|
ولداي المراهقان عندما يتنازعان يأذيان بعضهما ومن حولهما
السلام عليكم ورحمة الله وبركاته اخواني / اخواتي ..من فتره بسيطه سجلت في المنتدى وارتحت لاطروحاتكم ولمساعداتكم لمن لديه مشكله فلا تبخلوا علي بالمشوره بارك الله فيكم لدي ولدين في سن مراهقه ولله الحمد :14: اعجز في بعض الاحيان التعامل معهم ودايم تصير بينهم حروب طاحنه :16:اجاركم الله انا اكتب الان لاروح عن نفسي مما بي من ضيق ولم استطيع النوم فقد حدث اليوم بينهم حرب شنيعه بسبب امر تافه لكن كانت الخسائر كبيره الله يعوض وبعد نقاشات بينهم باءت بالفشل اقدم الكبير البالغ من العمر 19 على ضرب اخيه البالغ 17 ضرب جنوني وكثير ما يحدث هذا الامر الكبير مايعتدي الا اذا قهرو الصغير فاذا ضرب اوجع وكسر والصغير عبيط وعنيد واذا زعل:( زعل عى كل البيت حتى امه وابوه ويعتدي على الممتلكات بالتكسير والتخريب لينفس عن نفسه (اليوم كسر زجاج سيارة اخوه الخلفي) والله اني تعبت معاهم من هم صغار واحنا في حروب داحس الغبراء شخصياتهم مختلفه في كل شئ حتى الانديه كل واحد يشجع فريق واسوء شئ اذا لعبوا انديتهم ضد بعض وما احلى كل واحد وهو لحاله ويشينهم اذا اجتعوا حتى اذا راحو مع اصحابهم مختلفين وضد بعض عجزت افهمهم ان لازم تكون قلوبكم على بعض لكن مافيه فايده وفي المدرسه حاطين كل واحد بثانويه وحتى المتوسط كانوا كل واحد بمدرسه المشكله ان ابوهم الان مسافر الله يرده بالسلامه عشان كذا خلال الاسبوع هذا صارت الحرب مرتين اسال الله لهم الهدايه والصلاح اريد ارائكم في طرق للتعامل معهم ... نفسي اشوفهم يحبون بعض وتنتهي مشاكلهم نسيت اقل لكم انهم ورى بعض في الترتيب اللي عنده خبره او علم لا يبخل علي جزاكم الله خير ووفقكم |
هههههههههههههههههه اسلوبك ممتع
يالغلا اول شي الاكثار من الدعاء لهم بالهداية والصلاح في كل سجده ثانيا: بعد انتهاء الحرب بيوم او يومين اجلس مع واحد منهم وناقشيه بكل التفاصيل ليه سويت كذ؟ ..... وهل يستحق الموضوع التكبير لهذه الدرجة ؟ ...... لم تجد طريقة اخرى غير هذه ناقشيه بحنان ومنطق وبالاخير ذكريه انهم اخوان والاخوان ما يصير بينهم كذا موفقه يارب |
الله يعين والله
انا عصب على اخته بشي فضرب برجله باب السياره خربه وكان يلزمه تغير سافرت مع زوجي رجعت وجدت البيت مكسر والعصائر على السجاد وما تعرفيهم متفقي وما تعرفيهم عنيدين وحرب ضروس هذا العمر صعب جدااااااااااااااا عندهم طاقه غريبه بدهم يفجروهم انما يفجروها بطريقة خطأ اقري عليهم آية الكرسي والمعوذات وانفخي لهم لو يركضو ويتعبو يكون افضل حسيت من كلامك ان الكبير اكبر عقل و هو فقط وقت يعصب من اخوه يضرب الاهتمام بالصغير تيكبر عقلووووووو شكلو يغار من اخوه الكبيرررررررر |
لماذا لا تدخلي الولد 17 سنه
كيك بوكسن يعلموه يسيطر على نفسه ويضرب الكيس الكبير فينفس عن نفسه بذلك اعتقد انها انسب رياضه تناسب عقله وافعاله |
اقتباس:
الله يسعدك ويجزاك خير[/SIZE |
اقتباس:
اقتباس:
سعيده بردك عليه اخت قرين ما نستغني عن اهل التجربه مشكوره واسعدك الله في الدارين |
الله يعينك هذا العمر التعامل معاه صعب أشوف أمي مع أخواني وأقول الله يعيني أذا بناتي وصلو سن المراهقه بس أكيد البنات أسهل في التعامل أقلها مافي حروب ومعارك بالأيدي
أنا كنت أشوف أمي لما أخواني يتضاربو تزعل منهم وتصير ماتكلمهم وأبوي ينزل عليهم عقوبات مختلفه مثل حرمانهم من الطلعه وحسيت أنهم تحسنو وخفت كثير هوشاتهم يعني نادر ماتصير معارك يدويه بس أهم شي تحتاجي للحزم ولازم تكون شخصيتك قويه علشان مايستهينو فيك لما تعاقبيهم الله يصلحهم وتقر عينك فيهم |
بسألك انتي تفضلين واحد على الثاني بالتعامل
حتى من وهم صغار انتي ابوهم الاقارب لان هذا ممكن يكون سبب المشاكل بينهم وهالسن للاولاد حرب لكن بشكل محدود ومو لهالدرجه الواضح ان شخصية الصغير استفزازيه والكبير عصبي وما يتقبل اي شي الله يهديهم ويصلحهم |
مبدأ العنف بجد ذاته امر يحتاج علاج ... اجلسي معهم مرة وثنتين وثلاث ... قولي لهم اللي ياجا للضرب هو الشخص ضعيف الشخصية قليل الحيلة
شو خلينا للوحوش ؟؟؟ ليه ربنا اعطانا عقل وميزنا عن البهايم بالكلام ؟؟؟ كلام يمكن يكون قوي .. لكن ما ينفع مع مراهقين شباب كلام أخف منه التوأم عندي كانوا يتصرفوا نفس التصرف بأول مراهقتهم ووقفوا بعد ما كلمتهم ... ممنننننننننننننننننوع الضرب ... هذا مو لنا كبشر . |
أختي اسمعي من واحد مجرب أنا عمري 18 واخوي 16 من يومنا صغار مضاربات الى ان وصلنا 15 وهو 13 مره في الشهر وبدت تقل الى مره كل اربعه شهور بس الحمد لله ما فيه تكسير :) .... لكن المشكلة الكبير اللي حصلت بينا قبل 5 شهور في نهاية الاجازة الصيفية والى الان ما نكلم بعض بس ما بينا عداوة تخيلوا 5 شهور ما كلمت اخوي وواضح ان ابنك الصغير مثل اخوي عنيد ويحط راسه براس اخوه الكبير ... الحل عند الكبير(( فرقي بينهم)) حتى لو تصير العلاقة رسمية ..
لان الشغلة فيها تكسير وضرب مبرح قبل ما يوقع الفاس في الراس.. |
أدعي لهم بنص اللليل مجرب
|
اقتباس:
فعلا سن صعب بما ان عندي اكبر منهم بس ما سوو زي هذول يمكن لانهم جنس واحد يعني اولاد كنت قويه بس الان انهدت القوه وبعدين ما شاء الله صارو اطول مني يعني ماينفع فيهم شئ اسال الله ان يهديهم ويؤلف بين قلبيهم اسعدني ردك جزاك الله خير |
اقتباس:
فعلا الصغير استفزازي بشكل واضح والشئ اللي يخليني اغضب وازعل منه كثرت اللعن عنده اذا اضارب مع اخوه لعن وسب وما خلا احد من العيله اسال الله لهم الهدايه سعدت بردك وجزاك الله على دعواتك |
اقتباس:
|
[QUOTE=محتار..;2761739][SIZE="4"]أختي اسمعي من واحد مجرب أنا عمري 18 واخوي 16 من يومنا صغار مضاربات الى ان وصلنا 15 وهو 13 مره في الشهر وبدت تقل الى مره كل اربعه شهور بس الحمد لله ما فيه تكسير :) .... لكن المشكلة الكبير اللي حصلت بينا قبل 5 شهور في نهاية الاجازة الصيفية والى الان ما نكلم بعض بس ما بينا عداوة تخيلوا 5 شهور ما كلمت اخوي وواضح ان ابنك الصغير مثل اخوي عنيد ويحط راسه براس اخوه الكبير ... الحل عند الكبير(( فرقي بينهم)) حتى لو تصير العلاقة رسمية ..
لان الشغلة فيها تكسير وضرب مبرح قبل ما يوقع الفاس في الراس.. مداخلتك اسعدتني الله يسعدك ويوفقك والله ان اتمنى الاقي اولادي مشتركين في المنتدى اتمنى انك تتصالح مع اخوك وماتكونون رسميين لانكم اخوان وبتحتاجون لبعض خمسه شهور ماتكلمون بعض لا لا لا ما يسير الله يهديك هذا من الشيطان سارع انت الان بالمصالحه حتى لو هو الغلطان فعن عطاء بن يزيد عن أبي أيوب عن النبي صلى الله عليه وسلم قال : ( لا يحل لمسلم أن يهجر أخاه فوق ثلاث ، يلتقيان يصد هذا ويصد هذا ، وخيرهما الذي يبدأ بالسلام) . بعدين انت الكبير والعاقل لازم تكون متسامح معاه عشان خاطر امك وابوك يكونون راضين عنك ولانتسى ان الخييريه والافضليه للي يبدأ بالسلام بارك الله فيك ا اسأل الله العظيم ان يؤلف بينكما ويهديكما لما يحب ويرضا |
اقتباس:
ان شاء الله اساله التوفيق والسداد جزاك الله خير |
اقتباس:
حاولي ما تكوني حكم بينهم ... مهما حاولتي راح يطلع لك واحد منهم يقول لك ظلمتيني وانتِ دااااائما تنصفي أخوي لأنك تحبيه أكثر ومن هالكلام .. انتِ ما تركزي على خلاف اليوم بحد ذاته .. أو خلاف اي يوم ثاني ... ركزي على المبدأ .. مبدأ الضرب ممنوع مهما كان السبب ... وهذا مبدأ تعلميه لهم ويطبقوه بمستقبل حياتهم مع الناس من حولهم ومع زوجاتهم ومع اولادهم .. حاولي قدر الامكان تنفريهم من مبدأ اخذ الحق عن طريق الضرب .. وأن تكبري عندهم مبدأ التفاهم والحوار من أجل اخذ حقك .. تخيلي لو لا سمح الله ظل على هذا المبدأ ولما صار رجال ظل ياخذ حقه بالضرب مع أي احد .. كيف بتكون حياته ؟؟ بيضرب فلان ويدخل السجن لا سمح الله أو يضرب علان ويتورط ويجيب جاهات وعشاير ... حطي حد من الان لما تكلمي ولدك الكبير والمفروض انه هو الأساس لأنه أعقل وأكبر تكلميه بشكل أساسي عن مبدأ الضرب وأنه هذا مبدأ مرفوض عندي وبالبيت ومع اي كان والمشكلة خلي الكلام فيها ثانوي .. قوليله عندك مشكلة مع اخوك تجلس معاه وتستعمل لسانك وعقلك اللي ربنا رزقكم فيهم وميزك فيهم عن باقي المخلوقات . أعرفك ذكي وتقدر تحصل حقك بذكاءك وما أعرفك ضعيف وقليل حيلة لحتى تلجأ للضرب . |
نوره ..
وربي موتينـــي من الضحك من أسلوبك في السرد .. حسيت كأني داخله وزارة الداخليـه .. .. عموما ياقلبي تأقلمـي على وضعهم هذا شئ طبيعي خلال فترة المراهقه أنا أخواني بالفتره هذي نفس كذا مره وقت هوشتهم كنت ماره من عندهم الا علبة الكريم أحد أسلحة الحرب طاااايره من المعركه وعلى رجلي وأخشش معهم المعركه من اللي حذف علي علبة الكريم هههههه .. وسعي صدرك وأدعي لهم فقط لاغيــر وأهتمي بالممتلكاات لاتتكسـر ههه.. الله يسهل أمرك ياقلبي .. |
:* الصغير يعتبر مراهق ومتهور أشتغلي على الكبير وتكلمي معاه وأطلبي منه يحتوي الصغير ويكسب وده وأحترامه وقولي للكبير هذا أخوك أمانتك أبغاك تكون قدوته وتعلمه وتهتم فيه لأنك ماشاء الله عليك رجال ويعتمد عليك فياليت أنت إلي توجه أخوك وتخفف من حدته وبالكلمة الطيبة والمحبة بينكم بيكون أخوك خاتم بأصبعك وهذا عزوتك وسندك في الحياة بعد الله أزرعي المحبة بينهم وخلي الكبير يساعدك ويتنازل شوي لأخوة ويأخذه بالحنيه والطيبة وممكن الأب يتدخل ويقنع الكبير بأحتواء الصغير وعطو الصغير فرصته للتعبير عن رأيه لا تكتموه وأنتِ بين فترة وفترة أشتري هديتين وحدة عطيها للكبير والثانية قولي للكبير أنت قدمها لأخواك على أساس أنها منك له :* |
اقتباس:
ردك رائع جدا بارك الله فيك الضرب اللي قاهرني والمشكله انه ما اعطاني فرصه اكلمه يتهرب مني بما اني دايم اقول لهم ان الضعيف هو اللي يلجأ للضرب وان كان على حق (ليس الشديد بالصرعه انما الشديد الذي يملك نفسه عند الغضب) اسال الله ان يعيننا على تريبتهم تربيه صالحه ويرزقنا الصبر على ذلك مشكوره اختي جزاك الله خير واصلح لك النيه والذريه |
اقتباس:
اللي يوجع قلبي ان التفاهم بينهم معدوم حتى برى البيت احس الاخوه منعدهم بينهم احس بقهر من هذا الشئ ..بما ان سنهم قريب من بعض الا انهم ما يطلعون سوا ولا يلعبون مع بعض اتصالحت مع الصغير لان اعتذر لي وقلي على المشكله اللي بينهم بس الكبير باقي شايله عليه الله يصلح حالهم ويهديهم اسعدني ردك ومشاركتك لي بارك الله فيك ورزقك زوجا صالحا مصلحا |
اقتباس:
باسويها بعد ما اصالحهم على بعض ويتعهدون بعدم تكرارها وان شاء الله تجيب نتيجه اسعدك الله ...والله اني فرحت بردك لي..... قبل ما ادخل قلت يارب ترد على موضوعي سيدة الموقف لان ردودوك رائعه جزاك الله خير |
اختي انا عمري 13 تقريبا ..
بس عندي خبره في ذي الاشياء ^-* انا زي كذا انا واخوي هو اصغر مني بسنه. . دائما حروب ومضاربات ومشاكل بس تعدي على خير .. بقولك معلومه .. ترى (دائما) الصغير يكون سوسه .. صح انه ينجلد ويتكسر بس سوسه .. بس اهم شيئ عامليهم نفس المعامله .. ولاتعطي الصغير وجه انه هو المسكين اللي ينضرب وينجلد .. واللا بيزودها .. واذا زودها الصغير .. الكبير ترى ماراح يستحمل .. وكذا راح تزيد مشاكلهم .. وبالتوفيق انشاء الله .. ^^ |
الله يعينك يارب
هذا الشي طبيعي جداً ويمر على كل الأسر أعتقد لأنهم ورى بعض والغيرة تلعب دور كبير في المعارك و الحروب أذكر اخواني والله أن المعركة تبدا من الغرفة وتنتقل إلى السيب إلى الصالة إلى المقلط والله اني أضحك عليهم صدق لا قالوا شر البلية مايضحك الله يصلحهم ويهديهم طبعاً هذا يوم كانوا في الابتدائي و المتوسط والحين عندي اختين وحدة في ثالث ابتدائي وحدة في الروضة ياربي سترك حروب ومعارك شي ماأعرف وش أسوي معاهم والله العظيم ماألومك تعب نفسي وقلق الله يعينا واياك يارب مافيه الا الدعاء |
اقتباس:
اعجبتني الصغير سوسه والله انتي عسل |
اقتباس:
صح الصغير سوسه بس مفروض الكبير يكون اعقل اكيد ان شاء الله نعاملهم نفس المعامله الحمدلله الايام هذي البيت هدوء يمكن لانهم مايكلمون بعض اسال الله الهدايه لهم ولكم ولكل اولاد المسلمين مشكور على مشاركتك |
اقتباس:
|
الله يصلحهم مابيدي غير اني ادخل وادعيلهم
الله يلين قلوووبهم على بعض .,~ =) |
اقتباس:
جزاك الله خير |
| الساعة الآن 03:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©