|
تدخلات ام زوجي بحياتي
ابتشيركم بموضوع متعبني ام زوجي دايما تتدخل بحياتي هي انسانه متسلطه وزوجي يثق بكلامها كثير يعني اي كلمه تقوله يصدقها دايما تجرحني بكلامها والله اني بديت اكرهاشوفها او ازورها انا الي قاهرني تتدخل بكل شي باموري والي يقهر اكثر زوجي ماله شخصيه اطلاقا تقوله يمين يمين شمال شمال تقسي قلبه علي زود على قسوته اذا رحت لاهلي تدخلت وبدت المشاكل ليش دايم زوجتك عند اهله بعدين يجي هوا ويسولي مشكله رحت له تفتحلي محاضره ليش انت تروحين دايم للاهلك طيب هي وش دخلها فيني والله اني كرهت اني اروح لاهلي بسسببه هي وولده المشكله بناتها دايم عندها توضفت وسوتلي سالفه ليش اشتغل وعبت راس زوجي والحين بناته اللي موضفه والباقي كملو دراستهم وهي اللي تشجعهم يعني السالفه غيره والله لو اتكلملكم عن غيرتها من اليوم الى بكرا ما انتهي هذا غير الاستهزاء بشكلي وانا جالسه قدام زوجي والله اني ماقصرت معها ابد لكن مانفع فيها با العكس يزيد شرها علي الحين بديت اقلل الزياره لهم بس اللي يقهر زوجي كل يوم عنده اوبااليوم مرتين عارفه انه امه وماهو كثير اللي يسويه معها لكن لاراح اقلبت راسه والله اني ما اظن فيها لكن اللي اسمع واشوفه بعيوني منها مره كنا جالسين عندهم وكانت ذيك الايام ولدي صغير قال زوجي لامه ان الولد يزعجه بالليل قالتله ياولدي خذ فراشك ونم بغرفه ثانيه كذا ترتاح هيا نست اني موجوده فلما ناضرتني اسكتت وغيرت السالفه ومن ذاك اليوم بدا بسالفة النوم لوحده-كل شي لازم ياخذرايه فيه -تخيلو مره كان اول زواجي وكنت استحي اول ليله البس قميص نوم فمن بكرا جاء زوجي المحترم ومعاه قميصين قالي يالله قومي بدلي تدرون وش مزين هو امه راح لامه وقاله البنت جايه بدون قمصان نوم راحت هي وياه ونقتلي؟؟؟؟؟؟؟؟؟؟؟؟؟؟؟؟؟؟ لاتعليق
مواقف كثيررررررره انا اللي قاهرتني انها مشيه حياتي بريموت ماهمن استهتاره بشكلي وتقليله من قيمتي لاني قلللت الزياره لها وارتحت منها انا اللي قاهرني ان زوجي ماله راي ولايمكن يسويلي شي ال برضاه هي تعلمه وش البسوليش البس وياويلي اذا مانفذ يعني اذا كنت رايحه لها مره وعلي قصير شوي وهو عادي عنده تروح تقوله بعدين يجي يمنعني مطلقا من البس هذا او ياخذه ويشقه تحكم بلبس بنتي تقوله وش المفروض تلبس بعدين يجي يفرض علي اذا مااستجبت راحت هي واشترت وعطته يلبسهم غصب علي تعبي راسه وشلون الرجل يكون رجااال على حرمته مايعطيه فلوس ويكون قاسي معه ولايرحمه والله العضيم ان حيات اولاده مع زوجاتهم ماساااااااااة الواحد اسم متزوج حاااااست حياتهم وعادي هي مستانسه بوضعهم اهم شي هي الواحد منهم يناظر زوجته عدوته الاةلى والاخيره المشكله يصدقون كذبه وكلامه والله ان زوجاتهم مافي اطيب منهن والوحده كانها شغاله او اشد من كثر ماتكرف بالبيت ومايلاقن الا الشر منه ومن اولاده اي شي اسويه بحسن نيه انا ولا غيري من زوجات اولاده تفسره شر مره كنت جالسه معاهم فجاب زوجي كيك من برا انا كنت مااكل هذا الكيك لاني سمعت ان فيه مواد مضره فقلت لهم انه مضر والله بس هذي الكلمه وكان زوجي جالس -راحت قالت لزوجي انها تقول كذا علشان جبتلنا من فلوسك فزوجي صدق كلامها وجا من بكرا قالي بكل ثقه ادري انك تقولين كذا علشان جبت لاهلي من فلوسي ويضحك باستحقار انا ابغى اقوول الي بنفسي واللله ماقصدت كذ قام وخلاني وسكر الباب يعني اي كلمه تافهه تفسره على كيفه اشياااااااء كثيره تقهررررررررررررررررررررررررررررر وتبط الكبد كيف امنع تدخله بحياتي |
حبيبتي ... كان الله في عونك
صدقيني مشكلتك ما لها الا الصبر ثم الصبر ثم الصبر مع الدعاء دائما الي مثلها لا يمكن تتغير لين يهدها الكبر وتنشغل بأمراض الكبر كثري من الاستغفار و رددي في كل دعاء ..اللهم أكفنيهم بما شئت ، وكيف شئت ، إنك على ما تشاء قدير |
صيته شنو اللي مثلها ماتغير إلا إذا هدها الكبر..أمه هذي
الله يصلحها ومايشغلها إلا بطاعته ورضاه حاولي تقربين منها وتسولفين معاها وتهدين لها هديه وإذا أمه ماتحب القصير..لاتلبسينه عندهم احترمي رغبتها عادي ترا الله يقرب ويؤلف مابين قلوبكم يارب |
انتي اقطعي الطريق من آخره
وروحي استشيريها بكل شي بحياتج صدقيني راح تكسبين ثقتها + ان ماراح تعلق عليج ولو علق زوجج هي راح تسكته يعني سوي نفسج بريئة وما تفهمين بملابس الاطفال واستشيريها صدقيني راح توقف بصفج دائماً موفقة حبيبتي |
والله بعض الحريم تشوف عمتها وحماتها كانهم عدوينها داخلين معهم بحررب يابنت ام زوجك تحبك ولا ماتحبك ماخطبتك لودها
بعض الحرررريم تبغا تستفرد بالولد تغار من امة؟؟؟؟ الحمدلله الذي عافنا مماابتلاهم بس |
[QUOTE=حلم وتحقق....;2763126]صيته شنو اللي مثلها ماتغير إلا إذا هدها الكبر..أمه هذي
الله يصلحها ومايشغلها إلا بطاعته ورضاه عزيزتي انا ما قلت كلامي الا من تجربه ... أعرف امهات كثير زيها والله مضى على زواج عيالها أكثر من 10 سنوات وما زالوا كناتها يعانون منها ... مشكله لما يكون ابنها يصدقها ولا يعرف طبيعة غيرتها من زوجة ولدها ويسمع منها وياخذ بخاطرها بدون ما يخرب علاقته بزوجته ..لو كانت هذي الام وأمثالها عندها وازع ديني وتخاف الله كان ما تعاملت معهم بهذا التعامل لكن الله الي يحاسب |
اقتباس:
موفقه يارب |
ماقول غير الله يعينك من جد ويزيدك صبر
هالنوعية من الحريم غريبات تدرون ليش لإنها ماترضى هالمعاملة لبناتها او عيالها لا وألف لا يصير كذا لبناتها بس بنات الناس إيوا عادي يروحوا بحريقة تسلط تحكم ولؤم وتقليب الزوج على زوجته وربي مايخافون الله ماهم عارفين إنه اللي يسووه لافي الدين ولاالشرع هالنوعية مهما أحسنتي إليها أو حاولتي تتوددي إليها تزيد لؤم وخبث ( أعرف وحدة كذا أهل زوجها أكثر من 25 سنة ولاتعدلوا لازالوا على نفس الأسلوب والنتيجة الكنة فيها أمراض جسدية ونفسية ) وياكرهي للرجال اللي يسمع أمه ويخرب علاقته مع زوجته عشان خاطرها ليش مافيه عقل يعرف الصح من الغلط يقدر يقول لأمه إيوا وعلى عيني وراسي لكن من وراها يسوي اللي يمليه عليه دينه وضميره او يحط حد لأمه إنها ماتتدخل بشؤونه الأم يبرها يطيعها في غير معصية الله يعطيها مصروفها يصل رحمها لكن مو يوافقها بكل شي حتى لو الموضوع تعدى لزوجته كل عائلة لها خصوصية وأشك إنها ترضى أحد يتدخل في شؤون بنتها الله يعينك من جد نصيحة خليك رسمي جداااا وعلى المناسبات وبرضوا الهدايا للشديد القوي وإن سمعوك كلمة كذا ولاكذا ابتسمي عااادي وإن غلطوا عليك ردي لكن بأدب واحترام وخليك واثقة بنفسك وياجبل مايهزك ريح وبالنسبة لزوجك يبيله قرصة أذن من جد لازم تجلسين معاه وتكلميه قوليله البيوت أسرار مو كل شي صير بيننا تروح تقوله لأي احد اللي يصير في البيت يندفن في البيت مشاكلكم تحلوها لحالكم حتى لو إنتوا متطاقين وماعطين شوشة بعض لاحد يدرى واللي ينتقد الأخت ويقول إنها غيرانة على وشو بس ؟؟ حبيبتي إنتي قريتي الموضوع ولابس شفتي العنوان هالمواضيع هذي ترفع ضغطي بجد |
اقتباس:
طريقة ذكية للتغلب على تدخل الحماه ... بالبداية بتعطيكي نصائحها وهي فرحانة فيك وبعدين تكسبي ثقتها لأنك تلميذتها النجيبة وراح تحل عنك .. وبما أنك تلميذتها فلازم توقف معاك عند زوجك هذا هو الذكاء الانثوي والكيد الإيجابي |
اقتباس:
لو آنهآ لآتحس بضرر منها لم تأتي لتشتكي بعدين هي قآعده تضرها وتخرب بيتها إذآ إنتي مرتآحه مع أم زوجج لآ تحكمين ع النآس .. حبيبتي صبرٌ جميل .. آنآ مع رأي بأن تكسبيها بأخذ رأيها موفقه.. |
الله يعينك اصبري وحاولي تكسبيها مثل ما قالت أخت موهبة الكويت
والله اختي ضايقة المرمن خالتها مثلك تمام وأكثر تخيلي أطفال بناتها وعيالها يزعجون تجي تتصل على زوج أختي ويقوم يحشرهم بغرفة نومها وهي توها جاية من الدوام واذا ترقدت بالمستشفى غير هو اللي ينام عندها مع ان عندها بنات وما خفي كان أعظم الله يصبرها ويصبرك ويفرجها على كل ضايق |
استغرب من هالامهات الي تزوج ولدها وتجي تنكد عليه عيشته وتقول احب ولدي دايم ادعي ربي يشغلها بنفسها وبناتها شوفي عزيزتي انتي عامليها برسميه جدا جدا جدا يعني لماتروحين لها سلمي عليها واسالي عن اخبارها وخلاص اسكتي مولازم تتكلمين الا اذا سالوك دامها تفسر كل كلمه على كيفها لاتضحكين كثير علشان مايستهنون فيك واذا قالت ان لبسك موعاجبها وشفتي بناتها لابسين مثل لبسك تكلمي لاتكونين طرما قولي شوفي بناتك تكلمي معه بصارحه وقولي له اذا الاوامر جت من راسك على عيني وراسي واذا جت من امك وانت تطبقها اسمحلي انا تزوجتك انت ماتزوجت اهلك ادري كلامي مابيعجب كثير بس الي بيجي يكلمني يكلمني بعقل ومنطق موعاطفه |
الله يعينك وصبرك ،،،ويامكثرهم هال نوعيات من الحريم سبحانه الله ربي خلق الناس يختلفون بعض الأمهات أعوذ بلله تزوج ولدها عشان بس تشوف عياله مؤ عشان يرتاح ويستقر اعرف وحده ام زوجها قشرا لدرجة انها اخذت صور زواج ولدها وزوجته عندها ولارضيت تعطيها وممنوع احد يشوف الصور حتي اهل البنت ماشافوا صور بنتهم تصرف غبي وماله اي تفسير ،،،،،،،وبعضهم ينحطون علي الجرح يطيب مثل ام زوجي الله يحفظها ويطول بعمرها ،،،،،والي طبعها شين بتبقي طول عمرها شينه وكل ماكبرت تزيد
|
اقتباس:
|
اقتباس:
|
اقتباس:
اقتباس:
|
اقتباس:
اقتباس:
ترضين زوجها يهينها ويلعن قدام اهله باعلى صوت على سبب تافه زي ماننهان حتى يرضون امهم ترضين تعيش بنتك اسبوع عند زوجه وباقي الايام عندك من شدة الظلم اللي تشوفه او تشرد من بيته مثل ماشردت من شدت الظلم وتركت عيالي قطعت قلبي اصيح عليهم دم ماصدقت ارجعلهم -ترضين زوج بنتك ينام بغرفه لوحده وبنتك بغرفه ترضين بنتك تنكرفففففففففففففففف كرف ببيت اهل زوجها بلارحمه ولاشفقه بل هي اذل من الخادمه-اتمنى تقرين ردي وباشوف ترضين ولا لا علشان اذا اكنتي ترضين ادعي لبنتك يجيها زوج زي زوجي وامه وتعيش السعاده بام عينه؟؟؟؟؟؟؟؟؟؟؟؟؟SIZE][QUOTE |
اقتباس:
|
اقتباس:
اقتباس:
اقتباس:
|
وضحى وبيتا مشكورات حبيباتي على اهتمامكم بموضوعي
|
اسال الله ان يعينك ويفرج همك فعلا ما لك الا الصبر اختي بس الشره عى زوجك الله يهديه ويسخره لك |
ربما لا احد يفهمك او يحس بك مثلي فانا عانيت الويل من حماتي
وماتت وصار ولدها ينتقم مني لاني لم ابقى تحت رحمتها اختي اصبري ثم اصبري ثم اصبري ولا حل لك الا اثنين لا ثالث لهم الصبر او الطلااااااااااااااااااااااااااااااااااااااااااااق اقول لك انا اصبري فهذا ما كتبه الله لنا ان نتزوج برجال يطيعون امهاتهم تقريبا مثل طاعتهم لخالقهم ليس هناك علاج لحماتك ..سوى الصبر عليها ..عيشي حياتك وقومي بواجباتك نحوها على اكمل وجه زوريها مرة على مرة وخففي هاته الزيارات حتى لا تعلقي معها و مع زوجك واتركي امرك لله |
اشكر كل من رد علي واهتم بموضوعي
لكن العله بزوجي ولد امه كييييف اتعامل معاه ياليت اللي عنده خبره تفيدني |
ياحبيبتي قلبي يتقطع عليكي ذكرتيني بنفسي زمان
شوفي انا ام زوجي قوية ومش قليلة وتموت ع اشي اسمه مشاكل
وزوجي نوعا ما ابن امه ويخاف منها ويحسب لها 100 الف حساب وبخاف حتى يشتري للبيت اشي لانه عارف انها رح تعمل مشكلة اي اشي برداية طاولة شرشف.. ما علينا المهم انا فرجتني نجوم الليل بعز الضهر والله وحاليا الي عشر سنوات متجوزة طبعا ما فهمتها الا بعد 6 سنوات كيف لازم اتعامل معها كانت تجنني وتحب تعمل مشاكل بيني وبين زوجي وبما انا متفاهمين صارت هي كل يوم يومين تعمل لي مشكلة تمسح الارض بكرامتي و نفس الاشي بنتي الكبيرة البكر كانت تجنني ليش هيك ملبساها وروحي غيري لها لما نطلع مع بعض مشوار بتعرفي الاطفال اللي عمرهم اشهر بعيطو كتير تنكد علي حياتي ما اعرف اقعد في القعدة ما في الا روحي غيري لها الفوطة روحي رضعيها داخلة طالعة ما اعرف اقعد بالقعدة مع الناس اللي رايحة عندهم المهم بلا طول سيرة بطلت اطلع معها ولا مشوار لا خير ولا شر وازا في مناسبة مضطرة اجتمع معها في مكان بتعذر اني مريضة او بنتي مريضة. بحكم عيشتي معها في نفس الحي بمنزلين متلاصقين ف الواجب ازورها يوميا كانت تعجب علي وما تخلي المهم صرت ازورها مرتين بالاسبوع بس عشان تحس انه انا انسانه مستقلة ابنها يروح عندها قد ما بدو ما عندي مشكلة المهم انا لما صرت ازورها قليل صارت تقول ما بتزورني قاطعة رحم ومن هالقصص بس مش مشكلة المهم راسي مرتاح. بعدين زيارتي بحدود الساعة وزي ما قالت اخت من هالخوات انه ما بحكي كتير بس كيفكم وشو اخباركم وهيك اشي .. ازا هي فتحت موضوع بحكي ما فتحت موضوع بضل ساكتة. واي اشي بتنتقدني اول كنت ازعل وابكي ويتلون وجهي بالوان الطيف واعصب هي بتفرح لانها نالت مرادها يا حبيبتي ما توصليها ل هالاشي خليها تحرق بحالها يعني الان لما تحكي اي اشي عني او عن اولادي او عن جوزي بعمل حالي ما سمعت يعني ما بعطيها ردة فعل او ببتسم بدون ولا كلمة ببتسم وبسكت عاد هي بتولع نار لان النار تاكل بعضها ان لم تجد ما تاكله لانها بتعيش على حرقة دم واعصاب الاخرين لما تحس انها ما فرقت معي ولا هزت شعرة مني بتحس انها ما الها مفعول ولا تأثير بالتالي بتخفف من هالناحية وبتحاول تدور ع اشي طريقة جديدة عشان تزعجك فيها لانه هاي الطريقة انتهى مفعولها.. بتعرفي اللي خلاني اجاوبك اشي واحد اللي هو انك سالتي واحدة بتحبي بنتك يسير فيها هيك؟؟ فعلا هزني لانه انا واقعة تحت هالشي وعارفة شو يعني وانك ما بتحكي من فراغ بالعكس من بحب المشاكل ؟؟ الشر النسائي اللي هو شر غير مبرر ولا يحتاج الى سبب وانما هو شر لاجل الشر وايذاء لاجل النشوة ولاجل انزال دموعهن فحسب. حسبي الله لانه الدين يمنع هيك تصرفات الشر النسائي يحتاج برودة اعصاب ضحكة باردة صفراء ونظرة ازدراء وكل الامور بتصير تمام التمام واهم اشي اسمعي من هون وطلعي من هون ولا كانك موجودة صمتي‘ عـَنْ بـَعْض التـَافـْهين ~ لا يـَعْني قـِبُولـِي لــِ تـَفَاهَتـِهُم ! و صَبـْريِ عَنْ أذى البـَعض ~ لا يـُعـْتَبر قِلـةَ حـِيله ! هُم بــِ ھَمجـِيتهُم يـُمَثلونَ عـَقليـْاتـِهم المـُتَخلفه ~ ۆ أنـّا بــِ تَسآ ۆ أنـّا بــِ تَسآمـُحِي مَعهـُم أمَـثل أخـْلاقـِي العـَاليه ~ فــَ شٌـكراً لــِ أهْلـي الذيـِن أحْسَنوا تـَربــِيَتي‘ ~ وحِظاً أوفر لــِ أهْلِهُـم فـَقْد رُزقـِوا بــِ حُثــَالـْه صدقيني حاسة فيكي والله يكون بعونك بس اتمنى اني اقدرت اساعدك يا حبيبتي وطمنيني عنك صدقيني بسمع مسبتي باذني وبسوي نفسي مش سامعة بس اللي مصبرني اية قال تعالى "انما يؤخرهم ليوم تشخص فيه الابصار" واية تانية(ايحسب ان لن يقدر عليه احد) دائما اشكي لرب العباد وقولي حسبي الله ونعم الوكيل وانتي رايحة عندها اقرئي الكرسي وقولي ربي اكفنيها بما شئت وكيفما شئت وصدقيني ربي راح ياخد لك حقك تالت ومتلت لانك مظلومة وادعي الله لانه ليس بين دعوة المظلوم وبين الله حجاب وصدقيني يوم القيامة راح تفرحي لما تاخدي حقك منها يوم لا ينفع درهم ولا دينار سيشفي الله غليلك منها يارب يشفي لي غليلي من ام زوجي حسبي الله وكفى اسفة ع الاطالة |
اقتباس:
|
| الساعة الآن 01:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©