![]() |
تعرفت على شاب وعندما قررت الإبتعاد اصبح يهددني
.
. الشلام عليكم بدخل بمشكلتي على طول أنا فتاه عمري 17 سنه ومن عائله جدا محافظه تعرفت على شاب وعمري 14 سنه وإستمرت علاقتنا بحدود مسن بعد سنتين تطورت وأصبحت عن طريق الجوآل ~ لمآ قررت أبعد عنه وتبت ورجعت لربي بدأ يهددني بأنه راح يوصل لأهلي مع العلم بأن لم أعطيه أي صوره لي فقط أرقآم أمي عرفت بالموضوع وكلمت الشاب لكنه مانفع معاه وإستمر يهدد تقريبا الكلام صار فشهر 12 وشفنا إنو الولد مافراسه شيء لأن له شهرين يهدد المصيبه الكبرى إنو للحين خايفه وقلقانه لو يبي يسوي شيء كان سوآ من قبل مو يصبر شهرين وربي تعبت أشوف نظرة الخوف والرعب فعيون أمي وأخوآتي وأبويه إنسن شديد وغير متفهم . وربي كل مادق جوال أبويه أحس قلبي بيطلع أنا تبت ورجعت لربي وحسيت بخطأي لكن بعد فوآت الأوآن تكفون ساعدوني وإدعولي بظهر الغيب |
اختي ممكن توضحي وش تهديده لكي
وش معه غير رقم جوالك هل يعرف شي عنك او عن حياتك الخاصه هل يعرف اسمك ولقبك ؟؟؟ جاوبينا عشان نعرف نفيدك ويفيدونك الاخوان |
الله يستر عليكِ رددي اللهم من أرادني بسوءٍ فأشغله بنفسه واجعل كيده في نحره واجعل تدبيره تدميره يا أرحم الراحمين حسبي الله ونعم الوكيل اللهم اكفنيه بما شئت وما قدامكِ إلا الستر والسلامة |
مايملك أي صوره ولا إسم ولا شيء
فقط يعرف عمري ورقم جوالي بإسم أبويه وسحب برينت كامل مع جميع الأرقآم إلي بإسم أبويه وهددني إنو راح يوصلي عن طريقه انا خايفه يقول لأبويه شيء له شهرين يهدد والى الآن ماشفنا شيء من تهديده مع العلم إنوآ له 34 يوم لم يتص+ تكفون أب مساعدتكم ربي يجزاكم الجنه نبرات شعري سطرت آآآآآآآآآآآآآآآآآمين الله يجزاك الجنه ويفرجها عليك شكرا من القلب |
دعاء المسلم لأخيه المسلم في ظهر الغيب حق وواجب وبمشيئة الله يستجيب المولى عز وجل نحن أخوات وأنا ما سويت إلا الواجب والله يستر عليكِ بالدنيا والآخرة ويكفيكِ ما أهمكِ وحزبكِ ومشكورة على دعائكِ الطيب ولكِ بالمثل |
ياحبيبتي الله يبعده عنك ويشغله بنفسه
تطمني بإذن الله ماراح يعمل شي تلقيه ماعنده سالفه بس يهدد على الفاضي وانتي تايبه وربي يكون معك تقبلي مروري. |
اقتباس:
انتي بس قوي فلبك ولايهمك وما دام مو بيده اي شي يخصك من صور واالا كان كان مداكي تجرجريه للهيئه في حاله انه اتصل على ابوكي قولي للوالد انه يهدد عشان يبغاني اتكلم معه بس تاكدي انه خلال المده هده كلها اللي تكلمتي فيها انه مايعرف اي شي عن تفاصيل حياتك حتى لو تافهه لانه من خلالها الوالد راح يعرف اصلا انه في علاقه بينكم الله يستر عليكي ولا تحطي الموضوع في بالك وحاولي تنسي |
رددي ( اللهم اكفنيهم بمآ شئت وكيف شئت آنك على مآتشآء قدير )
ربي يحميك .. |
اقتباس:
يمكن يضحك عليك .. لا في برنت ولا شي |
إنتي لك أكثر من سنتين معآه
اكيد تكلمتوا في كل شيء في احتمــآل إنه مسجل صوتك كمــآن إذا ابوك شديد ومــآيتفاهم مــآ ينفع تنتظريه لحد مآيسوي شيء الأب الشديد ولو كلمه مآتوقع يتفاهم معك على طول بيسيء الظن وبيجن جنوونه لو ثبت فعلا إنك كلمتيه والولد يقدر إنه يثبت لأنه لك فترة طويلة معه وأنتي اعرف وش تكلمتوا فيه حبيبتي الله يهديك ويستر عليك ابحثي في النت عن ارقام الهيئة في منطقتك وكلميهم وهمآ راح يقولون لك التصرف السليم معه بكل سريه وراح يمنعونه يأذونك بإذن الله ..الهيئة ساعدت بناات كثيير ولو مكــآنك على طول كلمتهم أنآ استنى لحد ما يفضحني عند ابوي ! أهــــم شيء توبي إلى الله واستغفريهـ واسأليه العفو والرحمه الله المستعان |
كل من رد على مشكلتي جزاكم الله ألف خير وعسى ربي يفرجها عليكم وريحكم مثل مارحتوني آآآآآمين
:/ أختي سمآ صدقيني مايعرف عن حيآتي الخاصه شيء يعرف عمري ومرحلتي الدراسيه فقط! فكرت أكلم الهيئه بس الهيئه لازم تعرف إسمي الثلاثي ورقم جوال والبيت يعني فضآيح الهيئه وأنا إيش يضمن لي إنوآ الهيئه راح تهجده هذا الشر بعينه ما اقول غير حسبي الله ونعم الوكيل فيه وإن شاء الله يجي اليوم إلي أشمت فيه |
حياتي ماعليك منه توكلي علا ربك وان شاء الله ماعنده الا الدجه
وهو يهددك كذا يبغى يزرع الخوف بقلبك بس انتي خليك اقوى منه وقوي ايمانك بربك ولو عنده شيء أو ماسك عليك بشيء كان طلعه ليش يجلس شهرين بدوم مايحرك ساكن صدقيني هذي خططهم هذا الجيل الثالث . يهددون علا الفاضي وتلاقين مامعه ولا دليل طنشي انتي بس طنشي ومايصير الا كل خير والله يرد كيده بنحره . |
الهيئة ،، الهيئة ،، الهيئة ،، وصلي لهم رقم جواله ولا راح يأخذوا منك أي معلومة لي قريب يشتغل في جهاز الهيئة وكثير أصير وسيط بين البنات و بينه ولا يعرف عنهم أي شئ وإذا بلغتي الهيئة مو يهجدونه فقط بإذن الله إنما تنقذين غيركـ لا يتجه لها وتكون ضحية أخرى غيركـ بادري غاليتي ولا تترددي |
فقاعة صابون
يعني تهديد على الفاضي الناس اللي تهدد وتوعد وتنذر بالغالب ما تسوي شيء لأنها جبانه خافي من الساكت أكثر هذا ما منه شر بإذن الله وطالما والدتك كلمته اكيد بيقول دام الأم تكلمت معي اكيد بتعلم الوالد قبلي غاليتي لا تخافي هالأشكال الوصخة في منها كثير للأسف ويحاولون يلوون ذراع البنت علشان ترجع تكلمهم لكن لا تقعي في هذا الفخ معه لأنه هذه المره لن يكتفي بالجوال والمسن .. وسيطلب منك بكل وقاحة اكثر من ذلك بكثير غيري رقم الهاتف وبلغي الوالد انه عليه معاكسات كثيره، وثقي بانه اجبن من أن يصل لوالدك لانه سيخاف على نفسه قبل أن يخاف عليك الله يستر عليك ويحفظك |
احمدي ربك واشكريه انه خلصك منه وستر الله عليك ..
وخلي في بالك هالتجربة واتعلمي منها .. والله يستر عليك ويستر على بنات المسلمين .. وحسبنا الله ونعم الوكيل على هكذا أشكال تستهين بـ حِلم الله .. |
انسان حقير
ترا اغلب الي يهددو ماعندهم سالفه بس يبغى يخووفك وصدقيني هو خواف ومابيسويها اهم شي امك معك لو ايش ماصار انكرري |
حبيبتي إذا هددك هدديه بالهيئة ..
مع أني أحسه ما عنده سالفة بس يبي يخوفك الله يستر عليك |
اختي الله يستر عليك يارب واطمني دامك رجعتي لربي ماراح يخيبك واهم شي الغي كل شي يتعلق فيه وغيري رقمك وايميلك وكل شي والحمد لله اهم شي ماعنده صورة لك ولا معلومات دقيقه عنك الحمد لله بس انهي كل شي يقدر يتوصل لك عن طريقه والله يحفظك بحفظه
|
لاتحطي في بالك
شكل كل كلامه على فشوش ومجرد كلام وبس انتي كرري دعاء الاخت نبرات شعري سطرت وتوكلي على الله من خاف سلم |
ما يعرف عنك شي وخايفه منه..
اتركي عنك العبط.. وعيشي طبيعي ولا يقدر يسوي شي لان فاقد الشيء لا يعطيه والبرنت اللي سحبه يبله ويشرب مويته قال برنت قال مشكلتكم ترخصون انفسكم ومسوين قويات..!! ماعليك منه.. مايقدر يسوي شي ابد اللي يبغى يسوي ما يتكلم ويهدد |
آختي
حطي يدك بمويــة بآآآآآآآردةة مآعندهـ عند جدتي , دآمو مو معآه آي شي عليكِ آرتآحي , بس يآريت تتعلمي من غلطك حبيبتي ولا تكرريهآ , والله يوفقك. |
اعطي الهيئه خبر ..
وبعدها اعطييه اكبر سيفووووون ^^ وقوليله وش بتسوي .. |
كلمي الهيئه صدقيني يجرون راسه
وهم راح يعطونك الطريقه اللي تمشين عليها تمر عليهم قضايا كثيره وبيكونون أعرف |
شوفي أختي لايهمك
وخليه آخر أهتماماتك واذا مره خايفه بلغي الهيئه وعطيهم رقمه وبيضبطون له كمين ويأدبونه وعلمينا بالتطورات |
, /
يِعطيكم العآفيه حبآيبي أشكر كلٍ من قدم لي الحلول فمشكلتي الله يجزآكم الجنَة ويفتحهآ في طريقكم يآرب" يوم السبت أرسل مسج دعوهه لزواجه إلي حيكون يوم الخميس أنآ بعد مآقريت المسج صآبني خوف شديد خفت المسج يكون فجوآل وآلدي ! والحمدالله مآحصلت المسج فجوآلههِ : ) في شغلتين محيرتني يمكن هو صحيح بيتزوج وأرسل المسج عشآن يقهرني ! أو إنهآ محآوله عشآن ـأرجع له ! مآني عآرفه إيش الدبره معآه وربي شويه وأستخف منه ! همسه :ِ يَ ليت أحد المرآقبين يعدل في اعنوآن ويكتب تم الإضآفه في صفحَه 3 وشآكره لكم |
الحل هو التطنيش التام ولا كأنه ارسل رسالة وعدم الاكتراث له نهائيا
بعد فترة قصيره بيمل وبيدور على ضحية جديدة ان لم يكن هناك ضحايا اصلا في عصمته حاليا |
السلام عليكم ورحمه الله وبركاته
اتكلى على الى عينه ماتنام وباذن الله ان الموضوع انتهى دام ارسل رساله بزواجه ولكن انا ئتمنى لو قدرتى مع الايام تغير رقمك |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر . وفيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍوَيَجْعَل لَّكُمْ أَنْهَارًا) . |
مادام ربي معاكي لا تخافين واهم شي تبتي لله ووكلي امرك لله وكثير اللي زي كده يهددون وماعندهم سالفه بس عشان يخوفك ولو عرف يخوفك بتسوين اللي يبغاه تلاقينه قال اذا خافت خير وبركه واذا ماخافت خلاص وانتي لا تخافين الله يبعده عنك ويبعد شره يارب
|
والله مآمعك بعد الله الا الهئيه الله يخليهم وعسآهم ع القوه...
|
اذا هدد قوليلة اشرب من بحر جدة
ماعنده صور لك اهم شي ولا عمرك طلعتي معه وش تخافين منة الله يستر على الجميع |
اذا لاقدر الله هالكلب دق على ابوك انكري وخلي امك بوسط الهرجه تقول يمكن واحد تعرفه سحب برنت عنك او موظف اتصالات عرف الرقم فهمتي عليا يعني اجحدي ياقلبي وارميها على غيرك يعني بالعربي سوي نفسك مظلومه واتفقي مع امك وياليت تروحين لابوك وانتي معصبه وتعطينه رقم الولد وقولي هذا يدق ويعرف اسمي وانا ماعرفه وجالس يهددني ويهددك يابويا واساليه وش سالفته يعني بالعربي سوقي ام الهبل على ابوك وتوبي بعدها ترا البنت مننا عباراه عن (( سُمعــــــه )) |
غيري رقمك
وانتهت الحكايه |
انزين هو شو يبا منج بالظبط .. انتي ماوضحتي
وكيف يتجرا يكلم امج ومايحترمها ويهدد .. وانتي في سن مراهقه طبيعي تخورينها بس جانج تبتي اهنيج موب تكون توبتج لمجرد تطلعين من المشكله وتردين لللي اكبر منها تحملي اخلصي النيه في التوبه .. وخلي امج ترمس الريال وتقوله شو يبا بالضبط واذا يبا لازواج يتقدم واذا مايبا خلي امج تمرغه بالخيزرانه على ظهره شو يتحرى بنات الناس لعبه .. وبعدين هذا ماعنده الا التهديد فلا تتوقعين يقدر يسوي شي اللي تسوينه انتي وامج ماتردون عليه لو ينفجر ولو طرش مسجات لاتردون لو شو مايصير هذا بيستغل خوفكن من ابوكم وبيتمادى كل مايطرش مسج هذا من صالحكم انتم باجر لو لاسمح الله الموضوع تطور راح يدخل هو بريله لاكثر من قضيه قضيه التهديد بالشرف وهذا فيها حق عام قبل الخاص فقولي لامج من هاللحظه لاتردين عليه واذا يبا يخبر ابوي خلي يخبر بس لاتردين عليه ولاعلى مسجاته واذا انتي واثقه ماعنده صور او تسجيل صدقني مايروم يواجه ابووووج مايقدر مستحيل يواجه ابوج باي ويه يواجه ابووج وماعنده دليل مجرد وحده من صديقاتي عطته الرقم وانا ماادري عادي حبيبتي هذا معاج سنتين ويعرف تفاصيل حياتج ودرس وضع امج وخواتج ووضعج وعرف شو نقطه ضعفكم كلكم فحاب يبرز رجولته عليكم ويروايكم انه يهدد خلي امج تقوله جانك رجال ولد رجال تعال عند ابوها وهدد واعلى مافي خيرك اركبه وتف بويها وتسكر التلفووون واي مسج من عنده تذكري من مصلحتكم .. لاتردون عليه لا باتصال ولامسجات هو بس يبا يلعب باعصابكم لانه عارفكم زين ياماما هذا مباااع والله روحي قوليله انته مباااع اتحدى اذا تروم توطوط صوب بيتنا حرام ماتلوم الا نفسك |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) . |
فيه مثل يقول (الكلب اللي ينبح مايعض)الله يكرمك
ادعي عليه بقيام الليل ورددي اللهم من ارادني بسوء فأشغله بنفسه اللهم عليك فيه فأنه لايعجزك اللهم اكفنيه بما شئت اللهم اجعل تدبيره في تدمير حسبي الله ونعم الوكيييل ولاتنسين الاستغفار واذا ضل يتصل ويهدد اتصلي على الهيئه هم يعرفون يتصرفون مع هالاشكال الله يستر علينا وعليك يارب |
الساعة الآن 06:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©