ماهي الطريقة لتقدم الخاطب ..
 

الله يوفقك
قولي من طرف صديقتي
زميل او صديق اخوها او زميل زوجها مثلاً

عزيزتي الغاليه

الطريقه الصحيحه اللي اجوفها بنظري
انه الناس بالسمعه يعني ناس سمعتهم طيبه وامدحولنا بنتهم
وخلي المعرس يكلم ابو العروس او خلي ابو المعرس يكلم ابو البنت
لانه الشواب خذيها قاعده دائمن يتفاهمون
وابو البنت بيحس بالامان اكثر لاتنسين انهم شواب ودايمن كلمتهم المسموعه

كيف عرفها؟؟
والله في ناس جافوها بالعرس وعرفوا من بنته وساعتها وصلولنا الخبر وقلنا نجرب نصيبنا جانكم بتزوجونا ,..

حياتي ترى موضوع الزواج مافيها مستحى او اخاف اقولهم واو غيره

الريال بيدخل من الباب وطالما طلبها بالحلال صدقني حتى ابوه البنت ماارح ينشدهم كيف عرفتونا
لانه يبا الستر لبنته

وطريقه ثانيه

خلي البنت تعطي رقم امها للمعرس وهو يعطيه لامه وامه تكلم امها واجوف متى يقدرون يتقدمون . وبدوها ام البنت بتخبر ابو البنت وبجي بيستانسون .
وخلي البنت تفهم امها هذا نصيب واكيد من طرف وحده من ربيعاتي يعني من هالكلام بس لاتقول فلانه معينه لا ..
تلمح وغيره ..
والله يوفجهم انشا الله

استخيري ,والله ييسر امرك ,اسال الله العظيم في هذه الساعه يفرج همك ويرزقك .

كلمه وحده تلجم اهلك ومجربه


هي :

الاجوآد سمعتهم تسبقهم و كلن يشتري نسبهم ومن هذآ الكلام اللي يحرج

و اذا مش و لا بد خليه ينسق مع امام المسجد ترى المشايخ يحبون يكونون حلقة وصل بين رأسين آلحلال

و يشرح له الوضع ويروح حتى لو يبي معه واذآ انتم في الريآض أنا حاضر أختي جعله مبآرك و الله يرزقكم من اسوع ابوآبه رزق حلال مال احد فيه فضل و لا منه

وتشوفون عيالكم حفظه لكتاب الله و يخرج من صلبكم من ينصر الدين و يعلي كلمة لا اله الا الله محمد رسول الله

مشكلة اهلي متشدددددددين موب أي سالفه تمشي عليهم
كل شي يخلونه سالفه ويجلسون يدورون وراء المتقدم :(

آمييييييييييييييييييييييين.

لك آخوآن بنفس منطقة المتقدم او مثلا ً هل لك قرايب في السلك العسكري

او التعليمي ممكن يندخل عليهم من هذآ المدخل

لا تعقدين الامور عليك آختي ناس خطبت عندنا و عند غيرنآ مانعرف الا انه من القبيله الفلانيه نرحب و نعطيه موعد نشاور البنت و القصد هو نسأل عنه اسبوعين في دوامه و في مسجده و عند الجيران الخ من اللي مايخفى عليك و ع الاخوان و الاخوات

لكن من اللي ارسلك علينآ ؟ من طرف مين هذي بدون مؤاخذه ماتوقع انهم بيستخدمونهآ مع المتقدم خصوصآ ً ان الناس تبي الستر لبناتها وفي كذآ حل لهذي الشغله انتي مو بمشكله حقيقيه انتي يتروآلك انك بمشكله


متى مابغيتي المساعده بشكل مبآشر او اذا نورتيني ببعض الامور اللي اقدر اربطها ببعض انا مستعد

ولا ابيك منك الا دعوه لأمي بالشفآء

لأني على عجله من امري سأعلق على نقطه بسيطه

مسألة تقدم خاطب من منطقة بعيده فيها نظر ::

الأول :: كيف سيتقدم لعائلتك و ان ذكرتي انه من طرف صديقتك فهل هو قريب لها ام ماذا ..؟؟

الثاني :: كيف سيتم السؤال عنه عادة سيستعين الأهل بأخوة صديقتك لمعرفة معلومات عنه

فكيف ستخرجين من هذا الوضع

الثالث :: الكذب و الخداع في الزواج و غيره انتشر و بشكل كبير في الآونه الأخيره

فمن الأسلم ان يكون الخاطب من نفس المدينه ليسهل السؤال عنه و لا مشكله ان كان يعمل في منطقه بعيده

و ذويه من نفس منطقتك