|
اغار لما تنخطب وحده من صديقاتي .. طبيعي ؟
السلام عليكم
مشكلتي هالمره من نوع اخر ابي اعرف وش وضعي انا الحمدلله عندي صديقات كثير وحاليا عمري 21 بس مشكلتي باختصار لما تجيني اي وحده من صديقاتي وتقول لي انها انخطبت او راح تنخطب مدري احس اغااااااار من قلبي انا للحين مانخطبت وبالعكس وربي افرح لهم من كل قلبي واحرص اني اتواجد وياهم واساعدهم بتجهيزاتهم وحتى وقت العقد او حفلة الخطوبة او حتى الزواج اطير من الفرحه لهم لكن بنفس الوقت اغار والله مو حسد بس افكر انا ليش للحين مانخطبت ؟ يعني معقوله انا مافيني ولا صفه تخلي أي احد يفكر يتقدم لي ؟! انا الحمدلله راضيه بقدري وبنصيبي حتى لو ما تزوجت بس مدري ليش يجيني هالاحساس وخصوصا لما وحده فيهم تسألني تقول لي انتي ليش للحين مو مخطوبه ؟ معقوله محد تقدم لك من قبل ؟ يحز بخاطري هالسؤال مع اني والله صغييييييره وما بقول اني متأخره ع الزواج او شي كذا لكن اغلب اللي معاي واهلي ماشاء الله تزوجوا بهالعمر واقل سؤالي ؟ هل احساسي هذا طبيعي ؟ او فيني مرض ؟ |
أعتقد السؤال موجه للبنات ، لكن أنا أتوقع انه طبيعي جدا !
|
عادي طبيعي حالتك الأغلبية مثلك ..
|
اقتباس:
بس حبيت انبهك طريقة تفكيرك هآذي هي اللي تخليك تغاري لاتسمحي لهآذي الافكار تجي في بالك عشان ماتتعبي(= |
أنت إذا حطيتي الموضوع عقده فصدقيني راح تتطور الأمور وتصبح أكثر من غيرة
مازلتِ صغيرونه ولعل قسمتك ونصيبك أحلى وأحسن من اللي انخطبن انت بس احسني الظن بالله وما عليك ولا تفكرين كثير في الموضوع وتخلينه شغلك الشاغل وابعدي عن الناس اللي يثيرون حفيظتك مؤقتاً ويسألون أسئلة أقل ما يقال عنها سخيفة لحد ما تشحنين نفسك إيجابياً وارجعي خشي في عيونهن وقيمتك أكبر من انها تظهر إذا انخطبتي ولا تزوجتي قيمتك أعلى ووجودك أسمى ولا تحطين العقدة في المنشار تبتلشين وعيشي وتونسي وانبسطي وفليييييها فيما يرضي الله طبعاً |
اللي مكتـوب على الجبيــن لازم تشـوفه العيـن ..
بتنخطبيـن ياقلبـي .. وبتفرحيـن وبتشاركيـن صديقاتك فرحتك .. .. رسخـي شي واحـد في بالك وتفكيـرك .. كل أنسـان يأتيـه نصيـبه.. يختلــف بالزمـن ولكن .. لايمحيـه القدر.. .. لا تستلميــن للوسوسـه .. وكوني مع ربـك .. وبأذن الله تلقيـن نصيبـك .. |
ياحبيبتي مداآآم انك بتفرحي لهم وتساعديهم وكل شي ,’~
فأشوف انه عايدي ,’~ الله يزوجك عاجلاً غير اجل بالزوج الصالح اللذي يقر عينيكِ =) |
اختي طبيعي اللي تحسيه وصدقيني رزقك بيجيك لاتخافي
حيجي اليوم اللي تفرحي فيه ان شاء الله |
حبيبتي
عمرك 21 ماشاء الله الله يوفقك يارب طبيعي تغارين لكن لاتسمحين للغيره تسيطر عليك بكلمك عن نفسي عمري في العقدال30 وبنات قريباتي وزميلاتي أصغر مني بكثيييييييييييير والله في ال20 تزوجن ومعهم عيال ما أغار لكن في قلبي أتمنى أني أتزوج يعني أنتي تمني أن ربي يرزقكك مو تغارين اح تتعبين الله يرزقك ويرزقني بزوج صالح من حيث لانحتسب |
كل اللي ردوا علي واكرموني بدعواتهم
اللهم آمييين والله يجزيكم كل خير على ردكم وكلامكم اللي يريح وبإذن الله راح اسوي اللي نصحتوني فيه ويااارب ترزق كل وحده من الاخوات اللي ما تزوجوا بالزوج الصالح انا ادري ان تفكيري غلط بس بنفس الوقت ساعات اتضايق اقول ليش محد دق بابنا حتى لو ما صار نصيب !! بس مثل ما تفضلتوا .. انا للحين صغيره وحتى لو كل شيء بيد رب العالمين وانا راضيه بقدري ومتفاءله ان اللي ربي مقدره لي هو الخير لي |
اقتباس:
ربي يكرمك بالزوج الصالح اللي يسعدك بدنياااك .. بس حبيت أقول لك الغالية بعدك صغيروونة راح تلحقي عالزواااج .. ما أخفيك إنه لما كنت بعمرك كنت أفكر بهالتفكير .. معقولة أنا ما جميلة .. والناس تمدح فيني .. ليش ما حد يتقدم لي .. بس كنت أشغل نفسي أيامها بالجامعة وحلاوتها .. وسبحان الله .. الخطاب دقوا باب بيتنا بنفس الفترة كنت أضحك على نفسي ما يمر أسبوع إلا بكم واحد منهم.. ومن هالمجموعة صار النصيب والحمدلله لكل حال .. فرفشي يا حلوة ,, والنصيب جاي إن شاء الله .. |
يا اختى انت تعلمى لماذا ولكن ربما ناسية او لم تربطى هذا بذاك يا اختى الزواج رزق والرزق يتم جلبه بالقرب من الله وكثرة النوافل وكثرة الاستغفار والبعد عن كل ما يغض الله عز وجل افعلى يا اختى ما ذكرتك به وبإذن الله موضوعك القادم تستشيرى هل هذا الخاطب جيد ام لا اسأل الله ان يرزقك الزوج الصالح التقى النقى الذى يعفك ويسعدك اللهم آمين |
اقتباس:
والف شكر على مرورك وردك |
اقتباس:
اللهم آمين ابشرك اخوي انا محافظه على وصاياك الحمدلله بس سبحان الله استغرب لما اشوف بعض البنات سووا كل شي من مكالمات وطلعات وصور وكل شي وبنفس الوقت الخطاب ماشاء الله ما يوقفون عنهم وتلقاهم يتزوجون بسرعه وفي بنات ماشاء الله عفيفات مستورات وماعندهم هالخرابيط ابد بس للحين مانخطبوا ولا تزوجوا - وما اتكلم عن نفسي هنا - كل شي نصيب مثل ما قلتوا والحمدلله على كل حال |
ي قلبي انتي لسى بريئه ونضرتك للرجال والخطوبه عالم وردددي
انا كنت زيك لييش انكر .. كل ماتنخطب وحده من صحبااتي مرره انقهر << مع اني انخطب من وانا ف المتوسسسط بس الا واغاار من صحبااتي .. انا عن نفسسي اخر خطوبه وافقت وبعدين فسخ الخطوبه بدووون سبب وآآضح .. انهررت وبكييت وضاايقت سارت نضرتي للزوآج شي فآآآشل ماسرت احس بغيره يوم يقولو فلآنه انخطبت والله سرت ارحمها اللي تنخطب ويقولو بتتزوج احسسسسسها مارح ترتاااااااااح ههههه < حآلهه نفسيه .. عمومآ‘ لاتفككرري لسااااااااااااتك صغيره وبدري على الهم والتفكييير .. اش لاقين المخطوبات والمتزوجات غير النكد والمسسؤليه ترى هما دحين يقوولو يااابختهااااااااا ماتزوجت دلوعه ومرتاحه ترى الزواج همم وغم خلينا هيك عزابيااااااااااات مرتااااااااااااااااااااحات |
شعور طبيعي هذي غبطة مش حسد
والله يرزقك لا حقة على الغثااااااااااااااا |
اقتباس:
ومشكوووره على ردك ريحني كثييير الله يرزقك اللي تتمنين |
اقتباس:
ههههههههههه اما غثا مشكوووره اختي على ردك |
حبيبتي .. أنتي اهتمي بأي شيء ثاني غير الزواج وما حتلاقي إلا زواجك تم وأنتي لسا مو مستوعبة الموضوع .. :) واللي تحسي فيه طبيعي .. وعادي كلنا كنا متلك .. لكن شغلنا أنفسنا بدراسة أو وظيفة الصابرة 222 هذا اسمه غثا لا بد منه :D |
اقتباس:
انا احاول اشغل نفسي بس لااااازم تدخل هالافكار اللي مدري من وين ربي يكتب اللي فيه الخير |
يآآعمري ذكرتني بنفسي بس انآ مخليت هذي الواساوس تآخذني و الحمد لله انآ الحين مخطوبه....
ومآحد بيآخذ غير نصيبه وانتي حفزي نفسك دآيمآ يتم اعلان المركز الآولى أخر الحفل... وانتي لسآ صغيره اهتمي بدرأستك ونصيبك رآآح يجي مع العآفيه ... وكل تآخيره فيهآ خيره صدقني اسمتعي بوقتك والله يرزقك الزوج الصالح التقي اللي يخآف الله فيك... |
شعورك طبيعي جدا
والله يرزقك بالزوج الصالح |
طبيعي زيك
بس قولي الحمدلله وتووووك صغيرره زي عمررري كنت مثلك بس والله لمن طنشت الموضوع جاالنصيب خخخخخ عقبالك يااااااارب |
حاولي السيطرة على هذا الشعور
لأنه قد يضرك في المستقبل والحمد لله على كل حال.. بعدين حاولي تطنشي شوفي البنات (حالمة، آنسة طفشانة) بسنك ولم طنشوا انخطبوا |
اقتباس:
آميييين مشكوووره ياااقلبي والله يسعدك |
اقتباس:
مشكوووره حبيبتي على ردك |
اقتباس:
تسلميييين قلبي والله يسسسسعدك يااارب |
اقتباس:
بطنش وان شاء الله خييير مشكوووره حبيبتي على ردك |
السلام عليكم اختى مرحباً بعودتك اختى الكريمة يا اختى يا ريت لا تنقطعى عن المنتدى فترة طويلة لان النفس ان لم نشغلها بالطاعه شغلتنا بالمعصية والقرب من الصحبة الطيبه يصرف وساوس الشيطان بإذن الله ويجعل المرء يخجل من المعصية عندما يتذكر حسن ظن الناس فيه اما عن زواج كثير من البنات وهن يقومن بكل ما يغضب الله اولا انظرى يا اختى الى من تتزوج ؟ تتزوج من هو على شاكلتيها ولا يمضى الوقت الكثير الا وكل طرف فاقد الثقة فى الآخر وكثير من هذه الزيجات ما ينتهى بالطلاق ولا حول ولا قوة الا بالله ثم يا اختى اين يقينك من كلام الله عندما يقول عز من قال "مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ" ومن قوله سبحانه "مَن جَاء بِالْحَسَنَةِ فَلَهُ خَيْرٌ مِّنْهَا وَمَن جَاء بِالسَّيِّئَةِ فَلَا يُجْزَى الَّذِينَ عَمِلُوا السَّيِّئَاتِ إِلَّا مَا كَانُوا يَعْمَلُونَ" المهم يا اختى انت طمنينا عنك وعن احوالك فى فترة الماضية اسأل الله ان يسعدك وان يعيد حلاوة الايمان وحلاوة الطاعة الى قلبك ويحبب اليك الايمان ويزينه الى قلبك ويكره اليك الكرهه والفسوق والعصيان اللهم اشرح صدرك وحصن فرجك انت وجميع المسلمين اللهم آمين |
طبيعي ولاتقولين ليه ماانخطبت ولا شيء
لازم ترضين بالي كاتبة ربي لو ربي كاتب لك ان تتزوجين بتتزوجين وعسى أن تكرهوا شيئا وهو خير لكم |
هههه معلش مش قصدي هم بضحك وهم ببكي......حاسة فيكي بس انتي اهون لانك21 عمرك انا عدي دخلت ع27 والكل شايفني في شي مو طبيعي وافظع حاجة لما يسألوكي ليش ما انخطبتي؟؟؟؟؟؟؟والي صحبات انخطبوا بنبسط الهم اما اغار لا مش مستاهلة ربنا مخبيلنا الاحسن رغم انه انا هلأ بأسوأ حالاتي النفسية بس حبيت اعلق واقلك انك لسة صغيرة شو نحكي احنا الي قربنا ع30 كل ما افكر بحس بالضيق لكن النا رب كريم عالم بحالنا وان شاء الله ما بعطينا الا كل خير موفقة يارب
|
يمكن خيرة لك احمدي ربك وانتي لازلتي صغيرة على الزواج انا انخطبت وملكت وياليتني ماانخطبت يالييييييييت
|
اقتباس:
للاسف محدش عاجبه حاله الي مو متزوجة زينا حالتها حالة نفسها تتزوج والي متزوجة طفشانة مش عارفة الخلل وين بس الحمدلله عكل حاجة نصيبنا وقدرنا حناخدو الله يوفق الكل يارب |
ضآيعه وربي ... يالبـــــى روحك تعااالي كآنك تتكلمي عني وربي حسيت أنااا اللي منزله الموضووع.. نفس عمرك ونفس تفكيرك هههههههههههههههههههههههههههه بس مااسميه حسد اسميه غبطه .. مشكلتي انه من وانااا في الثانوي زميلاتي المقربات جدا جدا جدا هم اللي بينخطبوا وتزوجوا الله يحميهم وقلت يلا ان شاء الله اذا دخلت الجامعة اتعرف على بنات لكن الصدمه كل سنه اكتشف وحده يامخطوبه يامملكه ههههههههههههههههه الله يحفظهم ..وثنتين منهم تزوجوا السنه اللي فاتت المشكله انهم اقرب الناس .. عموماااا لو تفكري تلآقي مافيه احد مرتاااح المتزوجه تقول ياليت ماتزوجت والآنسه تقول ياليت احد يدق الباب ووووووووووو .. الإنساااان بطبعه طممممآآع ...
يلا اش رايك نطنش ووعد مني ومنك مانفكر في هالأمـور (( بلا زواج بلا هم )) ونعيش حياتناااااا العزوبيه اللي مافيه احلى منهاااا ونهتم بدروسنآآآ ونجتهد ونجيب أعلى المعدلآت خصوص هالترم الجاااي موادي اكثرهااا تخصص والله يعين <<< احسن علشاان ماافكر إلا في دروسي وعلى فكره خلاص ماباقي شئ ونخلص خليناااا نعيش اياام الجامعة ونستمتع بحلآوتهآآآآآآآآآآآآ ونفلهااا ماتدرين يمكن مع نهااية الترم إلا والمحرووووس بيطرق البآآب هههههههههههههههههههه ... كلآم أخونآآآآ الفاااضل // أبو مرآآيم ...جزاك الله خير ويرفع قدرك ويحممميك ... كلامه جممممممممميل جداً والآياات جد آثرت فيني ,, خيتو اقرئيه اكثر من مره ,, ثم يا اختى اين يقينك من كلام الله عندما يقول عز من قال "مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ" ومن قوله سبحانه "مَن جَاء بِالْحَسَنَةِ فَلَهُ خَيْرٌ مِّنْهَا وَمَن جَاء بِالسَّيِّئَةِ فَلَا يُجْزَى الَّذِينَ عَمِلُوا السَّيِّئَاتِ إِلَّا مَا كَانُوا يَعْمَلُونَ" المهم يا اختى انت طمنينا عنك وعن احوالك فى فترة الماضية اسأل الله ان يسعدك وان يعيد حلاوة الايمان وحلاوة الطاعة الى قلبك ويحبب اليك الايمان ويزينه الى قلبك ويكره اليك الكرهه والفسوق والعصيان اللهم اشرح صدرك وحصن فرجك انت وجميع المسلمين اللهم آمييييييييييييييييييييييييييييييييييييييييييييين .. آيه افتكرت يمكن افرق عنك انه عندي اخوات قممممآري قبلي ماجآآهم نصيب .. |
اقتباس:
اللهم آمين اللهم آمين اهلا أخي .. الله يجزيييييييك خير على اهتمامك أبشرك .. سبب غيابي الفتره اللي راحت اني رحت العمره ولله الحمد والحمدلله أولا وأخيرا ارتحت كثيييييييييررر راحه ما تتخيلها وانشراح صدر يكفي اني كنت ببيت الله حسيت اني قريبه منه ودعيته من كل قلبي والحمدلله وضعي الحين تحسن صحيح ماعندي طريقه اشكرك فيها على وقفتك معي لكن ما نسيتك هناك .. دعيت لك من كل قلبي ولو بيدي اكثر من الدعاء ما قصرت .. لكنه عند ربك ما يضيع فعلا الآيات اللي ذكرتها حركت فيني كثييير قليل من الهمه والعزم .. وبصير احسن اكيد بإذن الله انا الحين قررت اغير من نفسي وان شاء الله ما راح اغيب عن المنتدى ولا الصحبه الصالحه لا تنساني اخوي من دعواتك بظهر الغيب |
اقتباس:
صدقتي اختي مشكوووره على ردك والله يجزاك الجنه |
اقتباس:
الله يرزقك بالزوج الصالح ويوفقك ويسعدك ويشرح لك صدرك مشكوووره يالغاليه |
اقتباس:
اسأل الله ان يسعدك ويوفقك ويشرح صدرك لا تقولين ليت .. لان كل هذا مقدر ومكتوب والحمدلله على كل حال اكثري من الاستغفار اختي وربي يريح قلبك وييسر امورك |
اقتباس:
جد والله .. انتي وضعك مثل وضعي كلهم صديقاتي القريبات مني لكن انا خلاص راح اركز على دراستي واللي ربه كاتبه لنا راح يصير الحمدلله على كل حال ماشاء الله كلام اخونا ابو مريم ماعليه كلام الله يحفظه ويوفقه ويجزاه الجنه |
طبيعي يَ آختي : )
الله يرزقك ولد الحلال اللي يسعدك يَ رب . , |
| الساعة الآن 04:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©