|
كيف اتعامل مع غيرة ام زوجي ؟
السلام عليكم ورحمة الله وبركاته
مضى على زواجي 8 شهور وانا صغيره عمري 19 وزوجي 22 عايشه مع اهل زوجي الحمدالله انا مرتاحه معه بس مضايقني بقوانينه يعني تخيلو مجمع بشرى النسائي مننووووووووع بنات خلاتي صديقاتي نتجمتع وهو لا مافيه ماعندنا بنات يطلعون لاسواق قلت اوكيه مشيتها وإذا ابي اطلع للمول وهو مايقدر يدويني يخليني اروح مع امه وانا مابيها صح احبها اعتبرها بمكانة امي وهي بعد ماتقصر معي بس ولو فيه خصوصياتي ابي اخذ الي ابيه وإذا بروح لبيت جددتي يقولي شوفي امك بتجي ولالا إذا ماجت لاتروحين يعني ايش بياكلوني!!!! ومره كان مسافر قلت له بروح مع امي المشغل قالي تشاوري انتي وامي انا مشغول خييرررر شي يقهر ليه لازم اطلب راي امه بكل شي ومره قلت له بغيب مابي اروح للمدرسة قالي استأذني من امي قلتله خلاص اجل بروح وصرخ بوجهي روحي قوليلها إذا بتسمحلك ولالا === وممنوع عنده انام برا البيت يمنع بقوه كم مره سافر يقولي لاتطلعين من البيت لاعزايم ولاشي اجلسي مع امي !!! انت الي مفروض تجلس معها مو انا طيب انا ابي حريتي ابي انام عند اهلي والله حرام عليه اخذني وانا صغيره ابي انام عند امي ابي طلع لمشاويري الحالي لامعك ولا ومع خالتي ولازم اي شي يصير يقولي شوفي راي امي مره قلتله ابي اطلع معك المطعم قالي شوفي امي بتجي ولا مو لازم نطلع رحت اقولها رفضت مره وهي كانت معنا جالسه ورحت احاول مع زوجي وقالت خالتي انتي انانيه !! انانيه على ايش ابي اطلع مع زوجي ابي انبسط معه |
اعتذرلكم ردي حوسه ^^"
|
انا حاسة فيك وعارفة انو نفسك تشعري بخصوصياتك
في شغلات كتير الواحد بيستحي يسويها او يشتريها ومعه شخص تاني مش متعود عليه او بيكون فارق العمر بينهم كبير وشي طبيعي الي بتحبيه انتي بتعتبره حماتك قلة عقل او ماله لزوم الله يعينك وواضح زوجك ما بينفع معاه النقاش بهالموضوع من ردات فعله بالاضافة انو حماتك مبين انها بتغار والدليل انها حكتلك انتي أنانية عشان فكرتي تطلعي انتي وزوجك طيب هو ابنها الوحيد معكم في البيت؟ |
الله يعينك
أصبري قليلا وابحثي عن حلول دبلماسية |
ايه ابنها الوحيد
|
اذا غيرة حماتك طبيعية
واصرار زوجك انك تاخدي رأي والدته بكل شي فهاد دليل انو متعلق فيها جداً ماعليكِ إلا الصبر وطيعيه وما تناقشي بكل شي مع الايام بخف والله يصبرك |
اش رايك تروحي انتي تطلبي مشورة حماتك وبكدا تكوني قصرتي الطريق على زوجك وتكسبيها لصفك واليد الي ما نقدر نقطعها نبوسها حبيبتي
وزوجك لما يشوفك هيك مع امه رح يعطيكي الثقة اللازمة و رح يوقف جنبك وتكبري بعينه. |
صدقيني تحتاج صبري
اقرائي قي النت عن طرق معاملة الحماة اذا خسرتي حماتك بتخسرين زوجك لانه وحيدها الله يصبرك وانتي باقي عررروس .. تحملي |
بس انا لاحظتها بشي
زوجي بس حدد يوم واحد بلاسبوع اروح لاهلي وإذا جيت ابروح ماتبيني تقولي اجلسي مو قبل تروحيلهم قلتها حرام عليك كلها يوم واحد بلاسبوع تقول عادي انا شوفيني لي شهر مارحت لاخواتي يعني تبيني اكون مثلها لاا والف لا غريبه ماتحس اني مشتاقه لاهلي مره كانت تبيني بيوم اهلي قلتها اوكيه بس خليه اليوم الي بعده لاني ابروح لاهلي تقول انتي ماتضحين بوقتك لنا @@! وتقول قبل تشوفينهم مو لازم |
وإذا طلعنا تقلقنا بأتصلاتها وينكم تأخرتو اقولها مادري عنه اتصلي عليه تقول لا انتي اتصلي !!!
شي يقهر احيانا الله لايعاقبني اسفه اتصلاتها وبعدين يوجعني قلبي وارجع اتصلي عليها ونفس الاسطوانه تعيدها وما نطلع انا وزوجي نتمشى ونتعشى وإذا رجعت للبيت وصرت الحالي من دون رجلي تسألني وين تعشيتو ؟ اقولها بطمعم تقولي داريه انو مطعم بس اي مطعم ؟ "ياختي افهمي مابي اقولك اي مطعم مو لازم تعرفين كل شي بينا" |
صبر ايوب على حماتك
جد الله يعينك ... حماتك غيورة جدا والسبب لانه ابنها الوحيد طولي بالك ... لي عودة لموضوعك |
دايما الغيره الشديدة والمذمومة تكون في اول سنتين من الزواج ومع الوقت وترسخ الثقة في الزوجة وانجاب الاطفال تقل ويبقى الغيره المحمودة
زوجك وامك متعلقان ببعضهما جداا و يريدك ان تعاملي امة كانك ابنتها بالظبط تستاذني منها في كل صغيرة وكبيرة ولاتخرجي الا معها او تتركيها لوحدها في المنزل وهو مسافر طبعا هو لايعرف بنات خالاتك او من هم عند جدتك او من هم في المشغل اوالسوق وخوفا عليكي وكي يطمئن وحمايه لك لايريدك الا ان تخرجي مع امه او امك واظن انه يعتبرك صغيرة على الخروج وحدك ..حاوريه في وقت مناسب ليس عند عودته من العمل او عند نومه او في السيارة حاوريه في وقت يكون هادئا فيه وتشعري انه ممكن يستمع لك وهو رايق افتحي معه موضوع واحد فقط في كل حوار.. لا تخطئيه ابدا اثناء الحوار لكي يتقبل ما تقولين اعلمي اسبابه في منعك الذهاب لوحدك لكي تقنعيه برايك بطريقة هادئه وفيها الكثير من المدح وحتى ان رفض رايك اشكريه على حسن الاستماع لكي تحببيه في الحوار معك ... ممكن امك تطلب من زوجك ان يحضرك اليهم لتنامي عندهم او لحضور مناسبة لانه سيشعر بالاحراج ولن يرفض واجعليها تكررها كل فترة لاتجعلي زوجك يشعر بانك متضايقة من الاستئذان من امه والافضل ان تبادري انت بدون طلبه مثل ما قالت الاخت قبلي تاكدي انه مع مرور السنوات وانجاب الاطفال سيتغير كثيرا وعليك بالصبر والاستغفار |
ماني شايفة إنه حماتك ( سيئة ) ..
شايفتها عفوية و طيبة و تحب تكون معاكم بالصورة و مافيها شي تحسسيها بإنها مثل أمك لا تكوني كذا صح هناك حموات ينكدوا على الوحدة و يسببوا لها مشاكل لكن حماتك ما ضرتك و لا عملت لك شي باين إنها تشعر بالوحدة ، و ابنها نفسه إنه زوجته تعامل أمه كأنها أمها |
حاولي تعطيها جوها..
لا تخلينها هي اللي تجلس تسألك وانتي تجاوبي انتي بادري واعطيها التفاصيل المملة للشي اللي تبينه انتي مو هي..!! مع ضحك ووناسة وكأنك فرحانة انك تقولين لها هالشي وشوي شوي بتثق فيك وتثق انك بتقولين لها كل شي انتي عاد هدي الموضوع بالتدريج لازم تكسبينها بصفك... خلك ذكية |
اقتباس:
انضغط من اي موضوع فيه حماة تتدخل .. بالنسبه لحلك اخي مشكلتي زوجتي هو دبلوماسي شوي.. لكنه مؤقت .. طيب في امور تحب الوحدة تخليها خصوصيه مثلا مو كل الناس تحب تحكي عن الي في بالها زي ماقالت الاخت عطر بارد .. ((مو كل شيء لازم تعرفه بينا .. )) الامر راجع لطبيعه عطر بارد .. اذا في مجال تأقلم نفسها .. |
اقتباس:
يا أختي مثلا لما سألتك أي مطعم رحتوا (كمثال),,قولي لها عادي ليه تخبي ؟ وش راح يقدم أو يأخر لما هي تعرف هو مو شيء خاص ,,ولا راح تعيش الجو اللي عشتوه حتى لما تتصل ,,اتأخرتوا ,,تعذري لها ,,اي والله اتأخرنا أقلقناك معانا ياعمة ياقلبي واالخ اعطيها من حلاوة اللسان بتحبك أكثر من ولدها |
خلاص سوي زي مايبي وريحي راسك
زوجك صغير ومسوي شخصيه عليك بكرا يكبر ويعقل |
اقتباس:
و زيادة على كذا ليش ما تاخذوها مرة معكم ؟!! زوجك صغير و امه متعلقه فيه ، بكره الوضع يتغير .. |
أحسنـــي التصـرف معهـا ..
فأن الله لايضيـع أجـر من أحسن عمـلا حـاولي قدر المستطـاع كسب ودَهـا ..ومن ثمَ كسب محبتهـا .. وهـذا من هدي كتاب الله لقوله (( ويدرؤن بالحسنه السيئه أولئك لهـم عقبى الـدار )) بينـي لزوجك المعاني الصادقه النابعه من قلبك لحبك لوالدته .. وبـذلك سيزيد أحترامه لكي .. أن طلب منك مشاورة والدته قولي على عيني وراسي .. وروحـي شاوريها مثل ماتشـاورين أمك ..بمشاعر البنت الباره لها .. صـدقيني اذا شافتك كذا بتحبـك أكثر وأكثر .. نعـم الغيـره أحياناً تزداد اذا كـان هو وحيـدها .. لكـن أنتي أغـدقي عليهـا بالرفـق والليـن والصبــر .. لقـول النبي صلى الله عليـه وسلم فيمـا معناه .. (( مادخـل الرفق في شئ ألا زانــــه ومادخل التشدد في شئ ألا شــااانه )) وبيـن فتـره وفتـره قدمي لها هدايا ..تناسب عمرها أسـأليها وش ودها فيه وفاجأيها فيه بهـديه .. وأنتي عـاد وحكمتـك في حياتك .. بيـدك تخلينهـا جنَــه ..وبيدك تكون نار .. الله سبحـانه وتعالى أكرمنـا بالعقـل .. لحسـن التصرف والتـدبير .. |
قالوا قديما ( ... ابعد تحلا ...)
والعلاقة بين اهل الزوج وزوجة الابن معروفة قديما علاقة قائمة على العداء والمداقرة وانت محكوم لمرتك ، واذا كنت زلمة ليش ما تمون على مرتك وانا ارى ان الامور لا تهدئ الا بالرحيل عن الاهل وبانحاب الاطفال لانهم بمثابة الوتد الذي يثبت الزوجة عند الاهل ، والاولاد هم الورقة الضاغطة على اهل الزوج للرضوخ وعدم ازعاج الزوجة ، الا اذا كانت العائلة غنية قادرة على احضار خادمات لترعى الاطفال والاستغناء عن الكنه( زوجة الابن ) |
انا من النوع الي مابي احد يعرف عني شي وبنفس الوقت اخاف اذا قلتها رحنا كذا وسوينا يضيق صدرها
ومره كان زوجي طالع وخالتي طلعت بعده وهي جت للبيت قبله واتصل علي قال معك احد ولالا قلت ايه معي خالتي ( بيطمئن اني مو الحالي) تجي هي تقولي صار ولدي يسألنك عنك اذا كنتي جالسه بروحك وانا مايسئل عني ولاشي !!!!!!!!!!!!!!!! انا من جد ضاق صدري ماودي اكلم رجلي وانا عندها وشينه اذا اتصل اطلع من الغرفه بتشيل بخاطرها علي بتقول ماتبيني اسمع |
زوجك مشخص عليك
قوي شخصيتك شوي ياعمري |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©