|
ماابي أتزوج حاليا !!!!
السلام عليكم ورحمة الله وبركاته ....... كيفكم عساكم بخير .....
أكيد كلكم طارت عيونكم من العنوان العجيييييييييب !!! ذوق ماتبي تتزوج !!! وش حدا مابدا :25: بس ابي افهمكم السالفه هذا رابط لموضوعي الجديد كتبته قبل أمس http://www.66n.com/forums/showthread.php?t=232501 بصراحة أنا حاليا ماابي أتزوج !!!! حاليا بس :d لأني منشغلة حاليا بدراستي وطموحي وعندي مشاريع أصبحت أراها أهم وأولى .... واحلام الزواج اصبحت عابرة ,,, تأتيني عندما أرى كرت زواج ... أو أرى فتاة بالسوق تشتري فستانا أبيض .. أقول متى أكون مكانها مع شاب كفووووو ... وبعدها انخرط بحياتي اليومية .... وانسى .... الحقيقة لم أجد في محيطي من الصديقات أو القريبات من هي سعيدة مع زوجها .... أو على الأقل مستقرة .... كل وحدة تقول ليتني ارجع بنت ليتني ماتزوجت !!!!! ياحظك ياالذوق ...... فتيات كثيرااااااااااااااااااااااااااات كنت أعتقد إنهن أسعد نساء الأرض كما يهيأ لي ... لكن عندما أقتربنا من بعض ودارت بيننا حوارات كثيرة ... وجدت كما هن تعيسات !!!! فرج الله عني وعنهن وعن الجميع ... لكني بعد فرج الله وبعد أن أكرمني سبحانه بالسعادة وراحة البال ... أصبحت لااتشفق كثيرا على الزواج .. الجديد بالأمر ..... تقدم لي شاب بصراحة غير مقتنعة فيه 100% ,,,, ومو مرتاحة بشكل كافي .... كثير حولي يقولون المؤهل التعليمي والوظيفة مهمة للتكافؤ بين الزوجين ... وانا ماتهمني شهادة شريكي ويعود هذا الأمر لشخصيتي القنوعة .... لكن اللي حولي خوفوني .... وقالوا انك على نياتك وطيبة ماتدرين ترى عقب تندمين .... هو موظف عادي جدا وظيفته أقل من عادية ,, مؤهله ثانوي ... شخص عادي جدا مو مثقف ولاطموح على كلام اهلي ... مشكلتي بيئتي مثقفة وطموحة ومتعلمة أخاف أواجه عقبات معه ... واهلي يقولون انه مقتنع بوظيفته العادية ولايفكر يكمل جامعة أو يسعى لتحسين وظيفته .... كل هالأمور ممكن أتغاضى عنها لأني ماتهمني المادة .. أنا يهمني يكون طموح مايرضى بأقل العلم وبأقل الثقافة ... يكون يسعى لتطوير نفسه من كل النواحي ....لأن هالشئ ينعكس على عيالنا بعدين .... بس ممكن أتغاضى عن هالشئ ... الشئ اللي ماقدرت أهضمه ,, إنه مدخن ... التدخين بحد ذاته مشكلة بالنسبة لي ومع ذلك ممكن أضغط على نفسي وأتغاضى عنه !!!! لكن المشكلة أخاف من اللي يكون مع التدخين من أمور أخرى تدمر الحياة ..... وأنتم عارفين قصدي... كثير بنات اعرفهم تزوجوا مدخنين وانصدموا بعدين انهم مدمنين أيضا ..... (((((((((( أنا لا اعمم لكني أقول ماسمعته أرجو من أخواني المدخنين مايزعلووون أنا مااعمم ))))))))))))) على كلام أهلي نادرا مايكون هناك شاب يدخن فقط بدون أمور أخرى .... فهل هذا الكلام صحيح ؟؟؟ أو أن أهلي بيخوفوني فقط !!!! وصديقاتي يقولون لو رفضتي المدخن بتعنسين أغلب الشباب مدخنين !!!! أحسهم يتكلمون من راسهم بدون منطقية بالتفكير ولاموضوعية .... أفكر بالرفض فأنا منشغلة بدراستي ومشاريعي العملية العلمية .... أحس موضوع الزواج بيشتت تفكيري ... أنتظر نصائحكم ................. مالي غنا عنها ..... مشكورين سلفا ..:26: |
اذا انتي من النوعية اللي اللي عندها غربلة ذهنية فلا تاخذيه ..
يعني اذا كنتي من النوع اللي يفكر بعدين ويبدأ يقارن وتبدأين تشوفين ازواج راقين تعليميا وثقافيا وتقولين ياخسارة فلا تاخذي هالانسان ..الشي الثاني حسيت ان اهلك يوصفونه لك على مضض .. على فكرة اختى , ترى النوع النمطي التقليدي من الرجال واللي مكانك راوح , اعتقد شخصيا انه يسبب الملل لشريكته , واعتقد ان بيكون في راسه افكار مصدية وطبوع ماتحبها البنت .. واعتقد بيكون جاف وبارد .. قد يكون هناك رجال منفتحين ومثقفين وافكارهم مضادة للصدأ مع كونهم متدنين تعليميا لكن قليل جدا .. اذا ودك تملكين وتجربينه وتشوفين كيف يتصرف فهذا اعتقد ابعد عن الشكة .. وبالتوفيق عموما رأيي : لاتاخذيه واللله يلمهك الصواب والرشاد |
شكرا اخوي ....
لو على اهلي فديتهم اكيد مايبوني آخذه .... لكني انا ابي افكر قبل إصدار القرار .... مستحيل إني أقارن لو تزوجت بين زوجي وغيره !!! مسسسسسسستحيل ... جزاك الله خييييييييييييييير .. |
من ناحية التتدخين /
نادر القى شاب يدخن ولايكون عنده مشاكل ثانية .. لأن الدخان مغناطيس الاشيااء السيئة .. يعني اما يكون حاد وشراني او يكون راعي صحبة سيئة او راعي بنات او راعي سربتة .. هذا الغالب فيهم .. لان الدخان اعتبره عنوان وله رواج عند البطالين.. طبعا فيه ناس مدخنين وعاقلين ههه بس قليل والشباب اللي مايدخنون كثير .. مستحيل نقول ان احد الجانبين يغلب على الثاني .. المدخنين كثرة والغغير مدخنين كثرة بعد .. تحياتي |
ماقصرت اخونا محتار .... جزاك الله خيييييييييييييير ...
انا ماودي اوافق واجرب واكتشف !!! حرام اوافق واتملك لو تم الأمر واعشم الرجل ... وهو يكون صامل وانا اكون اختبره وتحت التجربة ,,,, انا لو بتزوج ابي الاستقرار والراحة موب اكتشف واتعب راسي !! والخوف يآكلني .... لازم يكون فيه راحة تقريبا 70 % قبل عقد القران ,, وكلامك تقريبا زي كلام اهلي ان المدخنين ابعدي عنهم اريح لراسك افضل من تتزوجين وتتعبين !!! مدري والله اني تشتت بالي .... |
ترى على فكرة لازم يكون للجوء للصلاة والفزع لها اولوية في قائمتك .. والشيطان يخلينا نتكاسل ونقول ياليييل وش اللي صلاة واستخارة
لكنها مهمة لو كنتي تعلمين ؟؟ ولاتعتمدي على الراحة لأن فيه تفكير خاطيء عند الناس ان الاساس في صلاة الاستخارة هو الاحساس بعد الصلاة وهذا خططأ الاحساس يعتبر فرع يعني قرينة فرعية ولكن الأساس هو اذا كان فيه خير فربي راح ييسر لك الامر واذا كان فيه شر فربي راح يبعدك ويبعده عنك .. لأن دعائك في صلاة الاستخارة انك ياربي ان علمت فيه خير فيسره والا ابعده عني .. هذا كلام الشيخ المنجد من ناحية الرجال مو ذنبك اذا انتي ودك تختبريه وتجربينه, ذنبه هو .. ما واكب الحياة اللي ماشية الحين ومدخن وفوق ذلك راضي ولا يبي يتطور .. طبيعي يكون عندنا انطباع بالتوجس منه .. فلا تركبي على نفسك تأنيب ضمير بسبب خطأه هو اذا بتقولين لاهلك ابي اتملك عليه واغوص معه بتفاصيل شخصه وهم بيقولون مافي مشكلة فهذا ابعد عن الشكة واوضح لك لاتخاذ القراار النهائي امورك اللي عندك واللي انتي متحمسة لها غلط تقدمينها على الزواج .. لأن الامور اللي ذكرتيها كلها مجتمعة تعتبر شيء جزئي بالحياة والزواج شيء كلي واصل في الحيا .. فلا تقدمي الجزء على الكل .. واذا تبين قرار بتفكير احتياطي فأنا اقول لاتاخذيه .. وان شاءالله الاعضاء يفيدونك اكثر ويوجهونك بالراي الصحيح او الاصح الله يبدد حيرتتك ويوفقك |
نظرتك تشاؤميه
راجعي سطورك ما ذكرتي ولا شيء زين في الرجل وصفتيه باسوء وصف لدرجة حطيتي احتماليه انه ممكن يكون مدمن انتي مرررررررررررره مو مقتنعه فيه بس بنفس الوقت خايفه ضميرك يانبك لو صرفتيه وتندمي بعدين.. فصرتي تعظمي الامور وخليتيه ممكن يكون ممدمن وراعي بنات وخربان وماله طموح وقليل ثقافه وتعليم ووووووو عشان يرتاح ضميرك لو يوم من الايام انبك .. الحقيقه الرجل مافيه شيء مميز وكمان مافيه شيء معيب يعني (عادي) وقصة اللي يدخن ممكن يكون مدمن هذي واسعه شوي وانا انصحك نصيحه لوجه الله نصحتني اياها دكتوره بالجامعه اصحك تخلي سبب تاجيل زواجك هو دراستك (مرحلة الماجستير والدكتوراه) لانه الدراسه بتنتهي والعمر بيجري وبالاخير رح تلقي نفسك لحالك وجمبك شهادتك مثل ما صار مع دكتورتنا استخيري واستخيري واستخيري واذا ظلت افكارك اللي ذكرتيها ما زلتي مقتنعه فيها فالافضل انك ترفضيه.. |
غالبا التدخين تجر معاها بلاوي تانية
اشوف قرارك صحيح وانا معك في تفكيرك |
والله يا ذوق أشوف التوافق الفكري والثقافي والمستوى العلمي شيء ضروري جدا
يعني 3 نقاط انتو مختلفين فيها وإذا انتِ ما همك درجة علمه بالنسبة لك فتأكدي بأنها غالبا .. غالبا تكون عقدة عنده تجاهك . يحس انك تشوفي نفسك عليه ويحس انه أقل منك وفقدان ثقة .. وتظلي تحاولي ترضيه وتطبطبي عليه. مو مناسب ... نوديه لجنة الشطب ونشوف اللي بعده :26: لكن ما نقفل الباب ونقول نبغى ندرس وما راح نتزوج الحين .. خليهم صافين طوابير وتنقي منهم أحسن واحد :26: |
انتبهي تجربين وتحطين نفسك موقف صعب ترى التجربة تصير بالنسبة لك تجربة مره ويمكن تتفاجأين من شغلات فيه تكرهينها .. اذا كنتِ مش مقتنعه منه بنسبة 70% بالمئة لاتاخذينه لان مافي انسان كامل بس لازم تكونين مقتنعه فيه بشكل يخليك ترتاحين له .. اقول لك شيء حطي هذا الحديث قدام عيونك(اذا جاءكم من ترضون دينه وخلقه فزوجوه) اهم شيء الدين والخلق واكرر على هالجانبين عشان تعيشين مرتاحة وراح يخاف ربه فيك ومايعذبك بالعكس راح يشجعك على انك تكملين دراستك بس لازم تتأكدين من الخلق وذلك بزيارة تخلونه يجي لبيتكم ويجلسون معه اخوانك وأبوك ويختبرون الرجال ترى يبين من اول جلسه ..وبعدين تقدرين تحكمين على انه انسان صالح وخلوق .. وهناك قليل من الرجال اللي يتحمل مسؤلية بيت وامرأه ومايهتم بماضيه ويفكر بنصفه الثاني ومستعد يضحي وانه يعتبر ان بنت الناس صارت امانه بعنقه تركها له والدها .. بس خلي اختيارك في محله عشان ماتندمين
|
أختي انقبلت ماستر قبل لا تنخطـب
وبعـد خطـوبتها .. أعتذرت عن أول سنـه .. اللي هي سنـة التحضيـر وتزوجـت .. واللحيـن متزوجـه وواصلت دراستها وزوجهـا يشجعها ويدعمهـا برسالتها .. .. أنا أقول ياقلبـي .. لاتقفليـــــن الباب بحجـة الدراسـه أبدااااا اذا تقد لك شخص مثقف وواعـي .. أكيــد راح يكون معين لك على تحصيل أعلى الدرجات العلميـه .. .. يعني بالأخيـر بنخليـك توافقيـن يعني تواااااااافـقيـن .. غصــب عنـــك يالذوووق ماعندنـا بنات يجلسن عشان دراسـه <<<<< ماعندهـا ووقت ههههههه .. |
هلا بالذق النجدي
اولا ما في احد كامل غير الله ... وانا اشجعك على طموحك الرائع والى الامام .... بالنسبه لنقطة المستويات العلميه بينكم ... انا اشوف انها على حسب الشخصية ..((( وبعدين بسألك انتي كم عمرك ؟))) ونصيحه اغلب الرجال مالهم امان اما انه يتزوج الوحدده ويأخدها ويضحك عليها وبعدين يطلقها لا سمح الله ... فلازم تأمني نفسك قبل الزواج .... اما بالنسبه لزواجك من الشخص الثانوي .. اذا الأنسان ما عنده طموح مستحيل تتأقلموا مع بعض ممكن بحالة انك حاولتي تعديليه اذا الله وفق بيكم ... فالقرار عائدلك اختي العزيزه .... كلا مي مجرد رأي ويبى القرار لك |
يا أختي أرى إنك مو مقتنعه بهذا الرجل لذلك إمسحيه من خيالك ربي يعوضه خيرا منك ويعوضك خيرا منه أختي انت كملي دراستك وإذا أتاكِ من ترضين خلقه ودينه فتزوجي لا تتاخري بحجة الدراسة واسال الله أن يوفقك بزوج صالح ويجعل بينكما مودة ورجمة |
اقتباس:
الدخان ليس مغناطيس وليس معني الشخص انه مدخن ان الفرامل عندة لا تعمل الخطوط الحمراء لدي الانسان والمحرمات داخل المعتقدات بعيدة كل البعد عن التصرفات الطفيفة يعني الموضوع يعتمد على معتقدات الشخص وما يؤمن بة , يوجد اناس لا يدخنون ويصدر منهم اشياء تدخل في دائرة كبائر الذنوب ويوجد اشخاص دخنوا لاسباب تجارب في الصغر او مزح من الاصدقاء او اعتقاد شخصي ان الدخان يخفف الهموم ولا يمكن ولا يفكر تعدي مرحلة التدخين والدخول في امور تعتبر من كبائر الذنوب وتشتمل على فقدان العقل . استاذي انا مدخن وعمري مالمست شي اخر ولا افكر اني اقرب له واضيع عقلي ومستقبلي ولم افكر في اي نوع اخر من انواع المتعة المتعارف عليها . التدخين حصل لاسباب ضغوطات الجامعة وحاولت اكثر من مرة الترك ولم اقدر ومازلت احاول التوقف والله المستعان . وعلي نقيض ذلك اعرف ناس لا تدخن والكبائر عندهم شغاله ليل نهار فليس هذا بدليل ولا ذاك بدليل كلها تعتمد على المعتقدات والمبدأ والوازع الديني . |
اقتباس:
وحنا مانعمم بارك الله فيك بس للأسف فيه ناس كثير تدخن وتسوي اشياء ثانية وفيه ناس تدخن بسسسسس واللي تدخن بس ,, قليل .... وهذا مشاهد بالمجتمع بوضوح .... واكيد انت من هالقليل .. الله يعينك وتترك الدخان ويساعدك رب العالمين ... وفقك الله .. |
شكرا للجميع بلا استثناء ..... الف شكر لكم جمييييييييييييعا .. وانتظر المزيد من الأراء ...
عمري 24 ربيعا ..... 24 عيدا جميلا ... |
اقتباس:
فأسأل الله أن يهديك ويكرهك فيه وجميع شباب المسلمين أختي الذوق نجدي عليك بالاستخاره والدعا ويسر الله لك أمورك وجميع المسلمين |
اقتباس:
والتدخين يروق المزاج لمدة ساعة, ثم تصير نفسية المدخن اتش 24 ساعة انا اكلمك عني وعن اخواني, كلنا ماندخن الا واحد بس .. وهذا الواحد ملقبينه اخواني بـ النفسية راح النفسية جاء النفسية .. مع انه اكثر واحد فينا يضحك بس يقفل فجأة واذا عصب نشر أم الغسيل وخرب الدنيا صحيح مو كل المدخنين بهذه الطريقة ولكن انا من ناحيتي ماعمري لقيت مدخن تحس انه طبيعي الا لازم تلقى عنده مشاكل اقل مافيها انه يصير حاد وشراني وجاهز للمضاربة الا اذا اخذ له زقارة .. معليش اخوي محاولتك لتلميع مجتمع المدخنين تدل ان مالك نية بالترك, ولكن الشق لاتكفيه مئة رقعة .. فاتركها واطلع بنفسك من هالمجتمع والسمعة السيئة .. تحياتي |
انا مدخن ولاني راعي بلاوي ثانيه
مااجاهر بس ابعلمك ان الي يدخن مو يعني له بلاوي |
والله يا أختي إذا كان الرجل كفو وانتي مقتنعة تماما بس مشكلته الوحيدة عندك التدخين ، فأنا أشوف أنها مب مشكلة كبيرة ..
الحمدلله ولا واحد في عايلتنا ولا قبيلتنا يدخن ! وأكره الدخان وإذا مريت جنب واحد يدخن يتعكر مزاجي ، عشان ما تقولين هذا مدخن وينتصر للمدخنين .. التدخين ما أظن أبدا أنه مثل ما تتصورين ، اللي يدخن مو شرط يكون راعي بلاوي ، أعرف كثير من الشباب يدخنون وأخلاقهم حلوة ومحافظين على الصلاة ولا وراهم مشاكل ، وأتوقع لو كان راعي بلاوي تقدرين تعرفين بالسؤال عنه ، لكن انك تردين شاب فقط عشان التدخين أنا أبدا ما أؤيد هالشيء ، ولو بنتي خطبها مدخن ما أرده عشان هذا الشيء ! بالنسبة للأضرار ما فيها شك ، لكن مع هذا في أشياء ثانية اعتدناها مضرة أكثر مثل المقلي بالزيت .. وبالنسبة للرائحة ، اللي أعرفه أنه كثير من المدخنين ما يدخنون في البيت ، يرقون السطح أو في الملحق ، وهذا يخفف هذا الشيء .. وبالنسبة للحكم الشرعي ، اللي يقول إنه الاصرار على الصغيرة يجعلها كبيرة ، هذا مروي عن بعض السلف لكن ما عليه دليل صحيح ، وأقول هذا الكلام عن علم ، فالتدخين صغيرة بلا شك ، والغيبة كبيرة بلا شك ، اللي يدخن غير فاسق والمغتاب فاسق ، بس الموازين اختلفت عندنا ، اللي يدخن أهون من اللي يغتاب ، فهذا يدل على أنه مجتمعنا ما يقيم المعصية على درجتها ، لكن على حسب ما يستسيغه ! وتقدرين تشوفين حلول وسط بينك وبينه في هذا الموضوع .. أنا نصحيتي لك التدخين كلنا ما نتمناه لكن ما يوصل لدرجة أنك ترديه ، و أشوف أنك تفكرين في موضوع الكفاءة الثقافية والعلمية ، أنتي واضح عليك أنك مقتنعة من هالناحية ، لكن شخصية الرجل أتوقع هي اللي تحدد ، أعرف إنسانة جامعية ووظيفتها محترمة وزوجها ما معه المتوسط ووظيفته عادية ومدخن بعد ، بس مع ذلك ما تتمنى غيره ! الموضوع محير ، لكني مصر على أن التدخين ما يوصل لهذي الدرجة أبدا ، فكري في الأمور الثانية .. ولو استشارتني أختي قلت لها نفس الكلام .. |
اقتباس:
:* مؤيدة لهذا الكلام المدخن شخص عصبي غالباً لايضبط أنفعالاته ويحتاج لوحدة تقدر تتحمله وتتحمل مزاجيته عندي قريبتين وحدة منهم تزوجت واحد محد كان يدري أنه يدخن حتى أهله يدخن بالسر وأنصدمت بعد الزواج وعايشه معه في أضطراب وفي رمضان تعيش أسوء أيامها معه لحد ما يأذن ويدخن والثانية: الكل نصحها ما تأخذ مدخن نهائي بس كابرت وأهتمت بأمور أخرى مبهره فيه والآن تتشكى من نوبات عصبيته وغضبه ويكفي رائحة المدخن والله لما نكون بمكان عام ونشم ريحة هالقرف أقول الحمدلله الذي عصم أخواني وزوجي منه وأتسأل كيف النساء يتقبلن هكذا رائحة في بيوتهن وفي غرفهن ؟شيء فعلاً مقزز عافانا الله مما أبتلاهم وأعان كل من بلاها المولى بهكذا زوج وكم أتمنى أن يكافحن لمساعدة هؤلاء الرجال على الإقلاع عن هذا السم وأنا من وجهة نظري المدخن قبل أن يفكر بالزواج والإرتباط لابد أن يفكر في الإقلاع عن التدخين وليسأل لنفسه هل يقبل أن يرتبط بمدخنه رائحتها طوال الوقت منفرة وهل يرضى أن تكون هذه أم لأطفاله وقدوة لهم..؟! لأن هو الأخر سيكون أب وسيكون القدوة والمدخن عادة ابنائه لابد أن يكون بينهم واحد أو اثنين مدخنين هذا إذا لم يحذو جميعهم حذو أبيهم فكما تتمنى أيها الرجل المدخن زوجة نقيه ونظيفة وذات سلوك قويم يحق للفتاة أن تتمنى رجل نظيف تماماً يصلح أن يكون زوجاً لها وأباً صالحاً لابنائها الذوق نجدي سيأتيك نصيب أفضل بإذن الله لاتزجي بنفسك في دوامة المدخنين :* :* |
ما قدرت ما حط وجهة نظري ..
أنا عايشت كل العينات مدخنين و غيرهم اللي يسمون انفسهم مطاوعة صدقيني كثيييير كثييير من المدخنين أخلاقهم عالية جدا لكن غيرهم تلقين عندهم انواع العقد و الاخلاق السيئة ...! و التدخين مو شرط للعصبية يا ما أشخاص غير مدخنين و أعصابهم دائماً ثائرة استخيري ربك كثير و شوفي ..!! و اكبر خطا أنا نقيس اخلاق الناس علي مظاهرهم ياما بنات انصدموا بشباب ظنوا انهم ملتزمين و راعين دين .. و ياما بنات و أعرفهم شخصيا عاشوا احلي حياة مع أشخاص ظاهرهم ما يوحي بالالتزام أبدا .... و الكمال لله وحده .. |
أنا أسحب رأيي !
|
| الساعة الآن 06:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©