|
زوجي مريض نفسي
السلام عليكم ورحمه الله وبركاته انا احس زوجي مريض بقولك عن الاشياء اللي لاحظتها على زوجي وتدل على انه انسان مو طبيعي اولا من فتره الملكه كانت تصير بينا خلافات كثيره وكان وقتها يقولي انتي بطريق وانا بطريق باكثره من مره بس انا اراضيه وااقوله اللي تامر فيه بيصير واساسا كل خلافاتنا تافه مثلا ليه طالعه وماقلتيلي وليه اساسا تطلعين ومن هالحكي ولما عرف اني اللبس عبايه على الكتف جن جنونه وخلاس كان ناوي على الطلاق بس انا اللي رضيته وقلت مستحيل نخلي مشاكلنا سببها عبايه رغم انه لاهو المتدين ولاهو الملتحي ولا اللي مقصر ثوبه بالعكس علشان اعذرة هو مدخن وبشراهه وكان يسالني انتي قد مارستي العاده السريه وهل انتي تعرفين كيف تمارس وهل انتي تعرفين كيف تفض البكاره عن طريق العادة السريه وللاسف بعد الزواج اكتشفت انو هو اللي يمارسها وسالني اذا قد مره اشتهيت شاب !! اشياء كثيره عيب الواحد يقولها لخطيبته بصراحه انا استنكرت طريقته بعدهاا تم الزواج طبعا من اول يوم تزوجت ماحسيت اني عروسه يعني لاهدايه منه ولا من اهله لاسفر لاطلعات لا تلفزيون ولا شي حتى المطاعم مارحت الا قليل لاحظت عليه الانطوائيه الغير طبيعيه لايروح لاحد لااحد يجيه ماحد يكلمه من اصحابه من يصبح و يمسي نفس مكانه ومايغيره الا اذا بيدخل لمجلس الرجال يدخل طبعا هذا المجلس محرم علي ادخله دايم مقفل و مفتاح المجلس معه واللي لاحظته بعد انه انسان احيانا مايعرف ينام ابدا يعني يمكن ماتصدقوني بس مايعرف ينام واذا نام يعني ساعه و اقل احيانا وممكن ينام اكثر بس في الاغلب ماينااام الاهم من هذا كله كل ماطلعت لأهلي يقولي لاترجعين للبيت طيب ليه مادري؟ ويحلفني بالله وبالقران حاول كذا مره انه اذا طلعت لاهلي ياخذ المفتاح باخر خلاف بيني وبينه اخذه وقال اساسا ماله داعي يكون عندك مفتاح لشقه وانا ماعطيتك المفتاح الا علشان تحطين اغراضك بس وسحب المفتاح مني وكل مارجعت من بيت اهلي يقولي انتي متغيره مع العلم اكون توني طالعه من البيت وراكبه السياره امداك تلاحظ اني متغيره !!! وممنوع علي صديقاتي و جمعات البنات و الطلعات مع بنات عمي وخالتي بعدها طلعلي بحكايه جديده انا بتزوج عليك واي خلاف بينا يهدد بالطلاق وعلى الطالعه والنازله يقول بيتزوج وبضربك ومن هالتهديدات بصراحه انا تصرفت تصرف عقلاني وماارد عليه ولا الاقي له بالي لانه اعرف يبي هواش وصراخ علشان يلاقي عذر ضدي بعدها لما شاف معي جوالين كوني موظفه واحد لعملي وواحد لي ولاهلي زعل وكبرها وقال ماله سنع يكون عندك اثنين و انتي على ايش شايفه نفسك بارغم انو عنده جوالين وتجيه ازعاجات ورسايل من معجبات و تعارف هو بنفسه موريني المسجات وارقام بنات يقولي انهم يزعجونه البنات طبعا لاي خلاف يصير بينا على طول يروح لاهلي من دون حتى مايبلغني يقولهم بنتكم فيها وما فيها وكلام كثير يقوله على لساني من بين الكلام قال اني انا قلت له ابي اطلع واروح على كيفي وراح يشتكي لابوي اني حذفته من البلاك بيري طبعا ماحذفته الا لما طلعت من بيتي لبيت اهلي بسبب خلاف الجوال وربي البيت اني لاقلت له ولا جبت طاري طلعه وروحه على كيفي ابدا احسه فعلا انسان مريض واللي خلاني ابصم بالعشره انه مريض الانطوايئه و التلعثم بالكلام و مايفهم بشكل واضح دايم محبط ونظريته للحياه تشائميه ولاهم انه مايحافظ على صلاته يعني ياخر صلاته عادي بس مو معناته مايصلي هو يصلي بس مايصلي بالمسجد و ياخر يعني عادي عنده العصر مع المغرب والمغرب مع العشاء عادي جدا عندة ياذن العصر ويروح ينام و اذا صحى للمغرب راح تفرج على مسلسلات المغرب وبعدين يصلي وطبعا نصحته وبينت له حكم اللي ياخر صلاته عمدا حكمه حكم التارك ومااخفيكم انه يحاول يجرني معه بتاخير الصلاه بانو مره كنا بجمع تجاري واذن المغرب وقلت له يلاه نصلي قل لانصلي بالبيت قلت له المغرب تفوت على طول ورفض وقال من قالك انها تفوت مافي صلاه تفوت !! للاسف ذاك اليوم ماصليت المغرب الا مع العشاء حسبي الله ونعم الوكل وفي مواقف ثانيه يحاول يجرني معه لتاخير الصلاه الله يسعدكم ويفرج همكم افيدوني مع هالزوج احسه ملاني مني ويدور اي عذر ضدي |
السلام عليكم ورحمة الله تعالى وبركاته
قبل كل شيء دعينا نتحدث في المواضيع التي حصلت أثناء فترة الملكة !! لايملك الحق بتاتاً في إجباركِ على مايريد أثناء هذه الفترة ، وحقه معكِ يبدأ منذ دخولكِ إلى بيتة ، إلا أننا فعلاً ك رجال نحب أن نحس بأن مملوكتنا عندما تذهب إلى مكان تستأذن منا وتستشيرنا قبل خروجها وتطلب موافقتنا ، ولكن هذا لايعني بأن لنا الحق في ذلك ، هذا من باب هذه الأمور الروتينية . إلا أنني أستغرب فعلاً كيف يسئل زوجته في فترة الملكة عن ما إذا مارست العادة السرية أم لا ، أو يسئلها هل تاقت نفسك إلى شاب ؟ فهذه فعلاً لاتصدر من رجل حقيقي ورجل غيور !! بل تصدر من رجل قليل رجولة وقليل مروة ( لاتزعلين مني ) ، ولربما أنها كانت الدلائل إلى مرضهِ النفسي ولكنكِ حينها لم تكشفي هذا الأمر فيه . ملاحظة: كثرة تهديده لكِ بالطلاق وكثرة شكواة لكِ عند أهلك يدل على ضعف شخصيته أيضاً أما بعد الزواج فأنا أعتقد بأن زوجُكِ قبل زواجهِ كانت لديه علاقات كثيرة غير شرعية سواء كانت بالتلفون أو سفر أو غيرة ، واعتقد بأنه لازال كذلك ، ومن خلال هذه العلاقات تولد عنده مرضُ نفسي وهو الشك وعدم الثقة بالنساء أجمعين ، وأصحاب هذا النوع من الأمراض تقودهم وساوسهم إلى سوء الظن دائماً وإلى أفتعال المشاكل بسبب أو من غير سبب . زوجُك بإختصار ينحصر مرضه النفسي في أنه ضعيف شخصية ، " وموسوس " لي عودة إن شاء الله ، أسئل الله أن يوفقكِ لما يحبه ويرضاة ويسخر لكِ زوجك . كل التقدير . |
السلام عليك ورحمة الله وبركاته بارك الله فيك لتعاملك مع زوجك بتعقل وحرصك على حل هذة المشكلة أختي أظن كل ما ذكرتي عن زوجك وتخبطه وشكوكه بسبب هذة العادة السرية ..والحل يكمن به شخصيا لو يتوب عن هذة العادة ويرجع الى ربه لتبدل حاله وانتهت جميع الوساوس والمشاكل ... أختي في الله حاولي بقدر المستطاع أن تصرفيه عن هذا الشي أولا خليك دائما متزينة له ولبسي له أحسن الثياب وظهري إهتمامك به ...وبعدها إذا تقدري تتحاوري معه بهدوء وياخذ ويعطي معاك وتطو صفحت الماضي وتبني له إنك تحبينه وإنه أغلى شي في حياتك وتريدين سعادته ....وإذا تعاطى معاك وفيه تحسن عليك نصحه بالتدرج وتبيني له أضرار هذة العادة والذنوب بشكل عام ويبدا يحافظ على الصلاة إن شاء الله بعدها يشعر بالراحة والثقة بالنفس ويصير إنسان آخر أختي عليك بالصبر والدعاء وربي يكون في عونك وييسر أمرك ويصلح لك زوجك |
اقتباس:
بصراحه كلام سليم ./.100 وحاولي تخليه يقلل من التدخين بعد والتقرب الى الله الشي الاول لي اسعاد الزوجين |
لا ياعزيزتي زوجك مو مريض نفسي ولاشي ونفسيته من احسن مايكون.المساله مو مسألة مرض ونفسيه ,,,لا,,,المسأله مسألة اخلاق يااختي.والمفروض مانربط الاخلاق بالنفسيه....زوجك عديم الاخلاق ماعنده ضمير ولايخاف من الله ولاعنده دين يردعه عن افكاره وتصرفاته وخرابيطه. زوجك لانه هو عنده عنده بلاوي وخرابيط على باله حتى انتي مثله,, طبعاكلن يشوف بعين طبعه,,,.المريض النفسي مايوري زوجته مسجات بنات ويسكر باب الغرفه ويمنعها تدخلها..والمريض مايساال زوجته اسئله وصخه..
هذا انتوا يالبنات. والله اني أحزن عليكم..تكتشفون العيوب من ايام الملكه ولا تهتمون ولاتعطونها بال وتعتبرونها مميزات...مدري ليه تتهاون يمكن عشان تبون تلبسون الفستان الابيض والطرحه وتحسبون الزواج لبس ووناسه...ماتدرون ان الرجال مستحيل يتغير ومستحيل تتبدل عيوبه الي في فترة الملكه الى حسنات بعد الزواج ومستحيل تتغير افكاره..يحط عليك قوانين ويحرمك من اتفه الامور من ايام الملكه وكنتي عارفه وراضيه ..يسألك اسئله وصخه وتافهه وانتي تسمعين له ماجا في بالك انه اسئلته هذي لانه انسان وصخ ومو كفو زواج ولايصلح زوج لك.... غير كذاكان ناوي يطلق عشان عبايه وسيطرتي انتي على الوضع وهديتيه بدل ماتقولين هذا الرجال ماله امان الحين بيطلق عشان عبايه معناه ممكن في اي وقت يرميني حتى لو معي درزن عيال...وبعد ماصار الزواج ورحتي بيته وعشتي معه ماتحملتيه و نفذ صبرك طيب الحين وش الحل؟؟؟ والمجلس هذا ماحاولتي تعرفين وش فيه وش مخبي فيه..طيب جيبي احد من اهلك واقتحموا هذا المجلس شوفي وش فيه..يااختي احسك مرررره بارده يشك فيك ويهددك واخذه الموضوع ببساطه لدرجة يوريك مسجات البنات وصدقتي انهم يزعجونه يعني زوجك برئ وهم الي مزعجينه سبحان الله... والمصيبه والادهى انه متهاون بالصلاه وانتي مستهينه وتقولين هو يصلي بس ياخرها وانتي عارفه ان الصلاه في غير وقتها ماتقبل ,,,زوجك من المتهاونين بالصلاه يعني مصيبته اعظم من الي مايصلي بتاتا...وعقابه أشد ...بدليل قال الله تعالى...<ويل للمصلين الذين هم عن صلاتهم ساهون> ,,ساهون معناها متهاونون. اختي انصحك تأجلين الحمل والانجاب..واستخدمي مانع مضمون لان زوجك صراحه ماله أمان ومايصلح يكون أب..وش اقول بس...الله لايبلانا |
اقتباس:
|
ما أظن زوجك مريض نفسي
يمكن فيه ضغوط دفعته لمثل هذه الأمور ,, وكل ما أذن اوقفي علا راسه وخليه يصلي لاتسكتين عنه ,, وذكريه بحكم ترك الصلاة واستمري علا معاملتك له بهالطريقه . لأني حسيتك متزنه وفاهمه بالحياة الله لايضرك وادعي له . والله يسخره لك , ويجنبه عن حرامه بس تأكدي انه مو مريض نفسي . الصفات الي فيه ماتنطبق علا كونه مريض نفسي يمكن هو طبعه خجول ويحب الانفراديه , ولازم تطلعينه من أجوائه ذي وخليه يخالط الناس . عشان يصير اجتماعي |
أنا أتعارض مع أحتنا اللي ردت عليك قبلي
كل انسان فيه عيوب مافيه كامل الا وجه رب العالمين اي وحدة تشوف بخطيبها عيوب تتركه ......... مشاكلك مع زوجك طبيعية لانك اول سنة زواج يعني سنة تعارف وكل يوم بتكتشفين شي جديد بشخصيته .... اما سالفة الطلاق اللي يهدد فيها كل هم في البداية كذا ينفشون ريشهم وبعدين يرخون .......... اما انه يوريك المسجات دليل انه ماوراه شيء وانه برىء لوكان عنده خرابيط مافتحها قدامك ... اما أسألته فهي دليل على جهله وعدم ثقافته بالحياة الزوجية وحوارت الحياة الزوجيه .... اهم شيء أجلي سالفة الحمل كولي موانع لين تحددين هل تستطعين التكيف مع عيوبه او لا |
هل تعرفين اعراض مدمن الكبتيجون ؟
بالاضافة الى كل ما ذكرته اختي ليه الغرور .. اقولك ابحثي عنها وطابقي بين اعراض المدمن وبين تصرفات زوجك ! الله يعينك بصراحة قلبي معك |
[QUOTEهل تعرفين اعراض مدمن الكبتيجون ؟][/QUOTE]
والله فكرت فيها |
اعراض السحر والمس=اعراض المخدرات=اعراض المرض النفسي
انتبهي وتاكدي قبل ان تحكمي على زوجك |
اقتباس:
لأن زوجك عليه تصرفات تشبه بعض متعاطين حبوب الكبتاجون مثل قلة النوم والأنطوائيه ولكنها لا تعتبر دليل ما لاحظتي عليه انه ياخذ أدويه نفسيه ؟ |
بإجماعه أنا أموت واعرف وش فيه المجلس الي مقفله ومانعها من دخوله ،،،،واستغرب منن الي يبررون تصرفاته أنا شخصيا مستحيل أبرر تصرفات وسؤ أخلاق شخص تجاوز عمر 25 سنه
|
شكرا لتفاعلكم معي الله يسعدكم ويفرج همكم يارب
انا مايأرقني ليه ياخذ مفتاح الشقه مني ليه مو هذا بيتي يالوقت اللي يعجبني ارجعله مايحسبني او فرضا اهلي جوا وزاروني خير ان شاء الله انا باصمه بالعشرة انو زوجي فيه شي ياحبوب الكابتجون وفعلا لقيت فيه اشياء مشتركه بينه وبين متعاطي الحبوب اوانه مريض نفسي انا حاليا في بيت اهلي لي اسبوعين وهو لاسأل ولا فكر انه يسأل بصراحه انا افكر جديا بالانفصال اذا هذا اوله ينعاف تاليه بس قبل ودي اتأكد من تعاطيه بس مادري كيف ؟؟؟؟ |
اعراض التعاطي كثيرة لكن انتبهي له دامه تقولين كثير السهر والشك وتصرفاته مريبه ويشعر ببعض الهلوسة احيانا
ثم انه يقفل المجلس اكيد مخبيهم هناك بالعادة مدمن الكبتيجون يجلس ثلاث اربع ايام ما ينام فيهم إلا ساعة أو ساعتين بالكثير، ريقه دايما ناشف، يطلب الجماع بكثره في البداية ثم يصبح عصبي المزاج جدا بعد ثاني يوم سهر، يشك فيك وفي كل تصرفاتك ، تظهر عليه بعض الهلوسات ، يرتجف حين يتكلم ويتكلم بسرعة وبكثير من الاشياء مرة واحدة ، ما ادري بالضبط وش يطلب يشرب مع الكبتي بس اغلب الظن شاي ثقيل سكره مضبوط أو اذا هو من النوع اللي ياكل الحبوب ويبي يكسرها يلجأ بعد ثلاث اربع ايام الى الخمر أو اللبن أو الحليب ليبطل مفعولها ويستطيع النوم. لا تجزعي من كلامي أعلاه، هو فقط لك حتى تبدئي بالقلق اذا لاحظتي هذه الأشياء كلها فيه |
اقتباس:
أتمنى أجد إجابة الآن فحص الزواج ما يوضح -هل الشخص متعاطي؟ - هل الشخص يأكل علاج نفسي؟ |
ما أصعب هذه الحياة مع انسان غامض مريض
الخطأ يقع على أهالينا الذين لم يعلمونا كيف نقيم شخصية الخاطب قبل وقوع الفاس بالراس فخطيبك أعطاك مؤشرات لمرضه ولكنك أهملتيها واعتبرتيها شيء عادي لديك خياران،الطلاق...او الوقوف بجانبه والله العليم اذا سوف يستجيب للعلاج أم لا وللأسف أحلاهما مر استغفر الله العظيم وأتوب إليه استغفر الله العظيم وأتوب إليه |
اقتباس:
|
اقتباس:
- قلة النوم ، الشك ،عدم الإتزان في الكلام .. هذه أمور لا بد أن يقف عندها الشخص كثيرا. شكرا لكم وصاحبة الموضوع دعواتي أن ييسر الله أمرك .. وتأكدي أختي قد لا يكون زوجك متعاطي أو حتى مريض نفسي. |
حملتي منه ؟؟
في الحالتين حملتي اولا انصحك انك تشوفي مستقبلك..وسواء كان مريض او متعاطي صعب تجلسين معاه العمر كله بهذي الحالة يمكن زي ما قالوا مقفلها عشان مخبي فيها الحبوب او عشان ماتشمي الريحة اذا كان يدخن فيها حشيش ولو تقدري تجمعي ادلة عشان تتاكدوا اذا مدمن او لا اذا مالقيتي ادلة تقابلي طبيب نفسي وتشرحي وضع زوجك وهو ياكدلك اذا كان مريض او مدمن |
لا ماحملت اساسا لما شفت تصرفاته الغريبه وخلافاتنا اخذت حبوب دون عمله لاني ماقدر اضمن عمري معه
انا حاليا في بيت اهلي لي اسبوعين ولا ابي ارجع له افكر بالطلاق جديا بس بابا اكيد مراح يوافق لانه يقولي اذا تطلقتي الحين وانتي مالك الا 3 شهور ايش يقولوا الناس عنا بليز انا مااقدر ارجع له ثاني لانه مو مريح التعامل معه كيف لو اعيش معه |
اقنعي ابوكي وكلميه انك لو جلستي معاه ممكن تحملي وهو مو مؤهل انه يكون زوج او حتى اب ووريه تصرفات زوجك وانك ماتقدري تستحملي تعيشي معاه بهذي الطريقة وانك حاولتي تصلحيه بس مافي فايدة واذا صار بينكم ولد وطلقك حياخذ الولد وتخشي في مشاكل لها اول مالها اخر
واذا ماقدرتي تقنعيه دخلي الوالدة تقنعة وهو رايق وباسلوب هي تعرفه |
اقتباس:
|
سر رجالك في الغرفه المقفله وهو الشي الي بينقذك من كلام واتهامات الناس اذا اردتي الطلاق
انا من رأيي ترجعين فترة اختبار له ولازم تعرفين الي في الغرفه بمساعدة ابوك او اخوانك |
| الساعة الآن 03:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©