خيانه اكتشفتها في جوال زوجي
 

السلام عليكم ورحمه الله وبركاته
انا صاحبة المشكلة http://www.66n.com/forums/showthread.php?t=226529
حياتي استمرت بدون تغيير صرت اهتم في ولدي وحياتي وصرت اعطي زوجي على جوة اذا اتصل يلاقي الكلام الحلو واذا زارني في الرياض يلاقي احسن استقبال المهم زارني الاسبوع الماضي و جلس عندي 10 ايام استقبلتة احسن استقبال اول يوم جاني كان معة جوالين قالي هذا جوال جديد ماحفظ الارقام وهذا جوالي القديم مخزن فية الارقام بدون شريحة وسكت عادي ولمن صار الصباح طلع عندة مشوار ماراح يجي الا العصر ولقيت جوالة القديم اللي مافية شريحة على قولتة وفتحتة ولقيت العجب صور بنات وشي ماكنت اتخيله والمصيبة ان الجوال فية رقم واتصلت على جوالي وطلع الرقم اللي كان يرسل مسجات غزل يعني كان يرسلي مسجات من جوال غريب يختبرني فية شفتو الحقارة الحمدلله مارديت علية ولاحتى جبت لة طاري والله ياهو طاح من عيني انصدمت مررررررررررررة ولمن جاني سويت نفسي عادي مع اني ميتة قهرررررر حسبي الله علية خرب جيتة كان يسولف علي ويمزح وانا اجارية بس نفسي منسدة بعدها بيومين صار يقولي واحد من زملائي تزوج مسيار قلت لة ياخوفي منك لاتسوي مثلة قالي اعوذ بالله ليش تقولين كذا المهم بديت كل يوم المح لة ان فية رجال يكلمون وانة حرام ووووو زالخيانة وووو حسيت انة فهم وخذا الجوال وحطة بالسيارة وصار يتصل على صاحبة الصورة العريانة كلما طلع من جوالة العادي وانا سجلت رقمها وارقبة كلما اتصل عليها وسافر لجدة وهو على نفس المنوال انا افكر اني ارسلة رسالة من جوال ثاني انصحة واذكرة بالله وارسل للبنت مسج واهددها ولا شرايكم ابي حلول الله يخليكم

مشكلة الخيانة بالذات من اصعب المشاكل
الله يفرج همك ويسخر لك زوجك ادعيله بالهدايه دايما
حتى لو هددتيها مايفرق معاها راح تعاند وتزيد عشان تقهرك.. وياكثرهم البنات اللي زيها الله يهديهم ويبعدهم عن الحرام

أختي بنت الرياض كنت متابع لموضوعك الأول بدون ماأرد أول شيء أنتي تعرفي شخصية زوجك هل هو من النوع اللي
يتقبل النقاش وإلا سريع الغضب إذا كان من النوع الأول ففاتحيه وإذا كان عكس ذالك فتركيه لأنه ربما يكبر المشكله ويحط
منها مشاكل وبالنسبه لرقم البنت أرسلي لها رساله من رقم غريب وقولي لها أنه إلم تترك الغزل سأبلغ عنك الهيئه ولا
تخبريها أنك تمتين لزوجك بأي صله وزوجك كذالك قولي إلم تترك الغزل سأخبر زوجتك ثم تخلصي من الرقم ولاتتركي له أثر وألتجئي إلا الله أن يهديه لطريق الحق وأن يبعد عنه شياطين الأنس الجن والأنس واهتمي به وبنفسك وأنسي القصه ودعي له الفرصه ليصلح ماحصل أتمنى أن أكون قد وفقت للحل السليم إجتهاد والصواب من الله .............شااااب

الله يكون في عونك
ما ادري شلون يفكرون بعض الناس وكان اللي يسونه شي عادي مو حرام
الله يستر بس ويهدي شباب وبنات المسلمين

اشكرك اختي سوسو على ردك
اشكرك اخوي شاب وان شالله راح اسوي اللي قلت
اشكرك تاج راسي

نسيت اقولكم ان زو جي مو مراهق رجل عمرة 56 سنة والكل ينظر لة ان انسان عاقل

اشكرك اختي جوهره العطاء اخاف اواجهة وتحصل مشكلة لذلك طلبت المشورة

الله يصخر قلبه لك يارب مايفقع قلبي الى المتزوووج ويرووح لللحراام وش بقييت للمراهقين
علليك بالنصيحه والدعاء له لاتيأسيين الله يهديه

الله يسمع منك بس قولولي وش اسوي في الحالة هذي

هلاااا والله وغلاااا بخيتي بنت الرياض
كيفك؟؟؟؟
فرج الله همك وكشف الله غمك وبدلك حالا احسن من حالك واسعدك ربي
أخيتي اشغلي نفسك بالله والقران وقيام الليل واسألي ربك ان يرزقك من حيث لاتحتسبي فالله لايرد من دعاه صفرا خائبا اليدين
اما زوجك اصلحه الله فدعيه لربه ولكن يجب عليك نصحه بطريقه غير مباشره كأن اذا كلمك لمحي له انك متضايقه من خبر واذا سألك قولي تخيل وحده عندنا زوجها مسوي حادث وقولي والمشكله الحال التي وجد عليها تخيل يابو فلان كان مع وحده خلوه غير شرعيه وانفضح عند الناس وهو الحين بالمستشفى واللي معاه حالتها خطيرره ومن هالكلام
وقولي الله لايبلانا بس قل يافلان الله لايبلانا ويسترنا الواحد لو يفكر وين يموت ؟وع اي حال ماعصى ربه
وانتي بينك وبين نفسك أدعي له قولي اللهم يامن لاتضيع ودائع من استودع عنده شيئا استودعتك زوجي فاعصمه عن الحرام ورغبه فيني أكثر فأكثر
الجئي لربك"
وفيه فكره فوق قريتها انك ترسلين لهاالبنت أخاف تشك فيك هي وهو يعني اكيد هي مطلعه هالرقم ومحد يعرفه غيرك ويشك فيك ويعاند
عاد انتي ادعي عليها او لها سواء يصرفها ربك عن زوجك ولا بالهدايه
وربي يفرجها عليك وتجين هنا تفرحيني بأمورك الطيبه وبحملك تراني انتظره بفارغ الصبر كما لو انك أختي اسعدك المولى"

هلا وغلا اختي رش السحاب جزاك الله خير على دعواتك ووقوفك جنبي والله اني اعتبرك مثل اختي والله اني الحين ادور على موقع من النت يرسل رسائل على اساس مايشك فيني بجلس شهر وبعدين راح ارسل لة ولها واذكرهم بالنار والعقاب والله يهديهم والله ياختي اني نفسي طابت منة كلما قالي كلام حلو ولا يتودد لي احسة كذاب وخاين وووسخ خاصة بعد ماشفت صورة البنت انخدعت فية لانة انسان محافظ على صلاتة ومايدخن ولايعرف الخرابيط هذي بصراحة صدمني الله يهدية

افكر اني انتظر شهر بعدين ارسل رسائل لجوالة وجوالها بس اخاف يعرف ان الرقم من الرياض

أختي بنت الرياض 2 أزاح الله همك يارب خليني اقولك أعجبتني فكرت أختي رش السحاب أرسلي للبنت الرساله فيها
أنك لو ماتتركي الغزل سأفضحك عند أهلك وابلغ الهيئه وأوهميها أنك أحد قريباتها وتخلصي من الرقم اللي ارسلتي منه
وزوجك اخبريه بسالفة أختي رش السحاب الله يجعلها في موازين حسناتها وترسلي له رساله لأنه راح يشك منك أو من
زوجته الأخرى أحدكن ستقع ضحية شك وأما انه يكتشف مكان الرقم نعم يستطيع إذا كان لديه علاقة بأحد يعمل بشركة
الأتصالات يحدد فقط اقرب برج ارسل منه الرقم فقط لا أكثر ولا أقل ولايمكن تتبعه إلا إذا رفع شكوى وكانت الشكوى
جنائيه يطول شرحها لعدم اهميتها الله يهدي زوجك ولا يجعل في عينه إلا أنت وأنت يجملك في نظره وأن يبعد عنه
بنات وأولاد الحرام ............شااااب

بعض الرجال ادا ما حصل وواجهتيه يزيد اصرار وتعنت .. يصير على عينك ياتاجر
ربما زوجك يبي يقنع نفسه انه لازال جدابا و ملفتا.. وخصوصا انه داخل على ابواب الستينات
ربما هي ازمة مراهقة ثانية لدا ينبغي دق جرس الاندار والطوارئ.

جزاك الله الف خير على النصيحة انا نفسي افشلة ويعرف ان فية احد اكتشف اللي يسوية

شكرا اخوي على النصيحة

هلا فيك والله اني فكرت في البداية انة متزوجها مسيار بس ليش ترسلة صور فاضحه ماتوقع

ياحليلك كل شوي تقولين وينكم ..

ولايهمـك موجودين معاك ..

لنفترض يابنت الرياض ..
أنك صارحتيه ..
أو أرسلتي للي ترسل له وخوفتيها .. وبعـــدين ؟؟
اللي مايخافن ربي كثير . . يعني ماراح يلقى غيرهـا ..


أفضـــل حـــل تتجهين للي قوته أكبر من قوتك ..
بكل صلاة أدعي الله بسجودك ..
قولي اللهم أني أستودعتك زوجي يارب يامن لاتضيع ودائعك ..

ألتــزمي بالصدقه وربي لو تعرفين قيمتها ماتتركينها يوم واحد ..
خصصي صندوق بغرفتك وبعد كل صلاة فجر تصدقي باللي تقدرين عليه .

ألتزمي الأذكار ليل نهار ..

تعرفين الدعاء الي يقول .. اللهم أني عبدك ابن عبدك ابن أمتك ناصيتي بين يديك ألى أخــره ..

الدعـااااء هذا عجيب كرريه بعد التشهد الأخير من صلاتك وفي قيااام الليل ..بتشوفين العجب..

دائما قولي اللهم أجعلني قرة عين زوجي وقبح النساء في عينه .

والله يسهل أمــرك ويحمي زوجـك من كل شر ..

جزاك الله خير على الرد فعلا كلامك صح بس كان ودي اشوف رايكم باللي راح اسوية ويمكن تساعدوني بخطة افضل

لو وحده ثانية كان يرجع ومابيلقى الجوال الثاني خلي يقلب الدنيا مابيحصله
وكنت رحت لبيت اهلي وتركته .. عنده الحلال ويروح للحرام؟
استغفر الله يارب
الله يهديلك اياه

هلا فيك قلت لكم من الاول انا كل همي اجيب عيال لازم اصبر حتى احقق مرادي بعدين استغني عنة بس نفسي افشلة ويعرف ان فية احد كشفهم

يارب عونك

صوالله انا اشوف انه من الافضل انك ماتضيعين وقتك عليهم وتضيعين فلوس وشحن ورصيد وانتي عرافه انهم ماراح يستجيبون..

اذا ماحسبوا حساب ربهم الي فوق سبع سماوات ولاردعهم لادين ولاشي ولاتفشلوا من ربهم الي شايفهم ...يعني بيتفشلون وببيخافون من رسايلك..

وصدقيني ابو طبيع مايغير طبعه. والخيانه تجري بدم الخاين ...ماياثر فيه شيي ابدا ..لكن هالشي مايمنع من الامر بالمعروف والنهي عن المنكر ومايصير نسكت عن المنكر ...رسولنا صلى الله عليه وسلم وصانا بالنهي عن المنكرات..

واستغرب من سكوتك وبرودك .والمفروض ماتسكتين عن الي شفتيه خصوصا انه كان يرسلك رسايل يختبرك منجد قمة الاهانه وانتي ردة فعلك جدا بارده المفروض توقفين قدام عينه و توقفينه عند حده وماتسامحينه بسهوله. وماتسمحين له يشك فيك خصوصا انه غرقان في المعاصي والخيانه يعني ماله حق يتكلم يشوف نفسه بالاول ويعدل اخلاقه بعدين يجي يتاكد من اخلاق الناس .. هو سلوكه سيء واخلاقه منحطه يحسبك مثله يختبرك ..فعلا كل يشوف بعين طبعه...انا لو مكانك اقطع كل خيوط الوصل بيني وبينه بمجرد ماكتشف انه يختبر اخلاقي..

اشكرك على اهتمامك بموضوعي والله عندك حق في اللي تقول انا كل همي اجيب طفل ولا طفلة مع ولدي وبعدها راح يشوف وش بسوي

انا بس ابي افشلة ويعرف ان فية احد يعرف عن خيانتة

أختي الكريمة الزواج أقدس وأعظم من أن يستغل، هدفك فقط من الزواج أن تجيبي ابناء!؟ فقط تستعمليه لهذا الهدف وحين يتحقق سوف تستغنين عنه !!!!؟

أختي حاولي تسعين إلى أصلاحه وهدايته بطرح الموضوع بشفافية، الزواج الهدف منه أعظم من البحث عن الأبناء فقط، تذكري أن أبنائك سيصبحون أبنائه أيضاً!! بينكم دم وميثاق غليظ حاولوا أن تحققوا حياة زوجية كاملة ولا أن تكون لغاية جزئية، وفقكِ الله وهدى لكِ زوجكِ.

الله يعوضك خير يـ أخت بنت الرياض

الزمي الإستغفار و الدعاء

كثير من الناس ضعيف أيمانهم

الله يسهل أمرك و دعواتكم لنا

فمان الله


**

والله انة احسن حل

ااااااةةة جيت على الجرح كلامك صح بس انا مالقيت زوج سنع انحديت اتزوج متزوج وصبرت علية وعلى تقصيرة قلت لازم اصبر على شان اجيب عيال واستقل في بيت بروحي مليت من بيت اهلي ومع حريم خواني وخواتي مع انهم ونعم الاهل بس الاستقلالية زززينة ياما تحملت زوجي وحاولت اعدلة لكن زوجي استغل طيبتي وسكوتي وفكر اني ماراح استغني عنة ابد وصار يسوي اللي يبي مايدري ان الله عليم

جزاك الله خير

اذا كنتي تبحثين عن الانجاب وودك تنجبين اطفال....ليش تنجبينهم من هذا الزوج...ليش ماتفكرين تنجبين من زوج اخر افضل من زوجك الحالي....الي احتمال كير بعد طلاقك منه ياخذ اطفالك منك وتطونين خسرانه في الاخير خسرتي كرامتك واطفالك...الا ادا كان معك دليل يثبت عدم تحمله المسؤليه ودليل لخيانته ويثبت انه لايصلح يربي ابناء

اقصد دام زوجك هذا مو كفو ومتزوجك كانك مسيار ...وغير كذا لااخلاق ولا خوف من الله...ليش ماتنفذين بجلدك وتدعين ربك يعوضك خير...وباذن الله يرزقك باحسن منه...

ااااااااااااااااه والله اني محتارة مدري وش اسوي اتوقع الطلاق اريح لي الله يكتب اللي فية خير

لا الة الا الله

اذا كان يحبك ويحترمك وشاريك لازم تصارحينه ، واذا بايعها اسكتي ومالك الا الصبر والدعاء له بالهداية

والله ماعرفت لة مرررات اقول يحبني ومرات اقول مايعترف فيني حيرني الله يهدية

استغفر الله بعض الرجال الخيانة عنده مثل شرب المويه

الله يهيديه لاتخربين حياتك عشان وحدة صايعه مالقت احد يبربيها