|
متضايقه ..حابه افضفض..
السلامـ عليكمـ ورحمه الله وبركأأته...
صبآآاح الخ ـير ... اول شي حابه اأأبشركمـ..اني ولله الحمد توظفت ..بس انتظرأأتصال عشان أأباششر...عقبال للجميع... ثاني ششي .. ابي افضفض بششي كان مضايقني من فترهـ...هو الحمدالله الحين رآآح..بس مدري ليش لسى الموقف بنفسي.. راح ادخل ع طول...بس قبل كل شي ..انا حابه افضفض بس...يعني لحد يقولي ماعليكـ من كلامـ الناس والناس همهمـ القيل والقال..انا عارفه كل هالشي بس ...البنت الي جرحتني بكلامها هي تصير قريبه طليقي وبيوم من الايام دخلتها بيتي سابقا وسويت لها عشاء وعرفت من انا وش الي بداخلي...عشان كذا مو متصورهـ ان الجرح يجي منها....المهمـ........؟؟؟ قبل فترهـ جاني كلامـ منها .. ع فكرهـ هي الحين صارت صديقه زوجه طليقي... تكلمت عني بمجلس ..وعارفه ان في ناس راح يوصلون لي الكلامـ..ومع ذالكـ مافكرت فيني..وبمشاعري الكلام الي قالته ..اني ارفض كل الي يتقدمون لي عشان عندي امل ان طليقي يرجعني...وان ارقام طليقي لسى مامسحتها من جوالي ..وان زوجته الجديدهـ افضل واجمل مني ...والافضل اني اتزوج لان طليقي مو مرجعني.. هذا المختصررر بس ..لان في كلامـ اخر مو مهم مثل اهميته هذا... يآآعالمـ ياناس ...لو انا ابي اتزوج كان تزوجت من اول ماخلصت العدهـ...من اول خطيب تقدم لي ....بس انا سبق وفشلت بتجربه...مابي افشل مرهـ ثانيه ...بأمكاني اسوي مثله...ع طول من طلق ملكـ..وبعد شهر تزوج ...انا مابي كذا ابي شخص يكون مناسب لي .. ثاني ششي ..بخصوص ارقامه بجوالي ..سسسسسسلامات...هو الحين رجال غريب عني...حرامـ علي ما امسح ارقامه...انا فعلا رقمي مخزن بأسمه ..بس ماقدرت اغيره لان كل دراستي واوراق توظيفي ع الرقم هذا...قلت بس اخلص شغلي ع طول اغير الرقمـ..بس ليش كذا تكلمت بفهمـ... ثالث شي...ان زوجته الجديده اجمل مني وافضل مني ...ششي طبيعي او واحد مطلق يبي يتزوج وحده تفوق الاولى ...بككل شي ... الششي الرابع الي لحد الحين احس بجرحه بداخلي ....تقول قولو لها تتزوج ترا مو مرجعها..ليش انا تكلمت اني برجع ..وضحت لحد ...باين علي ان نفسيتي تعبانه..؟؟ بالعكسس ...من تطلقت الله كتب لي الرزق ورى بعض ...كملت دراستي بجد وبأجتهاد ومن غير توقف..نجحت باختبار صعب ..ع طول بعده توظفت...الراحه النفسيه بانت علي...شكلي وزني الزايد..افضل من اول بكثير...حتى الي يتقدمون لي كثير,,,اغلبهم من معارفنا.. بعرف شي واحد ...ايش الشي الي خلاها تتكلم كذا عني...والحين بالذات؟؟؟؟ والقهر انها عاارفتني كويس ... الحين ابي اسستشريكمـ...اذا شفتها شلون بقابلها ...خاصه ان امي ماسكتت ع الموضوع..اتصلت فيها وصار جدال بينهمـ... احس الموقف صعب ..وخاصه اني ماعمري كشرت بوجهه احد حتى ولو كان جارحني لان مو من عادتي هالشي...؟؟؟ أأنتظركمـ............. |
صباح النور سعيده لأني أول وحده برد عليك ان شاء لله ارتحتي بعد الفضفضه مبررررررررررررررروك على الوظيفة بالنسبه لهذه السالفه صحيح انها تقهر بس ياما بتسمعي كلام مافيه أحد مرتاح من الناس وكلامهم لا تكونين حساسه هي تحسب انها تدور مصلحتك وتشجعك على الزواج:14: واذا شفتيها سلمي عليها وبس لا تكلمينهاااا كثير عشان ما تنقل كلام ثاني:25: موفقه يارب |
أقتـدي بسنة الرسول صلى الله عليـه وسلم ..
رد الأســــاءه بالحسنــه .. ويارب من تقـدم لتقـدم في حياتك .. |
اقتباس:
ربي يباررركـ فيكـ...ياقلبي ...عقبالكـ .. بس الي يدور ع ملصحه الثاني يجرح...؟؟ السلامـ راح اسلمـ اكيد ...بس انا شخصيتي مرحه ..الخوف منها هي بعد الي صار بينها وبين امي.. شكرا لكـ وشرفتيني بصفحتي بما انك اول من رد... |
اقتباس:
تسسسسسسسلمين ياقلبي ...أن شاء الله راح اقتدي بكلامـ الرسوال ..الف الصلاه والسلام عليه... مششكوره حبيبتي ع الرد.. |
حبيبتي..
الحمد لله على كل حــآل الخيره فيما اختاره لنا الله .. واحنا رح يكون عندنا رضا بما قسسسمه الله لنا واذا شفتيها قابليها عادي ولا كانك سمعتي شي لان الموضوع بطليقك ماصار يهمك انتي مو بحاجة انك تبرري لاحد وربي يوفقك |
الف مبروك الوظيفة الله يبارك لك فيها ويوفيقك
بالنسبة لكلام هذه السيدة طبقي عليها قوله تعالى (واذا خاطبك الجاهلون فقل سلاما) ما اجمل تناسي من اساء الينا واذا قابلتها سلمي عليها وابتعدي عنها في مكان آخر ولاتجيبي لها اي سيرة تأكدي سوف تنحرج لخلقك الرفيع |
الف مبروووك الوظيفه
ماشاء الله كل شي بحياتك صار احلى واجمل دايم بعد الطلاق كثير تطيح اقنعتهم وينكشفون على حقيقتهم امثال هالانسانه الله يهديها عادي ترا هالسوالف عاديه جداً وكل ماتطلقت وحده طلعوا عنها نفس السيناريو بس بيجيهم يوم لاتردين وطنشي وعيشي حياتك وانبسطي وذا فيه واحد مناسب من اللي يخطبونك توكلي الله واقبلي فيه وبشرينا |
مباااااارك أختي الوظيفة وأسأل الله يزيد رزقا أكثر بالنسبة لتلك الفتاة صحيح أن الموضوع يقهر خاصة أنك كنت على علاقة طيبة وأدخلتيها منزلك سابقا لكن أحمدي الله أن كشف لك وجهها الثاني وغيرتها ولا تلتفتي إلى كلامها لأنه سيعود إليها كل حرف نطقت به عنكِ كما تدين تدان ويكفي أن والوالدة حفظها الله أخذت لك حقك منها كرري حسبي الله ونعم الوكيل وإذا رأيتها في زيارة أو أي مكان تعاملي بشكل رسمي سلام وفقط الله يجبر بقلبك وخاطرك ويرزقك من حيث تحتسبين ولا تحتسبين ويعوضك بالزوج الصالح التقي مخموم القلب عاجلا غير آجل أطلعي على الرابط التالي للشيخ عائض القرني ( كيف تواجه النقد الآثم ) من شريطه لا تحزن http://audio.islamweb.net/audio/inde...&audioid=21925 أسعد الله قلبك وأنار دربك ورضي عنكِ وأرضاكِ |
اقتباس:
|
اقتباس:
ربي يباررركـ فيكـ ياقلبي ....ان افكر كذا اسوي..اسلمـ عليها ..وابتعد عنها... بس الخوف انها هي ماترد السلامـ علي..... مشكوره روحي.... |
اقتباس:
الله يخليكـ ياقلبي ..وبالنسبه الي يخطبوني...اغلب الي من معارفنا متزوجين..وزوجاتهمـ تربطني فيهم علاقات حلوه...يازيني ونا ماخذه زوج وحده فيهمـ.. الف شكر لكـ... |
اقتباس:
هلا وغلا فيكـ...ربي يباركـ بعمركـ... المشششكله انها مطلقه ..ماقعدت في زواجها اكثر من ثلاث شهور.وعارفه وشلون يعني مطلقه..ومع ذالكـ مافكرت ان ربي بيوم من الايامـ يجازيها اكثر من الي شافته... كلما اتذكر الموضوع..واتذكر وشلون حسن نيتي معاها سابقا..اقول حسسبي الله ونعم الوكيل... ربي يخليكـ ياقللبي... |
اولا : الله يوفقك بالوظيفه وجعلها خير وسعادة عليك
ثانيا: هي آية وحدة من تمعنت في معناها والله ماعاد يهمني كلام الناس أبد ، وحطيها على بالك زين ، قال تعالى: "أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِّيَتَّخِذَ بَعْضُهُم بَعْضًا سُخْرِيًّا ۗ وَرَحْمَتُ رَبِّكَ خَيْرٌ مِّمَّا يَجْمَعُونَ ﴿٣٢﴾" رحمة ربك خير مما يجمعون انا وانتي وكل المطلقات تحت رحمة رب العالمين والحمدلله اللي أمرنا بيديه سبحانه. |
| الساعة الآن 02:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©