ملكت من شهرين وكأن صار لي عشر سنين
 

السلام عليكم ورحمه الله وبركاته

فالبداية حبيت استشيركم مادري اذا الموضوع مشكلة ولا انا مكبرة الموضوع :29:

ندخل فالموضوع :17:

الحمدلله وبفضل من الله ومنته ملكت من شهرين من ولد خاله صديقتي ... سوى المستحيل عشان يتزوجني

وبعد الملكة تحول الى انسان آآآآآآآآآآخر ..:( ((بما ان في دولتي عاداتنا تسمح للمملوكين يطلعون مع بعض ويسهرون او يزورها والعاده انه يوميا يزورها ويطلع معاها ماعدا السفر او انها تنام عنده))


المووهم ،، بعد الملكة صرت ماجوفة مايزورني يمر اسبوع ماشوفة بس بيننا مكالمات مع انه في نفس المنطقة وبيتنا اقرب لدوامة.. بعد شهر من الملكة كنت اتصل له اقوله تعال تغدى معاي ويرفض يقول تعبان اقولة يلا نطلع يقولي انا مع ربعي احين بالديوانية او بالكافية بعدها قلت يمكن انا ضايقته قمت ماقولة تعال سكت عنه ونفس الشي ماتغير شي واذا ازعل عليه يسويها مشكلة ويقولي مللتيني من كثر ماتزعلين ويقولي انتي زوجتي انا لاحق عليج العمر جدامنا واذا ماشفتج اليوم بشوفج بكرة او انه يقولي كل يوم انا ماعندي فلوس حق كل يوم مكان اقولة مابي مكان بس تعال اقعد معاي او انه يمرني ياخدني يوديني المطعم يشتريلي عشى ويرجعني البيت ويروح الكافيه حق ربعه... واغلب الايام نوم لما الساعة 9 بالليل وبعدها يقعد ويروح الكافية او الديوانية .. يعني ماحسة شخص متلهف علي ماشوفة مشتاق لي مع انه فالكلام الحلو مايقصر طول المكالمة بس كلام حلوو لكن فعل ماشوف حتى ان لما اطلع معاه مايمسك ايدي ولا احس انه زوجي

ومرة كان يسولف يقولي اذا سافرنا ابيج تفصخين حجابج وعبايتج اقولة ماتغار على زوجتك يقولي اهم شي ان قلبها لي .. :eek: يقولي سوي اللي بتسوينة روحي مكان اللي تبين انا مراح امنعج من شي..

ياربي ماقدر على هالشحص انا عشت في عايله ملتزمة

بعدي عنه خليه يشتــآقلك شوي (;

متورط بمرتي: ماعتقد تغيرت نظرته لان اذا اطلع معاه او يزوررني يكون عادي

سما: نفس الوضع في الحالتين

نسيت اقولكم شغله... زوجي مطلق من قبل بس بدون اطفال ولما سالت عن السبب اهل طليقته قالو انه ماكان يزورها ولا يعطيها مصروف بإختصار ماكان مهتم فيها واهو قال لي انه ماكان يبيها بس تزوجها عشان امه تبيها

بس اللي اجوفة ان نفس السبب اللي قالوه يصير معاي حاليا :(

استخيري وادعي الله ان يختار لك ما فيه الخير

استخيري كثير و اسألوا عنه اكثر ..
تفكيره غريب ؟

السلام عليكم ورحمة الله تعالى وبركاته

بصراحة انا مستغرب اول مرة اشوف رجال غيرتة ممسوحة ؟ شنو يقولج سوي اللي تبينة ؟ وين قاعدين حنا ؟ محسسني أن الأخ إنجليزي ، نعنبوا بليس والشيطان العرب قبل الإسلام كانت عندهم غيرة على نسائهم ، والأخ يقولج بمعنى آخر فصخي الحيا.

والله العظيم أن مافهمتية أنج ملتزمة ومن أسرة محترمة وخليتية يلزم حدودة بتعانين معاة ، ونصيحة مني أثقلي علية وإن جالك فهمية أنج تبين رجال بمعنى الكلمة غيور على زوجتة .

عصبت والله العظيم أسمحيلي يختي .

استخيري وفكري زين
انتي اللحين على البر فكري من كل الجوانب
وشوفي سلبياته وايجابياته وشوفي وش يغلب
واذا كان فيه امل ينعدل ولا لا
فكري اكثر من مره وشوفي وضعك كيف
والله صعبه اذا ما عنده غيره وهذا اسلوبه من اللحين

كيف دينه وصلاته ؟؟؟؟؟؟؟
وبعدين انتبهي لعيوبه الثانية

صراحة ربي يعينج.. لا طاعة لمخلوق في معصية الخالق..
يابنت الحلال اللي هذا اوله ينعاف تاليه ... صراحة إذا
مايطلع معاج او مايتصل احياناً هذي مو مشكلة
يمكن يكون مستحي أو حابب انه يستانس معاج بعد
الزواج أو ..أو..
أما انه يقولج ماعنده مشكلة تروحين أي مكان
أو تسوين اللي تبينه دام قلبج معاه .. فهذا اسمحيلي
يا أختي لازم تستخيرين ربي وتدعين وايد وتستشيرين
أهل الخبرة وتسألون عنه بشكل مكثف.. بالله شنو قصده
تروحين بار او تشربين خمر مايهم أهم شي تحبينه
أي منطق هذا؟!
الحجاب فرض يا عزيزتي واللي مافيه غيره على مرته
هذا مع احترامي لج ديوث.. وفيه خلل بدينه..
ربي يوفقج أختي لما فيه الخير والصلاح

مشكوووووووووووووورين على ردودكم

امس تكلمت معاه بالموضوع و كان رده ان ماكان يبي يضغط علي بشي يقولي انا عارفج وعارف تربيتج واعرف البيت اللي اخذتج منه وادري انج مابتسوين الغلط

صليت استخاره في بقائي معه او انفصالي دامنا للحين فالبداية وناوية اصلي يوميا ...والله يسوي اللي فيه الخير

اختي العزيزه
اكتبي رسالة في ورقة واشرحي فيها الموضوع كله
بعدين اتصلي عليه قولي لازم اشوفك ضروري واقرأي له كل النقاط اللي تضايقك واكتبي اساله بس لاتمصخينها
يعني لاتكثر عن ثلاث اسأله
ويكون موضوعها ليه هو مايهتم فيك اسأليه انت وقولي له ان من حقك تعرفين لانك راح ترتبطين معاه طول العمر
وانه لك الحق تعرفين هل اهتمامه لك راح يزيد او راح يضل على نفس ماهو عليه
اتمنى لك التوفيق
ولاتزودين عليه الاتصالات عشان مايملك
بس لاتتعجلين في موضوع الانفصال

صعب تتزوجي شخص مايغار عليك
تفاهمي معه قولي له كل الي بقلبك
انك تبين غيره تبين اهتمام
الله يوفقكم

انا اقول ابعدي عنه عطيه فرصه يشتاق لك
لاتدقين لاتقولين تعال تغد معاي خليها لبعد الزواج بتطفشين ترا ،،

خليه هو اللي يدق ويقول بازورك والا بنطلع تحسين بطعمها احلا من انك انتي تدقين تقولين له،،
كيف!! زي ماقلت خففي مكالمات ولاتدقين وبيفقدك وبيدق عليك وبيقولك وينك وتعذري اني مشغوله نايمه اي شي هالايام انضغطت ااخ من الاعذار..

اسمحي لي انتي ماعطيتيه فرصه يشتااااق لك ابدا

بالتوفيق

اخواتي الاثنتين

بعد ما تزوجن ازواجهن خلعن لهن الحجاب

انا ما قدر عليي

انما والله والحق يقال انو لو نزعت حجابي وخرجت بالشورط ما تفرق معو وقتها


مره اول ما تغربت طلب مني انو ما في حدا بالشارع ابقي بالجينز وبلوزه ضيقه فوقه

اقسم بالله العظيم فعلا لم يكن هناك احد بالشارع انما اول ما رأيت احد كانت واحده بالعبايه وحماتها معها من بعيد


ما عرفت كيف رجعت البيت وتوبه من ذلك اليوم

ومن ثم قصص كثيره نسمعها عن عائلات وهي مسافره للاستجمام يدخلون الطائره بالحجاب الكامل ويوقفو بالطائره ورا بعض

يدخلون الحمام محجبات ويخرجون من غير حجاب


ليه مستغربين من هذا الامر


عريسك يحب المستحيل

عريسك يحب هو اللي يركض ورا زوجتو مش هي اللي تركض ورااااااااه

توقفي عن مكالماته وخفي وانشفي معه في الكلام

يرجع يقتل حالو لاجلك