|
خاطب أعمى ..
مارايكم بالزواج من أعمى ؟!
مواصفاته : - أستاذ جامعي . - عمره 31 سنة . - متدين . - أخلاقه طيبة . لم نسأل عنه بعد بشكل مفصل و لكن الذين دلوه علينا مدحوه و ذكروا بعضا من مواصفاته .. مارايكم بالزواج به من حيث المبدأ مع مواصفاته الجيدة .. و كيف ستكون الحياة و المستقبل معه ؟ |
أختي لا تجعلين إعاقته تقف امام امر الزواج خالتي متزوجه كفيف وعايشعه. مبسوطه
|
ادا كان دو خلق و دين خير و بركة
صديقتي جامعية متزوجة بواحد بصير اقوله و ليس اعمى ما شاء الله مثل الملوك و لها بنت و ولد سبحان الله هو الان في تربص دراسات عليا بفرنسا و الله ادا كان في اجتماعكم خير اقول استشيروا و استخيروا و توكلوا إن شاء الله خيري الدنيا و الاخرة |
اقتباس:
و ربي يقدم اللي فيه الخير |
اقتباس:
ربي يقدم اللي فيه الخير |
إذا تأكدتي من صلآحــه تزوجيه
و أجعلي في نيتك بأنه أعظم عمل تتقربين به إلى الله (= الله يوفق الجميع لمآ يحب ويرضى |
اقتباس:
لاني مو عارفة كيف بتكون الحياة معاه .. انا مدلعة و معتمدة على اهلي في اشياء كثيرة .. مدري كيف ادبر نفسي معاه و في نفس الوقت احس رفضه لعماه فقط مو صح يمكن ربي يعاقبني أو يغضب علي لأني رفضته |
إذا دينه كويس توكلي على الله واستخيري (بس المفروض اول تشوفين هل إنتي ماعندك مانع مثلا تتزوجين واحد ضرير يعني بكرة تقولي فلان قال وفلانة تعيب وتقول وهالكلام اللي مايودي ولايجيب كوني مقتنعة تمااااااما وفكري زين) لاتخلي بصره عقبة أمامك وخافي الله فيه وتعاملك معه بس أشوف تدورين في المنتديات كيفية التعامل مع الضرير من جميع النواحي واعرفي عنه أكثر من خلال أهله تقربي إليهم وشوفي كيف يعاملونه وشنو يقولون عنه موفقة |
اقتباس:
الله يعين جزاك الله خير |
اختي استخيري مره واثنين وثلاثه وعشره
وانتي قلتي انك مدلعه يعني يبغالك سفريات وروحات وجيات ومطاعم واسواق واعتقد ان يصعب عليه شوي فالاخير ربي يكتبلك الي فيه خير راح ادعيلك |
والله مدري بس انتي قادره لى انك تقدمين
على هالخطوه والحق لو مكانك الصدق والله برفض فكري بحياتك بعدين من كل الجوانب واستخيري وشوفي وش ترتاحين له الله يوفقك |
عليك بالإستخارة ثم الإستخارة ثم الإستخارة
والزواج قسمة ونصيب وإذا تحسي نفسج مرتآحة توكلي على الله ويمكن الله يشافيه سبحان الله,,يكفي إنه تحدى إعاقته وبرز نفسه في المجتمع اسال الله العظيم أن ييسر لكي الخير |
استخيري واستخيري واستخيري
بس انت شوفي راح تقدرين تتعايشين معه وانت قلت انك مدلعه يعني بدك شويتين اهتمام روحه وجيه وبرضه فكري بحياتك زين من كل الجوانب واستخير واذا ارتحت ربي يوفقك ويكتب لك اللي فيه الخير |
كنت بقولك ليش لأ ما تقبلين فيه
اقتباس:
لكن الحين أختلف الوضع |
الحياة الزوجية ليست دلع ومطاعم وسفريات وصرف فلوس
الحياة الزوجية رجل يعي دوره كزوج وراعي وامرأة تعي دورها كزوجة وراعية أب صالح لأطفاله يعرف كيف يحميهم وأم صالحة تعرف كيف تربيهم.. والباقي شكليات لا تسمن ولا تغني من جوع وإن كنت ترين في نفسك نفوراً وعدم المقدرة على التكيف فلا يكلف الله نفساً إلا وسعها.. |
مادرري
بس شوفيه وشوفي تفكيره واسلوبه ولله يوفقك |
أختى بعيدا عن المثاليات.
اجلسي مع نفسك وفكري بهدوء. كيف تبغى حياتك تكون إذا تزوجتى وهل انت قد المسؤليه ولازم يكون في بالك أنه ضرير يعنى ماتقارني زوجك بغيرة.وتجرحيه. و استخيري أكثر من مرة ماتدري لو ساعدتك تكون معاه أكثر من المبصر وإذا رفضتيه من حقك. وإذا قبلتى كمان من حقك |
بدووون مجامله وبكل صرآآآآآآآآحه .... لآأقبل به ... ولآسباب كثيره ... مع انه اخلاقه ودينه ووظيفته تستاهل انه نضحي لكن لو تفكري في الأمر تحسيه صعب ...
|
لاتقولين يمكن ربي بيعاقبني إذا رفضته
ربي بيعاقبك إذا استهزئتي فيه وتكلمتي عليه الزواج إيجاب وقبول..إذا ما تبينه وحاسه إنك مو مرتاحه لاتوافقين إذا حاسه بالعاطفه تجاهه علشانه أعمى فهذا شيء طيب..وتبين توافقين لهذا السبب فمأجورة بإذن الله أما إذا خايفة إذا رفضتيه ربي يعاقبك..فتفكيرك خطأ ربي أرحم لنا من أنفسنا وعارف بقدرتنا على التحمل والصبر ويعطينا على قد طاقتنا الله يوفقك |
مواصفاته مؤهله كزوج الصراحه
وبالاخص انه متعلم ... ولو فكرتي بكيفيه الحياة الزوجيه بتمعن لكان كل الامور الشكليه ترميها وراكي وتهتمي بالامور الاكبر التي تخص الزواج .. وتستحق الاهتمام والكفاءة والشكليات مش دائمه فالتفاهم والمودة والتكيف مع الوضع هو ما يبقى... لو تم القبول .. بعد الاستخارة .. تعلمي كيفيه التعامل مع ضرير كما قالوا الاخوات وتكيفي وتأقلمي على وضعه واذا تم الزواج ممكن تشعري ببعض الصعوبه في البدايه .. لكن اذا كنتي شاريه زوج ومقدرة الحياة الزوجيه راح تصغر هالامور امامك وتتحدي نفسك وتمشي حياتك.. كانها عاديه وتهتمي بما يستحق ويرضي الله .. وانظري الى الجزء المليء من ناحيه هذا الشخص ولاتنظري للجزء الفارغ .. ولاتنسي ان تدرسي طبيعه حياتك وقدرتك على التكيف ولاتنسي انه قرارك بالاول والاخير وكله يعتمد على قناعتك به رغم اعاقته وانا صراحه اهنئ هذا الشاب على كفاحه واصراره في تحدي ما يمر فيه واشعر بانه انسان متفهم .. |
تم رفضه
الله يعوضة باللي افضل مني و يعوضني بلي افضل منه |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©