منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   ماني عارفة ليش أنا عايشة بالدنيا ؟ (http://www.66n.com/forums/showthread.php?t=232068)

روح الطير 08-01-2012 07:31 PM

ماني عارفة ليش أنا عايشة بالدنيا ؟
 
السلام عليكم و رحمة الله و بركاته

بعد وفاة أبوي الله يرحمه من سنوات و وفاة الوالدة من أسبوعين ..
حاسة اني ماشية بالدنيا بدون هدف ..

كنت ادرس عشان اخليها تفتخر بيا بالدنيا، كنت اعمل كل شي عشانها
طيب دحين ؟

تعبانة و ماني قادرة ابكي .. دموعي نشفت
و الغريب اني غسلت امي و ماني حاسة بشي بداخلي ؟

احب امي و متعلقة بها .. بس ماني قادرة ابكي يوم العزا ..

ساعدوني، ايش ممكن اعمل اي شي لامي و أبوي ؟
ادري دعاء و صدقات .. بس كيف ؟؟؟

ابغى افكار .. عشان احس انه وجودي بالدنيا له معنى ..

و الله صرت اقول بداخلي، يارب بس ابغى أعيش عشان اكبر الولدين
و بعد كذا ابغى أموت .. ما ابغى أعيش كثير ..

دام انه الحياة هم و غم و كد و تعب و مشاكل و مصايب
ليش نعيش ؟ ليش اتخلقنا ؟

عشان نتألم ؟ عشان نبكي ؟ عشان نتعذب بالدنيا و الآخرة

روح الطير دحين، مو هي روح الطير تبع زمان ..
الماضي بكل ذكرياته و بكل شي يتعلق بطفولتي و مراهقتي .. قتلتلهم و دفنتهم للابد ..

*

روح الطير 08-01-2012 07:33 PM

صايرة بس ساكتة .. مافي شي يزعلني و لا في شي يضحكني ..
حتى زوجي صرت بس كذا عايشة معاه .. ما صار يهمني ..

اقول بداخلي، خلاص اهم شي عايشين و بس ..
قلبي احسه مااااااااات

ما عاد ليا بالدنيا احد يحبني مثل امي

ذكريات لاتغيب 08-01-2012 07:35 PM

استهدي بالله
اشعر بكل ما كتبتي لكن لا اعرف ما اكتب لكِ

قلبي معك

الله يغفر لوالديا ويرحمهم ويغفر لأمك وأبيك وجميع موتى المسلمين

Raouf 08-01-2012 07:43 PM

اخت روح الطير
هى دى سنة الحياه والكل مفارق ..
ربنا يحسن ختامنا ويجعل احسن اعمالنا خواتيمها ..
ياترى حنلاقى اللى يشيلنا ؟

روح الطير 08-01-2012 07:49 PM

طيب و ليه نعيش و نحب و بالأخير نفارق بعض ؟
كنت مجمعة مبلغ من المال عشان كنت أتمنى اشتري فيلا دورين بالمستقبل
أعيش فيه و امي تعيش معايا

طيب دحين ايش اعمل بالمبلغ هذا ؟

روح الطير 08-01-2012 07:58 PM

بموت امي و أبوي ، كل شي فجأة انقطع و اختفى من حياتي ..

ماني عارفة ليش اربي الولدين ؟
عشان اكبر و امرض و يتعذبوا معاي ؟

ماني عارفة ليش عايشة مع زوجي ؟
عشان اذا متت ، نساني و راح يشوف حياته ؟

.
.

قبل، كنت افكر اني اجمع عشان المستقبل ..
دحين، صرت افكر اني أعيش يومي و خلاص ..
ماهمنييييي المستقبل .. يصير اللي يصير ..

و الموت واحد بالأخير ..

Raouf 08-01-2012 08:01 PM

ليه لو مت جوزك حاينساك ويشوف حياته ولو مات هو الاول حاتعملى كده ؟؟

روح الطير 08-01-2012 08:03 PM

كنت دائماً أتكلم مع امي، اكثر وحدة افتح لها قلبي و تفهم كلامي ..
دحين ماني لاقية احد مكانها و مستحيل اصلا

مهما تكلمت مع اي احد، ما احس بالراحة ..
امي قدام عيوني طول الوقت خيالها ..
و صوتها بأذني طول الوقت ..

اتخيلها بتتصل و تسال عني و تسألني ليش ما جيتي ؟
تتصل و تقول لي ترى طبخت الأكلة الفلانية، و شلت لك منها ..
أتخيل و افتكر كل شي ..

بس ماني قادرة ابكي و لو بدت عيوني تدمع، بسرعة امسك الدمعة ..
و اللي قدامي يحسبني ماني متأثرة

و مو لازم اقول لهم، أنا من يوم ما مرضت امي و أنا ابكي ..
و باخر أيامها بكيت لحد ما نشفت الدموع ..
و وقت ولادتي صرت ابكي و الدكتورة تقول انت بتبكي مو عشان الولادة ..
فيه شي تاني متعب نفسيتك ..


امسك الورقة و القلم عشان اكتب اي شي، احس نفسي عاجزة عن كتابة حرف واحد ..

روح الطير 08-01-2012 08:09 PM

ياسمين

الرجال معروفين اغلبهم .. يفكروا بنفسهم ..

و مهما وصل محبة زوجي لي، مستحيل يتقارن حبه بمحبة امي و أبوي لي ..
لانه حبهم بدون مقابل و حب الابوين غير أناني ..

و أنا اعرف نفسي، ما انساه أكيد ..
لأني انثى ..

و ما صار يهمني لو يحبني و لا لا ..
مصيرنا نموت ..*

امي و أبوي عاشوا مع بعض و بالأخير ماتوا ..
و الحياة ماشية من غيرهم ..

شقـردية 08-01-2012 08:12 PM


يقول العلّامه إبن عثيمين رحمهُ الله :
الموتُ لا يعني فراقَ الَأحبَّة ,
الموتُ يعني فُراقَ العمَلِ الصَالِح :"


فاجتهدي واهدي والدتك من العمل الصالح ،،
من دعاء وصدقه جاريه
او حجه لها او بناء مسجد بمالها
او حفر ابار في الدول المحتاجه ..
او كفالة ايتام ،، او المساهمه في بناء دار للقران
او التكفل ببعض مصاريفها ،،
تفقد حاجات الارامل والايتام والمطلقات والاسر المحتاجه ،،
من مال او دفع فاتوره او ايجار او شراء اجهزه لها او غيره ،،

واطلبي من الله ان يعينك على ذلك ،،
اعانك الله وسدد خطاك ،،

واوصيك ان تكوني إنسانه إيجابيه بتفكيرها ونظرتها لهذع الحياة الفانيه
واسأل الله أن يرزقني واياك اليقين ،،

فأنت الان بعد هذا الإبتلاء من ربك ،، خير لك في الدنيا والاخره ،،
ففي الدنيا ،، يبين لنا ان العبره بالعمل الصالح وحسن الختام ،، وان
نحاسب انفسنا قبل ان نحاسب ،، وان نجتهد في تزكيتها وتطهيرها
والتقرب إلى الله بالعمال الصالحه ،،
وضعي لك منهج تمشين عليه ،،
من صلاة ليل ،، الذكر المتواصل ،، قراءة القران وحفظه ،،
وغيرها من الاعمال ،،

الله يرحم والدتك ويغفر لها ولموتى المسلمين ،،




*

روح الطير 08-01-2012 08:13 PM

صرت اسلي نفسي بقصة يوسف عليه السلام ..
لانها بتصير معايا دحين ..

من تاني يوم العزا، صارت احداث كثيرة بحياتي ماتخيلتها تصير
و فوق وجع و الم الفراق لأعز انسانة ..

انجرحت و بديت افقد الثقة بكل اللي حولي ..

شهزدا 08-01-2012 08:16 PM

التعلق با الام ما يكون الا للأطفال ..

انتي الان ناضجة ما تحتاجي ام ...

الام وسيلة لانجابنا فقط ...

أنا اعتبر أمي ميته مع انها موجودة ..

ما اشعر نحوها بالحب او الشوق ...

هي بعد لا تعتبرني ... الا مصدر للمال ..

الحياة لا تحتاج ام أبدا ...

روح الطير 08-01-2012 08:19 PM

اتهموني اني سبب موت امي، و اني سبب مرضها .. و دخلوا بنيتي و اني السبب بكل شي
و الغريب انه بحياة امي كنت اكثر وحدة اجلس معاها ..
و أنا غافلة عن اللي بيصير من ورايا .. و اللي يقولوه ..

بيت اهلي بين يوم و ليلة صرت ما ادخله ؟

الحمدلله انه ربي الهمني اسأل امي قبل لا تموت بكم يوم ( يا ماما انتي زعلانة مني ؟ )
و هي تأشر برأسها ( لا ) ..

صايرة اشك بكل اللي حولي انهم بوجهين ..
اذا اقرب الناس ليا و اللي تربيت معاهم زي كذا شفت منهم ..

يا ناس .. رميت كل شي ورا ظهري عشان اجلس كع امي
و دحين خلوني أنا البنت العاقة ؟

ليت اقدر ارجع مثل قبل ..
صرت أخاف اضحك او ابتسم عشان ماحد يفسره تفسير اخر من راسه ..

أنا تغيرت بين يوم و ليلة ..

كل شي انتهى ..

*

خاله بيتا 08-01-2012 08:20 PM

لا اله الا الله ... شفينا يا روح حبيبتي

مو انتِ اللي انذكره ليه عايشين وربنا ليش خلقنا .. انتِ عارفه

مو انت اللي نقول لها هذي دنيا زوال والبقاء في الاخرة .. هناك في ذاك العالم اللي قاعدين أمي وامك ينتظرونا فيه .. انتِ عارفه

مو انتِ اللي نقول لها ليه نربي وليه نكبر .. ما نكبرهم حتى يتعبوا فينا ,, ولا أهلنا كبرونا حتى نتعب فيهم .. هذا شيء ثانوي يصير بالدنيا .. الأساس عند رب العالمين حبيبتي ..

أساس الدنيا انها دنيا اختبار والهدف فيها عبادته سبحانه وتعالى .. محطة نمر فيها حتى نوصل لدار المقام البقاء اللي وصلوها أهلنا وينتظرونا فيها .. نعمل خير كثير حتى نلحقهم بالجنة وما نروح جهنم والعياذ بالله

شفتي الشقا والتعب اللي مرت فيه الوالدة بدنيتها .. لما وصلت هناك بالجنة سألوها .. كم بقيتِ بالدنيا وشنو الشقا اللي شفتيه .. قالت لهم مريت كأنه يوم .. وما اتذكر شقا بعد الهنا اللي شفته هنا :) .. هذا أنا قاعدة أنتظر روح بتلحقني بعد عمر طويل تقضيه بالطاعات

ذكريات لاتغيب 08-01-2012 08:22 PM

يا روح ..
المهم ان والدتك توفيت الله يرحمها وهي راضيه عليك..

اخواتك يعانون من الفقد مثلك
ويبحثون عن سبب للموت
وكل واحد يسقط تهمة على الآخر..ليرتاح
لا اعتقد ان قصدهم ايذائك أنتي تحديداً

قلآسيه 08-01-2012 08:25 PM

روح الطير استهدي بالله ووكلي امرك له سبحانه

الحمدلله واضح انك بنت بارّه والبر لن ينقطع ان شاءالله بدعاءك لوالديك وتصدقك عنهم خصوصا الوالدة

ايضا عيشي مرحلة الحزن بكل تفاصيلها وابكي كثيرر لكن لا تتجزعي
والناس مصيرهم يعرفون الحقائق وبعدين لا يهمونك
الناس الي كانو عندك فوق الناس وتحت الله رحلو الله يجمعك فيهم بالجنة
وغيرهم لا يهمونك

صدقيني كلها فترة وتعدي واحمدي الله على النعم اللي انتي فيها من صحة وزوج وطعام بيت وانك تصلين وتكتبين ما يخطر ببالك
عددي النعم صدقيني بينتهي يومك ما انتهت

الحمدلله ثم الحمدلله ثم الحمدلله حتى يبلغ الحمد منتهاه ..

خاله بيتا 08-01-2012 08:27 PM

اقتباس:

المشاركة الأصلية كتبت بواسطة روح الطير (المشاركة 2752330)
اتهموني اني سبب موت امي، و اني سبب مرضها .. و دخلوا بنيتي و اني السبب بكل شي
و الغريب انه بحياة امي كنت اكثر وحدة اجلس معاها ..
و أنا غافلة عن اللي بيصير من ورايا .. و اللي يقولوه ..

بيت اهلي بين يوم و ليلة صرت ما ادخله ؟

الحمدلله انه ربي الهمني اسأل امي قبل لا تموت بكم يوم ( يا ماما انتي زعلانة مني ؟ )
و هي تأشر برأسها ( لا ) ..

صايرة اشك بكل اللي حولي انهم بوجهين ..
اذا اقرب الناس ليا و اللي تربيت معاهم زي كذا شفت منهم ..

يا ناس .. رميت كل شي ورا ظهري عشان اجلس كع امي
و دحين خلوني أنا البنت العاقة ؟

ليت اقدر ارجع مثل قبل ..
صرت أخاف اضحك او ابتسم عشان ماحد يفسره تفسير اخر من راسه ..

أنا تغيرت بين يوم و ليلة ..

كل شي انتهى ..

*

ايوا .. فهمت الحين

معليه حبيبتي .. معليه ... مافي شي عند ربنا يضيع ..

اسأليني أنا ..
وربي .. ورب العزة .. ورب البيت ما يضيع حق أحد عنده .. رب الناس كلها اللي يعلم باللي يقولون وباللي بصدورهم بعد .. وكل واحد وخاتمته على حسب عمله .. صدقيني .. أشوف اللي ظلموني الحين قدام عيني ووالله ما أتمنى اللي صاير فيهم لعدو صهيوني

المهم اللي بينك وبين ربك عمار وخلي الباقي على رب العباد

رجل الرجال 08-01-2012 08:27 PM

ابنتي الكريمة
آحسن الله عزاءك ورحمهم الله وآسكنهم فسيح جناته
1- الحمد لله آن غسلتيها وختم الله حياتها بين يديك وهذا بشرى برك بها وصمتك وعدم البكاء وقتها بسبب آن العقل رافض الموقف ولم يستجب له واحتاج فترة ليستوعب
2- يستغل ابليس كل ظرف يمر بالمسلم ليبعده به عن الله والوسوة له بكل ما يحزنه ويبعده عن الفرح بطاعته التي قدمها ليتبعها بمثلها
3- بقي لك في الدنيا كل لحظة تدعين بها لهما فلا ينقطع عملهما ( آو ولد صالح يدعو له)
4- الصدقة على اصدقائهما من الاقارب خاصة وزيارتهم والتودد لهم
5- كوني مع الله في كل حالة ولا تستسلمي لوسوسة ابليس واحتسبي الحياة للدعاء لهما وتربية الولدين ليدعوان لك بعد موتك وانشري علما يبقى بعدك واستمتعي بزوجك ومتعيه من باب الاحتساب بالحلال والترتفع درجتك بالجنة من حسن تبعلك لزوجك
6- ستتجاوزين هذه الازمة وسيغمر قلبك الامل بالحياة وتنسي هذا الضغط وقد ينسيك الشيطان برهما كما ايسك من الحياة الان
اجعلي حياتك كلها لله تكسبي بإذن الله وعلمي اولادك ذلك وابحثي عن ما يفيدك من مواقع العلماء بهذا الموضوع

روح الطير 08-01-2012 08:28 PM

شهر زاد ..

لا تقولي كذا ..

امي كانت قاسية .. بس قدرت اطلع الحنان منها بقوة ..
كنت اجلس معاها و احكي لها و تسمع لي

و كم مرة سبتني و شتمتني .. و كنت عادي اقول بداخلي
( زيدي اكثر .. بكرة راح اشتاق لشتايمك ليا )

كانت امي تقول لهم كلهم ( روح الطير اذا سبيتها .. تضحك مو مثلكم )

صح اني زعلتها كثير .. بس كانت تسامحني و تنسى ..
لانها تعرف انه مو من قلبي و كنت على طول أجي أتكلم معاها و امزح معاها

كنت اتصل من برة و أقول لها ( يا ماما أنا البقرة حقتك )
و تجلس تضحك


أنا تعلقت بها اكثر بعد ما تزوجت ..
لا تقولي اننا ممكن نستغنى عنهم

لسى باتخيلها حتتصل علي بعد شوي ..
و بالعكس، كانت تميزني عن الكل لأني كنت ابين لها اني حتى بعد ما تزوجت
اني ما تغيرت عليها و لا اني استغنيت عنها و عن حاجتي لها

يستغربوا اللي حولي ليش ما ابكي ؟
حتى أنا ما ادري ؟

هي الدموع نشفت و لا صابني تبلد ؟

خاله بيتا 08-01-2012 08:42 PM

اقتباس:

المشاركة الأصلية كتبت بواسطة روح الطير (المشاركة 2752343)

يستغربوا اللي حولي ليش ما ابكي ؟
حتى أنا ما ادري ؟

هي الدموع نشفت و لا صابني تبلد ؟

يعني في أحد مثلي:) ..
بعد وفاة والدتي الله يرحمها بيومين وكان بيت العزا لا زال والبيت مليان ناس .. مثلك ما بكيت وأغلب الوقت ماسكة المصحف أقرأ لكن اللي أتذكره وانحرج من نفسي للان موقف صار معي أستغرب له كثير .. مو متذكرة الموقف تماما .. اللي أتذكره اني ولسبب ما ضحكت وبصوت مسموع وجارة والدتي وبختني .. وقتها كان عمري تقريبا 23 او 24 ..

ما أحد يستطيع أن يقدر الحزن اللي بقلبك الا أنتِ .. ومافي مرة أتذكر فيها والدتي أو ينذكر فيها اسمها إلا وتنزل دمعتي غصب عني الى يومنا هذا .. والله وحده العالم كم أبكاني موضوعك
كل ما أتذكرها أبكي مع اني بيوم العزا ما بكيت وظليت شهور بعدها دمعتي ما تنزل لكن الشوق ماله حد .. شوق ما يروح يظل الى أن نلتقي باذن الله .

روح الطير 08-01-2012 08:47 PM

ذكريات

هم قاصدين و أنا أعرفهم .. بس اخترت الابتعاد و النسيان ..
بس قلبي رافض انه يقسى عليهم

-------

بيتا

و نعم بالله ..
و أنا عشان كذا أتمني الموت ، عشان اقابل امي و أبوي ..

و باعيش عشان الولدين .. و حتى اليوم كتبت وصيتي و أرسلتها لجوال زوجي
و امس اتصلت لاختي و وصيتها مين يغسلني اذا متت و مين يربي أولادي اذا متت

-------

رجل الرجال ..

بحاجة بالفعل لعيادتك و من ايام و أنا افكر اني اتعالج عندك ..
بس شايفة كل زباينك ماشاء الله ..

صايرة اشوف الناس بصورة تانية و ما اثق بأحد بالدنيا كلها ..
صرت اشك بنفسي و اشك بنيتي ..

*كنت بالغربة بس ابكي اذا غاب صوت امي عني كم يوم ..
كيف قدرت أعيش دحين من غير صوتها اكثر من أسبوعين ؟
كنت متخيلة اني راح آجن اذا ماتت .. بس ماني حاسة بشي ..

لقنتها الشهادة و الحمد لله .. و غسلتها و بستها ..
يوم كانت امي عايشة، كنت اتمنى ابوس رجولها بس كنت استحي منها ..

قدرت ابوس رجولها أخيرا بس بعد ما طلعت روحها ..

كل ماتكلمت هنا ، كل ما بديت احس انه قلبي ينبض و الدموع تبدأ تبغى تنزل ..

.
.

لا احد يقول بانساهم ..

أبوي الله يرحمه لحد دحين اشوفه باحلامي و مانسيته أبدا ..

بس امي ماتت .. و معاها ( الكل ) مات ..
بلحظة كل شي اختفى ..

و بديت اشوف نفسي امام ( زوج و طفلين و منزل و حياة أنا مسؤولة عنها ) ..
كنت زمان اشوف نفسي طفلة امام ( امي ) ..

عشان الكبير امي ربته، فاليوم طعمت ولدي الصغير و هو اول تجربة لي ..
و صار يبكي و مسخن و أنا ابكي معاه، يوم تخيلت لو امي كانت عايشة ..
كنت دحين أنا عندها او دقيت عليها و سألتها ..

الغريب اني بداخل راسي أتخيل اني أدق عليها و اسمع صوتها و أتخيل المحادثة اللي بتصير بيننا و الضحك و كل شي ..
و اجلس اسرررررررح و أعيش بعالم تاني .. *

و لو لحظة ما فكرت بها، احس اني خائنة ..
و لو فكرت بها .. أسرح ..


امي شفتها تمووووووووت قدامي، يوم ورا يوم ..
هذا اللي خلاني ( أعاف الدنيا ) ..

بديع المعاني 08-01-2012 08:48 PM

أختي روح الطير
جبر الله مصابك و رحم الله والديك رحمة واسعة وأسكنهما فسيح جناته

لا يهون علينا مصابنا على فراق الاحبة الا اليقين الصادق بوعد ربي

ووعد ربي حق

فهناك فوق ربوع جنات ربي نلتقي بمن فارقنا
ونهنأ فلا نضيق أبدا
ونصح فلا نمرض أبدا
ونعيش فلا يهلكنا الدهر أبدا

هناك لا تفقد آمالنا رونقها بمرض أو كدر أو موت

وهنا نحن بدنيا مليئة بالاختبارات الربانية و التمحيص المستمر ليعلم الله الذين آمنوا بصدق
نحن هنا بدار اختبار بدار عمل و اجتهاد
فاجتهدي أخية في اعمار دارك بالاخرة باعمار الدنيا بأعمالك الصالحة و اصلاح نفسك و ذريتك

بالنسبة لأخوتك وأهلك نصيحتي لك تجاوزي عما تسمعين هذه الفترة بالذات فالنفوس مثقلة بالحزن ولا تعي ما تفعل و تتفوه به ... ومهما كان أنتم أسرة واحدة و ان قطعوا هم فصلي من جهتك و ردي على الاساءة بالاحسان و استعيني بالله و احتسبي أجر ما تلاقين لعل الله يجعل بعد هذا الامر ودا و ترابطا ....
ولا تتوقفي عن الدعاء يا أختي الكريمة فالدعاء فعل السحر ... رددي دوما اللهم ألف بيني و بين أهلي و أصلح ذات بيننا و اجمعنا على طاعتك ومرضاتك

فرج الله همك و أصلح شأنك كله وأصلح بينك وبين أهلك و جمعك بمن تحبين بجنان الفردوس

روح الطير 08-01-2012 08:50 PM

قلاسية

أنا باضحك مع زوجي و أولادي و امزح معاهم و اللي يشوفني يقول ما كانه أمها ماتت قريب ..
بس هذا كله بداخلي ..

أنا تفكيري ماصار مثل قبل ..
كل شي بلحظة اختفى ..

ولدي يقول لي ماما وديني بيت ( جدتي ) وقت نعدي بالسيارة من قدام البيت
اقوله يا حبيبي ماحد فيه .. كلهم مسافرين

و مو أنا اللي قطعتهم .. عشان لا احد يفهمني غلط ..
بس ناس قدامك، يتصيدوا اي كلمة منك و يعملوا منها حكاية ؟

و العجيب انهم يدخلوا بنيتي و يفسروه على حسب أهوائهم
و يحاسبوني على التفسيرات اللي فسروا بها نيتي ؟

و الشي هذا من ايام امي، بس كان الامر هذا متغطي لانه امي
كانت تدافع عني و تسكت اللي يتكلم عني أمامها *

روح الطير 08-01-2012 09:09 PM

وقت امي كانت عايشة .. كانت تجيني رسايل منهم على جوالي ..
روحي بيتك .. و امي كانت تقول لي ( اللي مو عاجبه هو يخرج )
جلوسي مع امي كان، عشاني اعرف انها بحاجة لاحد يسمع لها تفضفض
و احد يتكلم معاها ..

فالاخرين يظنوا انه جلوسي معها عشان أتكلم عن فلان و علان .. و على كيفهم يفسروا ؟
و امي اصلا ماكانت تحب احد يتكلم قدامها عن اي احد .. عشان كذا كانت ترتاح تتكلم معايا
و كل واحد يشوفني بعين طبعه .. و كانت امي تقول ( ما أأمن احد على أسراري غيرك )

عشان أريح الجميع ..
بعدت ..

عالاقل حتى أحافظ عالاحترام اللي بيننا .. مو لازم يحبوني ..

و أنا عارفة انهم بعد فترة بيرجعوا لي ..
بس أنا قلبي بررررررررررد منهم بعد كل اللي سمعته منهم ..
و بالوقت اللي كنت بحاجة فيه لقربهم مني ..

و وقت يفتكروني..
اكون أنا اللي خلاص نسيتهم ..

لأني كنت متحملة كل شي زمان عشان امي ..
دحين مافي شي يجبرني اتحمل فوق طاقتي ..

بابتعد و انشغل بحياتي و اتناسى كل شي يربطني بحياتي
قطعت كل شي يربطني بحياتي قبل ..

جالسة ارسم حياة جديدة لنفسي و أولادي الاثنين و اهداف جديدة ..
بس اشوف قدامي لوحة فاضية و طريق مجهول ..

قلآسيه 08-01-2012 09:13 PM

شوفي ياطير
انا مريت بحالات اكتئاب شديدة ولا تجاوزتها الا بعد الاستعانه بالله ثم باخصائية نفسيه

انا اقول لك عيشي مشاعرك بكل صراحة واذا طولتي لاكثر من 4 او 6 شهور شوفي لك اخصائية او مستشارة اجتماعية او نفسية ..


ترى مو الحكاية الناس الي حولنا وضغطهم علينا
المشكلة فينا احنا فلازم نعالج هالشي لانه الازمات والمواقف والضغوطات من هالدنيا ماراح توقف فصعبة يكون الشخص ريشة في مهب الريح اي ازمة تكسره وتقضي عليه ..

روح الطير 08-01-2012 09:26 PM

بيتا

اللي تقوليه حصل معايا بوفاة ابوي الله يرحمه ..
و نفس اللي تقوليه مريت به بوفاته

بس دحين الموضوع مو بس موت امي الله يرحمها ..

يعني ابويا مات، و امي كانت تجمعنا كلنا ..
امي ماتت، و كل شي اختفى .. كنت احسب اننا عيلة وحدة و قلب واحد ..
بس انصدمت اني لاول مرة اشوف الصورة بشكل واااااااضح تماماً و أعرفهم
و القى تفسير كل اللي كان يصير من قبل .. و اكتشف اني طول عمري كنت أعيش خدعة
من جد احس اني أعيش داخل احداث فيلم خليجي ..

بديت الدوام .. و صرت أخاف اقول اي كلمة ..
احاسب نفسي على كل حركة و تصرف ..

مع زوجي تغيرت .. قلبي برررررررررررد تجاهه
اقصد ما يهمني أمره، طبعا ظاهريا مثل ما أنا معاه ..
و المهم اني باعيش عشان اربي الولدين لحد ما يوقفوا على رجولهم ..

و ما صرت احس باي إحساس فرح، او زعل .. او اي شي ..
*

خاله بيتا 08-01-2012 09:41 PM

والدي توفى بعد والدتي بسنة لكن ما شعرت بأنه شيء كثير تغير عن وضعنا اللي صار بعد وفاة والدتي الله يرحمهم

عندنا مثل يقول "" الأم تلم "" وهذا نشوفه بكل مكان لكن بدرجات تختلف من عيله لعيله .. وجود الأم بالتأكيد له دور كبير بجمع قلوبهم على بعض .

انتِ الان متضايقة جدا لأن الموضوع جديد ومتفاجأه فيهم ... لكن بعد فترة لما نفسيتك تتحسن شوي راح تلاقي لهم الأعذار .. ما في أحد كله أسود ولا واحد كله أبيض .. كلنا لوننا سكني :)

مهما قلت الحين ما راح تقتنعي لأنك متضايقة منهم لكن الزمن مرهم سحري للجروح ... ومن لطف ربنا فينا نعمة النسيان ..

صدقيني ما هم سيئين للدرجة اللي انتِ حاسه فيها الحين لكن تجمعت الاحزان وخلتك تشوفي الدنيا سودا والناس أسود منها شياطين ماشيه على الأرض .

مافي شيء ممكن يريحك ويخليكي تطلعي من هذا الجو إلا القرءان وصلاة القيام .. اسألي ربنا العفو والرضا ..
وأن يعينك على ما انتِ فيه .. اسأليه جبر الخواطر وتأليف القلوب بينكم انتو الاخوان والخوات .. مو عشانهم لكن عشان الحبيبة .. ما راح ترضى يكون هذا حالكم من بعدها .




روح الطير 08-01-2012 09:45 PM

أنا ما انكسرت ..

بالعكس، شفت العالم بصورته الحقيقية .. شفت اعاملهم بنفس طريقة تعاملهم لي ..
هذا لصالحي .. بس كانت ضد مبادئي زمان ..

موت امي كشف لي العدو من الصديق ..

أنا دحين اقوى من قبل .. و اتمنى القرب من ربنا اكثر ان شاء الله .. خاصة يوم شفت الحياة كيف رخيصة
بس ماني حاسة بطعم شي ..

يمكن لأني كنت عايشة زمان عشان افرح امي ؟ و ادور عن اي شي يسعدها ؟
و اخليها تشاركني باي فكرة او اي شي ..

*

روح الطير 08-01-2012 09:53 PM

سامحوني ما قدرت امسك نفسي ..
خاصة انه ولدي من يومين و هو يقول لي ماما وديني بيت ( جدتي ) ..
ماما أنا ما احبك عشانك ما توديني عندها .. الخ

و الصغير اليوم مسخن، لو امي عايشة كنت دحين دقيت عليها و قلت لها
و كانت راح تخاصمني و تقول لي ( أنا ربيتكم كلكم و ماحد فيكم سخن .. ) و تعطيني محاضرة
اني مستحيل أصير وحدة سنعة .. و اني ماقدر أعيش من غير شغالة ووو الخ

كنت مضغوطة و رجعت من الدوام نفسي ابكي و مسكت حالي ..

افتكر ايام الدلع و الدلال و دحين ما عاد فيه احد مثل امي ..

أنا فرحانة لها و مبسوطة عشانها .. هذا اللي مصبرني

عيوني تحكيني 09-01-2012 12:25 AM

يــــاقلبي ياروح الطير ...
أنتي عارفه ان بر الوالدين حتى بعد وفاتهم ..
ساهمي بأسمهم في بناء مسجد
في براد مويا بالطرق
كفالة أيتــــــــــــــــــــــــام بأسمهم ..
تحفظين القرأن الكريم ويوم القيامه تقدمين لهم التاج ...
....
آهم شي آكثري من ذكــــــــر الله ماتصدقين قد أيش يسلــــي القلب ...
أســــأل الله لكـــي ..
.الصبــــــــــــــــر والسلــــواااااااااان ..

× الرسمي × 09-01-2012 04:26 AM

أختي الكريمة

قبل 12 سنة مات والدي رحمه الله تعالى
عندها شعرت بمثل ما تشعري به الآن
وقلت في نفسي ( قد مات الأسطورة التي في حياتي )

وبدءت أبحث عن ماا أقدم لوالدي وأنفعه به
فقرأت عن بر الوالدين بعد الممات
وعن الحديث المشهور ( أو ولد صالح يدعو له )
ولكن ما أثر علي أكثر هو هذا الحديث :


باب دعاء الولد لوالده .

17240 عن أبي هريرة ، عن النبي - صلى الله عليه وسلم - قال : " إن الله - تبارك وتعالى - ليرفع للرجل الدرجة فيقول : أنى لي هذه ؟ ! فيقول : بدعاء ولدك ( لك ) " . رواه البزار ، ورجاله رجال الصحيح غير عاصم ابن بهدلة ، وهو حسن الحديث . وله طرق في التوبة في استغفار الولد لوالده .

ومن يومها عزمت وقلت في نفسي
كما رفع أبي وجهي ومقامي في الدنيا
لأرفعن مقامه في الآخرة بإذن الله بدعائي له
ومن 12 سنة وإلى الآن
وأنا أدعي لوالدي في سجدة واحدة في كل صلاة من الصلوات الخمس ( أي خمس دعوات كل يوم ) .

غفر الله لوالديك

زهـرة الـرمـان 09-01-2012 12:08 PM

ياحبيتي ياروح الطير,’~
الله يرحم والديكِ وجميع أموات المسلمين ,’~
لآ تخلي الشيطان يسيطر عليكي بأفكاره تلك ,’~
لا تحزني انظري كل شيئ جميل من حوولك
زوجك _ ابنائك _ عملك _ لديكِ الصحه والخلقة الكاملة .,~
الله يديم نعم الله عز وجل عليكي وعلينا يارب
دمتي بوود =)

GREEN222 09-01-2012 02:20 PM

اموره يا روح
بوجك عل قسم ساعدني لسببان

اولهم انتي تمري بمرحلة اكتآب ما بعد الولاده ووفاة امك اجتمع الاثنان معك

حبيبتي

دموعك لم تنزل لاسباب عده اولها
برك لها ووقوفك معها بكل لحظه رغم غيرة اخوتك منك
وانتي غسلتيها بيدك

فانزل الله السكينه على قلبك ولم تزرفي دمعه

اتعلمين لو لم تفعلي لبكيتي العمر كله عليها

اخوتك شعورهم طبيعي تجاهك اولا فقدهم لامكم الغاليه وثانيا لاحساسهم انو كانت تحبك اكثر منهم وانك كنتي سرها

واحساسهم انهم مقصرين تجاهها ويبررو هذا انو انتي عندها اكثر منهم

المستقبل حبوبه زوجك والاطفال تربيهم مثل امك ما ربتك بحب وحنان وسر انو تكوني سر اولادك

انتي لم ترتاحي وما تشعرين فيه لانك تسع شهور حمل وولاده ونفاس ومرض والدتك


لا تهتمي بدمع عيونك ان نزلو ام لم ينزلو

انا كنت متوقعه انو ما تبكي عندي شعور كبير لانك راضيه عن نفسك

ادعي لي الله يطعمني رضاهم وبرهم اواخر عمرهم

احبك يا روح

أم يوسف2 09-01-2012 02:24 PM

روووح حبيبة قلببي

عندي كلام كثيييييييير مادري من وين ابدا ,,

حبيبتي .. انتي الان في حالة الصدمة لسه مالطلعتي منها

و اي كلام تقوليه الان مو نابع منك

اول شي حابة اقوله لك ابكيييي ابكي ابكي ... كتمك للبكاء مو لصالحك
ماراح ترتاحي الا اذا جاك الصداع من كثر البكاء

بعدها ارجعي اقراءي كلام الاعضاء هنا ...

انتي عايشة اولا لعبادة رب العالمين .... الحين عايشتي الموت و شفتي
كيف ان الدنيا فاانية مهما عشنا .. فاالازم نستغل الوقت اللي معانا في الدنيا
عشان نعبده و نحسن طاعته سبحانه و نلقى احبتنا في جنة النعيم باذن الله

انتي عايشة عشان امك و ابوك (لاتقولي هم انتقلوا لرحمة الله ) هم الان بحاجة لك اكثر من لما كانو احياء
لما كانو عايشين كانو يسوو الخير لانفسهم
لكن الان مو قادرين و المهمة انتقلت لك ... اهتمامك بدراستك و تفوقك العلمي و العملي
برضو بينفعهم (اتخيلي معي جملة الله يرحم بطن حملتها و يد ربتها ).. ما احلاها لما حد يدعي بها لك
شوفي كم دعوات الرحمة لهما بيحصلوها من وراك
دعاءك لهمم.. عمل صدقة جارية لهم ... كم بتنفعهم ؟؟؟

تربيتك لابنك و تعليمه الدعاء لجديه بالرحمة و المغفرة؟؟؟
تربيتك لولديك على الخير .. و من ثم هم يسوو زيك بعد عمر طويل ان شاء الله

خلي كل همك الان انك ترجعي تكملي دراستك و تتفوقي و تكملي حلم والديك
و كيف انك تسوي صدقة جارية لهم ينتفعوا فيها ...
سوي سبيل .. اوارسلي ماء لحفر بئر في احد الدول الفقيرة
او اشتركي في بناء مساجد
او ححتى اسهل شي .. اشتري كمية من الختم و ووزعيها على المساجد
وشوفي كمية الحسنات الجاية من الناس الي تقرا فيهم ...

اعمال الخير كبيرة ركزي فيها .. احسن من التفكير في الامور السلبية
وفي تفسير تصرفات اخوانك

ربي يسعدك حبيبتي و يوفقك و يخلي لك اولادك

سيدة الموقف 09-01-2012 03:16 PM

:*

((من كان يعبد محمد فإن محمدًا قدمات ، ومن كان يعبد الله فإن الله حي لا يموت ))

قالها:أبا بكرٍ الصديق حين جزع المسلمين لموت الرسول عليه الصلاة والسلام
وأصابهم الحُزن والهم وشعروا أن دنياهم أصبحت فارغة ومخيفة

ياروح والدتك ذهبت عند رحيِم كريم
في دارٍ خير من الدنيا ومافيها بإذن الله


وأنتِ خُلقتي لعبادة من لايموت
ووجدتِي لعبادة من هو أحن وأرحم بكِ من أمك رحمة الله عليها

ياحبيبة قد تكون حبيبتك وقرة عينك قد رحلت عن الدنيا
لكن بقي لكِ الأعظم والأحن والأدوم والأبقى
بقى لكِ حبيبك الذي لاينساكِ
حبيبك الذي سيكون دائماً وأبداً إلى جوآرك
حبيبك الذي إذا تألمتِ وقلتِ يالله شفاكِ
حبيبك الذي إذا خفتي أمن روعك وهدأ بالك


ياروح الله معكِ
الله معكِ
فمن وجد الله ماذا فقد...؟!!



وأخوانك هم أخونك ودمك مهما بدر منهم
ستظل قلوبكم على بعض
ومهم حدث بينكم ستعودون لبعض
فتكاتفو وكونوا عصبة ولاتجعلوا الشيطان يفرقكم
ولاتجعلوا للحساسية الزائدة مدخلاً بينكم وليكن
بينكم صافح ومتسامح يحتوي الجميع ويدمح زلتهم

روح الطير
أنتِ قلب كبير لم أعهد منكِ
إلا الحب والعطف والأحتواء
أرجوكِ تقبليهم حتى لو أخطئوا عليك
كوني أنتِ المحتوية لهم
روح يوم تصفحي عنهم وتعودي في كنفهم سترتاحين

:*
:*

عربية انا 10-01-2012 10:23 AM

بسم الله الرحمن الرحيم
اولا نسال الله العلي القدير ان يرحم والداك ويغفر لهما ما تقدم من ذنوب وان يضيئ قبرهما ويجعله لهما روضة من رياض الجنة اامين
ثانيا اخية الميت اولى من الحي هي عائلتك الان وزوجك اعلم انك تتعذبين ووالله اشعر بوجعك لان الام لا تعوض ولكن الان اعملي لساعدتي امك انت كنت تحبينها فعلا طبقي ذلك فعليا
النبي صلى الله عليه وسلم قال ففي صحيح مسلم عن أبي هريرة رضي الله عنه قال: قال رسول الله صلى الله عليه وسلم:" إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له".
وقد نظم الإمام السيوطي ما ينتفع به الميت بعد موته فقال:
إذا مات ابن آدم ليس يجري * عليــه من خصال غير عــــــشر
علوم بثها ودعاء نجــــــــــل * وغرس النخل والصدقات تجري
وراثة مصحف ورباط ثغــــر * وحـــــفر البئر أو إجــراء نـــــهر
وبيت للغريــــب بناه يـــأوي * إلــيه أو بــناء مــحل ذكـــــــــــر
وتعليم لقــــــرآن كــــــريـــم * فـــــخذها من أحاديـــــــث بحصر
اذا البكاء لا يغير شيئ اصبتي حب امك وحزنك عليها الان

روح الطير 13-01-2012 04:28 PM

بعد ماكتبت موضوعي هنا، ارتحت لكلامكم كثير ..
و كل ما افتكر كلام خالة جرين انه امي ما ماتت، و انه روحها بداخلي ،، ارتاح ..
و خاصة يوم العزا وحدة تقرب لنا تقول، مرة كنت احب امك و سبحان الله يوم اشوفك انت بالذات
احس روحها فيك ..

المهم، يوم كتبت موضوعي، بكييييييييت لحد ما عيوني تنفخت و رحت الدوام و عيوني كانها متورمة
بس بعد كذا كنت كويسة .. يمكن عشان انشغلت بالدوام

اليوم رجعت حالتي تتراجع للخلف، و ماسكة حالي ..
اقول بداخلي ( أنا هنا لوحدي دحين .. اجلت دراستي عشان اجلس مع امي .. و امي تركتني لوحدي دحين ..
ليه تركتيني لوحدي ؟ ايش اسوي دحين و أنا حاسة بالوحدة و الغربة تقتلني ؟ )

صح ببلدي، بس من جد إحساس بالغربة و الوحدة ..
فراغ كبير بداخلي ..

اليوم شفت بالحلم اختي تقول ( ما راح اقول لك ليش الشغالة راحت .. ماما قالت ما اقول لاحد )
قلت لها و أنا ابتسم بالحلم ( انتي تعرفي انك حتى لو ما قلتي لي ،، ماما راح تقول لي من نفسها و راح اعرف منها )

افتكرت امي و كيف كنت اجلس أتكلم معاها، و كيف كنت اروح لها الجمعة و اجلس معاها ..
و مرة رحت لها الجمعة و هي لوحدها بالبيت و فرحت يوم شافتني.. سألتها فين البقية ؟ قالتلي راحوا يتجمعوا عند فلانة ، روحي معاهم
قلتلها باجلس معاك ..

.
.

و دحين يتكلموا من ورايا كلام باطل و كذب و افترا ..
انه امي زعلانة مني و اني اكرهها و اني و اني و اني ..

ماعرف ايش يستفيدوا ؟
يريحوا قلوبهم مثلاً ؟

وقت امي كانت عايشة، كان كلامهم العكس .. و انها تفضلني عن الكل ؟
دحين انقلبت الصورة مثلا ؟

المشكلة اني ما أشوفها بالحلم زيت ما اشوف ابوي، فبديت اصدق كلامهم*من غير ما احس ؟
و اقول أكيد انها زعلانة مني و ما تجيني بالحلم ؟

مع اني متأكدة انهم كدابين .. و كلامهم بس كذا ..

روح الطير 13-01-2012 04:40 PM

شقردية و كل مين نصحني بالصدقات الجارية ..

فيه وحدة داعية، قالتلي انه هناك جهة تحفر بير لدولة إفريقية و الأجر ليوم القيامة بإذن الله .. و المبلغ قدره كذا ..
بس زوجي يقول لا تصدقيهم ( يقصد الجهة ، مو الداعية ).. و يقول انه شي ماتشوفيه بعينك لا تصدقي
و قلتلها، بس قالت انه استاذتهم تروح بنفسها هناك و تسافر و تجيب ورقة موقعة لكل واحد أتصدق لحفر بير ..

مادري ايش رايكم ؟
أنا برأيي انه خلاص ربي ياخذ بالنوايا اهم شي ..

بابحث عن افكار زيادة عن صدقات جارية للوالدين ..

بس زعلت اليوم لأني شفت بالحلم ابوي و كلمته و بست خده و مسحت على راسه بس ما شفت امي مضبوط ..
و صرت اوسوس و اقول أكيد انها زعلانة مني بس ماقالتلي ؟
و ارجع ارد على نفسي و اقول .. بس أنا ما زعلتها و سألتها قبل وفاتها بكم يوم اذا زعلانة مني و قالت لا ؟

من جد شككوني بحالي، و كمان شكلهم يقولوا ( شوفوها ما تبكي ، فرحانة و مو مهتمة و مايدروا عن قلبي )

GREEN222 13-01-2012 04:52 PM

حبوبه تصدقي عن روحها وادعي لها

هي مش زعلانه منك هي زعلانه عليكي


ومثل ما قالت جارتكم انو وقت تشوفك تحس انو روح امك فيكي

واخوتك ايضا نفس الكلام صدقيني انما حاليا آخذهم الحزن يلومون انفسهم بتقصيرهم لامك فيضعو الحق علييكي انتي


ما تاخذي على كلامهم ولا تحطي ببالك يبررون اخطائهم بخطأ اكبر

ولكن دائما وقت يروكي رح يجدو وجه امك فيكي وحتى الاكل والقهوه راقبيهم من غير شعور

من بعيد رح تلاقيهم يهمسو ويقولو : انو كأننا نشرب قهوة ماما

الايام ستثبت لك ذلك والسنين

حتى اقول لك انظري لنفس في المرآة ملامح وجهك سوف تتغير وسوف تشبهين امك

حركاتك طريقة كلامك من غير شعور


انتي فرحه رغم حزنك انك فارقتي جسد والدتك

اكملي دراسه لاجل والدتك

اقول لك بتعرفي الممثل دريد لحام غوار الطوشه

كان يحب والدته كثيرااااااا ويأخذها معه اينما يذهب وكان يقول : انها اشترت مكنة خياطه وتعمل عليها لتربيه هو واخوته

وفي يوم تكريمه اخذها معه للقاعه

وكانت قد فقدت بصرها وبكى وكل ما يتكلم عن الموقف يبكي
كان ييريد ان تراه هي فقط ان يكرم ويتمنى ان يعطيها عين من عيونه لها لترى بها

لم يهتم لاحد قدر اهتمامه بوالدته

رغم شهرته ووووووو انما يقول امي هي السبب وراء كل ما وصلت اليه

وانتي كذلك

كلو بفضل الله سبحانه وتعالى وبرضا امك عليكي

امك زعلانه لانك تريدي ان توقفي دراستك

اكملي وافرحيها ستشعر بك روحها وستفرح

لا تتوقفي عن التقدم هي ربتك واحست تربيتك وتريدك ان تصلي الى اعلى المراتب

اخوتك مقهورين على انفسهم وليتكلمو لن يغيرو من الواقع شيئ

انتي اقرب الناس لامك وسرهاااااااااااااا

لا تفكري فيهم كثيرا ولا تهتمي لكلامهم والافضل انو ما تذهبي للبيت حاليا

هي في عقلك وفكرك سيأتي يوم ولدك يقول لك فيه : ماما تشبهي تيتا كتيرررررررررررررر
وجهك وطريقة كلامك

ناس كثر فقدو امهاتهم و سنفقد امهاتنا وسيفقدونا اولادنا ولا ندري من يسبق من


الحياة جميله ومستمره كوني قدوه لاولادك مثل ما كانت امك قدوه لك

روح الطير 13-01-2012 05:29 PM

بيتا و ذكريات لا تغيب

الله يغفر لامهاتكم يارب و يغفر لامي ووابوي و كل موتى المسلمين
أنا الصراحة ما ابغى أنساها.. بالعكس، ابغى افتكرها بكل لحظة

ابوي الله يرحمه ما نسيته و الحمدلله، يمكن لانه مات و أنا بفترة كنت محتاجة له
امي من يوم مرضت ( طبعا انصدمت بالبداية يوم عرفت بمرضها )
بس كنت تدريجيا اهيئ نفسي بإني أتقبل غيابها .. حتى ما أعاني مثل ما عانيت بموت ابوي لعدة سنوات
و مازلت افتقد ابوي

بس امي يوم افتكرها، يجيني إحساس غريب ؟
يجيني إحساس بالراحة .. بالفرح ( من اجلها ) لانه كان ممكن تتوفى بمدينة تانية او بالمستشفى او بعيد عننا او ما اكون جنبها
بس كل اللي تمنيته لها، تحقق و الحمد لله .. هذا سبب ارتياحي من اجلها

بس ما يمنع اني من جد مفتقدة لها .. خاصة اليوم ..
لو كانت عايشة، كنت دحين أنا جالسة جنبها و احكي لها ..

المشكلة اني من ايام المتوسطة و أنا الوحيدة اللي ارجع من المدرسة و اجلس احكي لها عن صحباتي و لدرجة انها تعرف
اغلب زميلاتي و هم يعرفوها .. و دحين ماني لاقية احد يعبي الفراغ هذا .. و مستحيل القى

------

رجل الرجال

عقلي بالفعل الى الان رافض فكرة غياب امي، و اتخيلها بالمستشفى و بترجع بعد كم يوم ..
لدرجة اني احكي لزوجي او اختي الكبيرة مواقف حصلت بيني و بين امي و اجلس اضحككككككك ..
كنت دائماً اعمل مقالب بامي و كانت دائماً تشتكي مني
( مو تشتكي زعل، بس مثلاً .. استخدم جوالها و تجلس تخبيه و اقوم الاقيه و استخدمه و ارجعه مكانه ..
مع اني اقدر اشحن جوالي، بس مادري ليه .. احب كذا اتحركش فيها .. ؟
امي تكتشف و تجلس تقول - ماحد غيرك يعمل كذا، اعرفك يا بقرة - دائماً تناديني بقرة )
مع اني غزالة :D

بس مو مشكلة اقول لها .. لانه امي من صغرها تحب البقر .. فأقول لها دام انك تحبي البقرة، خلاص أنا بقرتك ..
تقوم تضحك


الساعة الآن 01:25 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©