|
ماضي زوجي
السلام عليكم و رحمة الله
أطلت الغياب بسبب ولادتي و عنايتي بولدي اللي صار عمره ألحين 4 شهور و نص والله يخليه لي. بس كنت متابعة لكم دايما. اليوم أكتب لكم ، و أخص بالذكر أختي "منك منقهر" و أختي "snowcat" و أقول لهم إني حااااااسة بيكم لأن قصتي تشابه قصصكم. أختي snowcat تألمت لما عرفت إن زوجها سمى أحد بناته على اسم حبيبته الأولية .. يعني هو اللي قاعد يرسخ الماضي مو هي. هذا ردي على كل من قال لها الماضي راح... انزين هو اللي يبي هالماضي يكون حاضر مو هي مسكينة!!! أنا بعد تألمت من ماضي زوجي لما اكتشفت تفكيره في حبيبته الأولية من خلال خاطره هو كان كاتبها ، و أنا ما قريتها إلا لما شفته متغير علي مو هذا زوجي الأولي اللي يحبي و يهتم فيني. و لا أـنا ما أحب التجسس و لا فكرت أجي صوب أغراضه. بس ما كان قدامي حل إلا هذا خاصة إني عجزت أسأله شفيك شفيك وش اللي مغيرك و ما كان يعطيني جواب. بسرد لكم بعض المقتطفات: 1- كان كاتب في الخاطرة أنه يفكر في "ز" (هذا الحرف هو كاتبنه يقصد الحرف الأول من اسم حبيبته) ، و ليش إن الله ما كتبها له. 2- كتب إن زوجتي (اللي هي أنا) لا تألوا جهدا لاسعادي و تحبني بجنون لكني لست بسعيد بسبب وجود "ز" في خيالي . و ما يصعب الموضوع أني سأصبح أبا عما قريب. 3- كتب : جميع تخيلاتي و خواطري تقول سيحدث شيء ما و أرجع لآخذ من أحب. لكن ما مصير .... (اسمي) و أخشى من المحذور. 4- كيف أعالج ضميري و أعلم يقينا أني لا أقدر أن أظلم أحد مقدار ذرة. واجهته و قال لي إنه كان يمر بحالة نفسية نتيجة الظروف اللي يمر فيها و أنه يحبني و يقدرني ... يعني من هالاسطوانات اللي انتو عارفينها. قال إنه كان يحبها في صمت و هي ما تدري و لا تعرف. بعد كم شهر فتحت جواله - هو اللي زرع الشك في قلبي - شفت 13 صورة لحبيبته ، و واجهته و قال إن هذي الصور لصديقي يبغي يخطب ، قلت لي انزين ليش ما مسحتهم. قال لي خلاص راح امسحهم. طبعا أنا ما صدقته بس مشيتها. خاصة إن هذي الصور مخزنة على جواله على فترات متفارقه. تخيلوا سوى فيني كذا في السنة الأولى زواج و أنا حامل بولده. لا رحمني و لا قدر مشاعري و أنا زوجة حديثة ما مر زمن عشان يمكن أقول تملل. وما رحم إني حامل و تعبانه. لكن هم عديتها عشان ولدي اللي جاي ، قلت ما ابي يفتح عينه و يشوف أمه في صوب و أبوه في صوب. على فكرة هذي البنت زميلة له في الشكركة بس في فرع ثاني و منها عرفت اسمها الحقيقي وفعلا يبدأ بحرف ال "ز". اليوم بعد شهور من اللي صار ما ادري وش اللي خلاني افتح جواله، و شفت صورة لحبيبته. هنا تذكرتك يا أختي "منك منقهر" ..... جه ياخذ تلفونه إلا أقوله ممكن تعطيني رقم "ز...... " لأن أخو صديقتي يبي يخطب!! هو اعتفس وجهه و قال لي بشوف الموضوع ، أصريت عليه قلت له عطني اياه ، رد كرر بشوف الموضوع !! و طلع راح شغله أنا كان القصد مني أوصل له رسالة إني كشفتك... ما حبيت أكبر السالفة خاصة إن اليوم راح نسافر دبي نزور أختي ساكنة هناك. شوروا علي يا أخواني و أخواتي ... شلون أتعامل معاه؟؟؟؟ الصراحة أنا كل ما لي و قلبي يعيفه. اللي كان مصبرني الفترة اللي طافت إن قام يهتم فيني و يحاول يكون زوج صالح... بس الخيانة صعبة حتى لو كانت فقط على المستوى الفكري. يكفي إني أحس بالإهانة إني أشوفه متعلق بغيري حتى لو كان ماضي... الماضي هذا المفروض ينساه مو يرسخه!!!! و بشهادته هو أنا مو مقصرة بالعكس كنت أحبه و مستعدة أعطيه عمري كله. أنا عشان ما أطول ما بكتب أنا شلون وقفت وياه في كل محنة مرت فيه... هذا جزاء الإحسان!!!!! شوروا علي كيف أتصرف .... و الله يجعله في ميزان حسانتكم. |
الدعاء الدعاء الدعاء
اللهم جملني في عين زوجي وجمله في عيني اللهم غض بصره وغض بصري أدعي ليل نهار ربنا يحفظ زوجك ليك وحدك و يحفظ بيتكم من كل مكروه عامليه كويس جدا بس مش على حساب نفسك اهتمي فيه و اهتمي في نفسك أكتر |
مشكورة على الرد أختي "أتمنى أن أكون"
إن شاء الله راح أدعي و أدعي و أدعي.... بس والله قلبي محروق ... إذا هو مو قادر ينساها ليش ياخذ بنات الناس و يورطهم معاه كنت حتى الصبح أفكر ألغي السفر لأن ما ودي أقعد معاه بس قلت حرام أنا اللي دافعه ما أبي أخسر و خاطري أشوف أختي. يمكن تغيير الجو يخفف علي شوي طيب سؤال.. هل أواجهه و أقوله ليش صورتها موجودة عندك؟ مو المفروض إن خلاص طوينا الصفحة ليش ترد تفتحها؟؟؟؟ |
ان شاء الله يكون ردي ليكي مفيد
حبيبتي أمسحي الصورة من وبايله وبس ، |
المواجه ما حتجيب نتيجة هو لازم ينساها وانتي ساعديه انو ينساها بأي وسيلة بس خلي أسلوبك معاها غير مباشر يعني انعشو حياتكم بكل الطرق، بعد الولادة دايما الزوجة تكون مرهقة وبعيدة نفسسا عن زوجها عشان كدة بيكون عندو فترة مع نفسي يتذكر فيه الماضي
|
حسيـت بكلامك وبألمـك مع أني أنسـانه غير متزوجه ..
تدرين ملاحقتك وراه وتشوفين كل جديد بينه وبينها .. مارح يقدم ولاينفعـك بأي شيْ .. أفضــل حـــــل .. خليـك قريبه من ربك أكثر وأكثــر.. الصــدقه ألتزمي فيها بشكل يومــــــي.. بصندوق تحضرينه بغرفتك وبعد صلاةالفجرتصدقي فيه.. وألتــزمي الأستغفـار بنية أن ربي يمسح من عقل وقلب زوجك حب.. ز .. صلاواتك تكون على وقتهـا ..وبعد التشهد الأخير.. أبتهلي لله جلا وعلا .. كـرري بسجودك اللهم أني استودعتك قلب وعقل زوجي لي..يامن لا تضيع ودائعك .. أتبعي هالخطـوات لمدة شهر .. وأنا واثقه بالله .. راح تجيـن هنا وتكتبيـن أجمل موضوع لزوجك .. |
شوفي حبيبتي لا تلاحقية وتراقبية الان ستتعبي نفسيا وجسديا اجلسي معة وصارحية بكل مافي نفسك وخليكي حازمة معة هو في كتاباتة لا ينكر انك تحاولي ان تسعدية وهو ليس سعيد مع كل ما تقدمية وشوفي بعد ذلك تصرفاتة وجوالة لفترة بعدها تصرفي ما يريحك ما زلت في بداية الطريق ضعي حدا لهذة المهزلة الان وبشكل جدي والا ستقعي فيما لا يحمد عقبا اذا بقيت تضغطي على اعصابك من امراض نفسية وجسدية وفقك اللة لما هو خير لك ولابنك
|
شكرا على ردودكم أخواتي....
أختي أتمنى أن أكون... انا من النوع اللي يباااااان عليه يعني ما أقدر أخبي إذا كنت زعلانة أنا مسحت الصورة بس هو شاف إن جواله مفتوح و ناداني و صار بينا نقاش طوييييييل أختي "عيوني تحكيني" شكرا على تعاطفك.... بس و الله حاولت أدعي ما قدرت حسيت إني فقدت الرغبة إني أكمل معه خاصة بعد ما قالي إنه كذا و الله خلق الرجال كذا هو اعترف إن غلطان إن حط الصورة بس اللي فهمته من كلامه إن ما راح يبطل يفكر فيها أختي "snow cat" أختي قالت لي نفس كلامك إنه لا اهم روحي عشان صحتي و خاصة إني أرضع و أنا فعلا أشوف كلامك صح إني لازم أضع حد لهذي المهزلة الآن ما عندي وقت أكتب لكم عن النقاش اللي دار بينا و ما حبيت إني أطول في الرد عليكم... بس لي عودة إن شاء الله |
اتمنى انك تكوني عقلانية في هذا الامر اكثر مما انتي عاطفية
لا تهدين زوجك على طبق من ذهب وتقدمينه هدية لخويته هذا النوع من الرجال مرغوب وعليه طلب لانه نادر بالذات اذا علمت هي انه يموت فيك ويحبك ويقدرك.. فيزيد تعلقها به لانها لمست كيف يتعامل مع النساء واطمأنت له.. انا ودي تجلسين معه على واق وتذكرينه بخوف ربه وتذكرون ايام ملكتكم وايام الدلع بعد الزواج والفله انقلي تفكيره لاحلى فترة زمنية عشتوها مع بعضكم بعدها واجهيه بشكل مؤدب.. وذكريه بحبك له وخوفك عليه وسطوة علاقتكما الوطيدة.. وابنائكم هذا النوع يتراجع بسهولة لكن تلاقين ذيك اللي ما تتسمى تبي من زوجك شويات تبي تسقط عليك وتاخذه منك لانه ما يتفوت ابد.. ولو ما اخذته كله تاخذ منه اللي تقدر عليه لا تأخذك العزة في مثل هذه المواضيع.. لان الشياطين اشطر منك |
الله المستعان كان الله بعونك اختي انا مدري هالازواج وش يبون وليش الخيانة وهل احنا مانقدر نخون ونسوي زيهم وين خوف الله اتقوا الله اتقوا الله في زوجاتهم
|
اقتباس:
أنا عزيزة نفس اي نعم و هالعزة هذي هي اللي راح تخليني أوقف زوجي عند حده و إذا هو ما عرف قدري على الأقل أنا أعرف قيمتي و قدري و ما أضيع عمري على واحد ما يستاهل. و شكرا لردك يا أخي ما قصرت. |
اقتباس:
حتى أنا قلت له.. انت تفكر بحبيبتك الأولية طيب ليه أنا ما أسوي مثلك. أنا بعد كان في واحد متقدم لي و أنا كنت أكن له مشاعر و ما صار نصيب .. لكن عمري ما سمحت لنفسي أن أرسخ ذكراه عندي. بالعكس كل ما ذكرته تعوذت من إبليس و قلت حرام أنا زوجة ألحين و المفروض ما أفكر إلا بزوجي. |
أنا بقول لكم خلاصة اليومين الي طافوا و لإيش وصلنا:
1- حاول يبرر فعلته بأن الله خلق الرجال كذا و هذي طبيعتهم :( و إن كل المحيطين فيه على هذي الشاكله !!!! 2- إعترف إن هذا ما يبرر فعلته و إعتذر عن تصرفه 3- اللي فهمته منه إنه راح يضل يفكر فيها :19: 4- أستفسرت منه إذا يريد الارتباط فيها و أجاب بالنفي لأن عارف ردة فعلي ايش راح تكون 5- قلت له أنا هذي ثالث مرة أشوف عليك شي ( الخاطرة ، الصور ، الصورة) و أنا ما ودي أسمع أو أشوف شي يغثني مرة ثانية لأن ما راح أضمن لك ردة فعلي :29: 6- أكد لي إنه وده هالزواج يستمر و يعتبرني أنا و ولده قدره اللي ما يبغى يتنازل عنه 7- رفض كلمة الطلاق 8- اتفقت أرجع معه بس شرطت عليه يحترمني و يحترم وجودي و ما يرجع لهالأفعال مرة ثانية ألحين هو حاس إني متغيرة ... و أنا فعلا تغيرت أنا قررت الآتي و قولوا لي إذا أنا صح و لا لأ: 1- قررت إن معاشي يكون لي بس و راح أساعده بس عن طريق تحملي لمصاريفي لكن مصاريف البيت و احتياجات ولدي هو لازم يتكفل فيها كلها. 2- أي تضحية جديدة راح أدرسها بعقلي و أشوف إذا هو يستاهل أسويها عشانه و لا لأ 3- راح أعطي كل حقوقه مثل قبل لكن وقت اللي أكون تعبانه راح أقوله و ما راح أجي على نفسي و على حساب صحتي مثل قبل. و الله و أنا حامل و تعبانة ما كنت أرده و هم بعد الأربعين مع تعب العناية بالطفل طول اليوم وقلة النوم و كنت أقول يلا ما عليه عشان ما يتحجج و يقول إنت تغيرت علي ... لكن يا ريت طلع في عينه!! 4- ما راح أدور و لا أفتش وراه وإذا فيه شي الله سبحانه راح يكشفه. 5- قررت أن أحب نفسي و أفضل نفسي بعد ما كنت أحبه أكثر من روحي و مستعدة أفديه بعمري كله. لكن أنانيته و تصرفاته الغير مسؤولة و هم فوقها خيانة !! أكيد لازم حبي له يقل. 6- قررت إني أعاقبه بأن أكون جافة معاه كم يوم بعدين أرجع طبيعية.. أو أحاول أرجع طبيعية !! هذا ألحين اللي فكرت فيه و أنا أرحب باقتراحاتكم..... |
مسيرة الحياة تتطلب تقديم بعض التنازلات.. وطالما أن بينكم حوار فهذا يعني أن الأمل موجود في الإصلاح.. أعتبريها نذوة من زوجك وسحابة صيف وعدت فالحياة لا تخلو من المنقصات والشيطان شاطر يسعى للشتات والفرقة، لا تتركي له السبيل حتى يعكر صفو حياتك.. .. وريحي بالك من الشكوك بالبحث وراء زوجك فقد انكشف كرته ولم يعد ما يخبيه. *** ليس عيباً أن نفكر أحياناً في حب مضى وواقع لم نعيشه.. لكن العيب أن نجعل من الماضي حاضراً يلهينا عن أبسط حقوق من نحب.. فهذا في حد ذاته خيط من خيوط الخيانة.. |
اقتباس:
:* ممتاز جداً وعين العقل :* |
اقتباس:
ربي يوفقك وييسر لك الخير |
اقتباس:
|
خواتي "سيدة الموقف" و "روح المساء" شكرا لتشجيعكم.
ألحين هو الشركة اللي يشتغل فيها لها فرع في دولة خليجية و عارضين عليه يروح هناك و تعتبر هذي ترقية. أنا قلت له أنا ما راح أوقف في وجه مصلحتك بس أنا بعد أبغي أطمئن على مستقبلي ، إذا أخذوك لهذي الشغلة روح أنت أول وشوف الوضع و بعدين أنا أجيك إذا شفت الوضع يناسبني و يناسب ولدي. هذي تضحية راح أدرسها ، لأن إذا سافرت معه معناته راح أترك شغلي و أهلي و صديقاتي و حياتي كلها بس عشان أكون معه.. يا ترى هل هو يستحق هذي التضحية؟؟ أنا فعلا أشكر كل من رد على مشكلتي و إن شاء الله يكون في ميزان حسناتكم يا رب |
اقتباس:
|
أختي "ينابيع الهوى" بالعكس ليه أزعل
رأيك بإذن الله مسموع و محترم و يمكن فعلا يكون واجب إني أروح معه لولا حاجتين الأولى إنه هو طرح الموضوع و عطاني مساحة للرفض لأن عارف الغربة شيء مو سهل و كمان هو عارف أنا قد ايش مرتبطه بعائلتي و مهتمة لشغلي الثانية أنا شارطة عليه من بداية الزواج أنه ما يمنعني من العمل و فعلا الولد لازم يربى كنف والديه... و أنا قلت لزوجي شوف الوضع أول و بعدين ألحقك عشان ما أكون ظلمته و لا ظلمت ولدي بكرة إن شاء الله راح يخبروه بنتيجة المقابلة و إن شاء الله خير |
| الساعة الآن 07:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©