|
خطيبتي .... وبنات خالاتي
السلام عليكم ورحمة الله وبركاته.....
أنا عضو جديد ومحتاج مشورتكم :cool: أنا خاطب من سنه . و الحمد الله علاقتي بخطيبتي تمام . :14: :rolleyes: المشكلة إلي عندي ان خطيبتي تتغير فجاءه ويتغير تعاملها معي من ممتاز لجيد وإذا سألتها فيك شي ؟ تقول: لا أو تسكت . وإذا اصريت عليها تبكي وما تقول شي . المهم بعد فتره من تغيرها . قالت لي : أنا كنت أتضايق من كلامك مع بنت خالتك أي كلام :confused: قالت: لما كنت تكلمها بخصوص العريس :eek: اللي جبته لها قلت لها : أي عريس :eek: طلعت السالفة ( بنت خالتي اخترعت موضوع إني جبت لها عريس واحد من أصحابي وكنت دايم أزورهم واجلس معها عشان أقنعها في صديقي:23: ) طبعا هذا كله كذب . بنت خالتي ما بيني وبينها إلا السلام فقط. :( أنا فهمت خطيبتي إن بنت خالتي كذابة ولا جبت لها عريس ولاشي وقعدت خطيبتي تبكي لأنها كانت مصدقه بنت خالتي. الموقف الثاني : كانت خطيبتي عند بنات خالاتي وأمي موجودة معهم وإنا مسافر للعمل .:26: رجعت من السفر أمي انفجرت فيني أنت صايع أنت ضايع أنت تغازل بنات و .... :16: ( عادي تعودت على أمي فديتها:28: ) :25: المشكلة خطيبتي ما ترد علي وإذا ردت ردت بجفاء يعني تغيرت مرة أخرى.:mad: كلمتها وحاولت افهم منها , قالت لي لما كنا في بيت خالتك بنت خالتك قالت : انك تحب وحده وتمووووووووت فيها بس اهلك مو راضين تتزوجها عشان كذا دايم تسافر عندها تقابلها :eek:. ( في كلامها من كلام أمي صايع وضايع ....) :18: أنا :19: انقهرت وعصبت وقلت ليه يتكلمون فيني خلاص ما بروح بيت خالتي عشان ارتاح من كلام بنتها حلفتني خطيبتي اني ما اقطع خالتي وأزورهم عادي:11: ووعدتني معاد تصدق بنت خالتي . بنات خالاتي كثير مع بعض قروب لكن هذه اكثر وحده تحبها خطيبتي , انا اتوقع انهم يغارون لاني تزوجت وحده من بعيد وخليتهم . ايش رأيكم بالسالفة كاملة ايش اسوي |
أتوقع بنت خالتك تنوي ايقاع الفتنه بينكم ... والله واعلم |
اولا صباح الخير
ثانيا اممم انا اتوقع المشكلة من خطيبتك نفسها ماعندها ثقه بنفسها ولا فيك يعني تعتبر الثقة بينك وبينها وعدوومه بدليل انها تصدق كلام من بنت خالتك وطبعا بنت خالتك مو مقصره بالكذب والقيل والقال اللي ماله داعي انا اشوف انك تكلم خطيبتك وتفهما من البدايه ان اي علاقه بين اثنين لازم تكون اساسها الثقه كيف بكره بتبنون حياتكم وثانيا خلها تبعد عن بنت خالتك ماله داعي المشاكل الثرثرة الفاضيه اللي على غير سنع وثالثا بالنسبة لخالتك لاتقاطعها بسبة افعال بنتها الجاهله ولكن اذا زدتها بالمشاكل لازم تبلغها توقف بنتها عند حدها والله ييسر لك امورك |
أعوذ بالله من الغيرة والحسد. كثير تصير ???اللـَّــ??? يكفينا شرهم.
عادي اقطع العلاقه ببنات خالتك ماتعتبر صله رحم. وخطيبتك بعد تبعد عنهم أفضل. |
كلامي مثل "هل ترانا نلتقي"
والله يجمعكم ع خير |
ياأخي وضح لخطيبتك بأن بنت خالتك غيرانه منها لأنها راح تتزوجك وتبغى تخرب بينكم
وبكذا خطيبتك راح تحذر منها وماتصدقها. |
ووووضحى
صدقتي الله يجزاك خير شموخي تعداك الله يجزاك خير بس من وين استشفيتي ان خطيبتي ما تثق في نفسها وما تثق فيني .... بصراحه لو بنت غيرها كان سوت بلاوي انتظر إجابتك هل ترانا نلتقي ... وفكيني يانفسه الله يجزاكم خير ... طلبتها تقطع تواصلها ببنت خالتي ورفضت قالت خلاص ما بصدقها ... عاد الله واعلم . همس الأحزان الله يجزاك خير هي عارفه انها غيرانه ... بس تنقهر من كلامها |
ياااا جماعة الخير
كلنا عارفين ان بنت خالتي غيرانه ونيتها شينه لكن انا اتمنى خطيبتي اذا زعلت من شي تقول لي , ما تقعد تاكل في نفسها واذا سالتها تبكي هي تخاف اني ازعل واعصب وتخاف اسوي مشاكل انا ابغها تصارحني ولا تخلي في قلبها شي مو كل كلمه وتبكي!!!! , واحتاج تعطوني حلول مع بنات خالي لا هنتم :) |
ليـش خطيبتـك تاخـذ كلامهم صـدق من الأسـاس ..
المفـروض تفهم من أول موقف زعلت منه ووضحتـه لها أنت .. أن بنت خالـتك نيتهـا الفتنـه بينـكم ..وتفرقكم ..أو غيـره .. فتخلـي كـلام بنت خالتك مـاله أي أهميـه .. وأذا تكلمـت تقولها أنا واثقه بخطيبـي وماأحب أحـد يغلـط عليـه ولاتسمح لها تكمل كلامها .. وبـكذا بنت خالتـك تيــأس من محاولاتها العـدوانيـه ولاتكررهـا ,, وفهــم خطيبتــك أن الثقــه أسـاس العلاقه الزوجيـه .. أذا أختـل هالأســاس أختلـت العلاقه من أساسـها .. واله يسهـل أمركم ويجمع بينـكم على خيــر .. |
يااخي خلي خطيبتك تقطع العلاقة فيهم وانتهى الموضوع
وانت اقطع علاقتك في بنات خالتك اصلا مايجوز تكشف عليهم ولاسلام ولا كلام والله لو زوجي لاقلب عليه الدنيا عاد يسلم عليها ليش عليك بخالتك بس |
كلام عيوني تحكيني عين العقل ماشاء الله عليها حكيمة
وانا مع انيسة الروح ليش تجلس مع بنات خالاتك مايجوز وفهم خطيبتك اذا بدات بنت خالتك تتكلم عنك توقفها عند حدها وتسكتها اصلا هي تستمتع لما تشوفها مقهورة تبي تخرب بينكم الله يهديها بس تصرفاتها مثل البزران واذا زادت لازم توقفها عند حدها |
عيوني تحكيني
جزاك الله خير أنيسة الروح أختى ترا سلام بلفظ مو اصافحها - مشكوره الله يجزاك خير فديت تاج راسي بالفعل تفرح لما تشوفها مقهوره ... والله تعبوني بكلامهم .... مشكوره الله يجزاك خير |
لااااازم تكلم خالتك توقف بنت خالتك الملقوفة عند حدها!! اش قلة الادب دي؟! المفروض تستحي على وجهها.. من حق خطيبتك تزعل وتخاف .. لانها لسا ماعرفتك كويس ممكن.. ومن حقها تغار كمان! الله يوفقكم ويصلح اموركم ..^^
|
اقتباس:
الله يجزاك خير اخاف اكلم خالتي تزعل ويقولون الغريبه (خطيبتي ) تحرض ولدنا علينا وللعلم أختي الكريمه ترا انا ذكرت المواقف الاخيره ولا هي ياكثر كلامها مشكوره على الدعوه |
خطيبتك هي السبب
دامها عارفه نواياهم كيف مستمره معهم ماتخاف على علاقتها معاك غريبه والله |
اتوقع الأخ يحتاج طرق تخلي زوجته تفضفض له وما تسكت وتخبي عنه
ما يسال اذا يواصل بنت خالته او لا |
اقتباس:
بس مو حل تقاطعهم لانهم اهلي وانا قلت لها تخفف التواصل معها ويبعدون عن الكلام عني بس بنت خالتي قاصدتها وتدور وراها وحتى توصل لها كلام انا اهم شي عندي خطيبتي ما ابيها تتعب نفسيا منهم لانها بتعبني معها مشكوره اختي |
اقتباس:
|
لاتحسبه شي سهل صراحتنا معكم
سالفة قولي كل اللي بخاطرك لاتخبين انا زوجك وحبيبك الخ والله ماتمشي لامعي ولامع خطيبتك اتوقع لاتتوقع انها ماتحبك او تبي تخبي عليك لا واالله بس شي مايريح اني اجي واقول كل اللي بخاطري بحكم انه زوجي وحبيبي خلها ع راحتها لاتضغط عليها والاتزعل عشان ماقالت لك بنت خالتك قول لامك تكلمها والا انت كلم ابوها اذا ماينفع الكلام معها وزوجتك لو صدقت مره ثانيه ازعل عليها وقول انتي وعدتيني ماتصدقينها بالتوفيق |
اقتباس:
بس انا اقصد لاتزعل وتتغير علاقتها من غير ما تقول لي اللي بخاطرها بس تبكي شككتني في نفسي |
الله يسامحكم لهذه الدرجة مشكلتي مستعصيه:(
ولا تافه ما تحتاج مساعده :19: |
خلاص هي وعدتك ماتصدق
معناته اذا صدقت وتغيرت عليك بسبب هالشي ازعل عليها زعله قويه لان بجد اشين شي ان الطرف الثاني يكون مستمع لاي كلام ينقال بيتعب ويتعبه معه |
اقتباس:
ان شاء الله ما تزعل الله لا يجيب الزعل |
خطيبتك من حقها تزعل وتغارر بالنسبه للفضفضة يمكن هي تستحي منك انت حاول تشجعها تفضفض لك اسالها دائما شو تحبين تقولين لي موفق يارب |
اقتباس:
ودعواتكم لي :11: |
اقتباس:
والله يا أخي لا أرى أن خطيبتك فقط هي التي تأثرت بكلام ابنة خالتك .. فحتى أمك تأثرت بكلامها وصدقته وطاحت فيك تهزئ! ما يبدو لي أنك غير مقدر تماماً لعواقب كثرة كلام ابنة خالتك وكذبها واختراعها قصة كل حين أمام خطيبتك .. وليس من العدل أن تغض الطرف عن سلوك ابنة خالتك وفي المقابل تطالب خطيبتك بالتفهم والفضفضة معك .. وليس من الإنصاف أن تسمح لابنة خالتك بالاستمرار في سلوكها دون أن تتخذ تجاهها موقفاً صارماً ثم تتوقع من خطيبتك أن تكون هادئة ولا تتعب نفسيتها أو تتغير معك .. فكثرة الدق تفج اللحام كما يقولون. نعم نحن نقول بشكل عام إن البنت لا يجب أن تعطي أذنها لكل كلمة .. ولكننا لا نتحدث عن موقف أو موقفين .. وعندما يكثر الكلام وتزيد المواقف ـ حسبما تقول ـ وكل شوي طالعين لها بقصة وخبر فهذا أمر آخر .. فحتى لو لم تصدق خطيبتك كلام ابنة خالتك عنك .. فإن كثرة الكلام بحد ذاتها مؤذية نفسياً وتستنزف الأعصاب. بعدين .. لماذا تريد من خطيبتك أن تأتي إليكِ وتفضفض وتخبرك عندما تتضايق من الكلام الذي تسمعه؟!! .. ما الهدف الذي تريده بالضبط؟! يعني كلمتك وقالت لك: والله اليوم بنت خالتك قالت عنك كذا وكذا .. وانت قلت لها: لا والله الكلام مب صحيح .. وبنت خالتي كذابة .. ولا تزعلين يا حياتي وحقج علي. واليوم الثاني قالت لك: والله بنت خالتك قالت انك كذا وكذا .. وانت قلت لها: حشا عليّ هالكلام كله كذب في كذب وانتي تعرفين انها غيرانة منج .. وهذه بوسة على راسج. واليوم الثالث قالت لك: والله بنت خالتك قالت ان فلان قال لي كذا وسوا لي كذا .. وانت قلت لها: ابد مب مضبوط وهالكلام كله خرط بس عشان تقهرج .. وانتي لازم تثبتين لها انج أكبر من خرطها. واليوم الرابع والخامس والسادس والعشرين والخمسين والمائة. طيب وبعدين؟!!!!!!!!! الحل هو أن توقف ابنة خالتك عند حدها .. فما تفعله عيب وقلة أدب .. وبصراحة خالتك ليس من حقها أن تزعل لأن ابنتها ـ بما تفعله ـ قد تخرب بيتك في يوم من الأيام .. والأولى أن تربي ابنتها وتمنعها مما تفعل. |
اقتباس:
كنت ناوي اسوي مشكله أوصلها لخالتي وزوجها لكن خطيبتي حلفت علي وانا سكتت وانا مقهور في نفسي حتى قررت ما ازور خالتي برغم اني احب عيالها لكن بنتهم تشوه سمعتي قدام أحبابي لكن وعد بعد الكلام اللي قلتيه اختي مهره ان اذا كررت ذا الشي اتفاهم معهم واوقف بنتهم عند حدها وبالنسبه للفضفضه انا احب خطيبتي وما اريد اخسرها , فاخاف شي في خاطرها عني مو زين وساكته وبعدين بتنفجر فجاءه عشان كذا ودي تصارحني الله يجزاك الجنة ريحني كلامك ووضح لي أمور كثير حسيت اني قاسي على خطيبتي |
لا حرام مو مسأله مافي ثقه
اكيد اي احد يدخل ف رأسك كلام زي هذا راح تصدقه و كفو على خطيبتك انها خبرتك على الكلام اللي بيصير من وراك بالتوفييييق للجميع |
اقتباس:
|
حِل مشكلتك مع بنت خالتك
وكثرة كلامها مع خطيبتك بتزين امورك .. طبعا ممكن تخبر خالتك وتكلمها عن بنتها لانه الامور بتزيد مع الايام ويا عالم بعدها ... فاقطع عليها الطريق من البداية .. لصالحك انت وخطيبتك .. ممكن اليوم هالامور خطيبتك بتمشيها لكن بعد الزواج الحل راح يختلف .. ف ريح راسك احسن لك رأي مهرة عجبني واتفق معها.. واذا عالمصارحة ..معها بشكل عام .. انت صارحها بما تحب وهي راح تصير تتطبع مثلك وباسلوب جميل منك ودعوة منك اطلب منها ان تكونو مع بعض كتاب مفتوح في اموركم الي تخصكم وتفيدكم .. |
اقتباس:
|
بنت خالتك شكلها مقهورة منك عشان كذا تبي تخرب بينك وبين زوجتك
لازم توقفها عند حدها وتعلم اهلها عشان مصلحتك وعشان تمشي حيتك تمام مع خطيبتك والله عيب عليها اللي تسويه وانت لين متى بتسكت عنها وهي تتكلم وتشوه سمعتك عند اقرب الناس لك خطيبتك بتزعل وبتتاثر نفسيتها من كثر الكلام عندي سؤال انت لسا خاطب ماتزوجت شلون خطيبتك دايم تحضر اجتماعاتكم مع اقاربكم؟؟؟؟؟ والا هي تقربلكم والا كيف يعني؟ المهم الله يوفقكم ويبعد عنكم كيد العذال |
اقتباس:
خطيبتي تقرب لي من بعيد وجارة خالتي |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©