظور هم عندهم لازم يكون عندي ومحد احسن مني ومع ذالك ما اقتنعت ورحت قلت لابوي وخلاني اشتري وحاليا معي جوالين وعادي بس والله ما قصدي فيها ان شوفوني ان عندي جوالين ولا حتى اطلع فيهم الاثنين مره ذا ومره ذا في نظري عادي جدا بالذات بهالزمن بتشوفين العجب بس الاهم القناعه والتفكير التربيه هالايام صعببببه مره وحتى لو حاولتي تعدلين الاخطاء بالبيت بيختلطون بالناس وبتتغير مفاهيمهم وبتطلعون بنظرهم تحرمونهم من الشي اللي يحبونه جيل متنك هع |
مشكورة على سرعة ردكِ فعلاً التربية صعبة ما دام اللي حولهم عندهم أكيد بيقولون حنا مو أقل منهم وهذا اللي أعاني منه ما تدرين يمكن أنا يصير عندي جوالين بس أنا قلت لو حسيت في ضرورة يعني أنا مو رافضة الفكرة بس لازم أولويات أنا طلعت جوال بالكلية مو الحين يمكن الجوال ينعطى المولود يتسلى فيه ( ليه هو أقل من غيره ) أعجبني توقيعكِ فعلاً اشتقنا للدراسة ( الحين وحدة تدخل وتقول اختبري بدالي بدل ما تتمنين ) |
كله كلام يا قلبي هو يعني قال البزر يبي نروح نجيب له ؟ طبيعي يعيش الوقت اللي فيه , وطبيعي يكثر الكلام والطلبات لإن طفل يعيش المرحلة والزمن اللي هو فيه وهذا هو عصرهم وعصرنا بعد :p أنا زين مني عندي واحد بعد اثنين ؟ كان أشوفني مطرودة من البيت هههههه الأهم يا خيتي أن سواءاً يملك جوال أو اثنين أو مايملك أظنّ هي شيء يرجع لشخص نفسه وغرضه وميوله في ناس تهوى شراء اللاكترونيات أو تجدد فيها وهذا حقهم الطبيعي لكن بالتأكيد ما توصل لمرحلة الإفراط والبذخ . ربي يوفقك وإن شاء الله تشترين لبنتك .. بس لا تأخذين الجالكسي صناعته مو شي خذي لها آيباد أخف و أوسم :d |
ردكِ أسعدني الظاهر لو تشوف بنتي ردكِ تقول شوفي الناس الفاهمة :22: وبتفتحين علي باب ما صدقت سكرته:30: الله يعين بس مثل ما قلتِ فترة يعيشونها في مقولة لعمر بن الخطاب رضي الله عنه أذكر جزء منها ( أكلما اشتهيت اشتريت ) |
نحن الان في عصر التقنيه ،،
ويعتمد على تعدد اقتناء الاجهزه الماده قبل الحاجه والفائده ،، وكلما استطعت ان تأخري شراءها لاطفالك يكون افضل ،، والاي باد او الاي بود اوالجالكسي ،، بدون شبكة الواي فاي يكون مسيطر عليه ،، وفقط تحملي الالعاب التي تكون تحت نظرك وسيطرتك ،، والبرامج المفيده ،، من قران او احاديث ،، وغيره الله يجعل هالاجهزه حجةً لنا لا علينا يوم نلقاه ،، كل الشكر لك نبرات ولموضوعك الطيب طيب الله لسانك بذكره |
والله عجبي من جد اطفال اخر زمن :)
الان اغلب الاطفال اللي معه مو ايبود تحصلون معه اي باد اللي سعره بذاك المبلغ 2000 مدري 4000 ماعاد سار يقنعهم الجيم بوووووي :))) مدري كيف توجههم ياريت نسمع راي الوالد رجل الرجال في زي كذا امور |
فيه جالكسي فيت
بـ 750 ويمكن أقل اشتريه وحملي ألعاب ومايروق لبنتكـ وخليه مكافأة عدد من الساعات بالأسبوع منها ما تحس إنها مالها داعي مع أقرانها ومنها تتعلم على هالتقنية لأنهم جيل التقنية فالجاهل فيها يعتبير أمي علد تصدقين بنت أخوي اسم الله عليها بالروضة وتعرف للجالكسي ةتدخل الاركت وتحمل ألعاب وأخوها أصغر منها يأخذ جوالي ويسألني فيه ألعاب !! قلت له : لآ ،، قال طيب فيه انترنت !! كان قلت له لا ،، ويعطيني نظرة والله انهبلت منه فنصيحتي لكـ خير الأمور الوسط لا تحرمينها حرمان تام ويبقى الرأي لذوي التجربة |
:* عزيزتي تربية ابناءك وقوانين حياتك يجب إلا تكون خاضعة لأفكار المحيطين بك وتوجهات المجتمع حتى لو واجهتي أنتقاداً منهم فتأكدي أنك أنتِ من تربين وتخرجين للمجتمع من سينفعه لاهم :* فالمجتمع اليوم الذي نعيش فيه اليوم مجتمع يعشق المظاهر ويقدسها ويحكم على الشخص من قيمة جهازه مجتمع يتنافس للأسف بعض أعضاءه على إمتلاك كل ثمين حتى لو كان لايجد قيمة الفاتورة لهذا الجهاز والأشد لذعاً أن أطفال بعمر السادسة والثامنة يملكون أجهزة هاتف جوال بقيمة 3 الآف :* لا أعلم متى سيتنافس مجتمعنا على إلحاق بنيهم في دورات لتعلم اللغة الإنجليزية في دورات لحفظ وتجويد كتاب الله في دورات تربوية لتعلم أنماط الحياة والتعامل مع متغيراتها أحد الصديقات حين نصحتها إلا تعطي ابنها الذي في الصف الرابع الابتدائي جهاز جوال غالي جداً ردت علي قائلة : (ما أبغاه يكون أقل من عيال عمه):d ياناس في المانيا يمنع لمن هم دون السادسة عشرة من إقتناء الجوال لمخاطرة العظيمة على الصحة والنمو ونحن نتنافس إلا يكون أقربائنا أفضل منا :* نبرات شعري سطرت أحيي فيك نضالك لتربية ابنتك تربية قويمة وحرصك عليها ومبادئك سليمة ولاتتنازلي عنها مادمتِ مقتنعه بصحتها :* ووجود جوالين بدون داعي أمر لا أعلم مافائدته :* |
اقتباس:
فيه العاب ؟؟؟ لا مافي فيه انرنت ؟؟؟ لامافي ضحكني والله :) من جد عجيبين اطفال ذا اليوم ذكرني بولد اخوي يوم يقلب في التاب الجلاكسي وهو عمره تقريبا سنه :) يقلب في التاب عشان اليوتيوب ويخبيه في صفحات ثانيه ويطلعه ولمن مافي نت يقعد يبكي عند امه والله عجيبين ونحن الكبار ماني متلهف على الجهااااااز فسبحان الله |
موضوعك حلو بس تتطرق لامرين ,,
الاول امتلاك جوالين او اكثر ... لاني اعرف احد الاشخاص يمتلك ايفون و بلاكبيري و ابو كشاف و دايم الجوالات الثلاثة بيده لزوم الكشخة و هو ماعنده سالفه ,, و هذي بصراحه ترجع للشخص نفسه خصوصا اذا كان عمله يتطلب وجود جوال فهو بحاجة لجوالين حتى لا تتعطل اتصالاته بانشغال جواله ,, اما الشباب و الفتيات فاشوف انه ماله اي داعي وجود جوالين و انا جربت و مليت وصرت متشتت مابين الاثنين و لا اويد الجوالين الا لم يتطلب عمله ذلك ,,, الامر الثاني ,, الاطفال و الجوالات و للاسف ماعاد نقدر نقولهم لا لان زملائهم كاشخين باحدث الاجهزة و مافي احد يبغى يظهر ولده انه اقل من الاخرين و الاباء يبغون يرتاحون من ازعاج الابناء و طلباتهم و بصراحه انا مااشوف فيها ضرر اذا كان الاب مقتدر ماديا اللهم السلبية الوحيدة هي الدلال الزائد فقط ,, |
تصرفك سليم جداااا مع أطفالك وخليك مصرة على رأيك ولاتهتمي لرأي احد
دام هذول اطفالك وانتي حرة بتربيتهم دام شايفة هذا هو الشي الصحيح ومقتنعة فيه خلاص أنا أستغرب جدا من أطفال دون سن الخامسة وأكبر ايضا ويحملون البلاك بيري والآيفون ؟؟؟! ليش البطر ليش الفشخرة ليش الفساد الحين مو هذا فساد للأطفال خصوصا إذا ماكان عليهم رقابة بالنسبة لي ضد حمل الطفل جوال إلا إذا كان بدون كاميرا وبلوتوث ومع متابعة بشكل دائم بكرة يوم القيامة رح يسألون عنه ؟؟ يعطيك العافية عالطرح |
اقتباس:
شكراً على تشريفكِ لموضوعي أنا ما اشتريت لهم بس من زمان كان عندهم جيم بوي بس تكبروا عليه صارت موضته قديمة على قولهم:29: أبوهم من فترة اشترى لها آيباد بس شكله مو من الأصلي يعني يمشي الحال وجابته لي ( يعني ترى بابا اشترى لي ):17: بس كان يبغى له برامج ووداه محل ومن عقبها زهدته وما عادت تجيبه أقول لها وين الآيباد تقول في البيت يعني كان عندها رغبة تملك مثل اللي حولها ولما حصلت عليه ما صار يستهويها بس مرة شافه ولد قريبتي أكبر منها شوي وقال لها جهازكِ مو أصلي سوتها سالفة وزعلت قالت بابا جايب لي أصلي :30: راحت لأمه تقول ليه يضحك عليّ قالت لها لأنه ما عنده مثله ومنقهر منكِ :29: ما عنده حتى التقليد قلت لها يا ماما أصلي وإلا تقليد وش يعني ؟؟؟؟؟ أنا ما أعجبني إنه اشترى لها بس ما بيدي حيلة وأختها اشترى لها شبيه للآيباد يعني سايرها هو كأنه لعبة بس يوم يومين وأشوفه ممشخ وقاطته يعني بطر وفشخرة أنا بناتي يتقوون بأبوهم لو قلت ما في هالشئ قالوا عادي بابا يشتري لنا :24::24: أبوهم يحبهم بس ما تعجبني موافقته لأي شئ صحيح يتابعهم بس ليه من صغرهم ما يحسون بقيمة الريال:29: |
اقتباس:
شكراً لتشريفك موضوعي فعلاً ما عاد يحسون بقيمة الريال عندهم وش يعني 4000 ريال أهم شئ اللي أبغاه يحصل :29: ما يدرون إن بهذه القيمة نقدر نساعد فقير بايجار بيته واللي يحتاجه يا ليت نسمع رأي رجل الرجال إذا سمح لنا من وقته مع جزيل الشكر |
اقتباس:
شكراً لتشريفكِ موضوعي أنا ما أقصد أحرمها حرمان تام بس الحياة أولويات يعني أنتِ شايفة الوضع ما في وظايف ولو حصلنا وظايف عساه الراتب يغطي التزاماتنا فما بالكِ نشتري جهاز بقيمته أخلص أمور أهم أنا أعطيها اللاب توب حقي وتدخل ألعاب وتحت يدي بس قدامي ولو إن بعض الألعاب ما أدري وش الفايدة منها أما الثانية ما تخالف أي شئ يقنعها حتى إني ما علمتها برقم الجهاز حتى مو على أي وقت تفتحه وتلعب كل اللي تقوله حطي لي ألعاب طبخ:25: هذا مقدور عليه بس بعدين لا كثرت الأجهزة وش الحل ؟؟؟؟؟؟ |
اقتباس:
شكراً على تشريفكِ لموضوعي فعلاً كلامكِ كل أم وأب هم المسؤولين عن تربية أبنائهم في مقولة ( لا تغرك كثرة الهالكين وقلة السالكين ) أنا أحاول قدر المستطاع ولكن العالم الخارجي مثل التسونامي :24: المشكلة في هذه الأعمار التقليد مرة بنتي شافت عند بنت عمها دفتر استيكرات وسوتها سالفة أبغى زيها :29: هذا مقدور عليه واشتريت لها ولما ترجع من المدرسة أقولها وين الاستيكرات تقول وزعتهم على الفصل :25: يعني السالفة وما فيها حب المظاهر ليه بنتي عمي أحسن مني في ايش ؟؟؟؟؟؟ |
اقتباس:
شكراً لتشريفك موضوعي مثل ما تفضلت طبيعة عمل الشخص هي اللي تحدد هذا الموضوع على سبيل المثال شيخ أو طبيب يعني مسؤول أكيد راح تجيه اتصالات كثيرة مثل هذه الوظايف لازم يكون في جهاز خاص لأهله على الأقل مو معقولة بأرد على كل الأرقام لأنه احتمال أحد من أهلي بيدق من رقم ما أعرفه على رقمي العام وأكبر مثال مفسر الأحلام جواله ما يسكت هذا أول واحد لازم يخصص جوال ثاني لأهله والله العالم يمكن ينتشر من واحد لواحد ويصير حاله حال الجوال العام وحتى لو إني مقتدرة مالياً ما أترك المجال لعيالي اطلب تجد ترى الحياة صعبة وبكرة إذا طلعوا للعالم الخارجي مو كل شئ بيتوفر لهم فلازم من الآن يتعلمون على الاقتصاد في حالات بسيطة ممكن أوفر هذه الأجهزة مثلاً هدية نجاح وتحت اشرافي ترى أنا ممكن أضمن عيالي وأعطيهم الثقة لكن ما أضمن العالم الخارجي وعلى افتراض أعطيتهم الحرية في دخول أي شئ وش يضمن لي ما يطلع لي رفقة سوء تدلهم على أمور ما هي طيبة والصاحب ساحب ما نبغى نغلب الجانب السلبي والظن السوء لكن الحرص واجب |
اقتباس:
(( كلكم راعٍ وكلكم مسؤولٌ عن رعيته )) كلامكِ عين العقل ولكن المجتمع يبغى له وقفة مع نفسه إلى متى التكنولوجيا مسيطرة على عقول أبنائنا والله في ألعاب تعلم العنف والضرب والغدر وكل الأخلاق السيئة طبعاً أعداء هذه الأمة راح يستغلون هذه الثغرة ويبثون سمومهم من خلال ألعاب الأطفال |
بالنسبة لاقتناء جوالين للنساء , واحد للعرس و الثاني بكاميرا
ما أشوف فيها شي ,,أصلا جولات بدون كاميرا أصبحت شبه معدومة و ضعيفة الصنع و رخيصة يمكن تجب ب200 ريال و أقل بكثيير , لكن في الأعراس يشترط ذلك (بدون كاميرا) و الجهاز الثاني لما دون العرس و لا يوجد تشتيت إلا أذا كنتي تقصدين شريحتين..رقمين ,,, بالنسبة للأجهزة للأطفال فهل لو توفر المال , بيكون الوضع عادي؟ ,,, للصغار طبعا لا أؤيد الجوال ,و لاحتى بالمرهقة افكر اعطي بنتي إلا أن أعطيها جوال لو خرجت في مشوار مع غيري لأتطمن عليها,, |
اقتباس:
شكراً لتشريفكِ موضوعي أنا أقصد رقمين يعني شريحتين أنا ما منعت بنتي لأجل الوضع المادي الحمد لله وضعي طيب بس ما أبغى كل ما طلع جهاز جديد البيت عندي ينقلب مظاهرات :30: ليه فلانة أحسن مني ؟؟؟ جوالي يفشل فلانة أحلى مني !!!!! مرة بنتي الصغيرة شافت عند بنت من قرايبنا جوال والله إن بنتهم صغيرة المهم انقلب البيت عندي مظاهرات وأزعجت أبوها حتى اشترى لها واحد عادي بس كلها كم يوم وأخذه منها صارت تضيعه ومن حركاتها المضحكة تحطه صامت وندور عليه وندق ما نسمع صوته تقول ماما حطيته صامت قلت لها ما شاء الله من كثر الاتصالات تحطينه صامت ( الأخت تقلدنا وقت الصلاة نضبطه على الصامت ) ولقيناه بعد كم يوم بس خلاص أخذه أبوها منها كل شوي مضيعته والآن ناسية الجوال ما تسأل عنه ( فترة بعدين نسته ) اللي حولهم أصغر منهم وعندهم أحلى وأغلى جوال والله حرام تروح البراءة في التنافس على جماد يقولون ليه عند فلانة ومو عندي ما اختلفنا بس بالأول نفهمهم إن مو كل شئ يعجبنا يناسبنا في مرة أسولف مع الصغيرة أقول لها يمكن أطلع آي فون قالت الله ماما بتطلع آي فون :14: يعني مين قدي وقالت أعطيني جوالكِ اللي عندكِ :29: قلت لها طبعاً لا يمكن أحتاجه في هذا العمر جوال الكاميرا ممكن الطفل يصور فيه وأنا ما أدري ومن يد ليد تكون صورتي انتشرت ولو افترضنا حسن النية وحرصي على الجوال وش يضمن لي ما يضيع أو ينسرق :24: ومن بعدها أندب حظي :29: والكلام موجه لعموم النساء ( لا تتصورون بجوالاتكم ) أنا لو طلعت أعطيهم لا قدر الله ضياع أو خلافه من باب الاحتياط بس نرجع يكون على الطاولة ومتفقين على كذا بعض الدلال من أولياء الأمور يحطم شخصية الطفل وما يصير طفل عصامي يجي الشئ من عرق جبينه في المستقبل بعد توفيق الله أنا أعاني من هذا الشئ لو ما اشتريت لهم أبوهم يشتري يعني كلامي يروح في الهواء :21: |
نبرات
ما تزعلي مني بس ارى انه موضوعك في تدخل في حريات الغير كل وحده حره يكون عندها جوال او اثنين او عشر وهي حره لو معاها جوال اي فون والثاني بلاك بيري والثالث جالكسي هي حره وشي راجعلها طالما ما ضرتك بشيء ايش مضايقك؟ بالنسبه للفلوس هذي ارزاق الله يوزعها على عباده في ناس رواتبهم عاليه جدا وجوال ب 3 الاف لا يعني شيء لهم وفيه ناس مسرفه تكون على قد حالها بس تحب تدلع نفسها او ممكن تحب تتفشخر ..بكيفها فلوسها وهي حره فيه طالما ما ضرت اللي حواليها.. تشتري اجهزه تشتري ملابس تتصدق ما تتصدق حياتها والحساب بينها وبين ربها.. بالنسبه للاطفال الايبود صار بديل البلاي ستيشن والوي وطقته اعتقد كلهم اسعارهم متقاربه للاسف هذي العاب العصر احنا زمان كننا نلعب بالعرايس والاولاد بالسيارات الان صار الايبود وطقته هي العاب العصر ..الله يعطينا خيرها ويكفينا شرها.. |
انا طبعا مو بنت يعني ام بنين وبنات واحمل جوالين
يكاميرا وبغير كاميرا احيانا احتاج بدون كاميرا بعض الملتقيات النسائية او بعض الحفلات واحيانا لما اكون في مكان عام كالأسواق اضطر اعطية بنتي ذو العشر سنين خوفا من أن نفترق يعني للحاجة ضروري وطريقة تعاملك مع بناتك روعة جعلك تذوقين برهم ويرزقك بالزوج الله الصالح الموفق |
اقتباس:
أتمنى ما يتغير مسار النقاش إلى شئ لم أقصده أولاً أنا ما تدخلت في شؤون الآخرين بس لاحظت هذا الشئ وحبيت أشوف آراء الجميع يا ناس أنا ما اقصد جوال بدون كاميرا اللي بالمناسبات ترى أنا أستخدم جوال بنتي في الزواجات والأماكن اللي تمنع الكاميرا ولا يعنيني إن فلانة آي فون او بلاك بيري اوغيره كل شخص حر باختياراته مو هذا مجال حديثي كلامي ينصب حول إن هذا الشئ مبالغ فيه لو ما في حاجة ملحة والأرزاق فعلاً على الله وأنا ما قصدت إني عاجزة أشتري لنفسي او لبنتي بس مسألة مبدأ ما أبغاها تتعلم على أن كل شئ تتمناه يتحقق لأني لو قدرت اليوم بكرة يمكن ما أقدر ترى الدنيا مو بس فلوس مع وافر الاحترام لرأيكِ فاختلاف الرأي لا يفسد للود قضية كما يقال |
اقتباس:
أنا مثلكِ بالضبط هذه هي طريقتي ومشكورة على دعائكِ الطيب والله يجبر خاطركِ |
- بصرآحه أنآ گنت أعتبرهآ مسأله شخصية ويمگن مادية ! لأن بآلنهآية گل وآحد وله حرية إقتنآء جهآز وآحد أو أگثر ،
لگن إلي لفت إنتباهي بشگل وحسسني بسلبية آلموضوع لمآ گنت بآلحج آستغربت إن گل وحدة قاشة گل أجهزتهآ وجآيبتهآ ومنشغله فيها طول آلوقت هذا غير تطقيمهآ مع ألوآن آللبس ! تصدقين من ألحين شايلة هم لآگبرت بنتي إن شآء آلله شلون أتعآمل بهآلخصوص لأن مجتمع زوجي أطفآلهم بشگل خآص فيهم شي من هآلتنآفس !، *على فگرة بدآية موضوعگ گنت فآهمه إنه آلقصد جوآلين لأن تحتآجي بهآلوقت يگون معآگ جوآل بگآميرآ وجوآل بدون ، لگن بعدين فهمت إنگ تقصدي رقمين :-P - آلله يقدرنآ ونقدر نربي أطفآلنآ تربية صآلحه (F) جزيتي آلخير غاليتي . |
| الساعة الآن 05:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©