|
هل أخبر خطيبي بمعناتي مع الدورة
السلام عليكم
خطيبي ماعنده أخوات وما أدري هو يعرف عن الدورة الشهرية ومعناتها ولا مايعرف ودي ألمح له إنه إذا جاتني تتعبني ما أستطيع الحركه كثيرا ولا أشتهي الأكل وووو... لإني قدامه أخجل أقوله الحين أبغى أقوله بالرسايل مارأيكم |
لمحي له انك تعبانه ولم تاكلي شيئا وهو سيسالك مالك لمحي له اته تعب نسائي وسيفهم واحيانا بعض الرجال يشعرون تلقائيا بتغير معين ويفهم السبب فلا مشكله ولا تحتاجي الي التصريح المباشر
|
ماله اي داعي ،، تخوفين الرجال ..
لامرٍ لن يستوعبه في الوقت الحالي .. خليها للايام .. وغالباً ؛؛ الالام تخف بعد الزواج فتفاءلي خيراً.. |
ما يحتاج يصير عنده أخوات علشان يعرف الدوره الشهريه هذاك يمكن أول :25:
أكيد يعرفها ويعرف أعراضها لكن ما يمنع ذّكريه والأهم أنك تخبريه بأن نفسية الزوجة تتغير 180 درجة عند بعضهن الله يكون بعونهن:24: |
مع زواج تخف الم الدوره اختي من تجربة كثير من حولي واخاف تقولين له دحين يبدء القلق و يقول هاذي مريضه انتي لا تعلم كيف يفكر الرجل لا تستبقي الاحداث
|
هلا فيك ,,
ما في احد ما يعرف الدوره الشهريه ,, ولاكن الأغلب ما يعرف معاناتها ,,, انتي اشرحي له اول شي برساله شوفيه عنده خلفيه عن هالموظوع .. اذا مو عارف لازم تشرحي لا تجاملي وتتعبي على حساب نفسك ... لانه لازم يقدر تعب ايام الدوره الشهريه ,,,, الله وياك وييسر لك امورك |
يااختي ماينفع ترسلي رسالة فجأة الدورة واعراضها
اذا عارف الموضوع راح يموت ضحك واذا مو عارف راح ينفجع انت لمن تجيك انقطعي عنه ولاتتصلي وخليه يفتقدك واكيد حيتصل يطمن قولي بطني تعورني بسبب تعب نسوي وحيسالك ايش وماادري ايش وانتي عاد قولي له انها تجي كل شهر وتتعب البطن والظهر والنفسية تتغير وطمنيه بانها تجي لكل البنات وتسبب الالام هذه اذا ماكان عارف والحين الصغار يعرفوا هذا المواضيع |
جزاكم الله خير
قبل أمس أرسلت له إني تعبانه ونمت ماصحيت الصبح نتراسل واليوم قلت له إني نمت صحيت ساعه8 قلت عسى يقول ماقمت تصلي الفجر قال نوم العوافي يارب تحفظه ماني عارفه كيف أقوله صعب أصرح على طول |
باين على خطيبك طيب وابن حلال ورومنسي الله يحفظه لك ,,,,
ولالكن انا اتوقع انه يعرف بالدوره الشهريه ولا كن بالظبط ما يعرف وقتها عندك بالشهر اي من الأيام ,, فأنتي لمحي له وقولي تعبانه اذا قال سلامات قولي تعرف سوالف البنات وهو بهالحظه يعرف ,, اكيد انه مستحي يفاتحك بالموظوع ,, تحياتي لك |
إيه هو طيب وذكي ماشاء الله عليه الله يحفظه ويسعده ويتمم أمرنا على خير
|
اقتباس:
يا اختي انا ما اقول فيه شي ولاكن الأمر لمصلحتك ,,, انا اعطيتك رأي وباين كمان انك ع نياتك وطيبه ,, وكلكم تستحوا كثير ,,, فيه مثل يقول ((( اللي يستحي من بنت عمه ماراح يجيب ولد ))) ,, والله يوفقك |
الحين قلت المواضيع علشان تسولفين له عن الدوره
مدري احس ان فيه امور اهم من هالموضوع اساسا من غير ماتقولين له شي هو يدري ان النساء يكون لهم ايام معينه بالشهر اللي هي الدوره على الاقل يسمع بشي اسمه النفاس بعد الولاده |
ياقلبي عليك وهو فيه شئ مستخبي هالأيام عن شبآبنااا ...لما يجي يوم الدوره ويحس من صوتك انك تعبانه وقتهااا استغلي الفرصه وجسي نبضه ...وسولفي عنهااا وخبريه انها تعبك ... موفقه يااقمممااري
|
حبيبتي الدوره تتغير كثير بعد الزواج اذاكانت تتعب قبل الزواج بتخف والعكس
|
:* موضوع ماله داعي ينقال وبكره لما يضمكم بيت واحد بتمونين عليه وبتقولي له وتدلعي عليه الآن ماله داعي :* |
حبيبتي بصرااحه بيني وبينك حتى البزر يعرف
|
ماله داعي تقولين
مافي احد مايعرف ومو لازم يعرف اصلا بعد الزواج الالم بيخف ان شاءلله |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©