|
فكره جديده لتنظيم الاكسسوارات .
السلام عليكم ورحمة الله وبركاته ..‘ مساء الفل على الناس الفل .:22: اليوم كنت ارتب غرفتي وافرز الاشياء وانظمها .. الاكسسوارات عندي انواع فيه المعدن - ذهبي . فضي . نحاسي - واارتبهم بعلبهم الخاصه .. او بعلب بلاستيك باحجام مختلفه .. زي هاذي :) [IMG]http://im19.***********/2012-01-31/1328019514961.jpg[/IMG] وعندي نوع اخر من الاكسسوارات اللي هي خيوط واحجار وملونه . كمان بعلب كلن لوحده بس ضاعوا وحطتهم اختي مع بعض بسله وطبيعي لقيتهم مشبكين :( لقيت عندي اختي الاكياس الصغيره تنحط فيها الهدايا وهي تحب تحتفظ بفوفل الزواجات وماتبغاهم اقصد هاذي .. [IMG]http://im19.***********/2012-01-31/1328019514242.jpg[/IMG] فحطيت كل سلسال لوحده بكيس وحطيتهم بسله بالدرج :22: [IMG]http://im19.***********/2012-01-31/1328019514783.jpg[/IMG] ان شاء الله راح اشتري مجموعه اكياس واستفيد .. ان شاء الله عجبتكم الفكره ..:28: |
:* إذا أشتريتِ الإكسسوارات من محلات معروفة وثقة هم أصلاً يضعون لك كل قطعة بكيسه نفس إلي أنتِ حاطتها وتريحك كثير *لأن هالفكرة إلي أنتِ طارحتها هائلة وأنا جربتها بس كانت الأكياس من نفس المحل وهالمحلات الجميل فيهم أن أكسسواراتهم مايتغير لونها وتبقى مدة طويلة جداً ماتخرب ولاتتكسر * دروج غرفة النوم ممكن توديها النجار وتطلبي منه يسوي لك فيها التقسيمه إلي أنتِ تبغيها وترتاحي بترتيب أكسسواراتك والسلاسل أطلبي منه يضع لك زي المعاليق لها في باطن باب الدواليب الصغيرة حقت الكومدينه وموفقة :* |
فكرة حلوة وهذي التقسيمات تقدروا تلاقوها في آيكيا
أنا حاطة اكسسواراتي في صندوق حلو شريته وانا مسافرة يسلموا عالأفكار لاتظلمونه |
اقتباس:
فكرتك كمان حلوه بس المشكله عندي كثير :) ماقصرت ِ .. ويعطيك العاافيه .‘ |
فكرة مرة حلوة ما شاء الله عليك
بس مثل ما قالت روح فيه بأيكيا مقسمات مرة روعة بسعة الدرج تقريبا كثير استفدت منها شكرا لك مرة ثانية |
اهلين اختي لا تظلمونه
موضوعك مرره رايق الله يجزاك خير ياقلبي انا عندي علب سنتر بوينت احلى بكثير من هالبلاستيك وبعدين تتكسر الاساور بهالمساحه الصغيره ؟؟؟ والعقد يتعقد وتعالي فكيه ؟؟ سيده الموقف ابدعتي على سالفه التعليقات حقة السلاسل بس المشكله كيف احطها بالكمدينه ؟؟؟ يمكن تقصدين التسريحه ... اهاااااا يمكن الكمدينه حقتك بابها ينفتح يعني باختصار اي درج على شكل باب اعلق السلاسل على خلفيه الباب سواء كمودينه ...او تسريحه ... او حتى دولاب ملابس <<<الفكره هذي شفتها بقوقل |
حلـووو موضوعك ياحلـووه ..
حسيت أني فعلا داخله موضوع أنوثي هههه .. تعرفين محل أكار شوكولانا ..للشوكلت .. أنا أفضل زبـونه لهم .. طبعا العلب اللي يحطون فيها الشوكلت بالمره رايقه وأنا أنسـانه أحب أستثمر الأشيـاء اللي عندي.. آخذ العلب وأغلف الغطاء باللون اللي أبغى .. وأحدد .. الحلق يكون لون غطى علبته تركـواز .. الخواتم يكون لون غطى علبته فووشي .. وباقي العلبه ماأغلفها لأن شكلها حلوو .. وبالنسبه لسلاسل.. عندي من محل مجوهرات حائط عقد حلوو حجمه .. أستغليته بأضافة شناكرله بلاستك وأعلق عليها السلاسل حقتي بترتيب ذوويق .. .. .. أتمنى تستفيدون من تجربتي المتـواضعـه .. |
عزيزتي موضوعك جدا هاااام وعملي بالنسبة لي خصوصا عندما تكثر الاكسسوارات وجزاك الله خير على الفكرة النيرة والمفيده جدا...
ايام الرواقه كنت اعلق السلاسل في علاقه خاصه لكن لما جوا ابنائي عدموا كل شيء وصرت محتاره فين اخبيها .... سعدت بموضوعك |
اه ياربي جبتيها على الجرح
انا انسانه اعشق الاكسسوارات واشتريها بالهبل واذا بغيت شي يبي لي يومين افكك فيها عشان اطلع اللي بلبسه حاولت ارتبها بكل الطرق ابد الا تتشربك في بعض واشتريت شنطه للاكسسوارات نفعت بس للخواتم لكن الاساور والسلاسل معاااااانااااااه مدري وش اسوي فيها عجبتني حركة عيوني تحكيني شكلي بسويها واعلقها وارتاح يسلمووووو على الموضوع الحلو خيتوو |
موضووووع راااائع وجاااء بوقته وخصووصااا اني اجهز لزواااجي
والاكسسورات كثيرة والله يعطيكم العاااافية جمييييييييع وع قولهم كل ابوكم ابدعتم بأفكاااركم الحلوووووة والمفيدة تحيااااتي لكم يالغوووالي |
حاسه نفسي داخلة غلط !
ما عندي اكسسوارات وما احبها واتحسس منها بس البس ذهب ناعم وبالعادة قطعتين ثلاثه بس ما ابدل بس افكاركم حلوة جميعا تسلمون .. عندي علبة مجوهرات مجهزة بتعاليق السلاسل والأساور وفيها ست ادراج للحلقان والتعاليق الصغيرة :) |
انا استخدم الرفوف الصغيره وبصرحه جداً مريحه وماتتعبني لمن ابغا شي ,’~
شكرا حبيبتي على الموضوع الرائع والمفيد ,’~ دمتي بأمان =) |
في ايكيا علب مقسمة تحطيها في الدرج وممكن تطلعيها كل فترة وتنظيفها
وفكرتك حلوة |
حلوه العلب فكره رائعه بس فكرت الأكياس ماحبيتها مره تحسيها سالفه
أنا سلاسلي وأساوري حطيتهم بقوالب الثلج مربعات صغيره أحط كل سلس لوحده حسيتها أسهل من الأكياس والخواتم جبت سفنجه من الي تجي بالبضايع حق زوجي وخرمتها بالسكين http://www.brg8.org/upfiles/TNB99134.jpg الله يعطيك العافيه غاليتي ويرزقك ربي من فضله |
ماشاء الله أفكار حلوة..
بس أنا لي فترة ما اشتريت اكسسوار.. صرت أميل للذهب الناعم أبيض أو أصفر.. وحاطتهم بشنطة من تاترا مقسمة..بصراحة جداً مريحة خصوصاً للي وقتها ضيق وتشيل هم الترتيب.. تشبه للي بالصورة.. http://www13.0zz0.com/2012/02/04/05/832058276.jpg |
روعة الافكار يسلموو
|
افكار رائعه فعلا لابد المحافظه على الاكسسوارات من التلف مشكوره على الافكار |
ماشاء الله عليكم كل وحده افكارها احلى من الثاانيه .. :22:
كان عندي علب من سنتر بوينت جاتني هديه لكن ذهبت مع ادراج الرياح :28: ولما طلعت من بيتي اخذت العلبه البلاستيك لاني استخدمها بالسفر ومااشتريت لسى جديده اسعدتني مشاركاتكم لي عوده ..‘ |
روعة ماشاء الله
|
اقتباس:
وتسلمين حبيبتي ..‘ |
فكرة حلوة يسلمو
|
موضوع جميل
شكرا |
| الساعة الآن 11:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©