|
خطبني انسان تقليدي ساعدوني(المستجدات بالرد 8)
يااخوان انا انخطبت من واحد من جماعتنا عمرة 23 وشكلة مقبول من ناحية الحالة المادية هو مرتاح بس مااهتم من هالشي المشكلة انة انسان تقليدي مرة على كلام عمتة قد خطب عند 3 بنات ورفضوة لانة تقليدي ولهجتة حضرمي مرة عادي مو مشكلة باللهجة بس حتى الملابس يحب جلابيات وانا مااحب الجلابيات تخيلو في البيت جلابية ويحب الحنا وهالاشياء غيور مررررررررررة مايحب زوجتة الا معة ويحب تتستر زوجتة حتى لو بالبيت تلبس محتشم مايحب تختلط مع رجال بالاسواق اومكان عام وكذا ولا يحب تدخل مواقع بالنت مثل الفيس وغيرة يعنى مثل الناس التقليديين والمشكلة انة بالامارات بدبي ساكن !!! ابوي سال عنة ومدحة من ناحية اخلاقة ودينة لاكن خايفة ان فية برود جنسي او مايعرف للرومانسية خصوصا ان بنات رفضوة عشان تفكيرة واخاف تصير مشاكل من هالناحية لانى انا مو تقليدية ومتعودة ببيت اهلي ومااحد يتحكم فيني الله يخليكم ساعدوني وش اسوي هل اقبل او ارفض عشان تفكيرة؟؟:29: |
؟؟
إنتي جادة في كلامك عزيزتي كل هالمواصفات ومو عاجبك بس من قالك حتى لو في البيت تلبس محتشم هو قايلك هالشي ؟ وشعرفك إنه فيه برود جنسي حكمتي عليه من الباب للطاقة إنتي حاطة لك اعذار وسلبيات عشان ماتوافقي عليه خلاص ارفضيه عشان مايتحكم فيك على قولتك |
هلا فيك اختى اولا مااحب الردود هذة احب الحوار ثانيا امة قالتلى الولد يبي هالمواصفات الي كتبتها بالموضوع ويحب الجلابية حتى بالبيت انا قلت يمكن فية برود جنسي لان كل الرجال يحبون زوجاتهم يلبسون ملابس قصير ومن هالاشياء
|
حبيبتي
طبيعي الرجل ماراح يقول لامه ابغئ وحده تكشخ لي وتلبس قصير عندي في البيت من باب الحياء ما اعتقد في رجاال مايبغون زوجاتهم يكشخون لهم طبعا اذا فيه بتكون نسبه قليله وبالعكس انبسطي اذا زوجك من هالنوع معناته غبر متطلب وراضي فيك كمان في بعض الرجال تجذبهم الزوجه الي لابسه شي انسيابي زي الدراعه من ناحيه تفكيره اذا ع الفيس بوك ماوراه الا الخراب وادا منعك منه من خوفه عليك غيرته عليك في الاسواق اشوفها فوق الطبيعي وممكن هالموضوع يشمل لك ازمه مستقبلا بانو ممنوع عليك كل شي كلامه ولبسه انتي تقدرين تغيرينه واذا قصدك الحنا النقش ف اقولك طبيعي جدا ، النقش رمز انوثه للبنت وكثير ازواج يحبونه ولا ماكان ارتبط النقش في العروس ليله عرسها اما اذا قصدك الحنا ف حسيت من كلامك انو المتقدم بنظرم دقه قديمه غير مودرن نصيحه في النهايه اذا انتي من النوع الي زوجك لازم يكرن ستايل ووو فكري ميه مره ولا توافقي علئ اي شخص الا وانتي مقتنعه قناعه كامله بالشخص لو كان فيه ميه عذروب |
مدري وش فيهم البنات
|
شوفي انا أشوف ماهي مواصفات معيبه
عمي زي كذا زوجته مايحبها تلبس ملابس غير محتشمه فالبيت بعذر انها تقليد للكفار ومافيه ماشالله لابرود جنسي ولاشي ماشالله البيت مليان عيال ومسعدها من جمييييع النواحي حتى الجنسيه منها مدري ذحين صار يحب الملابس القصيره او لا بس هذا يجي عليك انتي تقدرين تحببينه بهالملابس وفيه بجايم ياعسل غير الجلابيات وفيه تنانييير وبناطيييل واشياء كذا غير الجلابيات بالنسبه للأسواق عادي ياحياتي اخواني كذا واعرف كثييير كذا اهم شي يوديك السوووق عادي بس التستر حلو والله ايش تبغين بواحد مايغار وميساعدك على طاعة ربك وفالنهاييه الاهم استخيري الله وتوكلي عليه ووافقي عليه ان تم موضوعك معناة لك خير فيه ان ماتم معناة مالك خير معاه ترى كذا الاستخاره مو حكاية انك مترتاحين هذا دليل لا كل المخطوبا ت ميرتاحون لين يتزوجووون عن تجربه ان تم موضوعك معناة لك خير فيه والله يوفقك... |
مواصفاته عاديه
ايش فيها بالعكسس اتمنى خطيبي يحب الحنا بالنسبه للجلابيات عادي مابيغصبك تلبسينها واستخيري |
على وشك العنوسة هذة السنة دخلت ال19 من العمر
هلا يااخوان انا صاحبة الموضوع بالرابط http://www.66n.com/forums/showthread.php?t=233222 طبعا ابوي سال جدة عن الولد قال جدة انا مالي دخل بابن ولدي وبكيفكم زوجوة او لاتزوجوة وقال علاقتي معهم منفصلة عشان كذا السبب ابوي رفض الولد وعلى فكرة الولد خطبني من موقع زواج وتقدم لاهلي رسمي انا مااخبرتكم عن طريق النت لانى اعرف ردود بعض الاخوان والاخوات الجارحة فماحبيت اظهر كلامي المهم انفصلنا وابوي كلم الولد ان مافي نصيب المهم ابوي مايعرف انة عن طريق النت لو عرف يمكن يسببلي مشكلة كبيرة تعرفون الرجال التقليديين وابوي متشدد مرة المهم الولد الي تعرفت علية محترم وحتى ماخلى ابوي يشك بالسالفة مع انة من الامارات واحنا بالرياض يلا كل شي قسمة ونصيب انا حصلت اخر بالموقع من نفس منطقتى وقبيلي ومواصفاتة اعجبتنى واتفاهمنا انا وياة والحين طلب رقم ابوي انا خايفة يشك ابوي لانة توة مامر على السالفة الاولى 2 اسبوع وبيقول ابوي وش في السالفة يجونك خطاب في هالفترة ورى بعض وماهم من قبيلتنا من وين يعرفونك لايكون متسجلة بموقع او خطابة ابوي شكاك مرة سوالي هو كم مدة اخلي الشخص الثاني يتقدم لي عشان ماابوي ينسى الخطوبة السابقة ومايشك ؟؟ وماهي الطريقة عشان يتقدم لي هالخاطب ابي طريقة غير عن الخطوبة الاولى؟؟واتمنى مااحد يجرحنى بكلامة انا مااحد تقدملي من الاقارب الا ولد عمي وولد خالي وصارت مشاكل وانفصلنا وانا على وشك العنوسة هذة السنة دخلت ال19 من العمر:29:
|
عمرك 19 وتقولي دخلت العنوسه؟!!!!
|
انت من جدك انك على وشك العنوسه يابنتي توك صغيره على الزواج ومشاكله ...
الله يحفظك.. |
شكلها تقصد 29 ، عموماً دعواتي أن يكتب لك الله الخير والزوج الصالح ويوفقك بالدنيا والأخرة.
|
!!!!
من جدك يا بنتي أنت ما انقبلتي بالجامعة و إلا كيف |
انتي وحدة عقلك صغير الصراحه
وياكثر مواضيعك الغريبه مره ولد خالي و مره موقع زواج انتي لسى صغيره فلا تضيعين نفسك بمواقع الزواج التافهه حتى المنتدى هذا لا تدخلين فيه اذا ماعندك مشكلة تعرضيها والله حرام عليك تضيعين نفسك |
مدري أنتي جادة في طرحك ؟!!
قبل كنت تقولين ترفضين التقليدي ، والحين تؤك صغيرة وتقولين على وشك العنوسه ؟ ???اللـَّــ??? يصلحك خليك بدراستك وأن كان ماتدرسين التحقي بدورات أو حلقات التحفيظ. أهم شيء لاتسعجلين وأنتي بالعمر ???اللـَّــ??? يرضي عليك. |
بأذن الله بتتـزوجين لاتخـافين ..
|
على وشك العنوسة هذه السنه ..!!!!
الصراحه علامات تعجب على راسي..!!! اها عمرك 19 ودخلتي العنوسه ... معناها انا عمري 25 سنه واعتبر على حفة قبري ماعلينا ... بس نصيحه ... اتركي مواقع الزواج .. وقصص الخطاب .. وبعدين كيف تتفاهمي انتي وهالشخص الثاني الي بيتقدملك ان شاء الله ... وعلى اي اساس .. حلال يعني وبعدين لو تزوجتيه راح يعايرك العمر بشغله هالمواقع وهالقصص هاد اذا نجح هالزواج ... اصلا وبصراحه ماعندي نصيحه اقولك خليكي على هالشخص لحد ما يروح الشك من عند ابوكي لانه القصه كلها على بعضها غلط بغلط انسي كل هالقصص وانتبهي لدروسك .. واشغلي حالك بشيء ينفعك لقدام واذا على الزواج .. راح تتزوجي ان شاء الله بس لاتخلي الزواج شغلك الشاغل .. وانتي لساتك بسن صغيرة .. |
بناء على موضوعك السابق
ما مدى مفهومك لكلمة تقليدي الله يستر عليك ويرزقك بالزوج الصالح |
اقتباس:
|
اقتباس:
|
اقتباس:
|
انا سني كبير اعتبر يااختى الي بعمري متزوجات فلماذا التعجب بالامر!!
|
اقتباس:
|
اقتباس:
|
تم دمج الموضوعين لارتباط المحتوى
|
اقتباس:
اجل ام 33 وش يقولون لها مووووووووووتي وروحي قبرك ههههههههه موتيني ضحك على ردك ياقلبي 19 توك نونو حتي العمر قداااااااامك عيشيها الله يرزقك يارب ونفرح فيك :14: |
طيب ..
لاتحتاري الصراحه اذا شايفه انه يناسبك ادرسي الموضوع من كل الجهات .. وعادي تر اذا شفتيه ما بناسبك من خلال ما سمعتي خلص لاتوافقي واحسن حل الاستخارة ... وبصراحه حاسس انك مياله لعدم الموافقه وبالنسبه لكلامه جلابيه جوا الدار وحنا شكله انسان بسيط وتقليدي .. وعقله دقه قديمة بس مابعرف عنك واذا بتقدري تأقلمي حالك على هواه وافقي .. والقرار راجع لك ... بس لمست بموضوعك الاول انك حابه تتزوجي بسرعه والله يستر عليكي بكل الاحوال ان شاء الله ... بس حاليا انتي بتحطي عقبات لما اجاكي العريس ولا انتي حابه مواصفات غير .. |
من ناحية الزواج
من خلال تجربة ونكبة حصلت لي بسبب تفكيري بعقل غيري لا بعقلي انتي عندك أشياء تبينها وبعضها صعب تشرحيه إذن اعتمادك اولا على الاستخارة ثم على راحة نفسك والأشياء اللي بنفسك غيرك يشور عليك ولايدري عن مكنون نفسك وتفكيرك فلا تسوي شي الا وانتي مرتاحة |
اقتباس:
|
ماانصح
ابداً بمواقع الزواج وخاصة من دون علم الاهل! توك صغيره وماتضمنين ردة فعل ابوك لان الاول محترم ولا قال عن طريق النت وماتضمنين المرات الثانيه مايدري |
لالالالالا حبيبتي غلطان هوا
لالا بصراحه ماله حق روحي للسوق واختلطي واضحكي وسولفي وابد عيشي حياتك صبرك يارب بس على هالنوعيه من البنات اللي تفكر الحياه والسمعه والشرف لعبه بيدها |
^
^ عزيزتي ماهكذا تورد الابل النصيحة بيسر وصبر غاليتي |
احس ان تفكيرك غلط والمواقع والخطابه خطا بخطا
استخيري الاهم والله بيعطيك الي هو خير لك |
اقتباس:
|
اقتباس:
اذا اهله علاقاتهم محدوده ومافي احد مناسب امامه |
عايش بدبي اشعليج منوه قدج .. دبي تجنن كل من يتمنى يسكنها .. هذي فرصتك وانتي باسلوبج غيريه وبعدين هو يمني حضرمي وعندنا بعض اليمنين فري لدرجه البنات مايلبس شيله وعباءه وخصوصن بدبي وعندنا حضارمه يمن حياتهم حلوة لاباس فيها بين دنيا والعباده
انتي يتج فرصه من سما روحي استخيريلج ووافقي موب بالضرورة اذا انرفض يعني ترفضينه هالامور اللي ذكريتها امور عاديه عزيزتي المفروض تستانسين بخصوص الحناء عزيزتي لاتستهينين فيها عندنا البنات يتحنن ويموتن على الحناء انا نفسي اذا رحت العرسات ضروري اتحنى تقاليد توارثناها مانتغانا عنها والعروس ضروري تتحنى رجولها وايينها بعد في كل بيت هاي عاده المفروض تستانسين انج بتاخذينه حبوبه وبطريقتج بتغيرينه ان شالله .. الغيره حلوة ومطلوبه |
بصرااااااااااااااحه هالأنسان غريب ممكن انه صاير معاه موقف لا تتسرعي ابحثي عنه اكثر
الله يوفقك |
اصبري يمكن يجيك نصيبك لا تستعجلين ولاتحكمين ع حياة قريبتك لانها توها ببداية الزواج
وانتبهي ع نفسك ولا تنفضحين عند اهلك بس ع اقل لازم امك احد من خواتك عنده خبر بالموضوع علشان مو حلوه قدام أبوك من وين عرفت بنتي والله من النت خليه يقول والله وحده دالتنا عليكم ومن الحكي الزين بس انتبهي قبل اي خطوه تقدمين عليها |
يوم قلتي تقليدي حسيت انه ساعة يد .. او ان الرجآل ماركآت
يالغاليه من وجهة نظري . . تقليدي يخاف الله . . ونصيبك وجآآآآآآآك لعندك لآ ترفضيـــــه ويمكن تغيريهـ وتصيري انتي الكسبانــــــه .. ولابد تلاقي له مدخل اسألي عنه الان ايش يحب ايش يكرهـ وحاولي تفهميهـ يعني وتبني له صورهـ بداخلك .. والاستخارهــــــــــ اهم شيءءءء ... وبعدين صراحـه للان ماشفت انسانه يخطبهـا واحد وتوافق بدون ماتقول فيه وفيه .. يعني لو كان غني موب زين ولو فقير موب زين .. ولو طويل موب زين ولو قصير موب زين ولو تقليدي موب زين ولو منفتح موب زين .. ترآ والله موووووووب حآله ذي |
عنوسة ؟؟ يا ويييييييييلي وانا ايش اقول عمري 24 وحتى زواجي اللي كنت احلم بيه ما تم
الله يعوضني خير قولو امين |
انا اقول اذا مايناسبك لاتستعجلين
حطي في بالك انه راح يتحكم بلبسك وبطلعاتك وبكل شيء اذا انتي من النوع اللي عادي مستعده تغيين حياتك عشان زوجك فاقبلي اما اذا شفتي نفسك ماتقدرين فلاتورطين نفسك وتجين بكرة وتقولين زوجي معقد وو وو مع اني شخصيا مااشوف عيوبه مرة كبيرة |
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©